اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى
باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعانداعى ماڭىزدى ءسوزىنىڭ رۋحىن مۇقيات جەتكىزدى، ۇيرەندى، دايەكتىلەندىردى
ما شيڭرۇي ءماجىلىستى باسقاردى
انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، ليۋ شياڭ 8 - ايدىڭ 26 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ تۇراقتى كوميتەتى 8 - ايدىڭ 26 - كۇنى كەشتە كەڭەيتىلگەن ءماجىلىس اشىپ، باس شۋجي شي جينپيڭنىڭ اۆتونوميالى رايوندىق پارتكوم مەن ۇكىمەتتىڭ، بيڭتۋاننىڭ قىزمەت مالىمەتىن تىڭداعانداعى ماڭىزدى ءسوزىنىڭ رۋحىن مۇقيات جەتكىزدى، ۇيرەندى، دايەكتىلەندىردى، دايەكتىلەندىرۋ، تياناقتاندىرۋ پىكىرىن اقىلداستى. اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى.
ءماجىلىس مىنالاردى اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە ايرىقشا ءمان بەردى، شەشۋشى ساتتەردە باس شۋجي شي جينپيڭ ءوزى تىكەلەي ءبىز ءۇشىن جاعداي باعامداپ، باعدار بەلگىلەپ، رول ۇستاپ، جول باستاپ، شينجياڭ قىزمەتىندە تۋراشىلدىقتان اينىماي جاڭالىق اشۋعا، جەڭىسپەن العا باسۋعا جەتەكشىلىك ەتتى. باس شۋجي بىلتىر 7 - ايدا شينجياڭعا كەلىپ كوزدەن كەشىردى، بۇل جولى بريكس ەلدەرى باسشىلارىنىڭ 15 - رەتكى ديدارلاسۋىنا قاتىناسىپ ءارى وڭتۇستىك افريكاداعى مەملەكەتتىك ساپارىن اياقتاتىپ، ەلگە ورالعان ساتتە، شينجياڭعا تاعى كەلىپ، اۆتونوميالى رايوننىڭ جانە بيڭتۋاننىڭ قىزمەت مالىمەتىن ارنايى تىڭداپ ءارى ماڭىزدى ءسوز سويلەپ، شينجياڭ قىزمەتىنە باسا ءمان بەرىپ، كوڭىل بولەتىندىگىن تولىق ايگىلەدى، شينجياڭداعى ءار ۇلت كادر - بۇقاراسىنا دەگەن تەرەڭ سۇيىسپەنشىلىگى مەن قامقورلىعىن تولىق ايگىلەدى، كورىكتى شينجياڭ قۇرۋ جونىندەگى ىقىلاستى ءۇمىتىن تولىق ايگىلەدى، ءبىز مۇنان بارىنشا شابىتتاندىق، ەرەكشە جىگەرلەندىك، جاۋاپكەرشىلىگىمىزدىڭ اۋىر ەكەندىگىن اناعۇرلىم تەرەڭ سەزىندىك. باس شۋجيدىڭ ماڭىزدى ءسوزى حالىقارالىق، ەل ءىشى ستراتەگيالىق جالپى جاعدايىن كوزدە ۇستاپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى اناعۇرلىم تەرەڭ بايىمداپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن ونان ارى بايىتىپ جانە دامىتىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە عىلمي باعدارناما ازىرلەپ، ءبىزدىڭ جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭدى اناعۇرلىم ويداعىداي قۇرۋىمىزعا ءتۇبىرلى بويسۇنۋ ولشەمىن ازىرلەدى. بۇكىل رايونداعى ءار دارەجەلى پارتيا ۇيىمدارى مەن قالىڭ پارتيالى كادرلار ساياسي دەڭگەيدى شىن مانىندە جوعارىلاتىپ، ”ەكىنى تۇراقتاندىرۋدى“ تاباندىلىقپەن قولداپ، ”ەكىنى قورعاۋدى“ باتىل ورىنداپ، باس شۋجيدىڭ ماڭىزدى ءسوزىنىڭ كەلەلى ءمانىن جەتە تانىپ، نەگىزگى تاقىرىپتىق تاربيە ورىستەتۋمەن ۇشتاستىرىپ، جاپپاي ۇيرەنۋگە، جاپپاي يگەرۋگە، جاپپاي تياناقتاندىرۋعا ۇزدىكسىز كۇش سالىپ، جاڭا جورىقتا تاپسىرمانى ەستە بەرىك ساقتاپ، العىس ايتا ەكپىندەي ىلگەرىلەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتىپ، ”جول كارتاسىن“ ”قۇرىلىس جۇرگىزۋ كارتاسىنا“، ”ناقتى كورىنىس كارتاسىنا“ نىق قاداممەن اينالدىرۋ كەرەك.
ءماجىلىس مىنالاردى باسا دارىپتەدى: باس شۋجي شي جينپيڭنىڭ ماڭىزدى ءسوزىنىڭ وزەكتى ءمانىن، باي مازمۇنىن جانە امالياتتىق تالابىن تەرەڭ ءتۇسىنىپ، ونى كورىكتى شينجياڭ قۇرۋدىڭ ءىس جۇزىندىك ارەكەتىنە قۇلشىنا اينالدىرۋ كەرەك. باس شۋجيدىڭ شينجياڭ قىزمەتى جونىندەگى ىنتالاندىرۋىن، تۇراقتاندىرۋىن تەرەڭ ءتۇسىنىپ، شينجياڭ قىزمەتىن ويداعىداي ىستەۋ سەنىمىن، بەكىمىن ونان ارى بەكەمدەپ، شينجياڭ قىزمەتىندە ۇزدىكسىز تىڭ ناتيجەلەرگە قول جەتكىزۋدى بار كۇشپەن ىلگەرىلەتىپ، باس شۋجيدىڭ، پارتيا ورتالىق كوميتەتىنىڭ زور ءۇمىتىن، ءسوز جوق، اقتاۋىمىز كەرەك. باس شۋجيدىڭ شينجياڭ قىزمەتى جونىندەگى ستراتەگيالىق ورىن تۇراقتاندىرۋىن تەرەڭ ءتۇسىنىپ، ”ەكى كەلەلى جاعدايدى“ كوكەيگە ءتۇيىپ، ”مەملەكەتتىڭ زور ءىسىن“ ەستە بەرىك ساقتاپ، پارتيا مەن مەملەكەت قىزمەتىنىڭ كەلەلى جاعدايىنا قىزمەت ەتۋ ساياسي جاۋاپكەرشىلىگىن باتىل ارقالاپ، جاپپاي سوتسياليستىك وسىزاماندانعان مەملەكەت قۇرۋعا شينجياڭنىڭ تيەسىلى ۇلەسىن قوسۋ كەرەك. باس شۋجيدىڭ شينجياڭ قىزمەتى جونىندەگى عىلمي ورنالاستىرۋىن تەرەڭ ءتۇسىنىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرۋدى، شينجياڭ قىزمەتى باس نىساناسىن مىقتاپ يگەرۋدى ارقاۋ ەتىپ، ءبىر - بىرلەپ مۇقيات زەرتتەپ، ماڭىزدى تۇيىندەردى، شەشۋشى تۇيىندەردى مىقتاپ يگەرىپ، شينجياڭدى زاڭمەن باسقارۋ، شينجياڭدى ىنتىماقتاسا ورنىقتىرۋ، شينجياڭدى مادەنيەتپەن نارلەندىرۋ، حالىقتى بايىتىپ شينجياڭدى گۇلدەندىرۋ، شينجياڭدى باياندى كوركەيتۋ قىزمەتتەرىن تەرەڭدەتۋ، ەگجەي - تەگجەيلىلەندىرۋ، ناقتىلاندىرۋ كەرەك. باس شۋجيدىڭ پارتيانىڭ شينجياڭ قىزمەتىنە باسشىلىعىن كۇشەيتۋ جونىندەگى ماڭىزدى تالابىن تەرەڭ ءتۇسىنىپ، پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىشكەرىلەي ىلگەرىلەتىپ، پارتيانىڭ شينجياڭدا ۇزاق ۋاقىت بيلىك جۇرگىزۋىنىڭ بەرىك نەگىزىن بەكەمدەۋ كەرەك.
ءماجىلىس مىنالاردى باسا دارىپتەدى: بۇكىل رايوندا جوعارىدان تومەنگە دەيىن باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە مۇنان بىلايعى ءبىر مەزگىلدەگى ماڭداي الدى ءىرى ءىس جانە كەلەلى ساياسي مىندەت ەتىپ، ۇيىمدىق باسشىلىقتى كۇشەيتىپ، دەن قويا جوسپارلاپ، ورنالاستىرىپ، ەگجەي - تەگجەيلى ورنالاستىرىپ اتقارۋ كەرەك. مۇقيات ۇيرەنۋ، ءتۇسىنۋ، ءار دارەجەلى پارتيا، ۇكىمەت ورىندارىنداعى نەگىزگى جاۋاپتى جولداستار وزدەرى يگەرىپ، ونەگە بولىپ، ۇيرەنۋ، زەرتتەۋ - تالقىلاۋ، باۋلۋ سياقتى قيمىلداردى ويداعىداي ۇيىمداستىرىپ، ويداعىداي ورىستەتىپ، قالىڭ پارتيالى كادرلاردىڭ جان - جاقتى جۇيەلى ۇيرەنۋىن، ىشكەرىلەي وي جۇگىرتىپ ۇيرەنۋىن، ءىس جۇزىندىكپەن بايلانىستىرىپ ۇيرەنۋىن ىلگەرىلەتىپ، ىشكەرىلەي ۇيرەنۋدى، جەتە ءتۇسىنۋدى، توعىستىرۋدى، ساباقتاستىرۋدى شىنايى ورىنداۋى كەرەك. كەڭ كولەمدە ۇگىتتەپ، ءتۇسىندىرىپ، ءار دارەجەلى ۇگىت تاراۋلارىنىڭ، ءتۇرلى اقپارات مەديالارىنىڭ رولىن تولىق ساۋلەلەندىرىپ، ۇگىتتەۋ، حابارلاۋ، شەشىپ ءتۇسىندىرۋ قىزمەتىن جان - جاقتى، تەرەڭ قاتپارلى، كوپ تۇرعىدان ويداعىداي ىستەپ، قويۋ رايدى بەلسەنە قالىپتاستىرىپ، باس شۋجيدىڭ ماڭىزدى ءسوزىنىڭ رۋحىنىڭ جۇرت جۇرەگىنە تەرەڭ ۇيالاۋىن ىلگەرىلەتۋ كەرەك. باتىل دايەكتىلەندىرىپ، تياناقتاندىرىپ، باس شۋجيدىڭ ماڭىزدى ءسوزىنىڭ رۋحىن دايەكتىلەندىرۋدى، تياناقتاندىرۋدى پارتيا 20 - قۇرىلتايىنىڭ رۋحىن دايەكتىلەندىرۋمەن ۇشتاستىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرۋمەن ۇشتاستىرىپ، ”قاي - قاشان دا قام جەيتىن“ جاۋاپكەرشىلىك سەزىمدى جانە بەلسەنە جاۋاپكەرشىلىك ارقالاپ، ىسكەرلىك كورسەتەتىن رۋح - قايراتتى ۇزدىكسىز كۇشەيتىپ، لاڭكەستىككە قارسى تۇرىپ، ورنىقتىلىقتى قورعاۋدى زاڭمەن باسقارۋدى، ۇدايىلاندىرۋدى تاباندىلىقپەن ىلگەرىلەتىپ، وڭاي - وسپاق كەلمەگەن قوعام ورنىقتىلىعى جاعدايىن ويداعىداي بەكەمدەۋ كەرەك؛ جۇڭحۋا ۇلتى ورتاق تۇلعا تانىمىن بەرىك ورناتۋدى ءتۇرلى قىزمەتتەردىڭ نەگىزگى جەلىسى ەتۋدەن جازباي، ءار ۇلت بۇقاراسىنىڭ ارالاسۋىن، ىشتەسۋىن، توعىسۋىن جەبەۋ كەرەك؛ جوعارى ساپالى دامۋدى تاباندىلىقپەن ىلگەرىلەتىپ، دامۋ جەتىستىكتەرىن جۇرت تىلەگىندە وزگەرىس تۋدىرۋ، جۇرت تىلەگىنە قول جەتكىزۋ، جۇرت تىلەگىن بەكەمدەۋ جەتىستىكتەرىنە اينالدىرۋ كەرەك؛ ىشكە، سىرتقا ەسىك اشۋدى تاباندىلىقپەن ىلگەرىلەتىپ، جاڭا دامۋ جاعدايىنا بەلسەنە قىزمەت وتەۋ جانە توعىسۋ كەرەك؛ نەگىزگى ساتى پارتيا ۇيىمى قۇرىلىسىن تاباندىلىقپەن كۇشەيتىپ، نەگىزگى ساتىنىڭ باسقارۋ قابىلەتىن ءونىمدى جوعارىلاتۋ كەرەك؛ ۇنامدى جاقتاعى ۇگىتتى تاباندىلىقپەن كۇشەيتىپ، جاڭا داۋىردەگى شينجياڭ حيكاياسىن كوپ ارنامەن، كوپ فورمامەن ويداعىداي بايانداۋ كەرەك؛ بيڭتۋان مەن جەرگىلىكتى ورىننىڭ توعىسپالى دامۋىن تاباندىلىقپەن ىلگەرىلەتىپ، بيڭتۋاننىڭ ەرەكشە رولىن اناعۇرلىم ويداعىداي ساۋلەلەندىرۋ كەرەك؛ پارتيانىڭ جالپى بەتتىك باسشىلىعىنا بۇلجىماي تاباندى بولىپ، پارتيا قۇرىلىسىن شىن مانىندە كۇشەيتىپ، باس شۋجي شي جينپيڭنىڭ ماڭىزدى ءسوزىنىڭ رۋحىنىڭ تيانشان الابىندا تامىر تارتىپ، گۇل اشىپ، جەمىس بەرۋىنە شىنايى كەپىلدىك ەتۋ كەرەك.
