«كادرلاردى تاربيەلەۋ، باۋلۋ قىزمەتى ەرەجەسىن»، «مەملەكەت بويىنشا كادرلاردى تاربيەلەۋ، باۋلۋ جوسپارىن (2023 - جىلدان 2027 - جىلعا دەيىن)» قارادى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
شينحۋا اگەنتتىگىنىڭ 8 - ايدىڭ 31 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 8 - ايدىڭ 31 - كۇنى ءماجىلىس اشىپ، «كادرلاردى تاربيەلەۋ، باۋلۋ قىزمەتى ەرەجەسىن»، «مەملەكەت بويىنشا كادرلاردى تاربيەلەۋ، باۋلۋ جوسپارىن (2023 - جىلدان 2027 - جىلعا دەيىن)» قارادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.
ءماجىلىس مىنالاردى اتاپ كورسەتتى: كادرلاردى تاربيەلەۋ، باۋلۋ − جوعارى ساپالى كادرلار قوسىنىن قۇرۋداعى جەتەكشىلىك سيپاتتى، نەگىزدىك سيپاتتى، ستراتەگيالىق سيپاتتى ينجەنەريا، ول جۇڭگوشا سوتسياليزم ۇلى ءىسىن جانە پارتيا قۇرىلىسى جاڭا ۇلى ينجەنەرياسىن ىلگەرىلەتۋ بارىسىندا ەشتەڭە ورنىن باسا المايتىن ماڭىزدى ورىنعا جانە رولعا يە. شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، جاڭا داۋىردەگى پارتيا قۇرىلىسىنىڭ جالپى تالاپتارىن جانە جاڭا داۋىردەگى پارتيانىڭ ۇيىمدىق لۋشيانىن مۇقيات تياناقتاندىرىپ، ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، مۇرات - سەنىمدى، باس ماقساتتى بەكەمدەۋدى نەگىز، بيلىك جۇرگىزۋ قابىلەتىن جاپپاي كۇشەيتۋدى ءتۇيىن ەتىپ، ساياسيدا ىسىلعان، جاڭا ءداۋىردىڭ تالابىنا ۇيلەسەتىن، سوتسياليستىك وسىزامانداندىرۋ قۇرىلىسىنا باسشىلىق ەتۋ قابىلەتىن ازىرلەگەن جوعارى ساپالى كادرلار قوسىنىن باۋلۋ، سومداۋ كەرەك.
ءماجىلىس مىنالاردى باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋدى، دايەكتىلەندىرۋدى نەگىزگى تاقىرىپ، نەگىزگى جەلى ەتىپ، پارتيانىڭ جاسامپاز نازارياسىمەن قاجىماي - تالماي زەيىن - زەردەنى ۇيىستىرىپ، رۋحتى سومداۋ، نەگىزدى كۇشەيتىپ، ارقاۋدى بەكەمدەۋ كەرەك. ساياسي جاتتىعۋدى كادرلاردىڭ ەسەيىپ - ەرجەتۋ جالپى پەريودىنا ساباقتاستىرۋعا تاباندى بولىپ، كادرلاردى دۇرىس ۇقىق كوزقاراسىن، ناتيجە كوزقاراسىن، كاسىپ كوزقاراسىن ورناتۋعا تاربيەلەپ، جەتەكتەپ، كادرلاردىڭ ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن جوعارىلاتۋ كەرەك. كادرلاردى تاربيەلەۋدە، باۋلۋدا قامداۋ مەن قاجەتسىنۋدىڭ دالمە - ءدال سايكەسۋىن ىلگەرىلەتىپ، ۇيىمدىق قاجەتتى، قىزمەت ورنى قاجەتىن، كادرلار قاجەتىن اناعۇرلىم ويداعىداي قاناعاتتاندىرىپ، تاربيەلەۋ، باۋلۋ فورماسىن، ءادىسىن ۇزدىكسىز ساپالىلاندىرىپ، تاربيەلەۋدىڭ، باۋلۋدىڭ جۇيەلىلىك سيپاتىن، باعىتتامالىلىق سيپاتىن، ونىمدىلىك سيپاتىن اناعۇرلىم كۇشەيتۋ كەرەك. پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن ارقاۋ ەتىپ، مەملەكەتتىڭ كەلەلى ستراتەگيالىق قاجەتىمەن ۇشتاستىرىپ، سالالارعا ءبولىپ، ارناۋلى تاقىرىپتارعا ءبولىپ ۇيرەنىپ، باۋلىپ، كادرلاردىڭ جوعارى ساپالى دامۋدى ىلگەرىلەتۋ قابىلەتىن، بۇقاراعا قىزمەت وتەۋ قابىلەتىن، حاۋىپ - قاتەردەن ساقتانۋ جانە ونى جويۋ قابىلەتىن جوعارىلاتۋ كەرەك. كادرلاردى تاربيەلەۋدىڭ، باۋلۋدىڭ نەگىزدىك قامتاماسىزدىعىن تىڭعىلىقتى ويداعىداي ىستەپ، پارتيا مەكتەبىنىڭ (اكىمشىلىك شۋەيۋان) كادرلاردى تاربيەلەۋ، باۋلۋداعى نەگىزگى ارنالىق، نەگىزگى شەپتىك رولىن ويداعىداي ساۋلەلەندىرىپ، ساياسي وتكەلدى يگەرۋدى كۇشەيتىپ، وقىتۋشىلار قوسىنى قۇرىلىسىن ءۇرتىس بار كۇشتى سالا وتىرىپ ويداعىداي يگەرۋ كەرەك. نازاريانى امالياتپەن بايلانىستىرۋ سىندى ماركسيزمدىك ۇيرەنۋ ستيلىن بارىنشا اسقاقتاتىپ، فورماشىلدىقتى باتىل تيىپ، ۇنەمشىل دە ۇقىپتى، جۇيەلى تۇردە مەكتەپ باسقارۋ كەرەك.
ءماجىلىس باسقا دا ىستەردى اقىلداستى.
