− باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ جونىندە
□ گازەتىمىزدىڭ شولۋشىسى
ءبىر حيكايا ءبىرسىپىرا قيسىننان ارتىق.
باس شۋجي شي جينپيڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا: ”ۇنامدى جاقتان ۇگىتتەۋدى كۇشەيتىپ، شينجياڭنىڭ اشىق، سەنىمدى جاڭا كەلبەتىن، جاڭا بەينەسىن كورسەتىپ، جاڭا داۋىردەگى شينجياڭ حيكاياسىن كوپ ارنامەن، كوپ فورمامەن ويداعىداي بايانداۋ كەرەك“، - دەپ باسا دارىپتەپ، 25 ميلليون كادر - بۇقاراعا جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭدى اناعۇرلىم ويداعىداي قۇرۋ جونىنەن داڭقتى بورىش جۇكتەدى.
جۇڭگو حيكاياسىن ويداعىداي بايانداۋ، جۇڭگو ءۇنىن ويداعىداي تاراتۋ، شىنايى، ستەرەولدى، جاق - جاقتى جۇڭگونى ايگىلەۋ، بۇل جاڭا داۋىردەگى ۇگىت - يدەيا قىزمەتى ءدوپ كەلىپ وتىرعان كەلەلى تاقىرىپ. شينجياڭ قىزمەتى پارتيا مەن مەملەكەت قىزمەتى جالپى جاعدايىندا ەرەكشە ماڭىزدى ورىنعا يە، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋ كەلەلى جاعدايىنا سايادى، شينجياڭ حيكاياسىن ويداعىداي بايانداۋدىڭ ءوزى جۇڭگو حيكاياسىن ويداعىداي بايانداۋدىڭ تيەسىلى ءمانى. ءبىرتالاي ۋاقىتتان بەرى امەريكا سياقتى باتىس ەلدەرىندەگى جۇڭگوعا قارسى كۇشتەر شينجياڭعا قاتىستى وسەك - اياڭدى، ساندىراقتى ۇزبەي تاراتىپ، ”شينجياڭ ارقىلى جۇڭگونى شاۋجايلاۋ“ قاسكۇنەمدىگىن جۇزەگە اسىرۋعا ۇرىندى. شينجياڭ حيكاياسىن ويداعىداي بايانداۋ − باتىستىڭ ءسوز زورەكەرلىگىن تالقانداپ، حالىقارالىق قوعامعا شىنايى جۇڭگونىڭ شينجياڭىن ءتىپتى دە جان - جاقتى، وبيەكتيۆ ءتۇسىندىرىپ، جۇڭگو ۇلگىسىندەگى وسىزامانداندىرۋ قۇرىلىسىنا وبيەكتيۆ، ءادىل، بەلسەندى، اقاۋسىز قوعامدىق پىكىر ەكولوگياسىن جاراتۋ جونىنەن ماڭىزدى مانگە يە.
3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە باس شۋجي شي جينپيڭ: ”كوپ ساتىلى، جان - جاقتى، ستەرەولدى تۇردە شينجياڭ حيكاياسىن ويداعىداي بايانداپ، شينجياڭنىڭ قوعام ورنىقتىلىعىنىڭ اسا تاماشا جاعدايىن، حالىقتىڭ تىنىش ءومىر، شات - شادىمان تىرشىلىك كەشىرگەن باقىتتى تۇرمىسىن ايبىندى ەكپىنمەن ۇگىتتەۋ كەرەك“، - دەپ اتاپ كورسەتتى؛ بىلتىر شينجياڭدى كوزدەن كەشىرگەندە، باس شۋجي: ”شينجياڭعا ساياتىن سىرتقا باعىتتالعان ۇگىتتى كوپ ساتىلى، جان - جاقتى، ستەرەولدى ورىستەتىپ، ’شاقىرىپ اكەلۋ‘ قىزمەتىن كەمەلدەندىرىپ، جۇڭگونىڭ شينجياڭ حيكاياسىن ويداعىداي بايانداۋ كەرەك“، - دەپ باسا دارىپتەدى. ءبىرسىپىرا ماڭىزدى سوزدەردىڭ رۋحى ءارى تانىمناما، ءارى ءادىسناما، بۇكىل رايونداعى ءار ۇلت كادر - بۇقاراسى مۇقياتتىلىقپەن ناقتى يگەرىپ، بەلسەندى قيمىلعا كوشىپ، جاڭا داۋىردەگى شينجياڭ حيكاياسىن كوپ ارنامەن، كوپ فورمامەن ويداعىداي بايانداپ، اشىق، سەنىمدى جاڭا وبرازدى ايگىلەپ، سەلبەستىك جاساپ، تەڭ يگىلىككە كەنەلەتىن دوستار شەڭبەرىن ۇلعايتۋ كەرەك.
جاڭا داۋىردەگى شينجياڭ حيكاياسىن ويداعىداي بايانداۋدا ۇنامدى جاقتان ۇگىتتەۋدى تاباندىلىقپەن كۇشەيتۋ كەرەك. بۇگىنگى شينجياڭدا قوعام جاراسىمدى دا ورنىقتى بولىپ، دامۋ ءۇرتىس جاقسارۋعا بەت الدى، حالىق تىنىش ءومىر، شات - شادىمان تىرشىلىك كەشىرۋدە. بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ تەرەڭ قامقورلىعىنىڭ، زور كۇشپەن قولداۋىنىڭ ناتيجەسى، بۇل وتان ۇلى شاڭىراعىنىڭ تىنىستاس، تامىرلاس بولىپ، كۇش سالا كومەك كورسەتۋىنىڭ ناتيجەسى، بۇل تيانشان الابىنداعى ءار ۇلت كادر - بۇقاراسىنىڭ ءبىر نيەتتە ىنتىماقتاسىپ، قامال الىپ قيىندىقتى جەڭۋىنىڭ ناتيجەسى. ءبىزدىڭ اسقاقتاعان تەبىندى نەگىزگى اۋەندى جىرلايتىن، بەلسەنە العا ۇمتىلعان وڭ ەنەرگيانى اسقاقتاتاتىن سەبەبىمىز تولىق، سەنىمىمىز بار، جىگەرىمىز بار، شينجياڭ حيكاياسىن اسەرلى بايانداپ، دامۋ لوگيكاسىن ايدان ايقىن بايانداپ، كۇدىكسىز شىندىقپەن ءتۇرلى شىندىققا جاناسپايتىن قوعامدىق پىكىرگە، ۇنامسىز قوعامدىق پىكىرگە، زياندى سوزدەرگە پارمەندى تويتارىس جاساپ، شينجياڭنىڭ كوركەم وبرازىن كوڭىلگە تەرەڭ ۇيالاتۋىمىز كەرەك.
جاڭا داۋىردەگى شينجياڭ حيكاياسىن ويداعىداي بايانداۋدا حالىقارالىق تاراتۋ قابىلەتى قۇرىلىسىن پارمەندى كۇشەيتۋ كەرەك. حيكايا بايانداۋ حالىقارالىق تاراتۋدىڭ ەڭ تاماشا ءتاسىلى. ءبىراق ءبىز حالىقارادا كەيدە ”ءجونىمىز بولسا دا ايتا المايتىن، ايتساق تا كوپكە تارالمايتىن“ كۇيدە تۇرمىز. گۇلدەنىپ - كوركەيگەن شينجياڭنىڭ بايتاق دالاسىندا شينجياڭ حيكاياسىن ويداعىداي باياندايتىن مول بايلىق جاتىر، مۇنداعى شەشۋشى ءتۇيىن − ءبىز حالىقارالىق تاراتۋ سالاسىنداعى جاڭا وزگەرىستى، جاڭا بەتالىستى يگەرىپ، تاراتۋ ۇستانىمى مەن تاسىلىندە جاڭالىق اشىپ، ءوزىمىز ايتپاقشى بولعاندى شەتەل تىڭدارماندارى ۇناتىپ ەستيتىنمەن ۇشتاستىرىپ، سىرتقا باعىتتالعان تاراتۋ ءسوز جۇيەسىن ورناتىپ، شينجياڭ حيكاياسىنىڭ الەمدەنگەن بەينەلەۋ قۋاتىن ۇزدىكسىز كۇشەيتۋىمىز كەرەك. سونىمەن بىرگە ءبىز ءتىپتى دە كەڭ حالىقارالىق تاراتۋ تۇعىرىن ورناتىپ، اناعۇرلىم مول حالىقارالىق تاراتۋ سارا تۋىندىلارىن ۇسىنۋىمىز؛ ”شاقىرىپ اكەلۋ“، ”سىرتقا شىعارۋ“ تەبىنىن ۇلعايتىپ، ءتىپتى دە ىقپال كۇشكە يە حالىقارالىق اۋىس - كۇيىس قيمىلىن ۇيىمداستىرۋىمىز؛ باعىتتامالى تۇردە دارىندىلار باۋلۋدى كۇشەيتىپ، حالىقارالىق كوزاياعا جانە حالىقارالىق تاراتۋ قابىلەتىنە يە دارىندىلار قوسىنىن قۇرىپ، شينجياڭ حيكاياسىن ويداعىداي بايانداۋ قابىلەتىن، ونەرىن ۇزدىكسىز جوعارىلاتىپ، شينجياڭ حيكاياسىنىڭ تارالۋ قۋاتىن، اسەرلەندىرۋ قۋاتىن، ىقپال كۇشىن كۇشەيتۋىمىز كەرەك.
جاڭا داۋىردەگى شينجياڭ حيكاياسىن ويداعىداي بايانداۋدا شينجياڭ ساياحاتىن اشىق ۇستاۋ تەبىنىن ۇلعايتۋ كەرەك. مىڭ ەستىگەننەن ءبىر كورگەن ارتىق. ساياحات تەك تاۋ - وزەندەردى ساياحاتتاۋ عانا بولماستان، ءتىپتى دە ماڭىزدىسى، دۇنيەنى بايقاۋدىڭ، سەزىنۋدىڭ، ءتۇيسىنۋدىڭ ءبىر ءتۇرلى ءتاسىلى، ءارى شينجياڭ حيكاياسىن ويداعىداي بايانداۋدىڭ، شينجياڭ ءۇنىن تاراتۋدىڭ ءونىمدى دانەكەرى بولا الادى. قازىر شينجياڭ ساياحاتىنىڭ دامۋ تەبىنى كۇشتى، ەل ءىشى - سىرتىنداعى ساياحاتشىلاردىڭ سانى ءۇرتىس جاڭا رەكورد جاراتۋدا. ءبىز قولايلى ساتتەن پايدالانىپ العا ۇمتىلىپ، مادەنيەت پەن ساياحاتتىڭ تەرەڭ توعىسۋىن ىلگەرىلەتۋ بارىسىندا، ساياحات كاسىبىنىڭ حيكايانى بايانداۋ قابىلەتىن، ورەسىن جوعارىلاتىپ، ساياحات كاسىبىنىڭ سىرتقا ەسىك اشۋ تەبىنىن ۇلعايتىپ، ءتىپتى دە كوپ ەل ءىشى - سىرتىنداعى ساياحاتشىلاردى شينجياڭعا كەلىپ ارالاۋعا، كورۋگە، قۇلاق تۇرۋگە شابىتتاندىرىپ، فاكتپەن كۇدىك - كۇماندى تالقانداپ، ۇعىسپاستىقتى جويىپ، شىندىقپەن بارلىق بوتەن نيەتتەگى قارالاۋدى جانە كۇيە جاعۋدى جەڭۋىمىز كەرەك.
جاڭا داۋىردە ءبىزدىڭ شينجياڭنىڭ ءىسىن ويداعىداي ىستەيتىن قابىلەتىمىز بار، ارينە، جاڭا داۋىردەگى شينجياڭ حيكاياسىن ويداعىداي بايانداۋ سەنىمىمىز دە بولۋعا ءتيىس. ءبىز شينجياڭنىڭ مەملەكەتتىڭ جالپى جاعدايىنداعى ستراتەگيالىق ورىن تۇراقتاندىرۋىن مىقتاپ يگەرىپ، جاۋاپكەرشىلىك تانىمدى كۇشەيتىپ، بەلسەندىلىكپەن جاۋاپكەرشىلىك ارقالاپ، ىسكەرلىك كورسەتىپ، تاراتۋ زاڭدىلىعىنا بويسۇنىپ، تاراتۋ قۋاتىن جوعارىلاتىپ، جاڭا داۋىردەگى شينجياڭ حيكاياسىن كوپ ارنامەن، كوپ فورمامەن ويداعىداي بايانداپ، دۇنيە ءجۇزىنىڭ شىنايى، جاندى كورىكتى شينجياڭدى كورۋىنە، جايدارى، قادىرلى كورىكتى شينجياڭدى ۇناتۋىنا وراي جاراتۋىمىز كەرەك!
