8 ـ ايدىڭ 20 ـ كۇنى لوپ اۋدانى بەستوعىراق اۋىلى سوگەتبوستان قىستاعىنداعى 10 شاقىرىمدىق شاپتول گۇلى شارۋالار شاتتىعى ساياجايىنا بارعانىمىزدا، بۇل ارادان ساياحاتشىلاردىڭ اياعى ۇزىلمەيتىنىن، ورتاسى تازا دا رەتتى، اعاشتاردىڭ جايقالىپ تۇرعانىن كوردىك.
سوڭعى جىلداردان بەرى، سوگەتبوستان قىستاعى كورىكتى اۋىل ـ قىستاق قۇرىلىسىن وراي ەتىپ، اۋىل ـ قىستاق ەكولوگيالىق ساياحاتى مەن اۋىل شارۋاشىلىعىنىڭ ىشكەرىلەي توعىسۋىن ىلگەرىلەتتى.
سوگەتبوستان قىستاعىنىڭ ٴبىرىنشى شۋجيى پادار وبۇلاسەن بىلاي دەدى: ”سوگەتبوستان قىستاعىنىڭ 10 شاقىرىمدىق شاپتول گۇلى شارۋالار شاتتىعى ساياجايى وزگەشە جاراتىلىستىق ورتاعا جانە شارۋالاردىڭ ٴدامدى تاعامدارىنا، گۋمانيتارلىق سالت ـ ساناعا سۇيەنىپ، اۋىل ـ قىستاق ساياحات كاسىبىن زور كۇشپەن دامىتىپ، توڭىرەكتەگى 20 نەشە بۇقارانى جاقىن ماڭدا، سول جەردە جۇمىستانۋعا جەتەكتەدى، شارۋالار شاتتىعى ساياجايى ساياحاتشىلاردىڭ قاجەتىن قاناعاتتاندىرۋمەن بىرگە، اۋىل ـ قىستاقتى گۇلدەندىرۋگە دەم بەردى“.
شارۋالار شاتتىعى ساياجايى تاعامدانۋ، ارالاۋ، ساياحات، كوڭىل اشۋ سياقتى فاكتورلاردى ارقاۋ ەتىپ، سايكەستى قۇرىلعىلار مەن قىزمەت وتەۋ جۇيەسىن كەمەلدەندىرىپ، بۇقارانىڭ قالتاسىن قامپايتىپ، تابىس سەزىمىن، باقىت سەزىمىن بارعان سايىن كۇشەيتتى، شارۋالار شاتتىعى ساياجايىنىڭ ەت، كوكونىس سياقتى ازىق ـ تۇلىك ماتەريالدارى تۇگەلدەي تابيعي، وتباسىندا باعىلعان مالدىڭ ەتى مەن ەگىلگەن كوكونىستەر بولىپ، جاسىل، زالالسىز. قاقتالعان قوي، تورە تاباق تاۋىق ەتى، قاقتالعان جۇمىرتقا، قاقتالعان بالىق، شارۋالار ەرەكشەلىگىندەگى جاسىل تاعامدار 10 شاقىرىمدىق شاپتول گۇلى شارۋالار شاتتىعى ساياجايىنىڭ جاقىن ماڭدا تانىمال بولۋىنا مۇمكىندىك جاسادى.
كەلەسى قادامدا، بەستوعىراق اۋىلى اۋىل ـ قىستاقتى گۇلدەندىرۋ ستراتەگياسىنىڭ جالپى تۇلعالىق جوباسى بويىنشا، اۋىل ـ قىستاق ساياحاتىن كۇش سالا دامىتىپ، شارۋالار شاتتىعى ساياجايىنىڭ دەڭگەيىن جوعارىلاتىپ، بۇقارا تۇرمىسىن اناعۇرلىم تىڭ ساتىعا كوتەرەدى. (لوپ اۋداندىق توعىسپالى مەديا ورتالىعىنىڭ ٴتىلشىسى حۋاڭ ي)
