□ انار بۇلت \ شينجياڭ گازەتىنىڭ تىلشىلەرى چىن چياڭۋي، لۋ فىڭباۋ
”كەلىڭىز، مەن دايىنداعان شايدەن ءدام تاتىڭىز“. 8 - ايدىڭ 16 - كۇنى اق جەيدەلى ي شياۋجۇن كەڭسەسىندەگى شاي ۇستەلىندە پۋەر ءشايىن دايىنداپ، تىلشىلەردى كۇتىپ الدى.
”80 - جىلداردىڭ تۇلەگى“ شينجياڭدىق وسى سىبە جىگىتتىڭ ي - ۋ قالاسىنا كەلگەنىنە 19 جىل بولىپتى، ي - ۋعا كۇيەۋ بالا بولعان ول الدەقاشان شاي دايىنداپ قوناق كۇتۋگە ادەتتەنگەن ەكەن.
شينجياڭنان ي - ۋعا كەلىپ شارۋاشىلىق قۇرعان كەشىرمەسىنە توقتالعاندا، ي شياۋجۇن تەبىرەنە بىلاي دەدى: ”مەنىڭ ءومىر كەشىرمەم سىرتقا ەسىك اشۋمەن تىعىز بايلانىستى، ’ءبىر بەلدەۋ، ءبىر جول‘ ارمانىمدى ىسكە اسىردى“.
2002 - جىلى ي شياۋجۇن ءۇرىمجى بيانجياڭ قوناق سارايى ساۋدا بازارىنداعى گرۋزيانىڭ ءبىر زات تاسىمال كاسىپورنىندا جۇمىس ىستەي ءجۇرىپ، ورىس ءتىلىن وزدىگىنەن ۇيرەنەدى. ول باسقالارعا ىستىق ىقىلاسپەن مامىلە جاسايتىن، كىسىلىككە ءمان بەرەتىن مىنەزىمەن گرۋزيالىق كوپتەگەن ساۋداگەرمەن دوستاسىپ، كەيىنگى كەزدە شارۋاشىلىق قۇرۋعا نەگىز قالادى.
”ول كەزدەرى شينجياڭنىڭ سىرتقى ساۋداسى شىنىندا دا وتە جاقسى بولدى، ءبىزدىڭ قامبامىز قىسقا عانا بىرنەشە جىلدا 2دەن 8گە كوبەيىپ، قاۋىرت مەزگىلدە كۇنىنە 12 اۆتوكولىك جۇكتى گرۋزياعا جونەلتەتىنبىز“. ي شياۋجۇن ەسكە الىپ بىلاي دەدى: سول كەزدە جۇڭگونىڭ گرۋزياعا جونەلتەتىن زاتتارىنىڭ بارلىعى بيانجياڭ قوناق سارايىنداعى قامباعا جينالعان سوڭ، اۆتوموبيل ارقىلى تاسىمالداناتىن.
كەيىن كەلە سەرىكتەستىك ي - ۋدان ۇرىمجىگە تاسىلاتىن زاتتاردىڭ وتە كوپ ەكەنىن بايقاپ، 2004 - جىلى ي شياۋجۇندى ي - ۋعا تەڭىز تاسىمالى لەنياسىن اشۋعا جىبەرەدى. ءسويتىپ ي شياۋجۇن ي - ۋمەن بايلانىس ورناتادى.
ي - ۋعا العاش بارا سالعاندا ي شياۋجۇن بىردەن ۇيلەسىپ كەتە المادى، جۇڭگو مەن گرۋزيا اراسىنداعى ساۋدا بارىس - كەلىسىنىڭ جيىلەۋىنە ىلەسە، ونىڭ قىزمەتى بارعان سايىن قاربالاس بولىپ، بىرتە - بىرتە ي - ۋ تۇرمىسىنا داعدىلانىپ كەتەدى.
كوزدى اشىپ - جۇمعانشا 2010 - جىلعا اياق باستى، الايدا ي - ۋلىق قالىڭدىعىمەن ۇيلەنۋ الدىندا تۇرعان ونىڭ ءۇيى دە، اۆتوكولىگى دە جوق بولاتىن، ي شياۋجۇن تاۋەكەلگە بەل بايلاپ ءوزى شارۋاشىلىق قۇرۋعا بەكيدى.
”ي - ۋدا شارۋاشىلىق قۇرۋ قولايلى“. ي شياۋجۇن بۇرىنعى قىزمەتتەگى جاقسى اتىمەن شارۋاشىلىق قۇرعان العاشقى مەزگىلدە گرۋزيالىق قاريدارلارىنىڭ قولداۋى مەن كومەگىنە يە بولىپ، 2012 - جىلى العاشقى جۇمىس كەڭسەسىن ساتىپ العاندىعىن ايتتى.
”ساۋدادا تەك اقشا تابۋدى عانا ويلاماي، قاريدارلاردى دوسىڭ رەتىندە ساناپ، باسقالاردى وزىڭدەي كورگەندە عانا تەڭ يگىلىككە كەنەلۋگە بولادى“، - دەدى ي شياۋجۇن. قازىر ول تابىسقا جەتىپ، ۇيلەنگەندە ”ايەلىن جاقسى تۇرمىسقا كەنەلتەمىن“ دەگەن ۋادەسىن ورىندادى.
ۋاقىت زىمىراپ ءوتىپ جاتتى، 2015 - جىلى ي شياۋجۇننىڭ سىرتقى ساۋداسى ورنىقتى دامىپ، كۇننەن - كۇنگە جاقساردى، ول وسىمەن قاناعاتتانباي، جاڭا كاسىپ بەتالىسىن قاراستىرا باستادى.
”سول كەزدە ’ءبىر بەلدەۋ، ءبىر جولدى‘ بىرگە قۇرۋ باستاماسى العا قويىلعاندىعىنا 2 جىل بولعان ەدى، گرۋزيا دا دارىپتەمەگە ەڭ ەرتە ءۇن قوسقان ەلدەردىڭ ءبىرى بولدى، وسى ورايدا جاڭا ساۋدا ورايىن قاراستىرعىم كەلدى“، - دەدى ي شياۋجۇن.
ي شياۋجۇننىڭ شينجياڭدىق دوستارى وعان گرۋزيانىڭ قىزىل اراعىن تانىستىرادى، بۇل وعان تاڭسىق سەزىلدى. ”مەنىڭ گرۋزيامەن ساۋدا جاساسقانىما ۇزاق جىل بولسا دا، قىزىل اراعىن بىلمەيدى ەكەم، ەندەشە جۇڭگونىڭ كوپ ساندى تۇتىنۋشىلارى دا بىلمەيتىن بولدى عوي“، - دەدى ي شياۋجۇن، بۇل كەڭ جاڭا بازار ءورىسى بار ەكەندىگىن اڭعارتادى.
ي شياۋجۇن جاعدايدى يەلەگەننەن كەيىن، گرۋزيانىڭ ءجۇزىم شارابىن اشىتۋ تاريحىنىڭ ۇزاق ەكەنىن، ودان دا ماڭىزدىسى، ولاردىڭ فارفور كۇبىدە اراق اشىتۋ ونەرى دۇنيە جۇزىندەگى بەيزاتتىق مادەني مۇرا ەكەنىن بىلەدى.
اراق اتاۋلىنى تاتپايتىن ي شياۋجۇن شينجياڭعا ارنايى كەلىپ، ازيا − ەۆروپا بازارىنا ەڭ جاقىن جەر شينجياڭدا گرۋزيانىڭ قىزىل اراعىنىڭ ءوتىمدى ەكەندىگىن بايقايدى. ول بۇل ءىستى قولعا الۋعا بولادى ەكەن دەپ قارايدى.
ي - ۋعا قايتقاننان كەيىن، ي شياۋجۇن گرۋزيانىڭ قىزىل اراعىن بەرىلە زەرتتەيدى ءارى يمپورت ەتۋگە كىرىسەدى. ”سول كەزدە شارۋاشىلىق قۇرعان العاشقى كەزدەگىدەي ەرەكشە جىگەرلەندىم“، - دەدى ي شياۋجۇن.
سول جىلى ي شياۋجۇن قۇرعان گرۋزيا مادەنيەتىن نەگىزگى تاقىرىپ ەتكەن جالپىلاستىرۋ، سەزىنۋ ورتالىعى ي - ۋدا تياناقتاندى. سول جىلى ول گرۋزيادا ”گرۋزيا مادەنيەتىن جالپىلاستىرۋ ەلشىسى“ دەگەن اتاققا يە بولادى.
2016 - جىلى ي - ۋ قالالىق حالىق ۇكىمەتى گرۋزيانىڭ قاتىستى تاراۋلارىمەن ستراتەگيالىق سەلبەستىك كەلىسىمىنە قول قويادى، ىلە - شالا 360 مىڭ قۇمىرا قىزىل اراق ي - ۋ قورعامالى باجى زات اينالىمى ورتالىعىنىڭ شەتەل قامباسىنا جەتەدى.
2018 - جىلى جۇڭگو مەن گرۋزيانىڭ ەركىن ساۋدا كەلىسىمى رەسمي كۇشكە يە بولدى، سونىمەن ي شياۋجۇننىڭ ساۋداسى اناعۇرلىم كەڭەيۋ مۇمكىندىگىنە يە بولادى. كەلەسى جىلى ول ي - ۋدا كىۋيلي گرۋزيا قىزىل اراعى مۇراجايىن قۇرادى.
قازىر ي شياۋجۇن ءوزىنىڭ قىزىل اراق ماركاسىن جاراتىپ، گرۋزيانىڭ 15 شاراپ قورجاسىمەن سەلبەسىپ، جىلىنا 540 مىڭ قۇمىرا قىزىل اراقتى يمپورت ەتەدى.
”ءبىر بەلدەۋ، ءبىر جول“ قۇرىلىسىنىڭ ىشكەرىلەي ىلگەرىلەۋىنە ىلەسە ي شياۋجۇننىڭ سىرتقى ساۋداسى كىلەڭ ەكسپورت ەتۋدەن يمپورت - ەكىسپورتتىڭ تەڭگەرىمدى دامۋىنا قاراي ويىستى.
باستاپقى كەزدەگى تاس جول تاسىمالىنان دامىپ كەيىنگى تەڭىز تاسىمالىنا ويىستى، وسى بىرنەشە كۇندە ي شياۋجۇن ي - ۋ − شينجياڭ − ەۆروپا كەزەكشى پويەزىنە وتىرىپ، زاتتارىن تەمىر جول ارقىلى گرۋزياعا جەتكىزۋدى سىناپ كورمەكشى.
”10 نەشە جىلدان بەرى مەن شينجياڭ مەن ي - ۋدىڭ اراسىندا ءوزىمنىڭ ’جاڭا جىبەك جولىمدى‘ باسىپ وتكەندەي بولدىم“، - دەدى ي شياۋجۇن كۇلىپ.
7 - ايدىڭ 31 - كۇنى جۇڭگو مەن گرۋزيا «جۇڭحۋا حالىق رەسپۋبليكاسى ۇكىمەتى مەن گرۋزيا ۇكىمەتىنىڭ ”ءبىر بەلدەۋ، ءبىر جولدى“ بىرگە قۇرۋ سەلبەستىك جوباسىنا» قول قويدى. ي شياۋجۇن قاتىستى حابارلاردى كورسەتىپ: ”الداعى جەردە ساۋدامنىڭ بولاشاعى ءتىپتى دە نۇرلى بولادى“، - دەدى.
