تيانشان تورى - شينجياڭ گازەتىنىڭ حابارى (ٴتىلشىمىز گان شيڭحۋا، ەرىكتى ٴتىلشى مۇرات تۇردىمات حابارلايدى). ”اۋدى جيايىق!“ قازىر بالىق اۋلاۋدىڭ التىن مەزگىلى، توعىزتاراۋ اۋدانى يحى بەكىرە شارۋاشىلىعى بەكىرە باعىمشىلىق بازاسىنداعى جۇمىسشىلار بىرلەسىپ اۋ جايىپ، مەلجەمدى بالىقتاردى ىركەس - تىركەس ءسۇزىپ الىپ شىقتى، ٴاربىر ادامنىڭ جۇزىنەن مول ٴونىم شاتتىعى ەسەدى.
8 - ايدىڭ 22 - كۇنى تاڭەرتەڭ توعىزتاراۋ اۋدانى يحى بەكىرە شارۋاشىلىعى عىلىم ـ تەحنيكا شەكتى جارنا سەرىكتەستىگىنىڭ باعىمشىلىق بازاسىندا بىرنەشە بالىق اۋلايتىن جۇمىسشى جۇمىس ٴبولىسى بويىنشا سەلبەسىپ، ٴوزارا سايكەسىپ، ٴبىر نيەتپەن سەلبەسىپ، ۇلكەن تور قۇردى. ءبىر توپ جۇمىسشىلار جاعادا تۇرىپ، اۋ جايىپ، ونى جيناپ، بالىقتاردى ۇركىتىپ، بالىقتاردى اۋعا قاراي توپتاستىردى، اۋ جينالا كەلە مەلجەمدى بالىقتار سۋ بەتىنە شىعىپ، اۋ ىشىندە شورشىپ جاتتى. ەندى ءبىر توپ جۇمىسشىلار اۋدى جيىپ، بالىقتى تيەدى، مەلجەمدى بالىقتاردى جاعاعا شىعارىپ، جۇك كولىگىنىڭ سۋ ساندىعىنا سالدى، تۇتاس بارىس سونداي رەتتى دە جيناقى بولدى.
8 ـ ايدىڭ 22 ـ كۇنى تاڭەرتەڭ توعىزتاراۋ اۋدانى يحى بەكىرە شارۋاشىلىعى عىلىم ـ تەحنيكا شەكتى جارنا سەرىكتەستىگىنىڭ باعىمشىلىق بازاسىندا بەكىرەدەن مول ٴونىم الىندى. سۋرەتتى مۇرات تۇردىمات تۇسىرگەن
توعىزتاراۋ اۋدانىنىڭ سۋ بايلىعى مول، بالىق شارۋاشىلىعىنىڭ دامۋىنا ۇيلەسەدى، توعىزتاراۋعا ىرگە تەپكەنىنە 10 جىل بولعان يحى بەكىرە شارۋاشىلىعى عىلىم ـ تەحنيكا شەكتى جارنا سەرىكتەستىگىنىڭ باعىمشىلىق بازاسى 329 مۋ جەر يەلەپ جاتىر، 278 ۇلكەندى ـ كىشىلى بالىق كولشىگى مەن ءبىر ۋىلدىرىق جەتىلدىرۋ سەحى بار، جىلدىق كولشىكتە ساقتاۋ مولشەرى 600 توننا اينالاسىندا، باعىمشىلىق تەحنيكاسى مەن ساتۋ ارناسى كۇن سايىن پىسىپ ـ جەتىلدى.
”ٴبىز نەگىزىنەن سيبيريا بەكىرەسى، رەسەي بەكىرەسى سياقتى 8 ٴتۇرلى بەكىرە وسىرەمىز، وسى رەت اۋلاپ العان بالىقتار اۆتوكولىك ارقىلى ىلە وبلىسىنداعى ٴارقايسى اۋدانداردىڭ، قالالاردىڭ سۋ ونىمدەرىن تولايىم ساتۋ بازارلارىنا جانە جاس ونىمدەر ەرەن بازارلارىنا جەتكىزىلەدى. ٴار كيلوگرامىنىڭ تولايىم ساتۋ باعاسى 50 يۋان اينالاسىندا، جىلدىق ساتۋ سوماسى مەجەمەن 15 ميلليون يۋانعا جەتەدى“. توعىزتاراۋ اۋدانى يحى بەكىرە شارۋاشىلىعى شەكتى سەرىكتەستىگىنىڭ باستىعى جىڭ پىڭ بىلاي دەپ تانىستىردى: ”ٴار ماۋسىمدا سەرىكتەستىك ٴبىر رەت كولەمدى اۋلاۋ قيمىلىن وتكىزەدى، كەيىن ٴبىز تاعى 5 جاڭا ٴتۇر ەنگىزۋدى جوسپارلاپ وتىرمىز. سونىمەن بىرگە، سەرىكتەستىك 11 ميلليون يۋان قارجى قوسىپ، باعىمشىلىق بازاسىندا تەمپەراتۋرانى مەڭگەرۋگە بولاتىن اينالمالى سۋ سەحىن قۇرىپ، سۋىق سۋ بالىعىن اناعۇرلىم كوپ مولشەردە ٴوسىرىپ، شينجياڭنىڭ سۋىق سۋ شاباعىنىڭ تۇقىمىن قامداۋعا پايدالانادى“.
توعىزتاراۋ اۋدانى يحى بەكىرە شارۋاشىلىعى عىلىم - تەحنيكا شەكتى جارنا سەرىكتەستىگىنىڭ باعىمشىلىق بازاسى بەكىرەدەن مول ٴونىم الۋ مەزگىلىن قارسى الدى. سۋرەتتى مۇرات تۇردىمات تۇسىرگەن
يحى بەكىرە شارۋاشىلىعى عىلىم ـ تەحنيكا شەكتى جارنا سەرىكتەستىگىنىڭ باعىمشىلىق بازاسى ”سەرىكتەستىك + شارۋا وتباسى“ ۇلگىسىن قولدانىپ، بەكىرە ٴوسىرۋ، باعۋ، ساتۋ جانە مانەرلەۋدى ٴبىر تۇلعالاندىرعان بەكىرەنىڭ تۇتاس كاسىپ تىزبەگىن قۇرىپ، توعىزتاراۋ اۋدانىنىڭ بالىق شارۋاشىلىعىنىڭ دامۋى ٴۇشىن عىلىم ـ تەحنيكالىق جوعارى ٴونىمدى باعىمشىلىقتان ۇلگى كورسەتۋ رولىن ساۋلەلەندىرىپ، توعىزتاراۋ اۋدانىنىڭ ەرەكشە كاسىپ سالاسىنىڭ دامۋ دەڭگەيىن جوعارىلاتتى.
