سونىمەن بىرگە تاۋار ساۋدا كورمەسىندە ءبىرتالاي ”ەڭدەر“ جارىققا شىقتى
انار بۇلت \ شينجياڭ گازەتىنىڭ ءتىلشىسى حي حۇڭۋي 8 - ايدىڭ 23 - كۇنى ۇرىمجىدەن حابارلايدى. 2023 - جىلعى (جۇڭگو) ازيا − ەۆروپا تاۋار ساۋدا كورمەسىنىڭ اقپار جاريالاۋ ماجىلىسىنەن ۇعىسۋعا قاراعاندا، 2023 - جىلعى (جۇڭگو) ازيا − ەۆروپا تاۋار ساۋدا كورمەسىندە جالپى سوماسى 521 ميلليارد 37 ميلليون يۋاندىق 360 ەكونوميكا - ساۋدا سەلبەستىك نىسانى جونىندە كەلىسىم جاسالعان. مۇنىڭ ىشىندە اۆتونوميالى رايون سوماسى 493 ميلليارد 212 ميلليون يۋاندىق 273 ساۋداگەر شاقىرىپ قارجى ەنگىزۋ توقتام نىسانى جونىندە كەلىسىم جاساسقان. وسى كەزەكتى تاۋار ساۋدا كورمەسىندە ءبىرتالاي ”ەڭدەر“ جارىققا شىققان.
كورمە - ماجىلىسكە قاتىناسۋ كولەمى جاعىنان وتكەن ءار كەزەكتەگى تاۋار ساۋدا كورمەلەرىنىڭ اراسىندا ەڭ كولەمدىسى بولدى. وسى كەزەكتى تاۋار ساۋدا كورمەسىنە ازيا، ەۆروپا، افريكا، امەريكا قۇرلىقتارىنداعى 40 مەملەكەت پەن رايوننان، سونداي - اق 7 حالىقارالىق ۇيىمنان 800دەن استام سيلى قوناق، ساۋدا - ونەركاسىپشىلەر سالاسىنداعى قايراتكەرلەر، تانىمالى وقىمىستىلار قاتىناستى.
تاۋار ساۋدا كورمەسىن ۇيىمداستىرۋ كوميسسياسىنىڭ ۇنەمىلىك ىستەرگە جاۋاپتى ورىىنباسار باس حاتشىسى، اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ ورىنباسار شۋجيى، مەڭگەرمە باستىعى شيڭ تاۋ مىنالاردى ءبىلدىردى: ءار سالاداعى سيلى قوناقتار كوپ جاقتى ديپلوماتيانى ىلگەرىلەتۋ، ەكونوميكا - ساۋدا سەلبەستىگىن كۇشەيتۋ، گۋمانيتارلىق اۋىس - كۇيىستى تەرەڭدەتۋ سياقتى جاقتاردا كەڭىنەن اۋىس - كۇيىس ورىستەتىپ، ەلىمىزدىڭ، اسىرەسە، جۇڭگو شينجياڭىنىڭ ورتا ازيا، باتىس ازيا، وڭتۇستىك ازيا جانە ەۆروپا ەلدەرىمەن اۋىس - كۇيىستى، سەلبەستىكتى جوعارى دەڭگەيدە، بيىك ورەدە ىلگەرىلەتۋىنە اناعۇرلىم بەرىك نەگىز قالادى.
كورمە كورسەتىلىمى ”كەرەمەت“، كورمە كولەمى ەڭ ۇلكەن بولدى. وسى كەزەكتى تاۋار ساۋدا كورمەسىنىڭ كولەمى 70 مىڭ شارشى مەتر بولىپ، 6 ۇلكەن كورمە تاقىرىبى ورنالاستىرىلدى. تاۋار ساۋدا كورمەسىنە شەكارا ءىشى - سرتىنان ينتەرنەت جەلىسىنەن تىسقارى دا 1380 كاسىپورىن قاتىناستى، مۇنىڭ ىشىندە دۇنيە جۇزىندەگى 500 ەگەي كاسىپورىن قاتارىنداعى 25 كاسىپورىن، جۇڭگوداعى 500 ەگەي كاسىپورىن قاتارىنداعى 7 كاسىپورىن، كاسىپ سالاسىنداعى 117 جەتەكشى كاسىپورىن كورمە - ماجىلىسكە قاتىناستى.
حالىقارالانۋ دەڭگەيى ەڭ جوعارى بولدى. وسى كەزەكتى تاۋار ساۋدا كورمەسىنىڭ كورمە - ماجىلىسىنە 18 مىڭ 700 ساۋداگەر قاتىناستى، مۇنىڭ ىشىندە حالىقارالىق ساۋداگەر 1000نان اسادى، شينجياڭنىڭ توڭىرەگىندەگى ءۇندىستاننان باسقا ەلدەردىڭ بارلىعى كورمە - ماجىلىسكە قاتىناستى.
وسى كەزەكتى تاۋار ساۋدا كورمەسىنىڭ بارلىق سارايلارىندا ەرەكشە اشەكەيلەنگەن كورمە ورنىنىڭ سالىستىرماسى تۇڭعىش رەت ％60تەن اسىپ، بۇرىنعى كەزەكتەگىلەردەن ％20تەي جوعارى بولدى. قارجى قوسۋ، سەلبەستىك كورمە اۋماعى تۇڭعىش رەت ورنالاستىرىلىپ، شينجياڭ ءوندىرىس - قۇرىلىس بيڭتۋانى مەن ءارقايسى ايماق، وبلىس، قالانىڭ قارجى قوسۋ، سەلبەستىك كورمە اۋماعىنىڭ كورمەلەۋ اۋدانى تۇڭعىش رەت 6000 شارشى مەتردەن اسىپ، بۇرىنعى ءار كەزەكتەگى تاۋار ساۋدا كورمەسىنەن الدەقايدا اسىپ ءتۇستى.
ساۋدانى جەبەۋ قيمىلى باي مازمۇندى بولىپ، سول تۇستاعى قيمىل ەڭ كوپ بولدى. وسى كەزەكتى تاۋار ساۋدا كورمەسىنىڭ ساۋدانى جەبەۋ قيمىلىندا ساۋداگەرلەرگە دالمە - ءدال قىزمەت وتەۋ نىسانا ەتىلىپ، كاسىپ سالاسى تالقى مىنبەرى، كەڭەسۋ، ءوندىرۋ مەن ساتۋدى ءتۇيىلىستىرۋ، اۋىس - كۇيىس ءماجىلىسى، تانىستىرۋ ءماجىلىسى جانە كەلىسىمگە قول قويۋ سالتى، ينتەرنەت جەلىسىندە تابىستىرىپ سەپتەۋ سىندى كوپ ءتۇرلى قيمىل جوبالاندى. كورمە كەزىندە جيىنى 64 رەت ساۋدانى جەبەۋ قيمىلى وتكىزىلدى.
وسى كەزەكتى تاۋار ساۋدا كورمەسىندە تۇڭعىش رەت تيانشان حالىقارالىق تۇتىنۋ فەستيۆالى وتكىزىلدى، ”ساحنا قيمىلى“، ”كورمە تۇعىرى قيمىلى“ جانە باسقا دا تۇتىنۋدى جەبەۋ قيمىلدارى ورنالاستىرىلدى، شينجياڭدا وندىرىلگەن تاڭداۋلى ونىمدەردى تۇڭعىش رەت تاراتۋ ماۋسىمى سىندى 70 جەلىلەس تۇتىنۋدى جەبەۋ قيمىلى جوبالانىپ وتكىزىلدى.
وسى رەتكى تاۋار ساۋدا كورمەسىندە كورەرمەن بۇقارانىڭ نازار اۋدارۋى مەن قاتىناسۋى ايرىقشا جوعارى بولدى، كورمەنى ارالاعان، كورگەن ادام 100 مىڭ ادامنان (رەت) اسىپ، كورمەدەگى ناقتى ساتىلۋ سوماسى 100 ميلليون يۋاننان استى. كورمە كەزىندە ۇيىمداستىرۋ القاسى رەسمي دوۋيىن نومىرىندە تىكە تاراتۋ، كورمە ارالاۋ قيمىلىن ورىستەتىپ، كۇنىنە جەلىگە شىققاندار 150 مىڭ ادامنان (رەت) استى، ۇيىمداستىرىلعان دوۋيىن تاقىرىبى قيمىلىنىڭ قويىلىمى 28 ميلليوننان استى. رەسمي ۋيشين الەۋمەتتىك نومىرىندە ينتەرنەت جەلىسىندەگى قيمىلدارعا بەلەت تاراتۋ قيمىلى ورىستەتىلىپ، 10 مىڭنان استام ادامدى ينتەرنەت جەلىسىندە قاتىناسۋعا باۋرادى.
وسى كەزەكتى تاۋار ساۋدا كورمەسى ينتەرنەت جەلىسىندە جانە ينتەرنەت جەلىسىنەن تىسقارى ءبىر ۋاقىتتا وتكىزۋدى جالعاستىرىپ، جيىنى 4600 جۇڭگولىق، شەتەلدىك كاسىپورىن ينتەرنەت جەلىسىندەگى كورمەگە قاتىناسىپ، 17 مىڭ 744 زاتتى كورمەلەپ، ينتەرنەت جەلىسى تۇعىرى جيىنى 6 ميلليون 290 مىڭنان استام (رەت) كورىلدى.
”وسى كەزەكتى تاۋار ساۋدا كورمەسى جوعارى دەڭگەيدە جوبالاۋدى كۇشەيتۋ، ساۋداگەر شاقىرۋدى، كورمەگە شاقىرۋدى كۇشەيتۋ، قىزمەت وتەۋ قامتاماسىزدىعى ناقتى دا پارمەندى بولۋداي ءبىر قىدىرۋ شارالار ارقىلى كورمەنىڭ ءساتتى اشىلۋىن قامتاماسىز ەتتى“. تاۋار ساۋدا كورمەسى ۇيىمداستىرۋ القاسىنىڭ ۇنەمىلىك ىستەرگە جاۋاپتى ورىنباسار حاتشىسى، شينجياڭ حالىقارالىق كورمە ىستەرى مەكەمەسى پارتيا باسشىلىق گرۋپپاسىنىڭ شۋجيى جۋ حىشياڭ الداعى جەردە تاۋار ساۋدا كورمەسىندەگى توقتامداردىڭ ۋادەدە تۇرۋىن، تياناقتانۋىن ويداعىداي قاداعالاپ، ۋادەدە تۇرۋ سالىستىرماسىن ارتتىراتىندىعىن ءبىلدىردى.
