□ انار بۇلت \ شينجياڭ گازەتىنىڭ تىلشىلەرى ليۋ دۇڭلاي، ءرايدا
قۇلاق تۇندىرارلىق گۇرىلدەگەن داۋىس ىشىندە كوككە كوتەرىلگەن ۇشاق كۇمىس قاناتىن كەڭگە جايا تۇيدەك - تۇيدەك بۇلتتاردى ءتىلىپ ءوتتى، 30 ساعاتقا جەتپەيتىن ۋاقىتتا جىڭجوۋداعى تاۋارلاردى تولتىرا تيەپ، جەر شارىنىڭ تاعى ءبىر بەتىندەگى نيۋ - يورككە كەلىپ قوندى؛ بۇلت قاباتى استىندا كەڭ كوسىلىپ جاتقان جىڭجوۋ اسەم تۇسكە بولەندى، ۇزىننان - ۇزاققا سوزىلعان شام - شىراقتار جان - جاقتان وسىناۋ قالاعا قاراي جىلدام اعىلدى ءارى ساعىم بولىپ ىرعالىپ، تاراپ - تاراپقا قاراي جوڭكىلە كوشتى، بۇل كەزەكشى پويەزدەردىڭ ورتا جازىقتىڭ بايتاق دالاسىنان كىرىپ - شىققانداعى كورىنىسى ەدى. 10 جىلدان بەرى جىڭجوۋ جىبەك جولىنىڭ كۇرە تامىرىنداعى ماڭىزدى توراپقا اينالدى، ۇزىننان - ۇزاققا سوزىلعان جاڭا ازيا - ەۆروپا قۇرلىق كوپىرى تيانشان مەن ورتا جازىقتى تۇتاستىردى، وشپەس شام ساۋلەسىنە تاسقىنداعان ەكونوميكالىق ومىرشەڭدىك كۇش سەرىك بولىپ، وسى قالانىڭ گۇلدەنىپ - كوركەيۋىن ىلگەرىلەتتى.
ەلەكتردى باتىستان شىعىسقا جەتكىزۋ قالانىڭ دامۋ نەگىزىن بەكەمدەدى
ەلەكتر باعانالارىنا جاقىننان قارار بولساڭىز، اسا كۇشتى قىسىم سەزىمى تۋىندايدى، زور ەنەرگياعا تولى ءبىر الىپ باعانا توبەڭنەن ءتونىپ تۇرعانداي كۇي كەشەسىڭ. 8 - ايدىڭ 15 - كۇنى مەملەكەت ەلەكتر تورى حىنان ولكەلىك ەلەكتر سەرىكتەستىگىنىڭ تۇراقتى توك ورتالىعى بولعان جۇڭجوۋ توك اۋىستىرۋ پۋنكتىندە ءتىلشى ءدال وسىنداي اسەردە بولدى.
جۇڭجوۋ توك اۋىستىرۋ پۋنكتى − ەلەكتردى باتىستان شىعىسقا جەتكىزۋ ينجەنەرياسىنداعى ءبىر كەلەلى نىساننىڭ شىعىس باسى سانالادى. 2014 - جىلى 1 - ايدىڭ 27 - كۇنى 800KV± اسقىن جوعارى كەرنەۋلى تيانجۇڭ تۇراقتى توك جەتكىزۋ ينجەنەرياسى سالىنىپ ىسكە قوسىلدى. ”تيان“ دەگەنىمىز تيانشانداعى ”تيان“، ”جۇڭ“ دەگەنىمىز جۇڭيۋانداعى ”جۇڭ“.
بۇل ينجەنەريا باتىستا شينجياڭنىڭ قۇمىلىنان باستالىپ، شىعىستا حىناننىڭ جىڭجوۋىنا دەيىن بارادى، 2192 كيلومەتردەن ارىداعى شينجياڭنىڭ ەلەكتر قۋاتىن ورتا جازىقتىڭ بايتاق دالاسىنا جەتكىزۋ ءۇشىن نە بارى 7 ميللي سەكۋند عانا جۇمسايدى، ءتىلشى سۇحبات ەستەلىگىن الىپ شىققان 10 سەكۋند ۋاقىت ىشىندە، 16 مىڭ 700 كيلوۆات ساعات توك جارتى جۇڭگونى ەندەي ءوتىپ، ورتا جازىقتىڭ بايتاق دالاسىنداعى سان مىڭداعان وتباسىلارىنا جەتكىزىلدى.
”ءار كۇنى ءبىز وسى ارادان حىنانعا 150 ميلليون كيلوۆات ساعات توك جەتكىزەمىز، حىناندا 100 ميلليونعا تاياۋ ادام بار، بۇل ءار ادامعا ءار كۇنى 5. 1 كيلوۆات ساعات توك شينجياڭنان جەتكىزىلگەنمەن بىردەي“، جۇڭجوۋ توك اۋىستىرۋ پۋنكتىنىڭ باستىعى لي شۋايبيڭ بىلاي دەدى: تاياۋ جىلداردان بەرى توك اۋىستىرۋ پۋنكتى ءار جىلى حىنانعا 40 ميلليارد كيلوۆات ساعاتتان استام توك جەتكىزدى. ونىڭ ارت جاعىنا ەلەكتردى الىستان جەتكىزىپ، بايتاق ورتا جازىقتى تازا ەنەرگيامەن قامداۋ دەگەن ۇلكەن جازۋ ىلىنگەن.
”شينجياڭنىڭ ەنەرگيانى اشۋ تەبىنىنىڭ ۇزدىكسىز ارتۋىنا ساي، تيانجۇڭنىڭ تۇراقتى توك جەتكىزۋ مولشەرى دە جىل سايىن ارتتى“. لي شۋايبيڭ بىلاي دەدى: باستابىندا ەلەكتر جەتكىزۋ تەرمينالىنىڭ ەنەرگيا اشۋ تەبىنى كۇشتى بولمادى، ەلەكتر مولشەرى دە بىردەي ەمەس ەدى. تيانجۇڭ نىسان ونىمدىلىگىن ءۇرتىس ساۋلەلەندىرگەن 10 جىل − شينجياڭنىڭ دا ەنەرگيا اشۋ دەڭگەيىن زور مولشەردە جوعارىلاتقان 10 جىلى سانالادى. قازىرگى تاڭدا، قۇمىلدىڭ بايتاق دالاسىندا جەل قالاقتار قاتار - قاتار تىزىلگەن، فوتوۆولتتار ساناپ تاۋىسقىسىز، وسىزاماندانعان وت ەلەكتر ستانسيالارىنان كوتەرىلگەن اق ءتۇتىن كوك اسپانعا تارالۋدا. ورنىقتى دا قۋاتتى ەلەكتر توگى ءبىر ساتتە ايال تاپپاي ورتا جازىققا اعىلۋدا.
تاياۋ جىلداردان بەرى بۇل ينجەنەريا حىنان، اۋەلى، حۋاجۇڭ ەلەكتر تورىنا جالپى 340 ميلليارد كيلوۆات ساعاتقا تاياۋ ەلەكتر جەتكىزدى، بۇل 110 ميلليون توننا ولشەمدى كومىردى از جاققانمەن، 340 ميلليون توننا كومىر قىشقىل گازىن از شىعارعانمەن بارابار. ”مەن’ ءبىر بەلدەۋ، ءبىر جولدىڭ‘ ماڭىزدى مازمۇنىنىڭ ءبىرى سەلبەسىپ تەڭ يگىلىككە كەنەلۋ ەكەندىگىن تۇسىنەمىن. تيانجۇڭ نىسانى جىڭجوۋدىڭ ەنەرگيادا تازا، تومەن كومىر قىشقىل گازدى بولۋعا قاراي ويىسۋىنا دەم بەرىپ، حىناننىڭ ەكونوميكالىق، قوعامدىق دامۋدا ەلەكتردەن پايدالانۋ قاجەتىنە پارمەندى تىرەك بولدى، بۇل ءمانى كەلەلى’ ەلەكتر جىبەك جولى‘“، - دەدى لي شۋايبيڭ.
ساۋداگەرلەرگە ءمان بەرىپ، مىندەتىن ادا ەتۋ 10 جىلدىق گۇلدەنۋگە جول سالدى
بيىل − جۇڭگو ەركىن ساۋدا سىناق رايونى قۇرىلعاندىعىنىڭ 10 جىلدىعى، جۇڭگو (حىنان) ەركىن ساۋدا سىناق رايونى جىڭجوۋ اۋماعى(تومەندە قىسقارتىلىپ ”جىڭجوۋ ەركىن ساۋدا اۋماعى“ دەلىنەدى) جونىنەن العاندا، ”ءبىر بەلدەۋ، ءبىر جول“ قۇرىلىسىندا قيىندىقتان قۇتىلىپ، دامىعان 10 جىل بولدى.
10 جىلدان بەرى جىڭجوۋدىڭ ”ءبىر بەلدەۋ، ءبىر جول“ قۇرىلىسى بارىسىندا، ”باتىلدىق“ دەگەن ءسوز ەرەكشە كوز تارتتى.
باتىلدىق − شاراسىزدىقتان تۋىندايدى. 2013 - جىلى ”ءبىر بەلدەۋ، ءبىر جولدى“ بىرگە قۇرۋ باستاماسى ورتاعا قويىلعاننان كەيىن، جىڭجوۋ ءوزىنىڭ اسا ءبىر ىڭعايسىز ورىندا ەكەندىگىن بايقادى: نە شەكارا بويىندا ەمەس، نە تەڭىزگە جاقىن ەمەس. وسى ساتتە قانداي ءبىر پوزيتسيامەن بەتپە - بەت كەلۋ شەشۋشى ءبىر قادامعا اينالدى. الدىڭعىلاردىڭ تابىسىن قولدان شىعارماي، جۇيە بويىنشا قالىپتى قۇرىلىس جۇرگىزۋ كەرەك پە، الدە بەلسەنە ىلگەرىلەپ، ”ءبىر بەلدەۋ، ءبىر جول“ قۇرىلىسىنىڭ جالپى ارناسىنا ىرىقتىلىقپەن توعىسۋ بارىسىندا ىسكەرلىك كورسەتۋگە ۇمتىلۋ كەرەك پە؟
جىڭجوۋ باتىل تۇردە سوڭعىسىن تاڭدادى.
ەڭ اۋەلى، وڭىرلىك ورىن باسىمدىعىن ونان ارى كۇشەيتتى. جىڭجوۋ ”جۇڭگو قاتىناسىندا توعىز جولدىڭ تورابىنا“ ورنالاسقان، بۇكىل ەلدىڭ ادەتتەگى تەمىر جول مەن جوعارى قارقىندى تەمىر جول تورابىنىڭ بىردەن - ءبىر ”قوس ايقاسپالى“ ورتالىعى، 2 ساعاتتىق اۆياتسيا شەڭبەرى بۇكىل ەلدىڭ ％92 جان سانىن، بۇكىل ەلدىڭ ％94تىك ەكونوميكا جالپى مولشەرىن جانە ％98تىك سىرتقى ساۋدا ۇلەسىن قامتيدى، 2 ساعاتتىق جوعارى قارقىندى تەمىر جول شەڭبەرى 400 ميلليون ادامنىڭ تۇرمىسىن جانە تۇتىنۋىن قامتىعان. 10 جىل ارالىعىندا، ”اۋە، قۇرلىق، تور، تەڭىز“ سىندى 4 جىبەك جولى جىڭجوۋدان بۇكىل الەمگە تارالدى.
ءار تارماق ”جولدا“، كاسىپورىندار نەگىزگى تۇلعا، ولار قالايشا جىڭجوۋدى تاڭدادى؟
ءتىلشى سۇحبات بارىسىندا مىناداي ءبىر جاي - جاپساردى بايقادى: جىڭجوۋ قالاسىنداعى حىنان قورعامالى باجى زات اينالىمى ورتالىعىندا مەترو باقشا رايونىنىڭ قاقپاسى الدىنا دەيىن سالىنعان. ادامدار مەترو اۋىزىنان شىعىپ، سولعا قاراي بىرنەشە قادام باسىپ، ءبىر ەسىكتەن وتسە بولعانى باقشا رايونىنا كىرەدى ەكەن. ال جىڭجوۋ جۇڭدامىن قورعامالى باجى جاڭا بولشەك ساتۋدى سەزىنۋ ورتالىعى مەترو اۋزىنان 300 مەترگە جەتپەيتىن جەردە، اۆتوكولىك توقتاتۋ الاڭى دا وتە كەڭ، قالا حالقىنىڭ وسى ارادان زات ساتىپ الۋى دا وتە قولايلى ەكەن.
”وسى 10 جىلدان بەرى ماعان ەڭ تەرەڭ اسەر قالدىرعان جەرلەردىڭ ءبىرى جىڭجوۋدىڭ وسى جەرى، ياعىني كاسىپورىندار مەن ۇكىمەت كۇشتى ءبىر اراعا جۇمساپ، ونىمدىلىكتى امالدىڭ بارىنشا جوعارىلاتتى“، - دەدى حىنان ولكەلىك يمپورت زاتتىق ماتەريالدارى الەۋمەتتىك قورعامالى باجى ورتالىعى توبى شەكتى سەرىكتەستىگىنىڭ (تومەندە قىسقارتىلىپ ”حىنان قورعامالى باجى توبى“ دەلىنەدى) الەۋمەتتىك قارىم - قاتىناس ديرەكتورى ليۋ كىجىن.
”2020 - جىلى مەن جىڭجوۋدا شەكارا اتتاعان ەلەكتروندى ساۋدا راسمياتىن وتەۋگە ءبىر ساعات ۋاقىت جۇمسادىم. سەرىكتەستىكتىڭ بۇكىل ەلدە ورنالاستىرۋى بار، ۇزاق وتپەي تاعى باسقا ءبىر جەردە ۇقساس راسميات وتەدىم، سوندا قانشا ۋاقىت جۇمساعانىمدى بىلەسىز بە؟“
”ءبىر كۇن بولار؟“
ليۋ كىجىن باسىن شايقاپ تۇرىپ: ”تۇپ - تۋرا ءبىر اي“، - دەدى.
بۇل جىڭجوۋدىڭ جۇمساق ورتا قۇرىلىسىنداعى بولماشى ءبىر ءىس بولعانىمەن، الايدا كاسىپورىننىڭ ءومىر ءسۇرۋى مەن قۇرىپ - جوعالۋىنا ساياتىن ءىس، جىڭجوۋ قالاسىنىڭ ورىنباسار قالا باستىعى ما جىفىڭ بىلاي دەپ تانىستىردى: رەفورمانىڭ تابىسىن جارىققا شىعارۋ مەن شارۋاشىلىق - ساۋدا ورتاسىن ساپالىلاندىرۋ بازاردىڭ ومىرشەڭدىك كۇشىن بارىنشا تاسقىنداتادى، 2017 - جىلدان بەرى جىڭجوۋ ەركىن ساۋدا رايونىندا جاڭادان تىركەۋگە الدىرعان كاسىپورىن 87 مىڭعا جەتتى، مۇنىڭ ىشىندە شەتەل قارجىلاندىرعان كاسىپورىن 449عا جەتىپ، ءىس جۇزىندە، پايدالانىلعان شەتەل كاپيتالى 802 ميلليون دوللار بولىپ، جالپى يمپورت - ەكسپورت قۇنى 190 ميلليارد يۋاننان استى. كەلىسىم جاسالعان كەلەلى نىسان 200دەن اسىپ، دۇنيە جۇزىندەگى 500 ەگەي كاسىپورىننان 10نەشە نىسان ەنگىزدى، جالپى قوسىلعان قارجى 300 ميلليارد يۋاننان استى.
جاڭالىق اشا دامۋ جىبەك جولى قۇرىلىسىنىڭ ۇتىمدى ورايىنا يە ەتتى
10 جىلدان بەرى مەيلى قانشا تار جول، تايعاق كەشۋلەرگە ءدوپ كەلگەنىمەن، كاسىپورىن ”ءبىر بەلدەۋ، ءبىر جولدىڭ“ دامۋ بولاشاعىنا تولىق سەنىم ارتتى. مۇنداي سەنىم، ءبىر قىدىرۋ ماكرولىق دەڭگەيدەگى ناقتىلى شارالاردىڭ ارقاسىندا كەلگەن.
جۇڭگو − ەۆروپا كەزەكشى پويەزى لەنيا بويىنداعى مەملەكەتتەردىڭ ناقتى سەلبەستىگىندەگى ماڭىزدى دانەكەر رەتىندە، دامۋدىڭ تۋ باستاماسىندا - اق ءار ەل باسشىلارىنىڭ باسا ءمان بەرۋىنە يە بولدى.
جوعارى جىكتەگىلەردىڭ ورتاق تانىمىندا، مەملەكەتتىك دامۋ جانە رەفورما كوميتەتى سياقتى تاراۋلار لەنيا بويىنداعى مەملەكەتتەرمەن ساياساتتىق بايلانىستى، اۋىس - كۇيىس سەلبەستىگىن ۇزدىكسىز كۇشەيتىپ، شەكارا اتتاعان تاسىمال كەلىسىمىن جاساسۋ، حالىقارالىق ۇلاسپالى تاسىمال ەرەجەسىن جاساۋ، وعان وزگەرىس ەنگىزۋدى جانە ولشەمدى بىرلىككە كەلتىرۋدى ىلگەرىلەتۋ، ەكى جاقتى، كوپ جاقتى ساۋدا ەرەجەسىن كەمەلدەندىرۋ سياقتى ءبىر قىدىرۋ شارالار ارقىلى جۇڭگو − ەۆروپا كەزەكشى پويەزىنىڭ ىركىلىسسىز قاتىناۋىنا كوپ جاقتى، كوپ ساتىلى تىرەك جانە قامتاماسىزدىق ازىرلەدى؛ سونىمەن بىرگە، لەنيا بويىنداعى مەملەكەتتەردىڭ قالالارىمەن جانە كاسىپورىندارىمەن ىقپالداستىق اۋىس - كۇيىس سەلبەستىگىن ىشكەرىلەي ورىستەتىپ، جۇڭگو − ەۆروپا كەزەكشى پويەزىن ىسكە قوسۋعا ىزدەنىس جاساۋعا تاماشا نەگىز ازىرلەدى ءارى ساپالى زات اينالىمى قىزمەت وتەۋى مەن ورنىقتى تاۋار قاينارى قامتاماسىزدىعىن ازىرلەدى.
بالىقتار جۇيتكىگەن كوگىلدىر تەڭىزدە جەلكەندى قالاي جايۋ كەرەك، بۇل جەرگىلىكتى ۇكىمەتتىڭ جانە كاسىپورىننىڭ ءوز قۇلشىنىسىنا بايلانىستى.
جىڭجوۋدىڭ بۇل جونىندە ايقىن تانىمى بار: قيان - كەسكى بازار باسەكەسىندە ورايدان قاپى قالماۋ كەرەك.
مەملەكەت ستراتەگياسىنىڭ قاباتتالۋى، ورىن قاتىناس ىركىلىسسىزدىگى، كاسىپ سالاسى نەگىزى مىعىم بولۋ سياقتى باسىمدىقتارىنان پايدالانىپ، جىڭجوۋ بۇكىل ەل بويىنشا الدىمەن كوپ ۇلگىدەگى ۇلاسپالى تاسىمال قۇرىلىسىن سايكەستى ىلگەرىلەتۋ مەحانيزمىن ورناتىپ، تۇڭعىش رەتكى ولكە دارەجەلى كوپ ۇلگىدەگى ۇلاسپالى تاسىمالدىڭ ولشەمدى جۇيەسىن جاساپ، قاتىناستاعى قۋاتتى ەل ىشكى قۇرلىقتىق كوپ ۇلگىدەگى ۇلاسپالى تاسىمال سىناق ءتۇيىنىن ءساتتى ورىنداپ، ”اۋە جانە تەمىر جول ۇلاسپالى تاسىمالى“، ”اۋە قاتىناسىندا ۇشاق اۋىستىرۋ“ سياقتى كوپ تۇردەگى، كوپ ۇلگىدەگى ۇلاسپالى تاسىمالدىڭ مەملەكەتتىك ۇلگى كورسەتۋ ينجەنەرياسىن اتقارىپ، قاتتى بولشەكتەن جۇمساق بولشەككە دەيىن، ينفورماتسيا جۇيەسىنەن ولشەمدى ەرەجەگە دەيىن، كوپ ۇلگىدەگى ۇلاسپالى تاسىمالدىڭ جاڭالىق اشا دامۋىن جالپى بەتتىك ىلگەرىلەتتى.
حىنان باۋشۇي توبىنان باستاۋ العان ”1210“ شەكارا اتتاعان ەلەكتروندى ساۋدانى باقىلاۋ - باسقارۋ، قىزمەت وتەۋ ۇلگىسى الدەقاشان الەمدىك شەكارا اتتاعان ەلەكتروندى ساۋدا بويىنشا كەدەننەن ءوتۋ قىزمەت وتەۋىن شەشۋ جوباسىنداعى باستى تالعامعا اينالىپ ۇلگىردى. ”ءبىزدىڭ قۇلشىنىس جاساۋ باعىتىمىز زات اينالىمىنىڭ قامداۋ تىزبەگىندە 4 جىل ىشىندە بۇكىل دۇنيە ءجۇزى كولەمىندە زاكاز بەرۋدى جۇزەگە اسىرۋ“، حىنان باۋشۇي توبىنىڭ باس جوراسى شۇي پيڭ بىلاي دەدى: ”شەكارا اتتاعان ەلەكتروندى ساۋدانىڭ تاپسىرىپ بەرۋىن ءتىپتى دە تەزدەتىپ، قولايلىلاستىرىپ، 7 كۇندە تاۋلىك بويى بۇكىل دۇنيە جۇزىنەن ساتىپ الۋدى، 7 كۇندە بۇكىل دۇنيە جۇزىنە ۇلەستىرىپ جەتكىزۋدى ورىندايمىز“.
جىڭجوۋ حالىقارالىق قۇرلىقتىق پورتىن اشۋ، كوركەيتۋ شەكتى سەرىكتەستىگى عىلىم - تەحنيكانى كەزەكشى پويەز تاسىمالىنىڭ جالپى بارىسىنا ىشكەرىلەي كوشىرىپ، بۇكىل ەلدەگى جۇڭگو − ەۆروپا كەزەكشى پويەزى اراسىندا ينفورماتسيالانۋ دارەجەسى ەڭ جوعارى سيفرلى كەزەكشى پويەز تىزبەگىن ورناتتى. ينتەرنەت، زات ينتەرنەتى سياقتى تەحنيكالاردان جالپىلىق پايدالانىپ، جاڭا ماتەريالدان، جاڭا تەحنولوگيادان پايدالانىپ، كوپ ۇلگىدەگى ۇلاسپالى تاسىمال كونتينەرىنىڭ جالپى بارىستىق تاسىمالىن باقىلاۋدان، ورنىن انىقتاۋدان، توڭازىتىپ ساقتايتىن جۇك قورابىنىڭ حالىقارالىق وتە ۇزاق ارالىقتا تەمپەراتۋراسىن مەڭگەرۋ سياقتى شەشۋشى تەحنيكالارىنان قامال الدى. ”ءبىز جاڭا جابدىقتان پايدالانىپ توڭازىتىپ ساقتايتىن جۇك قورابىنىڭ تەمپەراتۋراسىن، ىلعالدىعىن دالمە - ءدال مەڭگەرىپ، كليەنتتەرگە ەسىكتەن ەسىككە، تۇيىننەن تۇيىنگە دەيىنگى جالپى بارىستى كورۋگە بولاتىن سۋىق تىزبەك تاسىمال قىزمەت وتەۋىن ازىرلەدىك“، - دەدى اتاۋلى سەرىكتەستىكتىڭ ورىنباسار ديرەكورى گو شيننيان.
ساناققا نەگىزدەلگەندە، 2017 - جىلدان باستاپ ماڭدايشالىق ءىلىپ قۇرىلعاننان تارتىپ قازىرگە دەيىن، حىنان ەركىن ساۋدا سىناق رايونى ەرەجە، ەرەجە - ءتۇزىم، باسقارۋ، ولشەم سياقتى تۇزىمدىك سيپاتتى اشىق ۇستاۋ جاعىندا الدىمەن اتقارىپ، الدىمەن سىناق جۇرگىزىپ، 546 ءتۇرلى تۇزىمدىك جاڭالىق اشۋ جەتىستىگىن قالىپتاستىرعان، مۇنىڭ ىشىندە 16 ءتۇر مەملەكەت دەڭگەيىندە قابىلدانىپ جالپىلاستىرىلعان.
”حىناننىڭ تۇزىمدە جاڭالىق اشۋى شەكارا اتتاعان ەلەكتروندى ساۋدا سياقتى جاڭا ەكونوميكانىڭ، جاڭا ۇلگىنىڭ، جاڭا كۇيدىڭ جوعارى ساپالى دامۋىن ىلگەرىلەتۋ ونىمدىلىگى كورنەكتى بولىپ، دۇنيە جۇزىنە سيفرلانعان، ينفورماتسيالانعان شارت - جاعدايدا حالىقارالىق ساۋدا - ساتتىقتى شەشۋ جوباسىن ازىرلەدى“، - دەدى جۇڭگو (حىنان) ەركىن ساۋدا سىناق رايونى جىڭجوۋ اۋماعى رايونى باسقارۋ كوميتەتىنىڭ ورىنباسار مەڭگەرۋشىسى جۋ جاۋلۇڭ.
