شينحۋا اگەنتتىگىنىڭ 8 - ايدىڭ 20 - كۇنى يوحاننەسبۋرگتەن بەرگەن حابارى (ءتىلشى شيە جياڭ). جۇڭگونىڭ مەملەكەت ءتوراعاسى شي جينپيڭنىڭ بريكس ەلدەرى باسشىلارىنىڭ 15 - رەتكى ديدارلاسۋىنا قاتىناسۋ ءارى وڭتۇستىك افريكادا مەملەكەتتىك ساپاردا بولۋ قارساڭىندا، ورتالىق راديو - تەلەۆيزيا باس ستانسياسى جاساعان «كوكەيگە قونىمدى ”سوزدەر“ − شي جينپيڭ ۇناتاتىن قاناتتى سوزدەر» ەكىنشى بولىگىنىڭ اعىلشىن ءتىلى، فرانسۋز ءتىلى، اراب ءتىلى، حاۋسا ءتىلى، سۋاحيلي ءتىلى سياقتى كوپتەگەن تىلدەردەگى نۇسقاسىن تاراتۋ سالتى 8 - ايدىڭ 20 - كۇنى يوحاننەسبۋرگتە وتكىزىلدى. باعدارلاما بۇگىننەن باستاپ افريكاداعى 38 ەلدىڭ نەگىزگى مەديالارىنان ورىن الىپ تاراتىلادى.
وڭتۇستىك افريكا افريكالىقتار حالىقتىق كەڭەسىنىڭ ورىنباسار ءتوراعاسى، وڭتۇستىك افريكانىڭ ورىنباسار زۇڭتۇڭى ماشاتيلە، وڭتۇستىك افريكا حالىقتىق پارلامەنتىنىڭ ورىنباسار پارلامەنت باستىعى زەنولي جەكە - جەكە جازباشا جانە بەينە ەكران فورماسىندا ارناۋ ءسوز سويلەپ، «كوكەيگە قونىمدى ”سوزدەر“ − شي جينپيڭ ۇناتاتىن قاناتتى سوزدەردىڭ» ەكىنشى بولىگىنىڭ افريكادا تاراتىلعاندىعىن قۇتتىقتاپ، ءبىر اۋىزدان باعدارلامانىڭ تاراتىلۋىنىڭ افريكاداعى ەلدەردىڭ ءتوراعا شي جينپيڭنىڭ ەل باسقارۋ پاراساتىن اڭداۋ، جاڭا داۋىردەگى جۇڭگونىڭ وزگەرىس سەبەپتەرىن ءبىلۋ جونىنەن ماڭىزدى رولى بار دەپ قارادى. جۇڭگو كوممۋنيستىك پارتياسى ورتالىق كوميتەتى ۇگىت ءبولىمىنىڭ ورىنباسار باستىعى، ورتالىق راديو - تەلەۆيزيا باس ستانسياسىنىڭ باستىعى شىن حايشيۇڭ، وڭتۇستىك افريكا زۇڭتۇڭ مەكەمەسى ايەلدەر، جاستار جانە مۇگەدەكتەر مينيسترلىگىنىڭ مينيسترى دلاميني - زۋما، جۇڭگونىڭ وڭتۇستىك افريكادا تۇراتىن باس ەلشىسى چىن شياۋدۇڭ، افريكالىقتار حالىقتىق كەڭەسىنىڭ الەۋمەتتىك قارىم - قاتىناس ءتوراعاسى حوزا، افريكا راديو بىرلەستىگىنىڭ باس اتقارۋشى ءمانساپتىسى جاكا، وڭتۇستىك افريكا بريكس ەلدەرى ىستەرىن سايكەستىرۋشىسى سوكلال، جۇڭگونىڭ يوحاننەسبۋرگتەگى باس كونسۋلى تاڭ جۇڭدۇڭ، وڭتۇستىك افريكا راديو سەرىكتەستىگىنىڭ باس جۇرگىزۋشى ءمانساپتىسى پراجەس قاتارلىلار قيمىلعا قاتىناستى.
«كوكەيگە قونىمدى ”سوزدەر“ − شي جينپيڭ ۇناتاتىن قاناتتى سوزدەر» ەكىنشى بولىگىندە ءتوراعا شي جينپيڭنىڭ ماڭىزدى سوزدەرىندە، ماقالالارىندا، سۇحباتتارىندا پايدالانىلعان جۇڭگونىڭ ارعى زامان كىتاپتارى مەن كلاسسيكالىق شىعارمالارىنداعى ايگىلى ءسوز - سويلەمدەر دەن قويا تاڭداپ الىنىپ، ءتوراعا شي جينپيڭنىڭ تەرەڭ، سۇبەلى مادەنيەت قورى مەن حالىقتى بارىنەن جوعارى قويۋ، وتان، وتباسى جانە دۇنيە جونىندەگى تەرەڭ سۇيىسپەنشىلىگى جاندى بەينەلەنىپ، جۇڭحۋا وركەنيەتىنىڭ وزگەشە رۋحاني بەلگىسى، جاڭا داۋىرلىك ءمانى جانە الەمدەنۋ قۇندىلىعى ەكشەلگەن جانە تۇسىندىرىلگەن، قابىلداۋشىلاردى جۇڭگو مادەنيەتىن، جۇڭگو پاراساتىن، جۇڭگو رۋحىن اناعۇرلىم ويداعىداي وقىپ تۇسىنۋگە، جاڭا داۋىردەگى جۇڭگونىڭ سەنىمدىلىگىن، سۇيىكتىلىگىن، سيلىلىعىن ۇعىنۋعا، جاڭا داۋىردەگى جۇڭگو باسقارۋىنىڭ تابىستى بولۋ قۇپياسى مەن جۇڭگو ۇلگىسىندەگى وسىزامانداندىرۋدىڭ رۋحاني توركىنىن اڭعارۋعا باستايدى.
«كوكەيگە قونىمدى ”سوزدەر“ − شي جينپيڭ ۇناتاتىن قاناتتى سوزدەر» ەكىنشى بولىگىنىڭ اعىلشىن ءتىلى، فرانسۋز ءتىلى، اراب ءتىلى، حاۋسا ءتىلى، سۋاحيلي ءتىلى سياقتى كوپتەگەن تىلدەگى نۇسقالارى قۇراستىرىلىپ اۋدارىلدى، 8 - ايدىڭ 20 - كۇنىنەن باستاپ وڭتۇستىك افريكا، كەنيا، نيگەريا سياقتى 38 افريكا ەلىنىڭ 62 نەگىزگى مەدياسىنان ورىن الىپ تاراتىلادى. بريكس ەلدەرى باسشىلارىنىڭ 15 - رەتكى ديدارلاسۋى كەزىندە «كوكەيگە قونىمدى ”سوزدەر“ − شي جينپيڭ ۇناتاتىن قاناتتى سوزدەر» ەكىنشى بولىگىنىڭ ءۇندى تىلىندەگى، تاميل تىلىندەگى نۇسقالارى دا ءۇندىستاننىڭ نەگىزگى مەديالارىندا تاراتىلادى.
