جۇڭگو جاسىل دامۋعا قارجى قوسۋ توبىنىڭ شينجياڭ وڭىرىندەگى 9 كەلەلى نىسانىندا شوعىرلى كەلىسىم جاسالىپ، جۇمىس باستالدى
جاڭا ەنەرگيا جانە مادەنيەت - ساياحات كاسىپ سالاسى نىسانى شوعىرىن قۇرۋعا جالپى 61 ميلليارد 300 ميلليون يۋان قارجى قوسىلادى
ما شيڭرۇي قاتىناستى
ەركىن تۇنياز، ليۋ يۇي ارناۋ ءسوز سويلەدى، حى جۇڭيوۋ قاتىناستى
انار بۇلت \ شينجياڭ گازەتىنىڭ ءتىلشىسى لي ياڭ 8 - ايدىڭ 29 - كۇنى ۇرىمجىدەن حابارلايدى. 8 - ايدىڭ 29 - كۇنى تۇستەن بۇرىن جۇڭگو جاسىل دامۋعا قارجى قوسۋ توبىنىڭ شينجياڭ وڭىرىندەگى كەلەلى نىساندارى جونىندە شوعىرلى كەلىسىم جاساسۋ جانە جۇمىس باستاۋ سالتى ۇرىمجىدە وتكىزىلدى. اۆتونوميالى رايوندىق پارتكومنىڭ شۋجيى ما شيڭرۇي قاتىناستى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، جۇڭگو جاسىل دامۋعا قارجى قوسۋ توبى شەكتى سەرىكتەستىگى پارتكومىنىڭ شۋجيى، القا باستىعى ليۋ يۇي ارناۋ ءسوز سويلەدى ءارى ىسكە قوسۋ شارىن بىرگە باستى. اۆتونوميالى رايوندىق پارتكومنىڭ ورىنباسار شۋجيى، ءۇرىمجى قالالىق پارتكومنىڭ شۋجيى حى جۇڭيوۋ ماجىلىسكە قاتىناستى.
جۇڭگو جاسىل دامۋعا قارجى قوسۋ توبى شەكتى سەرىكتەستىگى − جارنا ۇقىعى كوپ نەگىزدەنگەن ورتالىق كاسىپورنى، جاسىل ەنەرگيانى، تومەن كومىر قىشقىل گازدى قالانى، باقىت كاسىپ سالاسىن جانە ستراتەگيالىق جاڭادان گۇلدەنگەن كاسىپ سالاسىن دامۋ بەتالىسى ەتەدى. وسى رەت شوعىرلى جۇمىس باستاعان 9 نىساندا 5 جاڭا ەنەرگيا ۇلكەن بازاسى نىسانى مەن 4 مادەنيەت - ساياحات كاسىپ سالاسى شوعىرى نىسانى قامتىلعان، جالپى 61 ميلليارد 300 ميلليون يۋان قارجى قوسىلادى. نىسان ءۇرىمجى قالاسى، بايىنعولين موڭعۇل اۆتونوميالى وبلىسى، ىلە قازاق اۆتونوميالى وبلىسى سياقتى جەرلەرگە ورنالاسقان. مۇنىڭ ىشىندە جۇمىس باستاعان جاڭا ەنەرگيا نىسانىنىڭ جالپى سيىمدىلىعى 13 ميلليون كيلوۆات، مەجەمەن 51 ميلليارد 800 ميلليون يۋان قارجى قوسىلادى، مادەنيەت، ساياحات، قوناق ءۇي شوعىرلى نىسان قۇرىلىسىنىڭ مازمۇنى حالىقارالىق جوعارى دەڭگەيلى، ايگىلى ماركالى 9 قوناق ءۇي مەن ءبىر ساۋدا جالپىلىق تۇلعاسىن قامتيدى، مەجەمەن 9 ميلليارد 500 ميلليون يۋان قارجى قوسىلادى. ەكى جارىم جىل ىشىندە بارلىق نىساندارعا قارجى قوسىلىپ بولادى دەپ مەجەلەنۋدە.
ەركىن تۇنياز ارناۋ سوزىندە نىسانداردا شوعىرلى جۇمىس باستالعاندىعىن قىزۋ قۇتتىقتاپ، نىسان قۇرىلىسىنا كوڭىل ءبولىپ، قولداۋ كورسەتكەن ءار سالا قايراتكەرلەرىنە شىن جۇرەكتەن العىس ايتتى. ول بىلاي دەپ اتاپ كورسەتتى: جۇڭگو جاسىل دامۋعا قارجى قوسۋ توبىنىڭ شينجياڭ وڭىرىندەگى كەلەلى نىساندار جونىندە شوعىرلى كەلىسىم جاساسۋ جانە جۇمىس باستاۋ سالتىن وتكىزۋ − باس شۋجي شي جينپيڭنىڭ اۆتونوميالى رايوندىق پارتكوم مەن ۇكىمەتتىڭ، بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن دايەكتىلەندىرۋدەگى، تياناقتاندىرۋداعى ناقتى امالياتى. اۆتونوميالى رايوندىق پارتكوم، ۇكىمەت باس شۋجي، پارتيا ورتالىق كوميتەتى تۇراقتاندىرعان شينجياڭنىڭ مەملەكەتتىڭ جالپى جاعدايىنداعى ستراتەگيالىق ورنىن مىقتاپ يگەرىپ، بۇكىل ەلدىڭ ەنەرگيا بايلىعىن ستراتەگيالىق جاقتان قامتاماسىز ەتۋدەگى بازا قۇرىلىسىن تىڭعىلىقتى ىلگەرىلەتىپ، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقاردى، قازىر بۇكىل رايوندا جوعارىدان تومەنگە دەيىن قايراتتانا العا ۇمتىلىپ، كورىكتى شينجياڭ قۇرۋ سەنىمى نىعايدى. جۇڭگو جاسىل دامۋعا قارجى قوسۋ توبى شينجياڭدا ءبىر توپ جاڭا ەنەرگيا نىساندارى مەن مادەنيەت، ساياحات نىساندارىن ورنالاستىرىپ، قارجى قوسىپ، قۇرىپ، رايونىمىز ەنەرگيا سالاسىنىڭ تازا، تومەن كومىر قىشقىل گازدى، حاۋىپسىز، جوعارى ءونىمدى دامۋىن ءونىمدى جەبەيدى، شينجياڭنىڭ بۇكىل ەلدىڭ ساياحات كاسىبىنىڭ جوعارى ساپالى دامۋىنداعى ەرەكشە ۇلگىسىن جانە دۇنيە جۇزىندەگى ماڭىزدى ساياحات نىسانالى جەرىن قالىپتاستىرۋىنا دەم بەرەدى. جۇڭگو جاسىل دامۋعا قارجى قوسۋ توبىنىڭ ورتالىق كاسىپورىن وزگەشە باسىمدىعىن تولىق ساۋلەلەندىرىپ، دۇنيە جۇزىلىك كوز ايادان، حالىقارالىق ولشەمنەن جازباي، حالىقارالىق وزىق ۇستانىمداردى جانە بىرەگەي توپتاردى ەنگىزىپ، ساپا حاۋىپسىزدىگىن قاتاڭ يگەرىپ، شينجياڭعا قارجى قوسۋ سەرپىنىن ۇزدىكسىز ارتتىرىپ، نىسان قۇرىلىسىنىڭ اياق الىسىن جەدەلدەتىپ، نىسانداردىڭ ەرتەرەك سالىنۋىنا، ەرتەرەك وندىرىسكە قوسىلۋىنا، ەرتەرەك ونىمدىلىك كورسەتۋىنە شىنايى كەپىلدىك ەتۋىن ءۇمىت ەتەمىز. ءبىز شارۋاشىلىق - ساۋدا ورتاسىن ۇزدىكسىز ساپالىلاندىرىپ، دارقان كوڭىل، ەڭ ابزال ساياسات، ەڭ تاماشا قىزمەت وتەۋ ارقىلى كاسىپورىنداردىڭ شينجياڭداعى دامۋىن اناعۇرلىم ويداعىداي قامتاماسىز ەتىپ، جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭدى قول ۇستاسا وتىرىپ اناعۇرلىم ويداعىداي قۇرامىز.
ليۋ يۇي ارناۋ سوزىندە بىلاي دەدى: باس شۋجي شي جينپيڭ شينجياڭنىڭ رەفورما، دامۋ، ورنىقتىلىق ىستەرىن قاشاندا كوكەيىندە ساقتاپ، شينجياڭنىڭ مەملەكەتتىڭ جالپى جاعدايىنداعى ستراتەگيالىق ورنىن مىقتاپ يگەرىپ، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرۋدى باسا دارىپتەدى. جۇڭگو جاسىل دامۋعا قارجى قوسۋ توبى باس شۋجي شي جينپيڭنىڭ ماڭىزدى ءسوزىنىڭ رۋحىن ءتۇبىرلى بويسۇنۋ ولشەمى ەتىپ، اۆتونوميالى رايوندىق پارتكومنىڭ، ۇكىمەتتىڭ تالابىنا ساي، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي دايەكتىلەندىرىپ، شينجياڭ ساياحاتىنىڭ قوردالانعان، بولاشاعى زور ستراتەگيالىق وراي مەزگىلىن مىقتى يگەرىپ، تۇتاس ءوڭىر بويىنشا ورنالاساتىن شينجياڭ حۋامي شىڭدي حالىقارالىق دەمالىس ءوڭىرىن قۇرىپ، شينجياڭنىڭ ساياحات كاسىبىنىڭ دەڭگەيىن ءوسىرىپ، دارەجەسىن جوعارىلاتۋىنا دەم بەرىپ، ەل ءىشى - سىرتىنان ءتىپتى دە كوپ ساياحاتشىنى كورىكتى شينجياڭعا كەلىپ ساياحاتتاۋعا باۋرايدى. ”ءۇش بازا، ءبىر ارنا“ جوباسىن ىشكەرىلەي تياناقتاندىرىپ، ءبىر توپ جاڭاشىل، وزىق، ساپالى، جوعارى ءونىمدى فوتوۆولتتىق جەل ەلەكتر كاسىپ سالاسى باقشا رايونىن قۇرىپ، شينجياڭنىڭ تازا ەنەرگيالى، تومەن كومىر قىشقىل گازدى بولۋعا قاراي ويىسۋىن ىلگەرىلەتۋگە ۇلەس قوسادى. جاڭا دامۋ ارناسىمەن بەلسەنە توعىسىپ، جان - جاقتى قارجى قوسۋ سەلبەستىگىن ىلگەرىلەتىپ، ورتالىق كاسىپورىندارىنىڭ شينجياڭنىڭ جوعارى ساپالى دامۋىنا قىزمەت وتەۋ ۇلگىسىن سومدايدى.
جۇڭگو جاسىل دامۋعا قارجى قوسۋ توبى مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىمەن دامۋ سەلبەستىك كەلىسىمىن جاساستى. قاراستىلىعىنداعى شينجياڭ وڭىرلىك سەرىكتەستىكتەرى ەل ءىشى - سىرتىنداعى ايگىلى جوبالاۋشىلارمەن، كەڭەس بەرۋ ورىندارىمەن، مادەنيەت - ساياحات كاسىپورىندارىمەن سەلبەستىك كەلىسىمىن جاساستى. ءىشىنارا كاسىپورىنداردىڭ ۋاكىلدەرى ءسوز سويلەدى.
چىن ۋيجۇن باسقاردى، ۋاڭ جيانشين، سۇن حۇڭمەي، ۋاڭ گاڭ قيمىلعا قاتىناستى. اۆتونوميالى رايونعا (ورتالىققا) توتە قاراستى ورىنداردىڭ جانە نىسان ورنالاسقان جەرلەردەگى نەگىزگى جاۋاپتى جولداستار، جۇڭگو جاسىل دامۋعا قارجى قوسۋ توبىنىڭ جانە وعان قاراستى شينجياڭ ءوڭىرى سەرىكتەستىكتەرىنىڭ، سەلبەستىك كاسىپورىندارىنىڭ قاتىستى جاۋاپتى جولداستارى نەگىزگى ءماجىلىس الاڭىندا قيمىلعا قاتىناستى. نىسان ورنالاسقان جەرلەردەگى ءارقايسى اۋدان، قالا، رايونداردا بولىمشە ءماجىلىس الاڭى ورنالاستىرىلدى.
