انار بۇلت \ شينجياڭ گازەتىنىڭ ءتىلشىسى ۋاڭ نا 8 - ايدىڭ 24 - كۇنى ۇرىمجىدەن حابارلايدى. شينجياڭ گازەتى مەكەمەسى (توبى) ”سامعاۋ جولى − ’ءبىر بەلدەۋ، ءبىر جول‘ جەلى بويى جالپىلىق مەديالارىنىڭ كولەمدى حابارلاۋى“ 8 - ايدىڭ باسىندا باستالعاننان بەرى، حابار تۋىندىلارى ارت - ارتىنان جارىق كورىپ، جارقىن تۇيىندەر جارىققا شىعىپ، قوعامداعى ءار سالانىڭ جاپپاي نازارىن اۋداردى، ميكروبلوگتەگى تاقىرىپتىڭ وقىلۋ مولشەرى 7 ميلليوننان استى، قاتىستى حابار بايلىعى مەملەكەت شەكاراسىنان اتتاپ، شەكارا سىرتىنداعى مەديالاردان ورىن الىپ، حالىقارادا تاراتۋ جۇزەگە اسىرىلدى.
بيىل − ”ءبىر بەلدەۋ، ءبىر جولدى“ بىرگە قۇرۋ باستاماسى العا قويىلعاندىعىنىڭ 10 جىلدىعى. شينجياڭ گازەتى مەكەمەسىنىڭ (توبى) ”سامعاۋ جولى − ’ءبىر بەلدەۋ، ءبىر جول‘ جەلى بويى جالپىلىق مەديالارىنىڭ كولەمدى حابارلاۋى“ 8 - ايدىڭ 7 - كۇنى باستالدى، تىلشىلىك جاساۋ شاعىن اترەتىندەگىلەر جۇڭگو − ەۆروپا كەزەكشى پويەز جەلىسىن بويلاپ باتىسقا بەت الدى، قازىر ليانيۇنگاڭ، چۇڭچيڭ، جىڭجوۋ، ي - ۋ سياقتى ”ءبىر بەلدەۋ، ءبىر جول“ بويىنداعى ماڭىزدى ءتۇيىندى قالالار جونىندە حابار جاريالادى.
ليانيۇنگاڭ كونتينەر كەمەجايىندا، جەر بەتىنەن 50 مەتر بيىكتىكتەگى كابينكە ىشىندە وتىرىپ، اسپالى كوپىر جۇمىسىن اتقاراتىن شوفەردىڭ كۇندەلىكتى جۇمىسىن باستان كەشىردى؛ جىڭجوۋداعى جۇڭدامىن قورعامالى باجى بويىنشا جاڭا بولشەك ساتۋ ورتالىعىندا سەكۋندتىق جىلدامدىقتا ”دۇنيە جۇزىندەگى ساتىپ الۋشىلاردىڭ“ تاپسىرىسىن قابىلداۋدى سەزىندى؛ چۇڭچيڭ تەمىر جول كەمەجايىندا، ەكسپورت ەتىلەتىن تاۋارلاردىڭ جۇڭگو − ەۆروپا كەزەكشى پويەزىنە قالاي ”وتىرىپ“ الىسقا جول العاندىعىن كوزدەرىمەن كوردى... حابارلاۋ ساتىندە تىلشىلەر شاعىن اترەتى پورت، كەمەجاي، كاسىپورىن، باقشا رايونىنىڭ ءبىرىنشى شەبىنە بارىپ، ”ءبىر بەلدەۋ، ءبىر جولدى“ بىرگە قۇرۋدىڭ ارقاسىندا گۇلدەنىپ - كوركەيگەن، دامىعان جاعدايدى باسى - قاسىندا ناقتى سەزىنىپ، ءوز كوزدەرىمەن كورىپ كۋا بولدى. ءسات سايىن تىلشىلىك ىستەپ، لەزدە جارىق كورەتىن ءتۇرلى حابار ونىمدەرىن ”بۋى بۇرقىراعان“ كۇيىندە توراپتاعى وقىرماندارعا دەرەۋ جەتكىزدى. قازىرگە دەيىن، 100گە جۋىق ءتۇرلى ءونىم جارىق كوردى، مۇندا قىسقا حابار، قىسقا بەينەجازبا دا، ىشكەرىلەي حابارلاۋ، جوعارى دەڭگەيلى سۇحبات تا بار، حانزۋ تىلىندە تۇسىنىك جاساۋ دا، شەتەل تىلىندە حابار تاراتۋ دا بولدى، دابىراسى كۇشتى، جالپىلىق مەديا اسەرى كورنەكتى بولدى، شينجياڭنىڭ ”ءبىر بەلدەۋ، ءبىر جول“ بويىنداعى ولكە، قالالارمەن قول ۇستاسىپ، تىلەكتەس بولۋ، ”ءبىر بەلدەۋ، ءبىر جولدى“ بىرگە قۇرۋ تىلەگى مەن قيمىلىن تولىق ايگىلەدى.
كوپ ءتۇرلى تەكشەدە، كوپ تىلدە تاراتۋ وسى رەتكى حاباردىڭ ۇلكەن ءبىر ەرەكشەلىگى بولدى. شينجياڭ گازەتى مەكەمەسىنە (توبى) قاراستى تيانشان سايتى، «ۇلى قۇرلىق كوپىرى» جۋرنالى سياقتى تۇعىرلار حانزۋشا، اعىلشىنشا، ورىسشا تىلدەگى ونىمدەردى دەر كەزىندە جارىققا شىعاردى، سونداي - اق ورتا ازيا ەلدەرىنە جەتكىزىپ، شەكارا سىرتىنداعى مەديالارىنىڭ جاپپاي نازارىن اۋداردى. بۇگىنگى قازاقستان حابار اگەنتتىگى، ايگىلى جۋرنال «قازاقستان ءداۋىرى» سايتى «سامعاۋ جولى. ارمانعا قانات قاعۋ∣تەڭىز جاعالاۋىنداعى ”شينجياڭدىق بالا“»سياقتى اقپاراتتىق ونىمدەردى دەر كەزىندە تاراتتى. ميكروبلوگ تۇعىرىندا، تاقىرىپ # سامعاۋ جولىن تاماشالاۋ جونىندەگى كولەمدى حابار #، ءسىزدى باستاپ ءبىر بەلدەۋ، ءبىر جولدىڭ 10 جىلدىق وراسان زور وزگەرىسىن كورسەتەلىك #، سونداي - اق ىشكى تاقىرىپتاردىڭ وقىلۋ مولشەرى 7 ميلليون 100 مىڭعا جەتتى. سونىمەن بىرگە، تيانشان سايتى، انار بۇلت كليەنتى جەكە - جەكە ارناۋلى تاقىرىپ اشىپ، بارلىق حابار ونىمدەرىن جينادى، تاراتتى.
بۇدان سىرت، وسى رەتكى حابارلاۋدا شينجياڭ گازەتى شينحۋا گازەتى، چۇڭچيڭ گازەتى، حىنان گازەتى، جىجياڭ گازەتى، شانشي گازەتى سياقتى ولكە دارەجەلى پارتيا مەديالارىمەن بىرلەسىپ قيمىلداۋدى جۇزەگە اسىردى، ەكى جاق تولىق سەلبەستىك جاساپ، ”ءبىر بەلدەۋ، ءبىر جولدى“ حابارلاۋدى جوعارى ساپامەن ويداعىداي ىستەدى. ”حابار داۋىرمەن ۇندەسىپ، جارىق كورگەن تۋىندىلاردىڭ تۇرعىسى جاڭا دا وزگەشە بولدى“. شينحۋا گازەتى ليانيۇنگاڭ بولىمشەسىنىڭ باستىعى چىڭ چاڭچۇن بىلاي دەدى: شينجياڭ گازەتى مەكەمەسى (توبى) تىلشىلىك شاعىن اترەتى ليانيۇنگاڭدا نەبارى 5 كۇن عانا ايالدادى، الايدا جاريالانعان حاباردا ليانيۇنگاڭ كوزدە ۇستاعان ”ولشەم جانە ۇلگىنى“ ”ءبىر بەلدەۋ، ءبىر جول“ جالپى جاعدايىمەن ىرىقتىلىقپەن توعىستىرۋداعى ىسكەرلىك جانە جارقىن ءتۇيىندەر دالمە - ءدال قامتىلىپ كورسەتىلدى.
