شينحۋا اگەنتتىگىنىڭ 8 - ايدىڭ 20 - كۇنى بەيجيڭنەن بەرگەن حابارى. تاياۋدا مەملەكەت ءتوراعاسى شي جينپيڭ امەريكا ۆاشينگتون شتاتى ”امەريكا − جۇڭگو جاس ءوسپىرىم وقۋشىلار اۋىس - كۇيىس قوعامىنا“ جانە ءار سالاداعى دوس قايراتكەرلەرگە جاۋاپ حات قايتاردى.
شي جينپيڭ امەريكا ۆاشينگتون شتاتى ”امەريكا − جۇڭگو جاس ءوسپىرىم وقۋشىلار اۋىس - كۇيىس قوعامىنىڭ“ جانە ءار سالاداعى دوس قايراتكەرلەردىڭ جۇڭگونىڭ دۇنيە ءجۇزى جوعارى مەكتەپ وقۋشىلارى جازعى سپورت جارىسىن جانە ازيا سپورت جارىسىن وتكىزۋگە بىلدىرگەن تاماشا تىلەكتەرىنە العىس ايتتى. شي جينپيڭ بىلاي دەپ اتاپ كورسەتتى: دەنە تاربيە − حالىقتار دوستىعىن نىعايتاتىن دانەكەر. تاراپتاردىڭ ورتاق قۇلشىنۋىندا ”قاراپايىم، حاۋىپسىز، تارتىمدى“ چىڭدۋ جوعارى مەكتەپ وقۋشىلارى جازعى سپورت جارىسى ءساتتى وتكىزىلدى. جۇڭگو ۇكىمەتى مەن حالقىنىڭ حاڭجوۋدا ءبىر كەزەك تارتىمدى ازيا سپورت جارىسىن وتكىزۋ جونىندە سەنىم مىعىم.
شي جينپيڭ بىلاي دەپ باسا دارىپتەدى: جۇڭگو − امەريكا قارىم - قاتىناسىنىڭ ءۇمىتى حالىقتا، نەگىزى حالىق اراسىندا، بولاشاعى جاستاردا. اناعۇرلىم كوپ جۇڭگو − امەريكا جاستارىنىڭ ءوزارا تانىسىپ، ءوزارا ءتۇسىنىسىپ، قول ۇستاسا العا ىلگەرىلەپ، ەكى ەل دوستىعىنىڭ جاڭا ۇرپاق ەلشىسى بولىپ، جۇڭگو − امەريكا قارىم - قاتىناسىنىڭ دامۋىنا ۇزدىكسىز قوزعاۋشى كۇش ۇستەۋىن ءۇمىت ەتەمىن. ”امەريكا − جۇڭگو جاس ءوسپىرىم وقۋشىلار اۋىس - كۇيىس قوعامىنىڭ“ جانە دوستاردىڭ جۇڭگو − امەريكا جاستارى دوستىق بارىس - كەلىسىنىڭ جانە ەكى ەل قارىم - قاتىناسىنىڭ ورنىقتى دامۋىنا ۇزدىكسىز كۇش قوساتىندىعىنا سەنەمىن.
وسىدان بۇرىن امەريكا ۆاشينگتون شتاتى ”امەريكا − جۇڭگو جاس ءوسپىرىم وقۋشىلار اۋىس - كۇيىس قوعامى“ جانە ءار سالاداعى دوس قايراتكەرلەر ءتوراعا شي جينپيڭگە حات جازىپ، جۇڭگونىڭ دۇنيە ءجۇزى جوعارى مەكتەپ وقۋشىلارى جازعى سپورت جارىسىن جانە ازيا سپورت جارىسىن ءساتتى وتكىزۋى جونىندە تىلەك ايتىپ، جۇڭگو − امەريكا جاستارىنىڭ سەلبەستىگى مەن گۋمانيتارلىق اۋىس - كۇيىسىن ۇزدىكسىز كۇشەيتۋگە كۇش سالاتىندىقتارىن بىلدىرگەن بولاتىن.
