□ انار بۇلت \ شينجياڭ گازەتىنىڭ تىلشىلەرى ءرايدا، ليۋ دۇڭلاي
شارۋاشىلىق قۇرعان 4 جىلدا، شانشيدىڭ شي - انىندا ءبىر اسحانانىڭ، ءبىر شاراپحانانىڭ تيجاراتىن جۇرگىزگەن، چاڭ - ان 12 ساعات نەگىزگى تاقىرىپتىق كوشە اۋماعىندا تاعى 8 شاعىن دۇكەنىم بار... ءتىلشى وسى تانىستىرۋدى ەستىگەندە، ونىڭ 28 جاستاعى شينجياڭدىق بويجەتكەن ەكەنىن مۇلدە ويلاماعان ەدى.
8 - ايدىڭ 20 - كۇنى شينجياڭ گازەتى مەكەمەسى (توبى) ”سامعاۋ جولى − ’ءبىر بەلدەۋ، ءبىر جول‘ جەلى بويى جالپىلىق مەديالارىنىڭ كولەمدى توعىسپالى مەديا حابارى“ تىلشىلىك شاعىن بولىمشە اترەتىندەگىلەر چاڭ - ان 12 ساعات نەگىزگى تاقىرىپتىق كوشە اۋماعىنا كەلدى.
”سالەمەتسىزدەر مە، مەن رايما بولامىن، اۋىلداستارىمدى كورگەنىمە قاباعات قۋانىشتامىن“. رايما احىمەتجان تىلشىلەرمەن قىزۋ مەرەيدە ءبىر - بىردەن قول الىستى، جۇزىنەن شات كۇلكى ەسىپ، جانارى كۇلىمدەي ءتۇستى.
الاسا بويلى، قۇلاڭ شاشتى رايما تالدىرماش تا نازىك ەكەن. ءبىراق سىرتتاي قاراعاندا كوز الدىمىزداعى ءمۇلايىم بويجەتكەننىڭ شي - اندا باردام اۋقاتى بار. ول قالايشا 4 جىل ۋاقىتتا شي - اندا وسىنشا ءال - اۋقات جاراتتى؟
رايما ءبىزدى ءوزىنىڭ چاڭ - ان 12 ساعات نەگىزگى تاقىرىپتىق كوشە اۋماعىمەن سەلبەسىپ باسقارعان ”حۋ سالتى كوشە اۋماعىنا“ باستاپ كەلدى.
سامسا، پالاۋ، كۇرىش كەسپە قۋىرماسى، كاۋاپ، ماروجني، دوعاپ... ”مىنا باستان انا باسقا دەيىن ءبارى مەنىكى“، - دەدى رايما ءبىر قاتار شاعىن دۇكەندەردى كورسەتىپ تۇرىپ. اعاش ويما، اسپا كىلەم، اتلاس اشەكەيلەرى... شاعىن دۇكەندەردىڭ ءىشى - سىرتى شينجياڭ فاكتورىمەن تولعان.
”مەنىڭ شي - انعا كەلىپ شارۋاشىلىق قۇرۋىما بىربەتكەيلىگىم سەبەپ بولدى“، - دەدى رايما.
2017 - جىلى رايما شانشي حالىقارالىق ساۋدا - ساتتىق شۋەيۋانى ءدارى - دارمەك ءىلىمى فاكۋلتەتىنەن وقۋ تاۋىسىپ شينجياڭعا قايتىپ كەلەدى، ءدارى - دارمەك ىلىمىنە ەجەلدەن اۋەس بولعان ول ءبىر ءدارى - دارمەك ۋاكىلەتتىك سەرىكتەستىگىنە قابىلدانىپ قىزمەتكە ورنالاسادى. ”ول كەزدە مەن قىزمەت ىستەي ءجۇرىپ، شينجياڭ مەديتسينا داشۋەسىنە اسپيرانتتىقا ەمتيحان بەرۋگە دايىندالعان ەدىم“، - دەدى رايما.
2018 - جىلدىڭ سوڭىندا 3 ءنومىرى جەتپەگەندىكتەن، رايما اسپيرانتتىقا وتە المادى. ”ايرىقشا قۇلشىنسام دا، ەمتيحاننان وتە المادىم. ەندىگارى ەمتيحان بەرمەيمىن، شارۋاشىلىق قۇرماق بولدىم“، - دەدى ول.
وسىلايشا 2019 - جىلى 3 - ايدا رايما اكە - شەشەسىنىڭ وعان ۇرىمجىدەن ءۇي ساتىپ الۋعا ازىرلەگەن الدىن الا تولەيتىن اقشاسىن الىپ شي - انعا كەلەدى. ”مەن بۇل ارادا 4 جىل وقىدىم، وسى اراعا ءبىرشاما قانىقپىن. ونىڭ ۇستىنە شي - ان قالاسى وتە باۋىرمال، كوپشىلىك شينجياڭنىڭ بار نارسەسىن ۇناتادى“، - دەدى رايما.
ورىن تاڭداۋ، جوبا جاساۋ، قارجىگەر ىزدەۋ... 3 ايدان كەيىن رايمانىڭ شي - انداعى تۇڭعىش اسحاناسى − ”جياڭلاييۋە“ اشىلادى. ”تۋ باستا ەشنارسەدەن حابارىم جوق ەدى، ءوزىم ءبىر باستان ۇيرەندىم، ىزدەنىس جاساپ ءجۇرىپ تولىق جوبا جاسادىم، ءبىراق قولداعى قارجى ءبىر اسحانا اشۋعا تاعى جەتپەيدى، سونىمەن شار تاراپتان قارجىگەر ىزدەدىم. باعىما جاراي، شينجياڭنان 2 قارجىگەر مەنى قولداۋعا ۇنادى“، - دەدى ول.
اشەكەيلەۋ، ادام قابىلداۋ، ماتەريال ساتىپ الۋ، ەسەپ جاساۋ، ۇگىت جۇرگىزۋ... سول كەزدە 24 جاستاعى رايما جونىنەن وسىنىڭ ءبارى بەيتانىس ەدى.
”اكە - شەشەم دە قاراپايىم قىزمەتشى، ساۋدا جاساۋ تاجىريبەلەرى جوق، ماعان ءجون سىلتەيتىن ادام بولمادى، امال جوق ءوزىم ۇزبەي ۇيرەندىم“. رايما سول جىلداردا كۇنىنە 4 تە 5 ساعات عانا ۇيىقتاعاندىعىن ايتتى.
تىنباي قۇلشىنىس جاساۋدىڭ ارقاسىندا، اسحانانىڭ ساۋداسى بارعان سايىن جاقساردى، ”جياڭلاييۋە“ وسى بويجەتكەنگە العاشقى تابىس سيلادى. سوڭىنان رايما تاعى ءبىر شينجياڭ اسحاناسىنا قارجى قوستى. ”جاقىنعى جىلدان بەرى كوپشىلىك شينجياڭنىڭ ءدامدى تاعامىنا، بيىنە، مادەنيەتىنە بارعان سايىن قىزىعاتىن بولدى، مەن دە شينجياڭ اسحاناسى كوپشىلىكتىڭ شينجياڭدى ءتۇسىنۋىنىڭ تەرەزەسى ەكەندىگىن بايقادىم“، - دەدى ول.
بىلتىر چاڭ - ان 12 ساعات نەگىزگى تاقىرىپتىق كوشە اۋماعى ساۋداگەر شاقىرۋ ءبولىمىنىڭ جاۋاپتىسى رايمانى ىزدەپ تاۋىپ، ونىمەن سەلبەسىپ ”حۋ سالتى كوشە اۋماعىن“ بىرگە باسقارۋدى ءۇمىت ەتتى.
”مەن ءبىر جىل تەكسەرۋ جۇرگىزدىم، باستان - اياق ءارى - ءسارى بولىپ كەلدىم، زەيىن - كۇشىم جەتپەي، ءبىر ادام ۇلگىرە المايمىن - اۋ دەپ الاڭدادىم“، - دەدى رايما.
الايدا تەكسەرۋ جۇرگىزگەننەن كەيىن، رايما چاڭ - ان 12 ساعات كوشە اۋماعىنىڭ شينجياڭدى تانىستىرۋدىڭ جاقسى مىنبەرى ەكەندىگىن بايقايدى. ”شي - انعا ساياحاتتاي كەلەتىندەر وتە كوپ، جەر - جەردىڭ ساياحاتشىلارى وسى كوشە اۋماعىنا كەلەدى، مەن بۇل ارادا ولارعا شينجياڭنىڭ ءدامدى تاعامى مەن مادەنيەتىن تىكە تانىستىرا الامىن، قانداي جاقسى“! ول بىلاي دەدى: شينجياڭ حيكاياسىن جانە شي - ان حيكاياسىن جاقسى بايانداۋ ءۇشىن، مەن كوپتەگەن تاريحي ماتەريالداردى اقتارىپ، ”بايىرعى جىبەك جولىن“ بۇگىنگى ”ءبىر بەلدەۋ، ءبىر جولمەن“ ۇشتاستىردىم.
رايمامەن اڭگىمەلەسكەنىمىزدە ونىڭ تەلەفونى ۇزىلمەدى. ”وسىنىڭ الدىندا ءبىر شاراپحانا اشىپ ەدىم، جاڭالاپ دارەجەسىن جوعارىلاتۋدامىن، سول ءۇشىن ءسال قاربالاسپىن. شاراپحانادا نەگىزىنەن ءوزىمىزدىڭ شينجياڭنىڭ ەرەكشە شارابىن ساتامىن، ايتالىق، ءمۇسالاس. رايما بىلاي دەدى: جاقسى ىستەگەندىگىم ءۇشىن بۇكىل ەلدىڭ جەر - جەرىنەن كەلگەندەر مەنى ىزدەيدى، ”بەيجيڭ، شاڭحاي، سان - يا، گۋاڭجوۋدان مەنى ىزدەيتىندەر كەلەدى، ماعان قارجى قوسامىز دەيدى، ءبىراق مەن قابىلدامادىم. ىستەپ ۇلگىرە المايمىن، ەلدىڭ اقشاسىن الىپ ءىسىن تىندىرا الماساڭ بولمايدى عوي“.
”ءبىر ادام مۇنشا كوپ جۇمىس ىستەپ، شارشامايسىڭ با“؟
”شارشامادىم دەسەم جالعان، تاستاپ كەتەيىن دەگەن ويعا دا كەلگەنمىن، ءبىراق ىستەي كەلە، اقشا تابۋ ءۇشىن ىستەپ جاتقانداي سەزىلمەيتىن بولدى، ەڭ كوپ ويلايتىنىم، شينجياڭنىڭ بارلىق جاقسى نارسەلەرىن كوپشىلىككە ۇسىنىپ، كوپشىلىككە شىنايى شينجياڭدى تۇسىنۋىنە، شينجياڭدى سۇيۋىنە وراي جاراتۋ. سوندىقتان شارشاسام دا مەيلى، جاسپىز عوي“! - دەدى رايما.
