شينحۋا اگەنتتىگىنىڭ 8 - ايدىڭ 21 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ وڭتۇستىك افريكانىڭ زۇڭتۇڭى رامافوسانىڭ ۇسىنىسىنا ساي، يوحاننەسبۋرگكە بارىپ بريكس ەلدەرى باسشىلارىنىڭ 15 - رەتكى ديدارلاسۋىنا قاتىناسۋ ءارى وڭتۇستىك افريكادا مەملەكەتتىك ساپاردا بولۋ ءۇشىن، 8 - ايدىڭ 21 - كۇنى تۇستەن بۇرىن ارناۋلى ۇشاقپەن بەيجيڭنەن اتتاندى. وڭتۇستىك افريكاداعى كەزىندە شي جينپيڭ تاعى رامافوسامەن بىرگە جۇڭگو − افريكا باسشىلارى كەڭەسىن باسقارادى.
شي جينپيڭگە سەرىك بولىپ ساپارعا شىققانداردان: جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، سىرتقى ىستەر مينيسترلىگىنىڭ مينيسترى ۋاڭ ي قاتارلىلار بار.
