انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 8 - ايدىڭ 20 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز 8 - ايدىڭ 20 - كۇنى ۇرىمجىدە ءىسلام سەلبەستىك ۇيىمى ۋاكىلدەر ۇيىرمەسىندەگىلەرمەن كەزدەستى.
ما شيڭرۇي اۆتونوميالى رايوندىق پارتكوم مەن ۇكىمەت اتىنان ۋاكىلدەر ۇيىرمەسىندەگىلەردىڭ شينجياڭعا ەكسكۋرسيالاي، ساپارلاي كەلگەندىگىن قارسى الدى ءارى ءىسلام سەلبەستىك ۇيىمىنداعى قاتىستى ۋاكىلدەردىڭ جۇڭگونىڭ ءىسلام ەلدەرىمەن دوستىق قارىم - قاتىناسىن بەكەمدەۋ، دامىتۋ، ءىسلام دۇنيەسىنىڭ جۇڭگونىڭ شينجياڭىن دۇرىس، وبيەكتيۆ تانۋىن ارتتىرۋ ءۇشىن ىستەگەن قىزمەتتەرىن بارىنشا القادى. ول مىنالاردى ءبىلدىردى: جۇڭگونىڭ ءىسلام دۇنيەسىمەن قارىم - قاتىناسى ارىدان باستاۋ العان، ءىسلام سەلبەستىك ۇيىمىمەن دوستىق بارىس - كەلىستى باستان - اياق ساقتاۋى جاڭاشا حالىقارالىق قارىم - قاتىناستى امالياتتا ايگىلەۋدىڭ تيپتىك ۇلگىسىنە اينالدى. تاياۋ جىلداردان بەرى امەريكا سياقتى باتىس ەلدەرىندەگى جۇڭگوعا قارسى كۇشتەر جۇڭگو شينجياڭىنىڭ ادامدىق ۇقىقتى قامتاماسىز ەتۋى سياقتى جاقتاردا ۇزدىكسىز وسەك - اياڭ، ساندىراق تاراتىپ، وزدەرىنىڭ ”شينجياڭ ارقىلى جۇڭگونى شاۋجايلاۋ“ قاسكۇنەمدىگىن ىلگەرىلەتۋگە ۇرىندى. ءىسلام سەلبەستىك ۇيىمى مەن ءىسلام دۇنيەسىندەگى قالىڭ ادىلەتشىل قايراتكەرلەر باستان - اياق وبيەكتيۆ تۇرعى ۇستانىپ، جۇڭگونىڭ شينجياڭى ءۇشىن ادىلدىگىن ايتتى، ءبىز بۇعان العىس ايتامىز. شينجياڭعا ساياتىن ماسەلەلەردىڭ ماندىك سيپاتى − زورلىقتى كۇش لاڭكەستىگىنە قارسى تۇرۋ، ۇشقارىلىقتى الاستاۋ، بولشەكتەۋشىلىككە قارسى تۇرۋ ماسەلەسى. شينجياڭنىڭ قوعام جاراسىمدى، ورنىقتى بولعان، دامۋ ءۇرتىس جاقسارعان، حالىق تىنىش ءومىر، شات - شادىمان تىرشىلىك كەشىرگەن اسا تاماشا جاعدايى جات نيەتتەگىلەردىڭ بۇرمالاۋى مەن كۇيە جاعۋى سەبەپتى وزگەرمەيدى. ءبىزدىڭ شينجياڭدى زاڭمەن باسقارۋدى جاپپاي تەرەڭدەتىپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن تىڭعىلىقتى ىلگەرىلەتىپ، ۇلتتار ىنتىماعىن ۇزدىكسىز بەكەمدەپ، دامىتىپ، ءدىني سەنىم ەركىندىگىن تولىق قامتاماسىز ەتىپ، حالىقتى وزەك ەتە وتىرىپ ەكونوميكانىڭ، قوعامنىڭ جوعارى ساپالى دامۋىن ىلگەرىلەتىپ، ءار ۇلت مادەنيەتىن كۇش سالا قورعاپ جانە جالعاستىرىپ، حالىقتىڭ كەڭ كولەمدى دە جان - جاقتىلى، شىنايى دا ناقتى، ءونىمدى دە جارامدى ادامدىق ۇقىقتان زاڭ بويىنشا يگىلىكتەنۋىنە شىنايى كەپىلدىك ەتۋىمىز ءار ۇلت بۇقاراسىن اناعۇرلىم باقىتتى، تاماشا تۇرمىسقا كەنەلدىرۋ ءۇشىن جاسالعان قۇلشىنىس بولىپ تابىلادى. ءارقايسى ۋاكىلدەر وسى رەتكى ساپارىندا شينجياڭنىڭ ءىشىنارا وڭىرلەرىن ارالادى، شينجياڭنىڭ ءىس جۇزىندىك جاعدايى جونىندە اناعۇرلىم تەرەڭ تانىم مەن تۇسىنىككە يە بولعاندىعى ءسوزسىز، كوپشىلىكتىڭ وزدەرىنىڭ كورگەن - بىلگەندەرى ارقىلى حالىقارالىق قوعامنىڭ جانە ءىسلام دۇنيەسىنىڭ شىنايى شينجياڭدى اناعۇرلىم جان - جاقتىلى، وبيەكتيۆ تۇسىنۋىنە مۇمكىندىك جاساۋىن ءۇمىت ەتەمىن، كوپشىلىكتىڭ شينجياڭعا ۇنەمى كەلىپ اۋىس - كۇيىس جاساۋىن، ساپاردا بولۋىن شىن پەيىلمەن قارسى الامىز.
ۋاكىلدەر ۇيىرمەسىنىڭ باستىعى، جيبۋتيدىڭ ءىسلام سەلبەستىك ۇيىمىنداعى تۇراقتى ۋاكىلى ديادين جۇڭگو شينجياڭىنىڭ ىقىلاسپەن كۇتىپ العاندىعىنا جانە جان - جاقتىلى ورنالاستىرۋ جاساعاندىعىنا العىس ايتتى. ول مىنالاردى ءبىلدىردى: جۇڭگو جانە ءىسلام ەلدەرى تۇگەلدەي بايىرعى وركەنيەتكە يە، ءوزارا اۋىس - كۇيىستى، سەلبەستىكتى ءۇرتىس تەرەڭدەتۋ ەكى جاق حالقىن اناعۇرلىم ويداعىداي باقىتقا كەنەلتۋگە پايدالى. قاشقار ايماعى، قىزىلسۋ قىرعىز اۆتونوميالى وبلىسى سياقتى جەرلەردە ەكسكۋرسيادا، ساپاردا بولۋ ارقىلى جۇڭگو شينجياڭىنىڭ تاماشا ساياساتپەن شەبەر باسقارۋىندا گۇلدەنگەندىگىن، دامىعاندىعىن كوردىك. جۇڭگو مەن ءىسلام سەلبەستىك ۇيىمىنىڭ سەلبەسۋ بولاشاعى جارقىن، بەلسەندى رول اتقارىپ، ەكى جاقتىڭ دوستىق سەلبەستىگىنىڭ ءۇرتىس العا قاراي دامۋىن ىلگەرىلەتۋدى قالايمىن.
ءىسلام سەلبەستىك ۇيىمى حاتشىلار باسقارماسىنىڭ ۋاكىلى، ساۋد ارابياسى، گامبيا، ماۋريتانيا، پاكيستان ۋاكىلدەرى ءسوز سويلەپ، مىنالاردى ءبىلدىردى: جۇڭگو مەن ءىسلام سەلبەستىك ۇيىمى دۇنيە جۇزىنە بەيبىت قاتار تۇرۋدىڭ، اۋىس - كۇيىس جاساپ، سەلبەسۋدىڭ ۇلگىسىن ازىرلەدى. جۇڭگو شينجياڭىنىڭ زورلىقتى كۇش لاڭكەستىگىنە سوققى بەرۋى حالىقتى بۇلىك پەن ۇرەيدەن قۇتىلدىرىپ، تىنىش، باقىتتى تۇرمىسقا كەنەلتتى. وسى رەتكى ساپارىمىزدا شينجياڭنىڭ اشىق، سيىسىمدى ەكەندىگىن جانە ءار ۇلت حالقىنىڭ جۇزدەرىنەن كۇلكى ەسكەندىگىن كورىپ، ولاردىڭ شىن جۇرەكتەن كوڭىلدى ەكەندىگىن سەزىندىك، شينجياڭ جونىندەگى تانىمىمىز اناعۇرلىم ايقىن بولدى جانە بايىدى. كەدەيلىك − ۇشقارىلىقتىڭ تۋىلۋ توپىراعى، جۇڭگو شينجياڭىنىڭ كەدەيلىكتى قۇلشىنا جويۋ، حالىقتىڭ دامۋدى جۇزەگە اسىرۋىنا كومەكتەسۋ تاجىريبەسى ۇلگى الۋعا تاتيدى. ءىسلام ءدىنى بەيبىتشىلىكتى قىزۋ ءسۇيۋ، ورتا جولعا تاباندى بولۋ ۇستانىمىن اسقاقتاتۋى كەرەك. ناقتى ساپاردا بولۋ قاتە تۇسىنىكتەن ارىلۋعا پايدالى، جۇڭگومەن اناعۇرلىم تەرەڭ مادەنيەت اۋىس - كۇيىسىن ورىستەتىپ، ءوزارا ءتۇسىنىسۋ مەن سەلبەستىكتى ارتتىرۋدى ءۇمىت ەتەمىز.
چىن ۋيجۇن، ەلزات احمەتجان، ابدۇرازاق تۇمۇرنياز، سىرتقى ىستەر مينيسترلىگىندەگى قاتىستى جولداستار، ءىسلام سەلبەستىك ۇيىمى ۋاكىلدەر ۇيىرمەسىنىڭ مۇشەلەرى، اۆتونوميالى رايوننىڭ قاتىستى تاراۋلارىنداعى جاۋاپتى جولداستار كەزدەسۋگە قاتىناستى.
