انار بۇلت \ شينجياڭ گازەتىنىڭ ءتىلشىسى ليۋ مىڭمىڭ 8 - ايدىڭ 27 - كۇنى ونسۋدان حابارلايدى. 8 - ايدىڭ 27 - كۇنى 2023 - جىلعى ”شينجياڭ جاقسى جەر“ اتىنداعى شينجياڭعا باعىتتامالى كومەكتەسكەن 19 ولكە، قالانىڭ بەيزاتتىق مادەنيەت مۇرالارى كورمەسى ونسۋ اۋدانىنداعى شينجياڭ جاراتىلىستىق عىلىمدار شۋەيۋانىندا جابىلدى. وسى رەتكى كورمە 5 كۇن وتكىزىلىپ، جالپى قابىلداعان ەكسكۋرسيالاۋشىلار 200 مىڭنان (رەت) استى.
وسى رەتكى بەيزاتتىق مادەنيەت مۇرالارى كورمەسى مادەنيەت جانە ساياحات مينيسترلىگىنىڭ، اۆتونوميالى رايوندىق حالىق ۇكىمەتىنىڭ ۇيىمداستىرۋىندا، اۆتونوميالى رايوندىق مادەنيەت جانە ساياحات مەڭگەرمەسى، اقسۋ ايماقتىق اكىمشىلىك مەكەمەسى مىندەتكە الىپ وتكىزدى، شينجياڭعا باعىتتامالى كومەكتەسكەن 19 ولكە، قالانىڭ، شينجياڭداعى 14 ايماق، وبلىس، قالانىڭ جانە شينجياڭ ءوندىرىس - قۇرىلىس بيڭتۋانىنىڭ ايقىن ەرەكشەلىككە يە، ۋاكىلدىك سيپاتتاعى 330 بەيزاتتىق مادەنيەت مۇرالارى نىسانى شوعىرلى كورسەتىلدى ءارى نەگىزگى الاڭ جانە بولىمشە الاڭ ورنالاستىرىلدى. مۇنىڭ ىشىندە نەگىزگى الاڭ قابىلداعان ەكسكۋرسيالاۋشىلار 109 مىڭنان (رەت) استى، 3 بولىمشە الاڭ جەكە - جەكە اقسۋ ايماعىنىڭ 3 سارايىنىڭ (مۇراجاي، مادەنيەت سارايى، اسەمونەر سارايى)، اقسۋ ايماعىنىڭ كينوحانا، تەاترحانالارىنىڭ، اقسۋدىڭ بايىرعى كوشەسىنىڭ جالپى قابىلداعان ەكسكۋرسيالاۋشىلارى 66 مىڭنان (رەت) استى، بەيزاتتىق مادەنيەت مۇرالارى حالىقتىق سالت - سانا نەگىزگى تاقىرىپتىق ساياحات لەنياسىنىڭ قابىلداعان ساياحاتشىلارى 32 مىڭنان (رەت) استى.
كورمە كەزىندە، شىزۇ ۇلتىنىڭ ويناقى ات شام ءبيى مەن مىڭ بۇرالعان سايرام ءسانامى ءبىر ساحنادا كورسەتىلدى؛ ەكپىندى جاڭزى بارابان كۇيى مەن اسقاق تا تەبىندى «ماناس» ايتۋ توعىستى... جالعاستىرۋشىلار بەيزاتتىق مادەنيەت مۇرالارىن دانەكەر ەتىپ، ءوزارا اۋىس - كۇيىس جاساپ، ونەر باسەكەلەسىپ، شينجياڭ مەن شينجياڭعا كومەك بەرگەن ولكە، قالالاردىڭ اۋىس - كۇيىس، بايلانىس جاساۋىنىڭ مادەنيەت كوپىرى مەن دانەكەرىن ورناتتى.
