− 2023 - جىلعى (جۇڭگو) ازيا − ەۆروپا تاۋار ساۋدا كورمەسى جونىندە جالپى شولۋ (1)
□ انار بۇلت \ شينجياڭ گازەتىنىڭ ءتىلشىسى حي حۇڭۋي
تيانشان تاۋىنىڭ باۋرايىندا ەسىك اشۋ ۋادەسى ءۇشىن تاعى دا ديدارلاستى؛ ايبىندى كۇنلۇن تاۋىنىڭ باۋرايىندا سەلبەسىپ، تەڭ يگىلىككە كەنەلۋدى تىلگە تيەك ەتتى.
8 - ايدىڭ 21 - كۇنى، ”جىبەك جولى رۋحىن اسقاقتاتىپ، ازيا − ەۆروپا سەلبەستىگىن تەرەڭدەتۋدى“ نەگىزگى تاقىرىپ ەتكەن 2023 - جىلعى (جۇڭگو) ازيا − ەۆروپا تاۋار ساۋدا كورمەسى ۇرىمجىدە تابىسپەن اياقتادى. 5 كۇنگە جالعاسقان 2023 - جىلعى تاۋار ساۋدا كورمەسى جۇڭگو − ازيا − ەۆروپا كورمەسىنىڭ ماڭىزدى قۇرامداس بولىگى رەتىندە، جۇڭگو مەن ازيا - ەۆروپا ەلدەرى سەلبەستىگىنىڭ شىت جاڭا تاراۋىن جازىپ، ”ەلشىلەر ىركەس - تىركەس جولعا شىعىپ، ساۋدا كەرۋەندەرى ۇزىلمەي شۇبالعان“ جىبەك جولى حيكاياسىن جالعاستىردى.
تاۋار ساۋدا كورمەسىن ورەلى، تابىستى، بارعان سايىن جاقسى وتكىزىپ، دۇنيە جۇزىنە جۇڭگونىڭ ەسىك اشۋدى ىرىقتىلىقپەن كەڭەيتكەن، ءار ەلمەن دامۋ ورايىن بولىسكەن شىن پەيىلىن تانىتىپ، ەكونوميكانىڭ دامۋىنا تىڭ دا قۋاتتى قوزعالىس كۇشىن ۇستەدى.
ايگىلى ماركامەن اسقىن ونىمدىلىكتى كورنەكتىلەندىردى
2023 - جىلعى تاۋار ساۋدا كورمەسى اياقتالا سالىسىمەن، شينجياڭ ميجيە قارا ارا شەكتى سەرىكتەستىگىنىڭ جاۋاپتىسى ليۋ حۇيفاڭ تەلەفون قابىلداپ، تاپسىرىستاردى ءبىر جايلى ەتۋمەن قاربالاس بولىپ كەتتى.
”تاۋار ساۋدا كورمەسى ءبىزدىڭ حالىقارالىق كوزايامىزدى اشۋىمىزعا سەپتىگىن تيگىزىپ، دۇنيە ءجۇزىنىڭ جەر - جەرىنەن كەلگەن ساۋداگەرلەردىڭ ءبىزدىڭ قارا ارا بالى جەلىلەس ونىمدەرىمىزبەن تانىسۋىنا مۇمكىندىك جاسادى“، - دەدى ليۋ حۇيفاڭ.
حالىقارالىق كوز ايانى اشىپ، كاسىپ سالاسىنىڭ دارەجەسىن جوعارىلاتۋدى جەبەدى −
كورمە بۇيىمىنان تاۋارعا دەيىن، نيەت بىلدىرۋدەن كەلىسىم جاساسۋعا دەيىن، كورمەگە قاتىناسقان ساۋداگەردەن قارجى قوساتىن ساۋداگەرگە اينالۋعا دەيىن تاۋار ساۋدا كورمەسى قول جەتكىزگەن ەكونوميكا - ساۋدا جاعىنداعى سەلبەستىك تابىستارى ءار جاقتى دامۋ ورايىنان تەڭ يگىلىكتەندىرۋمەن بىرگە، كاسىپ سالاسى دارەجەسىنىڭ جوعارىلاۋىن جەبەدى.
2023 - جىلعى تاۋار ساۋدا كورمەسىنە قايىرىلا قاراساق، كەڭەستەر وتكىزىلىپ، كەلىسىمدەرگە قول قويىلىپ، سەلبەستىك جاساپ، تەڭ يگىلىككە كەنەلۋدىڭ اۋەنى قۋانىشقا بولەپ، دامۋدىڭ قوزعاۋشى قۋاتى بارعان سايىن تاسقىندادى.
تاۋار ساۋدا كورمەسى ورنىندا ەل ءىشى - سىرتىنان كەلگەن 1400گە جۋىق كاسىپورىن ءبىر ارادا باس قوسىپ، جالپىلىق وبرازىن، ەڭ جاڭا ونىمدەرىن جانە وزىق تەحنيكالارىن ايگىلەپ، تاۋار ساۋدا كورمەسىن تۇعىر ەتە وتىرىپ، ىشكەرىلەي اۋىس - كۇيىس، سەلبەستىك ورناتىپ، اناعۇرلىم كوپ دوس تاۋىپ، اناعۇرلىم كوپ ساۋدا ورايىن جاراتىپ، اناعۇرلىم مول تابىسقا قول جەتكىزدى.
وسى كەزەكتى تاۋار ساۋدا كورمەسى ەل ىشىندەگى 26 ولكە، اۆتونوميالى رايون، قالانى، شەكارا سىرتىنداعى 40 مەملەكەت پەن رايوندى كورمەگە، ماجىلىسكە قاتىناسۋعا باۋرادى. بۇرىنعى كەزەكتەگى كورمەلەرمەن سالىستىرعاندا كولەمى ەڭ ۇلكەن، قاتىناسقان ايگىلى ماركالى كاسىپورىندار ەڭ كوپ، كورمەلەۋ ءونىمى ەڭ جاقسى، كاسىپ سالاسى قيمىلى ەڭ كەمەلدى، توڭىرەكتەگى ەلدەر ەڭ تولىق قاتىناسقان ءبىر كەزەكتى تاۋار ساۋدا كورمەسى بولدى. ءار سالا قايراتكەرلەرى وسى تۇعىردان پايدالانىپ، وركەندەگەن جىبەك جولىن بىرگە قۇرىپ، سەلبەستىك ورايىنان تەڭ يگىلىكتەندى.
بازار قاجەتىنە ءجىتى ىلەسىپ، ساۋدا قۇرىلىمىن ساپالىلاندىردى −
زات ساۋداسىنان قىزمەت وتەۋ ساۋداسىنا، جاڭالىق اشۋدى جەبەۋدەن ورنالاسىمدى ساپالىلاندىرۋعا دەيىن تاۋار ساۋدا كورمەسى ساۋدانىڭ دارەجەسىن جوعارىلاتۋعا تىڭ قوزعاۋشى قۋات ۇستەدى. ”تاۋار ساۋدا كورمەسى سىندى وسى تۇعىردان پايدالانىپ، كاسىپورنىمىز ينتەرنەتتىڭ ’جالعاۋ‘ باسىمدىعىن ساۋلەلەندىرىپ، ونەركاسىپ سالاسىنىڭ جارامدى ’سيفىرلى قولعاناتى‘ بولۋعا قۇلشىنىپ، ەكونوميكانىڭ جوعارى ساپالى دامۋىن جەبەيدى“، - دەدى شينجياڭ جيانزى جۇڭي مۇناي حيميا شەكتى سەرىكتەستىگىنىڭ القا باستىعى ۋاڭ شۋەپيڭ.
جۇڭگو − ازيا − ەۆروپا كورمەسىنىڭ ماڭىزدى قۇرامداس بولىگى رەتىندە، تاۋار ساۋدا كورمەسى دامىپ بۇگىنگى كۇنگە جەتكەندە، اسقىن اسەرى ۇزدىكسىز كەڭەيىپ، ساياسي، سىرتقى ىستەر، ەكونوميكا - ساۋدا، عىلىم - تەحنيكا، گۋمانيتارلىق ىستەر سياقتى سالالاردا ءبىر قىدىرۋ بەلسەندى تابىستارعا قول جەتكىزىپ، ساۋدا بارىس - كەلىسىنە كەڭ دامۋ ءورىسىن ازىرلەۋمەن بىرگە، اناعۇرلىم كوپ كاسىپورىندى وسى كورمە ارقىلى سەلبەستىك ساۋدا ورايىن قاراستىرۋعا باۋرادى.
ءوزارا تيىمدىلىك جەتكىزىپ، تەڭ يگىلىككە كەنەلىپ، دامۋدىڭ بىرىككەن كۇشىن ۇيىستىردى
وسى كەزەكتى تاۋار ساۋدا كورمەسىندە ساۋداگەر شاقىرۋ، قارجى ەنگىزۋدەگى ءتۇيىندى نىساندار جونىندە كەلىسىم جاساسۋ سالتى وتكىزىلدى. 273 نىسان جونىندە كەلىسىم جاساسىپ، كەلىسىم جالپى سوماسى 493 ميلليارد 212 ميلليون يۋان بولدى، كەلىسىم جاساسقان نىساندار جاڭا ەنەرگيا، جاڭا ماتەريال، ءتۇستى مەتال، كومىر حيميا، توقىما، كيىم - كەشەك، جابدىق جاساۋ، ساۋدا - زات اينالىمى، مادەنيەت - ساياحات سياقتى سالالاردى شارپىدى.
كوزدىڭ جاۋىن الاتىن سيفرلار جۇرت جۇرەگىن جەلپىندىردى، قوسىلعان نەشە ءجۇز ميلليارد يۋان قارجى تاۋار ساۋدا كورمەسىنىڭ شينجياڭنىڭ جوعارى دەڭگەيدەگى سىرتقا ەسىك اشۋدى ىلگەرىلەتۋدى، ءارقايسى جاقپەن ەكونوميكا - ساۋدا سەلبەستىگىن تەرەڭدەتۋدى ماڭىزدى تۇعىر ەتكەن قۋاتتى باۋراۋ كۇشىن تولىق ايگىلەدى.
”شينجياڭ جاڭا داۋىردەگى قارجى قوسىپ، شارۋاشىلىقتى گۇلدەندىرۋدىڭ قۇنارلى توپىراعى، ءبىزدىڭ سەنىمىمىز كامىل“، - دەدى مەملەكەت ەنەرگيا توبى شينجياڭ ەنەرگيا شەكتى جاۋاپكەرشىلىك سەرىكتەستىگىنىڭ پارتكوم شۋجيى، القا باستىعى لي حايچاۋ.
اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى لي شۋان بىلاي دەدى: وسى كەزەكتى تاۋار ساۋدا كورمەسىندە كەلىسىم جاسالعان نىساندارعا قوسىلعان قارجىنىڭ كولەمى زور، كاسىپ سالاسىن جەتەكتەۋ قۋاتى كۇشتى، الدىڭعى مەرزىمدىك قىزمەتتەر تىڭعىلىقتى ىستەلگەن، كەلىسىم جاساسقان ەكى جاقتىڭ سەلبەستىك سەنىمىن تولىق ايگىلەدى.
سەلبەسۋ، اۋىس - كۇيىس تۇعىرىن ورناتۋ ءۇشىن، 2023 - جىلعى تاۋار ساۋدا كورمەسى كەزىندە ەل ءىشى - سىرتىنا تانىستىرۋ ءماجىلىسى، ءوندىرۋ مەن ساتۋدى ءتۇيىلىستىرۋ، تابىستىرىپ جۇپتاۋ سياقتى ساۋدانى جەبەۋدى ماقسات ەتكەن 64 مايدان قيمىل وتكىزىلىپ، وتكەن كەزەكتەگىلەردىڭ ىشىندە ەڭ كوپ وتكىزىلگەن ءبىر كەزەكتى كورمە بولدى.
شينجياڭعا قارجى قوسۋ بويىنشا ساۋداگەر شاقىرۋ تۇعىرى − ۇكىمەتتىڭ ساۋداگەر شاقىرۋ، قارجى ەنگىزۋىنە جانە كاسىپورىننىڭ نىسانعا قارجى قوسۋىنا قىزمەت وتەيتىن ارناۋلى تۇعىرلىق قۇرىلىم، وسى كەزەكتى تاۋار ساۋدا كورمەسىندە دە ەرەكشە جابدىقتالعان كورمە ورنى قۇرىلىپ، ينفورماتسيالانعان ساۋداگەر شاقىرۋ قۇرالدارىن شوعىرلى تانىستىردى، مىسالى، كاسىپ سالاسى تىزبەگى بويىنشا ۇلكەن ساندى مالىمەت ارقىلى ساۋداگەر شاقىرۋ تۇعىرى، قارجى قوسۋ بويىنشا تەكسەرۋدىڭ قىزعىن كارتاسى، ساۋداگەر شاقىرۋدى باسقارۋ جۇيەسى سياقتىلار ساۋداگەر شاقىراتىن ورىننىڭ ۇلكەن ساندى مالىمەت، ينفورماتسيالاندىرۋ ءتاسىلى ارقىلى ساۋداگەر شاقىرۋ قىزمەتىن ورىستەتۋىنە مۇمكىندىك جاساپ، ساۋداگەر شاقىرۋ جۇمىس ونىمدىلىگى مەن نىسانداردىڭ تياناقتانۋىنىڭ ءساتتى بولۋ ونىمدىلىگىن زور دارەجەدە جوعارىلاتادى.
ءۇرىمجى حۇيجى شيڭيە ينفورماتسيا عىلىم - تەحنيكا شەكتى سەرىكتەستىگىنىڭ باس ديرەكتورى، شينجياڭعا قارجى قوسۋ بويىنشا ساۋداگەر شاقىرۋ تۇعىرىنىڭ جاۋاپتىسى چىن ۋي مىنانى ءبىلدىردى: تاۋار ساۋدا كورمەسىنىڭ ىقپال كۇشىنە سۇيەنىپ، شينجياڭعا كەلىپ قارجى قوساتىن اناعۇرلىم كوپ كاسىپورىنعا سيفرلانعان، دالمە - ءدال، مامانداندىرىلعان قىزمەت وتەۋ ازىرلەۋدى، سونىمەن بىرگە بۇكىل شينجياڭنىڭ جەر - جەرىندەگى ساۋداگەر شاقىراتىن ورىندارعا ينفورماتسيالاندىرىلعان ساۋداگەر شاقىرۋ، تاپسىرىس بويىنشا ساۋداگەر شاقىرۋ، كاسىپ سالاسى تىزبەگىندە دالمە - ءدال ساۋداگەر شاقىرۋ سياقتى قىزمەت وتەۋ ازىرلەۋدى ءۇمىت ەتەمىز.
دوستار اناعۇرلىم مولايىپ، اشىق بولۋ ورايىنان بىرگە يگىلىكتەندى
2023 - جىلعى تاۋار ساۋدا كورمەسىنىڭ ءارقايسى كورمە سارايلارىن ارالاپ جۇرسەڭىز، اشىق بولۋدىڭ تامىر سوعىسىن اناعۇرلىم انىق سەزىنە الاسىز. تاۋار ساۋدا كورمەسى ارقىلى جۇڭگونىڭ شينجياڭى سەلبەسۋ، دامۋ ورايىن دۇنيە جۇزىمەن بىرگە يگىلىكتەندى.
”جۇڭگو ءبىزدىڭ ەڭ ۇلكەن ساتۋ بازارىمىز“. قازاقستان كورمە ساۋداگەرى مارينا فەتيسسوۆا بىلاي دەدى: 2015 - جىلى سەرىكتەستىكتىڭ فيزيكالىق جانشۋ تەحنولوگياسىمەن الىنعان ماقسارى مايى جۇڭگو بازارىنا ەكسپورت ەتىلىپ، تەز ارادا اناعۇرلىم كوپ تاپسىرىس قابىلدادى. قازىر جۇڭگو بازارىنداعى ساتىلۋ مولشەرى ءار جىلى 4000 تونناعا جەتىپ، سەرىكتەستىك جالپى ءونىم مولشەرىنىڭ جارتىسىن يەلەدى.
كەڭ بايتاق ازيا - ەۆروپا قۇرلىعىندا سەلبەستىك پەن العا باسۋدىڭ كۇي تاراۋى سان رەت شارىقتادى. ”تاۋار ساۋدا كورمەسى جىبەك جولى ەكونوميكالىق بەلدەۋىنىڭ وزەكتى رايونىندا قۇرىلعان ماڭىزدى تۇعىرعا، جۇڭگونىڭ توڭىرەگىندەگى ەلدەرمەن سەلبەستىك جاساۋىنىڭ ماڭىزدى ارناسىنا، شينجياڭنىڭ تاماشا وبرازىن ايگىلەيتىن ماڭىزدى تەرەزەگە اينالدى“، - دەدى وسى كەزەكتى تاۋار ساۋدا كورمەسى ۇيىمداستىرۋ كوميسسياسىنىڭ ۇنەمىلىك ىستەرگە جاۋاپتى ورىنباسار باس حاتشىسى جۋ حىشياڭ.
وسى كەزەكتى تاۋار ساۋدا كورمەسىندە وزبەكستان مەملەكەتتىك كورمە سارايىن اشىپ، ازىق - تۇلىك، اۋىل شارۋاشىلىق ونىمدەرى، توقىماشىلىق بۇيىمدارى سياقتى ونىمدەردى كورمەگە قويدى.
”ءبىز تاۋار ساۋدا كورمەسىنىڭ بەلسەندى اسەرىن سەزىندىك“. وزبەكستاننىڭ جۇڭگودا تۇراتىن باس ەلشىلىگىنىڭ ساۋدا اقىلشىسى احمالحون وليمحونوۆ مىنانى ءبىلدىردى: وزبەكستاننىڭ ورگانيكالى، تابيعي اۋىل شارۋاشىلىق ونىمدەرىن وندىرۋمەن اتى شىققان، تاۋار ساۋدا كورمەسى تۇعىرىنا سۇيەنىپ، اناعۇرلىم كوپ ونىمدەردى جۇڭگو بازارىنا كىرۋگە تانىستىرۋدى ءۇمىت ەتەمىز.
قازىرگى دۇنيە جۇزىندە اشىق بولۋ ارقىلى سەلبەستىك كۇشىن توپتاعاندا عانا، سەلبەستىك بارىسىندا ءىرى ءىس تىندىرۋعا، ويداعىداي ءىس تىندىرۋعا، باياندى ءىس تىندىرۋعا بولادى.
ءتوراعا شي جينپيڭ 7 - كەزەكتى جۇڭگو − ازيا − ەۆروپا كورمەسىنە جولداعان قۇتتىقتاۋ حاتىندا بىلاي دەپ اتاپ كورسەتتى: ازيا − ەۆروپا قۇرلىعى دامۋ ومىرشەڭدىگىنە جانە كومەسكى كۇشكە تولى، ”ءبىر بەلدەۋ، ءبىر جولدى“ بىرگە قۇرۋ حالىقارالىق سەلبەستىگىندەگى ءتۇيىندى ءوڭىر. شينجياڭ ازيا − ەۆروپا ۇلى قۇرلىعىنىڭ قويناۋىنا ورنالاسقان بولىپ، ”ءبىر بەلدەۋ، ءبىر جولدى“ بىرگە قۇرۋ تاماشا جوباسىندا وگەيسىتۋگە كەلمەيتىن ورنى جانە رولى بار.
باس شۋجي شي جينپيڭنىڭ نۇسقاۋىنا بويسۇنعان شينجياڭ كەلەلى ستراتەگيالىق ورايدى مىقتى ۇستاپ، جىبەك جولى ەكونوميكالىق بەلدەۋى وزەكتى رايونىنىڭ جوعارى ساپالى دامۋىن تاسقىنداعان قايراتپەن جەدەل ىلگەرىلەتىپ، ەل ءىشى، حالىقارا سىندى ەكى بازاردان، ەكى ءتۇرلى بايلىقتان پايدالانىپ، جاڭا دامۋ ارناسىنا بەلسەنە قىزمەت وتەپ جانە وعان توعىسىپ، سىرتقا ەسىك اشۋدىڭ ۇلكەن ارناسى بىرتىندەپ قالىپتاستى.
تيانشاندا تۇس - تۇستان جەلكەن كوتەرىلىپ، ارىنداي ىلگەرىلەۋدىڭ جاڭا جاعدايى اشىلدى. تاريحتىڭ ساعات سترەلكاسى تىڭ شكالانى كورسەتتى. شينجياڭ سالىستىرمالى تۇيىق ىشكى قۇرلىقتان سىرتقا ەسىك اشۋدىڭ الدىڭعى شەبىنە اينالۋدا.
