ەركىن تۇنياز ارناۋ ءسوز سويلەدى
انار بۇلت \ شينجياڭ گازەتىنىڭ ءتىلشىسى لي ياڭ 8 - ايدىڭ 30 - كۇنى ۇرىمجىدەن حابارلايدى. 8 - ايدىڭ 30 - كۇنى تۇستەن بۇرىن ”ءوزارا ۇيرەنۋ، ءوزارا ۇلگى الۋ، دامۋدان بىرگە يگىلىكتەنۋ“ نەگىزگى تاقىرىبىنداعى جۇڭگو − ورتا ازيا ءداستۇرلى مەديتسينا تالقى مىنبەرى ۇرىمجىدە اشىلدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز اشىلۋ سالتىنا قاتىناستى ءارى ارناۋ ءسوز سويلەدى.
مەملەكەتتىك دەنساۋلىق ساقتاۋ، سالاماتتىق كوميتەتى پارتيا باسشىلىق گرۋپپاسىنىڭ مۇشەسى، مەملەكەتتىك جۇڭي شيپاگەرلىگىن - دارىگەرلىگىن باسقارۋ مەكەمەسىنىڭ باستىعى يۇي يانحۇڭ، قازاقستان حالىقارالىق ينفورماتسيا زەرتتەۋ اكادەمياسىنىڭ اكادەميگى ۆلاديمير ستەرماح ارناۋ ءسوز سويلەدى.
ەركىن تۇنياز ارناۋ سوزىندە بىلاي دەدى: بيىل 5 - ايدا ءتوراعا شي جينپيڭ جۇڭگو − ورتا ازيا باسشىلار ماجىلىسىنە قاتىناسىپ ءارى ارقاۋ ءسوز سويلەپ، بىرگە دامۋعا تاباندى بولۋدى العا قويىپ، جۇڭگونىڭ ورتا ازيا ەلدەرىمەن ەمدەۋ - دەنساۋلىق ساقتاۋ سەلبەستىگىن تەرەڭدەتۋىنە، اناعۇرلىم قويۋ جۇڭگو − ورتا ازيا تاعدىرلاس ورتاق تۇلعاسىن قۇرۋعا ءتۇبىرلى بويسۇنۋ ولشەمىن جانە ارەكەت باعدارناماسىن ازىرلەدى. سوڭعى جىلدارى شينجياڭ ”ءبىر بەلدەۋ، ءبىر جول“ وزەكتى رايونى رەتىندە، ورتا ازياداعى توڭىرەكتەگى ەلدەرمەن ۇلاسۋ، تۇتاسۋ دەڭگەيىن ۇزدىكسىز جوعارىلاتىپ، ەمدەۋ - دەنساۋلىق ساقتاۋ سياقتى جاقتارداعى سەلبەستىكتى اناعۇرلىم تەرەڭدەتىپ، كولەمىن كەڭەيتىپ، ”سالاماتتى جىبەك جولىن“ قول ۇستاسا تۇلعالاۋدا. وسى رەتكى تالقى مىنبەرىن وتكىزۋ − جۇڭگو − ورتا ازيا باسشىلار ءماجىلىسىنىڭ رۋحىن جانە باس شۋجي شي جينپيڭنىڭ اۆتونوميالى رايوندىق پارتكوم مەن ۇكىمەتتىڭ، بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، ەلىمىزدىڭ ورتا ازيا ەلدەرىمەن اراداعى ءداستۇرلى شيپاگەرلىك - دارىگەرلىك سالاسىنداعى اۋىس - كۇيىسىن، سەلبەستىگىن تەرەڭدەتۋدى ماقسات ەتكەن. سيلى قوناقتاردىڭ، مامانداردىڭ تالقى مىنبەرىندە اقىل - پاراسات ءۇنىن جەتكىزىپ، كەرەمەت كوزقاراستارىن ورتاقتاسىپ، ءداستۇرلى شيپاگەرلىك - دارىگەرلىك سەلبەستىگى جوسپارىن بىرگە اقىلداسىپ، ءداستۇرلى شيپاگەرلىك - دارىگەرلىك كاسىپ سالاسىن بىرگە قۇرىپ، ءداستۇرلى شيپاگەرلىك - دارىگەرلىكتىڭ دامۋ جەتىستىكتەرىنەن تەڭ يگىلىكتەنىپ، حالىقتىڭ سالاماتتىعىن، قۇت - ىرىسىن ۇزدىكسىز نىعايتۋىن ءۇمىت ەتەمىن.
يۇي يانحۇڭ ارناۋ سوزىندە وسى رەتكى تالقى مىنبەرىنىڭ جۇڭگو − ورتا ازيا باسشىلار ءماجىلىسى جەتىستىگىن دايەكتىلەندىرۋدەگى، تياناقتاندىرۋداعى ءىس جۇزىندىك ارەكەت، جۇڭي شيپاگەرلىگى - دارىگەرلىگىنىڭ ”ءبىر بەلدەۋ، ءبىر جول“ قۇرىلىسىنا جوعارى ساپالى توعىسۋىن ىلگەرىلەتۋدەگى ماڭىزدى شارا ەكەندىگىن ءبىلدىردى. يۇي يانحۇڭ باسشىلار ءماجىلىسىنىڭ ءتىزىم جەتىستىكتەرىن جوعارى ساپالى تياناقتاندىرۋدى ماڭداي الدى مىندەت ەتۋگە تاباندى بولىپ، حالىقتىڭ سالاماتتىعىنا جوعارى دەڭگەيدە قىزمەت وتەۋدى ءتۇبىرلى ماقسات، ءداستۇرلى مەديتسينا سالاسىنداعى قىزمەت وتەۋ ساۋداسىن جوعارى دەڭگەيدە دامىتۋدى پارمەندى تۇتقا، جوعارى دارەجەلى تىلدەسۋ مەن ساياساتتىق بايلانىستى، اۋىس - كۇيىستى ماڭىزدى كەپىل ەتىپ، ءداستۇرلى مەديتسينانىڭ اۋرۋدان ساقتانۋ، اۋرۋدى ەمدەۋدەگى وزگەشە باسىمدىعىن تولىق ساۋلەلەندىرىپ، ەكونوميكا - ساۋدا قارىم - قاتىناسىنىڭ جاڭا تۇعىرىن تۇلعالاپ، ءداستۇرلى مەديتسينا سالاسىنداعى سەلبەستىكتىڭ تەرەڭدىگى مەن كەڭدىگىن كەڭەيتۋ كەرەكتىگىن دارىپتەدى.
ۆلاديمير ستەرماح ارناۋ سوزىندە مىنالاردى ءبىلدىردى: ”ءبىر بەلدەۋ، ءبىر جول“ باستاماسى العا قويىلعاننان بەرى، سوڭعى جىلدارى 100 نەشە مەملەكەت قوسىلدى. ادامعا تەرەڭ اسەر بەرەتىن مۇنداي دامۋ اۋقىمى مەن قاتىناسقانداردىڭ اناعۇرلىم كوپ بولۋى ”ءبىر بەلدەۋ، ءبىر جول“ باستاماسىنىڭ ومىرشەڭدىگىن دالەلدەدى. ”ءبىر بەلدەۋ، ءبىر جول“ باستاماسىندا ەمدەۋ - دەنساۋلىق ساقتاۋ سالاسىنداعى اۋىس - كۇيىستى قامتىعان ادامگەرشىلىك سەلبەستىگى ماڭىزدى رول اتقارۋدا. وسى رەتكى تالقى مىنبەرىن وتكىزۋ ءار ەلدىڭ مەديتسينا ماماندارىنىڭ دوستىقتى نىعايتىپ، ءداستۇرلى مەديتسينا سالاسىنداعى تاجىريبە اۋىس - كۇيىسى مەن سەلبەستىگىن كۇشەيتۋگە ءتيىمدى.
مەملەكەتتىك جۇڭي شيپاگەرلىگىن - دارىگەرلىگىن باسقارۋ مەكەمەسىنىڭ ورىنباسار باستىعى، جۇڭگو ينجەنەريالىق عىلىمدار اكادەمياسىنىڭ اكادەميگى حۋاڭ لۋچي، اۆتونوميالى رايوندىق دەنساۋلىق ساقتاۋ، سالاماتتىق كوميتەتىنىڭ ورىنباسار مەڭگەرۋشىسى زوۋ شياۋگۋاڭ، وزبەكستان دەنساۋلىق ساقتاۋ مينيسترلىگى مەملەكەتتىك ءداستۇرلى مەديتسينا عىلمي اماليات ورتالىعىنىڭ مەڭگەرۋشىسى ءراشيت ابدوللايەۆچ ارقاۋ بايانداما جاسادى.
ليۋ سۋشى تالقى مىنبەرىنىڭ اشىلۋ سالتىن باسقاردى.
وسى رەتكى تالقى مىنبەرىن اۆتونوميالى رايوندىق حالىق ۇكىمەتى، مەملەكەتتىك جۇڭي شيپاگەرلىگىن - دارىگەرلىگىن باسقارۋ مەكەمەسى باسقارىپ وتكىزدى. ورتا ازياداعى 5 ەلدەن كەلگەن ءداستۇرلى شيپاگەرلىك - دارىگەرلىك سالاسىنداعى اكادەميكتەر، ماماندار، جۇڭگونىڭ ەل ىشىندەگى جۇڭي شيپاگەرلىگى - دارىگەرلىگى سالاسىنداعى ماماندار جانە مەملەكەتتىك شيپاگەرلىكتىڭ مايتالماندارى، ەل ىشىندەگى ءىشىنارا ولكە، قالالارداعى جۇڭي شيپاگەرلىگىن - دارىگەرلىگىن باسقارۋ تاراۋلارىنداعى جانە ءىشىنارا ەمدەۋ قۇرىلىمدارىنداعى جاۋاپتى جولداستار اشىلۋ سالتىنا قاتىناستى.
