جاڭ چۇنلين كەزدەسۋگە قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 8 - ايدىڭ 30 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز جۋىقتا ۇرىمجىدە شينجياڭعا ەكسكۋرسيالاي، ساپارلاي كەلگەن حالىقارالىق ەڭبەكشىلەر ۇيىمى ولشەم مەكەمەسىنىڭ باستىعى كو لين ۋاجيامەن جانە ونىڭ ساپارلاستارىمەن كەزدەسىپ، قاتىستى ماسەلەلەر جونىندە ىشكەرىلەي پىكىر اۋىستىردى.
اۆتونوميالى رايوندىق پارتكومنىڭ ورىنباسار شۋجيى جاڭ چۇنلين كەزدەسۋگە قاتىناستى.
ما شيڭرۇي اۆتونوميالى رايوندىق پارتكوم مەن ۇكىمەت اتىنان ۋاكىلدەر ۇيىرمەسىنىڭ جۇڭگونىڭ شينجياڭىنا ساپارلاي كەلگەندىگىن قارسى الدى، سونداي - اق شينجياڭ ءوڭىرىنىڭ تاريحى، ەكونوميكاسى، قوعامى، ۇلت، ءدىن، كوپ نەگىزدى مادەنيەتى سياقتى جاعدايلارىن تانىستىردى. ول مىنالاردى ءبىلدىردى: ءتوراعا شي جينپيڭنىڭ دانىشپان باسشىلىعىندا، جاڭا داۋىردەگى جۇڭگو كوممۋنيستىك پارتياسىنىڭ شينجياڭدى باسقارۋ جالپى جوباسى شينجياڭدا تابىستى امالياتقا قول جەتكىزدى، كورنەكتى ونىمدىلىككە قول جەتكىزدى، تيانشان الابى ەكونوميكالىق، قوعامدىق دامۋدا جانە حالىق تۇرمىسىن جاقسارتۋدا بۇرىن بولماعان تابىستارعا قول جەتكىزىپ، كورىكتى شينجياڭ قۇرۋدىڭ جاڭا جورىعىنا قادام تاستادى. ءبىر مەزگىلدەن بەرى امەريكا قاتارلى باتىس ەلدەرىندەگى جۇڭگوعا قارسى كەيبىر كۇشتەر شينجياڭنىڭ ادامدىق ۇقىقتى قامتاماسىز ەتۋدە، ەڭبەكشىلەردىڭ زاڭدى ۇقىق - مۇددەسىن قورعاۋدا جاساعان وراسان زور قۇلشىنىستارىن ەلەپ - ەسكەرمەي، ايتىلمىس شينجياڭدا ”زورلىقپەن ەڭبەككە سالۋ“ ماسەلەسى ءومىر ءسۇرىپ وتىر دەپ قيسىنسىز وسەك - اياڭ تاراتىپ، دابىرالاپ، شينجياڭنىڭ ەڭبەكپەن جۇمىستانۋدى قامتاماسىز ەتۋ قىزمەتىنە كۇيە جاقتى، سونداي - اق وسىنى سىلتاۋ ەتىپ، شينجياڭعا قيسىنسىز جازا قولداندى. ءىس جۇزىندە، بۇل وسەك - اياڭدار، جازعىرۋلار شينجياڭنىڭ ناقتى جاعدايىنا بۇكىلدەي ۇيلەسپەگەنمەن قويماي، ونىڭ ۇستىنە شينجياڭ كاسىپورىندارىنىڭ ورىندى دامۋ مۇددەسى مەن ءار ۇلت ەڭبەكشىلەرىنىڭ زاڭدى جۇمىستانۋ ۇقىق - مۇددەسىنە زيان جەتكىزدى. جۇڭگو كوممۋنيستىك پارتياسى حالىقتى وزەك ەتكەن دامۋ يدەياسىنا باستان - اياق تاباندى بولىپ كەلەدى. شينجياڭنىڭ ىستەگەن بارلىق قىزمەتى ءار ۇلت حالقىن اناعۇرلىم تاماشا تۇرمىسقا كەنەلتۋ ءۇشىن بولىپ تابىلادى. ءبىز جۇمىستاندىرۋدى ەڭ ۇلكەن حالىق تۇرمىسى ساناپ، جۇمىستاندىرۋدى الدىمەن ويلاستىرۋ ستراتەگياسىن كۇش سالا اتقارىپ، جۇمىستاندىرۋ ارناسىن ۇزدىكسىز كەڭەيتىپ، ءار ۇلت بۇقاراسىنىڭ جۇمىستانىپ كىرىسىن ارتتىرۋىنا بەلسەنە كومەكتەستىك، سونىمەن بىرگە ءار ۇلت ەڭبەكشىلەرىنىڭ ۇقىعىن زاڭ بويىنشا قامتاماسىز ەتىپ، ولاردىڭ ەركىن، تەپە - تەڭ، حاۋىپسىز، ابىرويلى شارت جاعدايدا ماقتان ەتەرلىك قىزمەت ىستەۋىنە شىنايى كەپىلدىك ەتتىك. ءبىزدىڭ جۇمىستاندىرۋ جانە ەڭبەك قىزمەتىمىز بۇكىلدەي زاڭداعى بەلگىلەمەلەرگە بويسۇنۋ، بازار زاڭدىلىعىنا بويسۇنۋ، جەكە ادامنىڭ ەركىنە قۇرمەت ەتۋ پرينسيبى نەگىزىندە جۇرگىزىلىپ جاتىر. جۇڭگو شينجياڭىنىڭ قاقپاسى قاشاندا ايقارا اشىق، ءبىزدىڭ شەتەلدىڭ ءار سالا قايراتكەرلەرىنىڭ شينجياڭعا كەلىپ ناقتى ساپاردا بولۋىن قارسى الۋعا دەگەن جىگەرىمىز جەتكىلىكتى، سەنىمىمىز مىعىم. حالىقارالىق ەڭبەكشىلەر ۇيىمىنداعى ۋاكىلدەردىڭ ءادىل، وبيەكتيۆ پوزيتسيا ۇستانىپ، شينجياڭنىڭ ەكونوميكالىق، قوعامدىق دامۋى، ەڭبەكپەن جۇمىستانۋ، ادامدىق ۇقىقتى قورعاۋ سياقتى جاقتارداعى جاعدايىن جان - جاقتى، ىشكەرىلەي ءتۇسىنۋىن، ”سۇزگى اپپاراتسىز“، شىنايى دا كورىكتى جۇڭگو شينجياڭىن شىنايى سەزىنۋىن ءۇمىت ەتەمىن.
ليۋ سۋشى كەزدەسۋدە بىرگە بولدى.
حالىقارالىق ەڭبەكشىلەر ۇيىمى ۋاكىلدەر ۇيىرمەسىنىڭ مۇشەلەرى، جۇڭگو ادام كۇشى بايلىعى جانە قوعامدىق قامتاماسىزداندىرۋ مينيسترلىگىندەگى، مەملەكەتتىك باس جۇمىسشى ۇيىمىنداعى، جۇڭگو كاسىپورىندار بىرلەستىگىندەگى قاتىستى جولداستار، اۆتونوميالى رايوننىڭ قاتىستى تاراۋلارىنداعى جاۋاپتى جولداستار كەزدەسۋدە بىرگە بولدى.
