− 2023 - جىلعى (جۇڭگو) ازيا − ەۆروپا تاۋار ساۋدا كورمەسى جونىندە جالپى شولۋ (2)
□ انار بۇلت \ شينجياڭ گازەتىنىڭ ءتىلشىسى ليۋ شياڭ
8 - ايدىڭ 17 - كۇنىنەن 21 - كۇنىنە دەيىن ”جىبەك جولى رۋحىن اسقاقتاتىپ، ازيا − ەۆروپا سەلبەستىگىن تەرەڭدەتۋدى“ نەگىزگى تاقىرىپ ەتكەن 2023 - جىلعى (جۇڭگو) ازيا − ەۆروپا تاۋار ساۋدا كورمەسى ۇرىمجىدە تابىسپەن وتكىزىلدى.
كورمە - ءماجىلىس كەزىندە قامداۋ مەن قاجەتسىنۋ بەلسەنە ءتۇيىلىستىرىلدى، سەلبەستىك جاساۋ، كەڭەسۋ دابىرالى جۇرگىزىلدى، اۋىل شارۋاشىلىعى ونىمدەرى ساۋداسى، نەگىزدىك قۇرىلعى قۇرىلىسىنان تارتىپ ەلەكتروندىق ساۋدا ىستەرى، وزىق عىلىم - تەحنيكا، جاسىل دامۋ سياقتىلارعا دەيىن جۇڭگو شينجياڭى مەن دۇنيە ءجۇزىنىڭ اۋىس - كۇيىس سەلبەستىگى جان - جاقتى، كوپ ساتىلى، جوعارى ساپالى دامۋعا قاراي بەت الدى.
بيىل − ”ءبىر بەلدەۋ، ءبىر جول“ باستاماسى العا قويىلعاندىعىنىڭ 10 جىلدىعى. 10 جىلدان بەرى وڭىرلىك ورىن باسىمدىعىن تولىق ساۋلەلەندىرۋ ارقىلى شينجياڭ جىبەك جولى ەكونوميكالىق بەلدەۋى وزەكتى رايونى قۇرىلىسىن بەلسەنە ىلگەرىلەتىپ، جۇڭگونىڭ ازيا − ەۆروپا وڭىرىندەگى ەلدەرمەن ۇلاستىرۋىن، تۇتاستىرۋىن، ءوزارا تيىمدىلىك جاساۋىن، سەلبەستىك ورناتۋىن، بىرگە دامۋىن جەبەپ، ”ءبىر بەلدەۋ، ءبىر جولدى“ بىرگە قۇرۋدى جاندى شينجياڭ امالياتىمەن قامدادى.
ەسىك اشۋ تۇعىرىن كۇشەيتتى، زورايتتى
تاۋار ساۋدا كورمەسى كەزىندە شۋاڭچيان توبى (شينجياڭ) كۇنلۇن بالون شەكتى سەرىكتەستىگى قازاقستاندىق ساۋداگەرمەن ءبىر ميلليون يۋاندىق تاپسىرىسقا قول قويدى. ”سەرىكتەستىگىمىز تاۋار ساۋدا كورمەسى تۇعىرىنان پايدالانىپ، كاسىپورىننىڭ زەرتتەپ جاساعان جاڭا ونىمدەرىن كورمەلەپ، اناعۇرلىم كەڭ بازار ءورىسىن اشتى“، - دەدى وسى سەرىكتەستىكتىڭ ساتۋ ديرەكتورى جوۋ جيانفىڭ.
وسى كەزەكتى تاۋار ساۋدا كورمەسىنىڭ ساۋدا اۋىس - كۇيىس جەتىستىكتەرى كورنەكتى بولدى: ينتەرنەت جەلىسىندە 4600 كاسىپورىن، ينتەرنەت جەلىسىنەن تىس 1300دەن استام كاسىپورىن كورمەگە قاتىناسىپ، 64 رەت ساۋدانى جەبەۋ قيمىلىن ورىستەتىپ، 360 ەكونوميكا - ساۋدا سەلبەستىك نىسانىنا قول قويىپ، ەكونوميكا - ساۋدا جەتىستىگى 521 ميلليارد 37 ميلليون يۋانعا جەتتى، بۇل وتكەن ءار كەزەكتەگى تاۋار ساۋدا كورمەسى كەزىندەگى قيمىلدار سانى جاعىنان ەڭ كوپ ءبىر كەزەك بولدى.
كورمە تابىستى اياقتادى. وسى بارىستا ءبىر قىدىرۋ ەكونوميكا - ساۋدا جەتىستىكتەرىنە كەلىسىپ، ۇزاق ءبىر مەزگىل ىشىندە شينجياڭدى ەل ىشىندەگى، حالىقاراداعى جەر - جەرمەن بايلانىستىرىپ تۇراتىن بولدى.
8 - ايدىڭ 23 - كۇنى جىبەك جولى ەكونوميكالىق بەلدەۋى وزەكتى رايون قۇرىلىسىنىڭ بەلگى سيپاتتى ينجەنەرياسى − ءۇرىمجى حالىقارالىق قۇرلىقتىق پورت رايونىندا كەزەكشى پويەزدەر گۋدەك شالىپ، زىمىراپ ءوتىپ جاتتى. شينجياڭنىڭ باسىمدىققا يە كاسىپ سالالارى وسى اراعا شوعىرلاندىرىلعاننان كەيىن، ونىمدەرى وسى ارادان دۇنيە ءجۇزىنىڭ جەر - جەرىنە تولاسسىز جونەلتىلدى. وسى كەزەكتى تاۋار ساۋدا كورمەسىندە كەلىسىم جاساسقان ءبىر ءبولىم زاكازدى ونىمدەر دە وسى ارادان شەتەل بازارىنا جول الدى.
تاياۋ جىلداردان بەرى ءۇرىمجى حالىقارالىق قۇرلىقتىق پورت رايونى ”كوپ ءتۇرلى فورمادا بىرلەسىپ تاسمالداۋدى“ وزەك ەتكەن ورتالىق ەكونوميكالىق شەڭبەرىن قالىپتاستىرىپ، ”بىرىكتىرىپ، شوعىرلى تاسمالداۋ“ زات اينالىمى ۇيىمداستىرۋ تاسىلىنەن پايدالانىپ، جۇڭگو − ەۆروپا كەزەكشى پويەزدەرى ءۇرىمجىنى ”باسىپ وتۋدەن“ ”جينالۋعا“ قاراي وزگەرتىپ، جالپى تۇلعالىق ”زات الىپ ءجۇرۋ“ قۋاتىن بارىنشا جوعارىلاتتى.
وڭتۇستىك شينجياڭدى نازارعا الساق، قاشقاردىڭ ”8 ەلگە تۇتاساتىن 5 وتكەلىمەن، ءبىر جولمەن ەۆروپا − ازيانى جالعاعان“ ەرەكشە وڭىرلىك باسىمدىعىن تياناق ەتىپ، قاشقار قورعامالى باجى اۋماعىندا ءار كۇنى كولىكتەر قايشالىسىپ جاتتى. وسى كەزەكتى تاۋار ساۋدا كورمەسىندەگى قاشقار ايماعىنىڭ ارناۋلى تانىستىرۋ قيمىلى ساتىندە ساۋداگەر شاقىرىپ قارجى ەنگىزۋ نىسانىنان 23ىنە قول قويىلىپ، كەلىسىم سوماسى 14 ميلليارد 851 ميلليون يۋان بولدى.
”قاشقار ايماعى تاۋار ساۋدا كورمەسى تۇعىرىنان پايدالانىپ، ەل ءىشى - سىرتىنداعى كاسىپورىندارمەن اناعۇرلىم جوعارى دەڭگەيدەگى، اناعۇرلىم كەڭ سالاداعى، اناعۇرلىم زور كولەمدەگى ەكونوميكا - ساۋدا اۋىس - كۇيىسىن، سەلبەستىگىن ورىستەتىپ، ءتىپتى دە كوپ كاسىپورىنشىنى قاشقاردى ەكسكۋرسيالاۋعا، تەكسەرۋ جۇرگىزۋگە، قارجى قوسىپ، كاسىپتى گۇلدەندىرۋگە باۋراپ، قاشقار قورعامالى باجى اۋماعىنىڭ جوعارى ساپالى دامۋدىڭ سارا جولىندا بارعان سايىن نىق قادام تاستاۋعا، الىسقا جەتۋىنە مۇمكىندىك جاسادى“، - دەدى قاشقار ايماقتىق اكىمشىلىك مەكەمەسى پارتيا باسشىلىق گرۋپپاسىنىڭ مۇشەسى، قاشقار ەكونوميكالىق اشۋ رايونى پارتيا قىزمەت كوميتەتىنىڭ شۋجيى چۇي لياندۇڭ.
ءۇرىمجى حالىقارالىق قۇرلىقتىق پورت رايونى ەسىك اشۋ تورابى قۋات دەڭگەيىن ۇلعايتۋدان قاشقار، قورعاس ەكونوميكالىق اشۋ رايونى ”ەكى رايوننىڭ“ قاناتىن كەڭ جايۋىنا دەيىن؛ ءۇرىمجى − سانجى − شىحىزى مەملەكەتتىك دەربەس جاڭالىق اشۋدان ۇلگى كورسەتۋ رايونى، جىبەك جولى ەكونوميكالىق بەلدەۋى جاڭالىق اشۋعا دەم بەرۋ، دامۋ سىناق رايونىنان ”ەكى رايوننىڭ“ الدىمەن ىسكە قوسىلىپ، الدىمەن سىناق جۇرگىزۋىنە، شاۋەشەك ءتۇيىندى جاساۋ، اشۋ سىناق رايونى قۇرىلىسىنا جەدەل قۇرىلىس جۇرگىزۋ مەزگىلىنە وتۋىنە دەيىن... تاياۋ جىلداردان بەرى شينجياڭ وڭىرلىك ورىن باسىمدىعىن تولىق ساۋلەلەندىرىپ، مەملەكەتتىڭ باتىسقا ەسىك اشۋ جالپى تۇلعالىق ورنالاستىرۋىمەن بەلسەنە توعىستىرىپ، ”ءبىر پورت، ەكى رايون، بەس ورتالىق، كەدەن ەكونوميكالىق بەلدەۋى“ قۇرىلىسىن تۇتقا ەتە وتىرىپ، جىبەك جولى ەكونوميكالىق بەلدەۋى وزەكتى رايون قۇرىلىسىن جەدەلدەتۋدى ىلگەرىلەتتى. ءتۇرلى ەسىك اشۋ تۇعىرلارى شوعىرلانىپ، توعىسىپ، باتىس بولىكتە ەسىك اشۋدىڭ بيىگىن قالىپتاستىرۋعا اناعۇرلىم كەڭ تىرەك ازىرلەپ بەردى.
ۇلاستىرۋدى، تۇتاستىرۋدى ساپالىلاندىرۋدى جەدەلدەتتى
تاۋ - وزەنى تۇتاسقان جاقسى كورشى رەتىندە، قازاقستان، پاكيستان، قىرعىزستان كاسىپورىندارى سياقتىلار تاۋار ساۋدا كورمەسىنە بەلسەنە قاتىناسىپ، جەرگىلىكتى ەرەكشە ونىمدەرىمەن، مادەنيەت قيمىلدارىمەن كوزگە ءتۇستى.
الدىڭعى جارتى جىلدا شينجياڭنىڭ ورتا ازياداعى 5 ەلمەن ەكسپورت - يمپورت سوماسى 119 ميلليارد 660 ميلليون يۋان بولىپ، ％1. 75 ارتىپ، سول تۇستاعى ”ءبىر بەلدەۋ، ءبىر جول“ بويىنداعى ەلدەردىڭ ەكسپورت - يمپورت جالپى قۇنىنىڭ ％5. 86ىن يەلەدى.
”جەتىستىك تەك ساۋدا ساندى مالىمەتىندە عانا كورنەكتىلەنىپ قالماي، نەگىزدىك قۇرىلعىلار قۇرىلىسىندا دا ايگىلەندى“، - دەدى قازاقستاننىڭ ورىنباسار زۇڭليى ءارى ساۋدا جانە ءبىر تۇلعالاندىرۋ مينيسترلىگىنىڭ مينيسترى جۇمانعارين.
قازىر قورعاس جانە الاتاۋ ساعاسى ەكى وتكەلى ”بىر بەلدەۋ، ءبىر جول“ ارناۋلى ءدالىزىن اشىپ، جۇڭگونىڭ قازاقستانمەن، ءتىپتى ورتا ازيامەن، باتىس ازيامەن، ەۆروپا وڭىرىمەن بولعان ساۋدا جانە ۇلاستىرۋ - تۇتاستىرۋعا قولايلىلىق جاسادى.
”3 تاۋ، 2 ويپات“ قويناۋىندا تەمىر جولدار ايقاسىپ، تاس جولدار قايشالىسىپ، اۋە لەنياسى تورى كەڭگە جايىلدى. كۇن سايىن كەمەلدەنە تۇسكەن قاتىناس نەگىزدىك قۇرىلعىلارى شەتەلگە باعىتتالعان ارنالاردى ىركىلىسسىزدەندىرۋ دەڭگەيىن ۇزدىكسىز جوعارىلاتىپ، شينجياڭنىڭ جىبەك جولى ەكونوميكالىق بەلدەۋى وزەكتى رايون قۇرىلىسىنا پارمەندى قولداۋ كورسەتتى.
كەزەكتە شينجياڭ ەكى جاقتى حالىقارالىق تاس جول تاسىمالى لەنياسىنان 118ىن اشىپ، تاس جول، تەمىر جول، اۋەجاي، حابارلاسۋ، قۇبىر جولى، ەلەكتر تورى ”التىنى ءبىر تۇلعالاندىرىلعان“ ۇلاستىرۋ - تۇتاستىرۋ توراپ جەلىسى جۇيەسىن باستاپقى قادامدا قالىپتاستىردى.
”تىعىز“ بايلانىستىرۋ، ونان دا ماڭىزدىسى، ”جەدەل“ بولۋ كەرەك.
قورعاس وتكەلى − ”التىنى ءبىر تۇلعالاندىرعان“ قاتىناس تورابى جانە ۋنيۆەرسالدى كوپ يقۋاتتى شەكارا وتكەلى. 8 - اي كىرىسىمەن كۇنىنە 20 نەشە جۇڭگو − ەۆروپا (ورتا ازيا) كەزەكشى پويەزى وسى ارادان ءوتتى.
شەكارا وتكەلىنىڭ ەسىك اشۋ، دامۋ دەڭگەيىن اناعۇرلىم جوعارىلاتۋ ءۇشىن، قورعاس كەدەنى شەكارا وتكەلىندەگى ”تومەنگە بەرۋ، باسقارۋ، قىزمەت وتەۋ“ رەفورماسىن ىشكەرىلەي ىلگەرىلەتىپ، جۇمىس ءتارتىبىن ساپالىلاندىرىپ، تالون، كۋالىكتەردى ازايتىپ، ونىمدىلىكتى جوعارىلاتتى.
”ءبىز ءوتىنىش ەتۋ ارناۋلى تەرەزەسىن اشىپ، ’ءبىر تەرەزە‘ سياقتى زەردەلى تۇعىرلاردان پايدالانىپ، ءبىر تۇلعالانعان كەدەننەن وتكىزۋدى، قاعازسىز ءوتىنىش ەتۋدى جۇزەگە اسىردىق“. قورعاس كەدەنى باقىلاۋ - باسقارۋ 3 - ءبولىمىنىڭ 1 - دارەجەلى اكىمشىلىك زاڭ اتقارۋشىسى ابدۇحالەل ابدۇحالىق بىلاي دەدى: ورتا ەسەپپەن 20 − 30 مينۋتتا ءبىر كەزەكشى پويەزدى جونەلتۋ راسمياتىن ورىنداپ، كەزەكشى پويەزدىڭ ”كەلە سالىسىمەن تەكسەرىپ“، ”دەرەۋ جولعا شىعۋىنا“ شىنايى كەپىلدىك ەتەمىز.
ساناققا قاراعاندا، بيىل 3 - ايدان باستاپ قورعاس بەكەتى ايلىق كەزەكشى پويەزىنىڭ قاتىناۋ مولشەرى 600 رەتتەن جوعارى بولعان.
شينجياڭنىڭ مول جاراتىلىستىق بايلىعى، شەكارا اتتاعان وراسان زور ساۋدا كومەسكى كۇشى، سونداي - اق تاسىمال، زات اينالىمى قابىلەتى ”ءبىر بەلدەۋ، ءبىر جول“ بويىنداعى ەلدەردىڭ ساۋداسىنىڭ قارىشتاپ دامۋىن جەبەدى، سونىمەن بىرگە ءار جاقتى ”ءبىر بەلدەۋ، ءبىر جول“ جالپى جاعدايىمەن اناعۇرلىم تەرەڭ توعىسۋعا باۋراپ، دامۋدى بىرگە جوسپارلاپ، بولاشاققا بىرگە بەت الدى.
موڭعۇليا قوبدا ولكەسىنىڭ باستىعى بولورما وسى كەزەكتى تاۋار ساۋدا كورمەسىنە قاتىناسۋ بابىمەن جۇڭگو شينجياڭىنا تۇڭعىش رەت كەلدى. قوبدا ولكەسى مۇڭعۇليانىڭ باتىس وڭتۇستىك شەكارا وڭىرىنە ورنالاسقان، شينجياڭنىڭ سانجى حۇيزۋ اۆتونوميالى وبىلىسىمەن جانە التاي ايماعىمەن شەكارالاسادى، شينجياڭداعى ۇلاستاي جانە تايكەشكەن 2 تاس جول شەكارا وتكەلىمەن بىرگە يگىلىكتەنەدى.
”بىزدىڭ جۇڭگو شينجياڭىمەن تاماشا سەلبەستىگىمىز بار، ول ەكونوميكا، وقۋ - اعارتۋ، يمپورت - ەكسپورت سياقتى كوپ سالانى شارپيدى“. بولورما بىلاي دەدى: وسى رەت شينجياڭعا كەلۋدەگى باستى ماقسات شەكارا وتكەلىندەگى كەدەننەن ءوتۋدىڭ اناعۇرلىم ىركىلىسسىز بولۋىن ىلگەرىلەتۋ، سول ارقىلى ەكى جەردىڭ ساۋدا سوماسىنىڭ جەدەل ارتۋىن ىلگەرىلەتۋ.
دۇنيە جۇزىمەن قاۋىشىپ، قول ۇستاسا دامىدى
تاۋار ساۋدا كورمەسىندە دەن قويا ورنالاستىرىلعان كورمە تەكشەلەرىنەن ءوتىپ، ءوزارا پايدا جەتكىزىپ، تەڭ يگىلىككە كەنەلەتىن نىساندارعا كەلىسىم جاساسۋعا كۋا بولىپ، ەسىك اشۋ، سەلبەستىك ورناتۋدىڭ تاسقىنداعان ومىرشەڭدىك كۇشىن سەزىندى.
ىنتىماق، سەلبەستىك، تەڭ يگىلىككە كەنەلۋ سىندى شىعىس پاراساتى شينجياڭدى جاعراپيالىق ورىن جاعىنان ەسىك اشۋدىڭ الدىڭعى شەبىنە اينالدىرۋمەن بىرگە، پيسيحيكالىق جاقتان، كوز ايادان جانە وي جەلىسى جاعىنان دا سىرتقا ەسىك اشۋدىڭ داڭعىل جولىندا ارشىندى قاداممەن العا باستىردى.
بيىل 3 - ايدىڭ سوڭىندا شينجياڭ دوستىق اۋىس - كۇيىس ساپار ۇيىرمەسى ىلگەرىندى - كەيىندى قازاقستان، وزبەكستان، قىرعىزستان سياقتى ورتا ازيا ەلدەرىندە ساپاردا بولىپ، ەكونوميكا - ساۋدا، فينانس، عىلىم - تەحنيكا، وقۋ - اعارتۋ، دەنساۋلىق ساقتاۋ، دوس قالا سياقتى سالالاردا سۇبەلى تابىستارعا قول جەتكىزدى. سول ايدا 2 - كەزەكتى جۇڭگو (شينجياڭ) − قازاقستاننىڭ كورشىلەس وڭىرلەرىنىڭ دوستىق سەلبەستىك كەڭەسى وتكىزىلدى؛ 6 - ايدا 13 - كەزەكتى جۇڭگو − شينجياڭ − قاشقار. ورتا ازيا، وڭتۇستىك ازيا تاۋار جارمەڭكەسى وتكىزىلدى؛ 7 - ايدا 18 - كەزەكتى قازاقستان − جۇڭگو تاۋار كورمەسى وتكىزىلدى؛ 8 - ايدا 2023 (جۇڭگو) ازيا − ەۆروپا تاۋار ساۋدا كورمەسى سالتاناتپەن اشىلدى...
سىرتقا باعىتتالعان ءبىر قىدىرۋ اۋىس - كۇيىس، سەلبەستىك جاساۋ قيمىلدارى شينجياڭنىڭ يمپورت - ەكسپورت ساۋداسىنىڭ زور مولشەردە ارتۋىن جەبەدى. الەمدىك ساۋدانىڭ قىسىمعا توتەپ بەرۋ جاعدايىندا، الدىڭعى جارتى جىلدا شينجياڭنىڭ سىرتقى ساۋدا يمپورت - ەكسپورت جالپى قۇنى 149 ميلليارد 620 ميلليون يۋان بولىپ، سايكەس مەزگىلدەگىدەن ％2. 65 ارتتى، مۇنىڭ ىشىندە ”ءبىر بەلدەۋ، ءبىر جول“ بويىنداعى ەلدەرگە يمپورت - ەكسپورتى 138 ميلليارد 300 ميلليون يۋان بولىپ، شينجياڭنىڭ سىرتقى ساۋدا جالپى قۇنىنىڭ ％90تەن استامىن ۇستاپ، بۇكىل ەلدىڭ يمپورت - ەكسپورت ساۋداسىنداعى جارقىن كورىنىسكە اينالۋمەن بىرگە، شينجياڭنىڭ اشىق ەكونوميكاسى ءۇشىن دە قۋاتتى قوزعاۋشى كۇش ۇستەدى.
سىرتقا باعىتتالعان ءبىر قىدىرۋ اۋىس - كۇيىس، سەلبەستىك قيمىلدارى جىبەك جولى ەكونوميكالىق بەلدەۋى وزەكتى رايونىنىڭ حالىقاراداعى ىقپالىن ۇزدىكسىز جوعارىلاتتى. وسى كەزەكتى تاۋار ساۋدا كورمەسى حالىقارالانۋ دارەجەسى ەڭ جوعارى ءبىر كەزەك بولدى. كورمەگە قاتىناسقان ساۋداگەرلەر 18 مىڭ 700 ادام، مۇنىڭ ىشىندە حالىقارالىق ساۋداگەرلەردەن 1000نان استام ادام، 40 مەملەكەت پەن رايوننان، 7 حالىقارالىق ۇيىمنان كەلگەن سيلى قوناقتار كورمەگە، ماجىلىسكە قاتىناستى.
”تاۋار ساۋدا كورمەسى − ەڭ زور قۇلشىنىس جاساپ، ساۋدا بايلانىسىن كۇشەيتۋدەگى تاماشا وراي“. يران − جۇڭگو ونەركاسىپ - ساۋدا قوعامىنىڭ باس حاتشىسى ماريام سادات ساميافاد بىلاي دەدى: ’ءبىر بەلدەۋ، ءبىر جولدى‘ بىرگە قۇرۋ باستاماسىنا سۇيەنىپ، ءبىزدىڭ جۇڭگو شينجياڭىمەن اراداعى سەلبەستىك كومەسكى كۇشىمىز ۇزدىكسىز كەڭەيدى، شينجياڭ بازارىندا اناعۇرلىم قوماقتى ساۋدا سوماسى جۇزەگە استى“.
قازىر شينجياڭ 25 مەملەكەتپەن جانە حالىقارالىق ۇيىممەن 21 ءتۇرلى سەلبەستىك كەلىسىمىنە قول قويدى، حالىقارالىق دوستاسقان قالا 45كە جەتىپ، سىرتقى قارجى قوسۋى 60 نەشە مەملەكەت پەن رايوندى قامتىدى، شەكارا سىرتىندا 4 ەكونوميكا - ساۋدا سەلبەستىك باقشا رايونىن قۇردى، اشىق ”دوستار شەڭبەرى“ بارعان سايىن كەڭەيدى.
2023 - جىلعى تاۋار ساۋدا كورمەسىندە جۇڭگو شينجياڭى دۇنيە جۇزىمەن قاۋىشاتىن سەنىم كۇيىن، سونداي - اق دۇنيە جۇزىمەن ەسىك اشۋ، توعىسۋ، سەلبەسىپ تەڭ يگىلىككە كەنەلۋ شىنايى تىلەگىن اناعۇرلىم ايگىلەدى.
جاڭا ساپاردا ەسىك بارعان سايىن ايقارا اشىلدى، شينجياڭ كەڭ پەيىل، دارقان كوڭىلمەن جانە تەز قارقىنمەن دامىپ، ”ءبىر بەلدەۋ، ءبىر جول“ بويىنداعى ەلدەرگە اناعۇرلىم كوپ وراي جاراتىپ، جاڭا داۋىردەگى گۇلدەنۋدىڭ، دامۋدىڭ جاڭا بولاشاعىنان بىرگە يگىلىكتەنۋدە.
