ءوز حابارىمىز. اۆتونوميالى رايوندىق پارتكومنىڭ شارلاۋ قىزمەتى جونىندەگى ءبىر تۇتاس ورنالاستىرۋىنا ساي، تاياۋدا 10 - كەزەكتى اۆتونوميالى رايوندىق پارتكومنىڭ 3 - كەزەكتى شارلاۋىنداعى 12 شارلاۋ گرۋپپاسى شارلاۋ بويىنشا جايعاسۋ قىزمەتىن ورىنداپ بولدى.
شارلاناتىن ورىندار جەكە - جەكە شارلاۋ بويىنشا جايعاسۋعا اتتانىسقا كەلتىرۋ ءماجىلىسىن اشتى. ماجىلىستەن بۇرىن اۆتونوميالى رايوندىق پارتكومنىڭ ءارقايسى شارلاۋ گرۋپپاسى شارلاناتىن پارتيا ۇيىمدارىنىڭ نەگىزگى جاۋاپتىلارىنا قاتىستى قىزمەت ورنالاستىرۋلارىن حابارلاندىردى. ماجىلىستە اۆتونوميالى رايوندىق پارتكومنىڭ ءارقايسى شارلاۋ گرۋپپاسىنىڭ باستىقتارى اتتانىسقا كەلتىرۋ ءسوزىن سويلەپ، باس شۋجي شي جينپيڭنىڭ شارلاۋ قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنۋ، دايەكتىلەندىرۋ، شارلاۋ قىزمەتىن تىڭعىلىقتى ورىستەتۋ جونىندە تالاپ قويدى.
اۆتونوميالى رايوندىق پارتكومنىڭ ءارقايسى شارلاۋ گرۋپپالارىنىڭ باستىقتارى بىلاي دەپ اتاپ كورسەتتى: شارلاۋ − پارتيانىڭ وزىنە - ءوزى توڭكەرىس جاساۋىن ىلگەرىلەتۋدەگى، پارتيانى جاپپاي قاتاڭ باسقارۋداعى ستراتەگيالىق سيپاتتى تۇزىمدىك ورنالاستىرۋ. اۆتونوميالى رايوندىق پارتكومنىڭ شارلاۋ گرۋپپاسى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، 20 - كەزەكتى ورتالىق ءتارتىپ تەكسەرۋ كوميتەتى ەكىنشى جالپى ءماجىلىسىنىڭ، مەملەكەتتىك شارلاۋ قىزمەتى ءماجىلىسىنىڭ رۋحىن جانە لي شي شۋجيدىڭ شينجياڭدا تەكسەرۋ - زەرتتەۋ جۇرگىزگەندەگى ءسوزىنىڭ تالابىن دايەكتىلەندىرەدى، تياناقتاندىرادى، اۆتونوميالى رايوندىق 10 - كەزەكتى پارتكومنىڭ ءار رەتكى جالپى ماجىلىستەرىنىڭ جانە اۆتونوميالى رايوندىق 10 - كەزەكتى ءتارتىپ تەكسەرۋ كوميتەتى ءۇشىنشى جالپى ءماجىلىسىنىڭ، بۇكىل رايوننىڭ شارلاۋ، شارلاپ تەكسەرۋ قىزمەتى ءماجىلىسىنىڭ ورنالاستىرۋلارىن دايەكتىلەندىرەدى، تياناقتاندىرادى، پارتيا ۋستاۆىندا بەرىلگەن قىزمەت جاۋاپكەرشىلىگىن مۇقيات وتەپ، وزەكتى ارقاۋ ەتىپ، كەلەلى جاعدايعا قىزمەت وتەپ، ورتالىقتىڭ شارلاۋ قىزمەتى باعىتىن جاپپاي دايەكتىلەندىرىپ، ساياسي جاقتان شارلاۋ ورنىن مىقتاپ يگەرىپ، پارتيا 20 - قۇرىلتايىنىڭ رۋحىن دايەكتىلەندىرۋدى، تياناقتاندىرۋدى، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرۋدى اسا ماڭىزدى ورىنعا قويىپ، ۇقىق پەن جاۋاپكەرشىلىكتى ءجىتى قاداعالاپ، ”ءبىرىنشى باسشى“ مەن باسشىلىق القاسىن ءجىتى قاداعالاپ، بۇقارانىڭ اڭىسى كۇشتى ماسەلەلەردى ءجىتى قاداعالاپ، شارلاۋ بويىنشا رەتتەۋ - تۇزەتۋدى جانە جەتىستىكتەردى قولدانۋدى ءجىتى قاداعالاپ، شارلاۋ بويىنشا باقىلاۋدىڭ ءىس جۇزىندىك ونىمدىلىگى ارقىلى جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە پارمەندى ساياسي قامتاماسىزدىق ازىرلەيدى.
اۆتونوميالى رايوندىق پارتكومنىڭ 3 - كەزەكتى شارلاۋى داعدىلى شارلاۋ، ارناۋلى شارلاۋ جانە دارەجەسىن جوعارىلاتىپ شارلاۋ ورنالاستىردى، شارلاۋ وبيەكتىلەرى 4 وبلىس، قالانى جانە قاراستى ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ورگاندارىن، پارتكوم ۇيىمداستىرۋ بولىمدەرىن، 22 اۋدان، قالا، رايوندى، 2 اشۋ رايونىن جانە 3 اۆتونوميالى رايوننىڭ فينانس ورىندارىن قامتيدى. وبلىس، قالالارعا (اۋدان، قالا، رايون، اشۋ رايونى) داعدىلى شارلاۋ ورىستەتۋدە نازاردى جوعارى ساپالى دامۋدى جۇزەگە اسىرۋ سىندى وسى نەگىزگى تاقىرىپقا شوعىرلاندىرىپ، ”ءتورت سالىستىرۋ“ باقىلاۋ ولشەمى، ”ءتورتتى ءجىتى قاداعالاۋ“ باقىلاۋ جولى بويىنشا ”ءتورتتى تياناقتاندىرۋ“ باقىلاۋ ءتۇيىنىن ارقاۋ ەتىپ، شارلاناتىن وبلىس، قالالاردىڭ (اۋدان، قالا، رايون، اشۋ رايونى) پارتيانىڭ باسشىلىق فۋنكتسياسىن، جاۋاپكەرشىلىگىن وتەۋ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرۋ سياقتى جاقتارداعى باقىلاۋدى كورنەكتىلەندىرىپ، مىندەت وتەۋ، جاۋاپكەرشىلىك ارقالاۋ بارىسىنداعى ساياسي اۋىتقۋدى ىشكەرىلەي بايقاپ، جوعارى ساپالى دامۋعا ىقپال جەتكىزىپ، تۇساۋ بولىپ وتىرعان باستى قايشىلىقتاردى، كورنەكتى ماسەلەلەردى كۇش سالا تەكسەرىپ تابادى. فينانس ورىندارىنا داعدىلى شارلاۋ ورىستەتۋدە پارتيا ورتالىق كوميتەتىنىڭ فينانس قىزمەتىنە ورتالىقتانعان ءبىر تۇتاس باسشىلىعىن كۇشەيتۋ، فينانس حاۋىپ - قاتەرلەرىنەن ساقتانۋ - تىزگىندەۋدى كۇشەيتۋ، پارتيانى جاپپاي قاتاڭ باسقارۋدا قاتاڭ بولۋ رايىن كۇشەيتۋ، باسشىلىق القاسى قوسىنى قۇرىلىسىن كۇشەيتۋ، رەفورما جاساۋ ساياسي جاۋاپكەرشىلىگىن ارقالاۋدى كۇشەيتۋ سياقتى جاقتارداعى تياناقتاندىرۋ جاعدايىن ءتۇيىندى ۇعىسىپ، فينانس سالاسىندا ورىن تەپكەن كورنەكتى ماسەلەلەردى شەشۋدى ىلگەرىلەتەدى. نەگىزگى ساتى ۇيىمدىق قۇرىلىسىنا ارناۋلى شارلاۋ ورىستەتۋدە نازاردى پارتيانىڭ جالپى بەتتىك باسشىلىعىن كۇشەيتۋ، ساياسي جاۋاپكەرشىلىكتى تياناقتاندىرۋ، نەگىزگى ساتى پارتيا ۇيىمدارىنىڭ ساياسي يقۋاتى مەن ۇيىمدىق يقۋاتىن كۇشەيتۋ، پارتيانى جاپپاي قاتاڭ باسقارۋدىڭ نەگىزگى ساتىعا قاراي كەڭەيۋىن ىلگەرىلەتۋ سياقتى جاعدايلارعا شوعىرلاندىرىپ، نەگىزگى ساتى ۇيىمىن كۇشەيتىپ قۇرۋ، نەگىزگى ساتىنى باسقارۋدى كەمەلدەندىرۋ جاقتارىندا ورىن تەپكەن كورنەكتى ماسەلەلەردى ىشكەرىلەي تەكسەرىپ تاۋىپ، شەشۋدى ىلگەرىلەتەدى. وبلىستىق، قالالىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ورگاندارىنا، پارتكوم ۇيىمداستىرۋ بولىمدەرىنە دارەجەسىن جوعارىلاتىپ شارلاۋ ورىستەتۋدە فۋنكتسيالىق جاۋاپكەرشىلىكتى وتەۋ جاعدايىن ءجىتى قاداعالاپ، نازاردى باسشىلىق القاسىنا جانە شەشۋشى ازشىلىققا شوعىرلاندىرىپ، ءتۇيىندى قىزمەت ورىندارىن، ءتۇيىندى سالالاردى، ماڭىزدى قىزمەتتەردى، ماڭىزدى بۋىنداردى كورنەكتىلەندىرىپ، ”شام ءتۇبى قاراڭعى“ ماسەلەسىنە ءتۇيىندى نازار اۋدارىپ، اربىرەۋىنىڭ كورنەكتى ماسەلەلەرىن كۇش سالا بايقايدى جانە شەشۋدى ىلگەرىلەتەدى.
شارلاناتىن پارتيا ۇيىمدارىنىڭ نەگىزگى جاۋاپتىلارى مىنالاردى ءبىلدىردى: ساياسي دەڭگەيدى شىنايى جوعارىلاتىپ، جاۋاپكەرشىلىك سەزىمدى، بورىشتىلىق سەزىمدى، كوكەي تەستىلىك سەزىمدى كۇشەيتىپ، جۇرەكتىلىكپەن وزىنە - ءوزى توڭكەرىس جاساپ، ماسەلەلەردى ىشكەرىلەي قاداعالاپ، ۇقساس ماسەلەگە بىردەي جاۋاپ بەرۋگە تاباندى بولىپ، اۆتونوميالى رايوندىق پارتكوم تاپسىرعان شارلاۋ مىندەتىن ويداعىداي ورىنداۋعا بار كۇشپەن قولداۋ كورسەتەمىز، سايكەسەمىز. شارلاۋ بويىنشا باقىلاۋدى قابىلداۋدى وراي ەتىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن اناعۇرلىم جوعارىلاتىپ، بورىش ارقالاۋدى كۇشەيتىپ، ادالدىقپەن مىندەت وتەپ، جاۋاپكەرشىلىكتى ادا ەتىپ، شىن مانىندە ”ەكىنى تۇراقتاندىرۋدى“ تاباندىلىقپەن قولداۋدى، ”ەكىنى قورعاۋدى“ باتىل ورىنداۋدى پارتيا 20 - قۇرىلتايىنىڭ رۋحىن، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جانە اۆتونوميالى رايوندىق پارتكومنىڭ قىزمەت تالاپتارىن دايەكتىلەندىرۋدىڭ، تياناقتاندىرۋدىڭ ءىس جۇزىندىك ارەكەتىندە ايگىلەپ، رەفورما، دامۋ، ورنىقتىلىق قىزمەتتەرىنىڭ جوعارى ساپالى دامۋىن تىڭعىلىقتى ىلگەرىلەتەمىز.
ۇعىسۋعا قاراعاندا، 12 شارلاۋ گرۋپپاسى شارلاناتىن وبلىس، قالالاردا (اۋدان، قالا، رايون، اشۋ رايونى) جانە اۆتونوميالى رايوننىڭ فينانس ورىندارىندا 2 اي اينالاسىندا قىزمەت ىستەيدى ەكەن، ارالىقتا ارناۋلى كەزەكشىلىك تەلەفونىن جانە پوچتا حات ساندىعىن اشىپ، باستىسى، شارلاناتىن پارتيا ۇيىمدارىنىڭ باسشىلىق القاسىنىڭ جانە ونىڭ مۇشەلەرىنىڭ، ءبىر دارەجە تومەن پارتيا ۇيىمدارىنىڭ نەگىزگى جاۋاپتىلارىنىڭ جانە ماڭىزدى قىزمەت ورنىنداعى باسشى كادرلاردىڭ ماسەلەسىن اڭىس ەتەتىن حاتتاردى، تەلەفونداردى، ارىزداردى قابىلدايدى، مۇندا ساياسي تارتىپكە، ۇيىمدىق تارتىپكە، پاكتىك تارتىبىنە، بۇقارالىق تارتىپكە، قىزمەت تارتىبىنە جانە تۇرمىس تارتىبىنە قايشى كەلۋ، سونداي - اق شارلاۋ بويىنشا رەتتەۋ - تۇزەتۋ سياقتى جاقتارداعى ماسەلەلەر مەن اڭىستار باستى ءتۇيىن ەتىلەدى ەكەن. شارلاۋ گرۋپپالارىنىڭ ارىز - ارمان قابىلداۋ ۋاقىتى 2023 - جىلى 10 - ايدىڭ 20 - كۇنىنە دەيىن بولادى ەكەن.
10 - كەزەكتى اۆتونوميالى رايوندىق پارتكومنىڭ 3 - كەزەكتى شارلاۋى بويىنشا جايعاسۋ كەستەسى
