تيانشان تورى - شينجياڭ گازەتىنىڭ حابارى (ءتىلشى رىن جياڭ، ەرىكتى ءتىلشى ما دىجۇن حابارلايدى) 8 - ايدىڭ 27 - كۇنى ساعات 18گە دەيىن، نارات كورىنىس ءوڭىرىنىڭ بيىل قابىلداعان جالپى ساياحاتشىسى 2 ميلليون 10 مىڭ ادامعا (رەت) جەتىپ، تاريحتاعى ەڭ جوعارى رەكورد جاراتتى.
ساياحاتشىلار نارات كورىنىس وڭىرىندەگى تيانجيەتايدا سەرۋەن قۇرۋدا. سۋرەتتى جاسار تۇسىرگەن
”2019 - جىلى 9 - ايدىڭ 11 - كۇنى ناراتتىڭ جىلدىق قابىلداۋ مولشەرى 1 ميلليون ادامنان استى. ودان كەيىنگى 3 جىلدا ىندەت جاعدايىنىڭ ىقپالىنا ۇشىراعانىمەن كورىنىس ءوڭىرىنىڭ ساياحاتشى قابىلداۋ مولشەرى ورنىقتى تۇردە ارتىپ وتىردى. 2021 - جىلى، 2022 - جىلى ساياحاتشى قابىلداۋ مولشەرى جەكە - جەكە 1 ميلليون 151 مىڭ 700 ادامعا، 1 ميلليون 49 مىڭ 200 ادامعا جەتتى“. نارات كورىنىس ءوڭىرىن باسقارۋ كوميتەتى ساياحاتتى دامىتۋ، باسقارۋ مەكەمەسىنىڭ باستىعى ۋاڭ سۋۋىن تانىستىرىپ بىلاي دەدى، بيىل ەل ىشىندەگى ساياحات جەدەل قالپىنا كەلدى، نارات كورىنىس ءوڭىرىنىڭ ساياحات قىزۋى ”قاۋىرت ورلەپ“، قىزعىندىلىعى ”بىردەن ارتتى“، ساياحاتتىڭ قاۋىرت مەزگىلى ۇزارىپ، 8 - اي اياقتاماي تۇرىپ، كورىنىس ءوڭىرىنىڭ جىلدىق ساياحاتشى قابىلداۋ مولشەرى تىڭ دەڭگەيگە جەتتى.
نارات كورىنسى ءوڭىرى ءۇيسىن لاگەرى. سۋرەتتى جاسار تۇسىرگەن
بيىل جالپى قۇرىلىس كولەمى 26 مىڭ 500 شارشى مەترلىك كورىنىس ءوڭىرىنىڭ جاڭادان سالىنعان ساياحاتشىلارعا قىزمەت وتەۋ ورتالىعى، جالپى قۇرىلىس كولەمى 29 مىڭ شارشى مەترلىك جينليڭ تاۋلى ساياجايى اراسان قوناق ءۇيى، ۇزىندىعى 4053 مەترلىك تيانجيەتاي اسپالى جولى سياقتىلار ىركەس - تىركەس سالىنىپ پايدالانۋعا بەرىلدى، كورىنىس وڭىرىندەگى ”اس - سۋ، قونالقى، قاتىناس، ساياحات، زات ساتىپ الۋ، كوڭىل اشۋ“ ونىمدەرىنىڭ ساپاسى، دەڭگەيى، كولەمى جاپپاي جوعارىلاتىلىپ، ءبىرشاما كەمەلدى ساياحات نەگىزدىك قۇرىلعىلارى، ءونىم كاسىپ كۇيى جانە قىزمەت وتەۋ جۇيەسى قالىپتاسىپ، ساياحاتشىلاردى قابىلداۋ قۋاتى جاپپاي جوعارىلاتىلدى.
كورىنىس ءوڭىرى ”ينتەرنەت + ساياحاتتى“ وزەك ەتە وتىرىپ، زەردەلى كورىنىس ءوڭىرى ۇلكەن ساندى مالىمەت ورتالىعىن قۇرىپ، ءبىر تۇلعالانعان باسقارۋ تەكشەسىن تۇلعالاپ، شۇعىل جاعدايعا توتەپ بەرۋ بويىنشا قولباسشىلىق ەتۋ، ساياحات ارىز - شاعىمىن ءبىر جاقتى ەتۋ، قوعامدىق پىكىردى قاداعالاۋ، جيڭگۋانتۇڭ، جىيوۋ نارات قىزمەت وتەۋى سياقتى ون نەشە ءتۇرلى كاسىپ جۇيەسىن قۇرىپ، كولىكتەردى ورنالاستىرۋ، زەردەلى دارەتحانا، بەت - الپەتتى تانۋ سياقتى جاڭا تەحنيكا قولدانىمدارىن جالپىلاستىرىپ، ينتەرنەتتەگى ساياحاتقا ساياتىن ينفورماتسيالاردى دەر كەزىندە جيناقتاۋ، بەلەت ساتۋ بارىسىن ىڭعايلى زەردەلىلەندىرۋ، كورىنىس ءوڭىرىنىڭ اينالىم ونىمدىلىگىن، قىزمەت وتەۋ ساپاسىن، ساياحات ونىمدەرىنىڭ قامداۋ ساپاسىن جاپپاي جوعارىلاتۋدى جۇزەگە اسىردى. سونىمەن قاتار ”كۇلىمدەگەن شينجياڭ“ ارناۋلى ارەكەتىن دايەكتىلەندىرۋدى ىلگەرىلەتىپ، قىزمەت وتەۋ ساپاسىن ءونىمدى تۇردە جوعارىلاتتى.
ساياحاتشىلار نارات كورىنىس وڭىرىندە الاۋ كەشىن تاماشالاۋدا. سۋرەتتى جاسار تۇسىرگەن
2023 - جىلى نارات كورىنىس ءوڭىرى ”2 - توپتاعى مەملەكەت دارەجەلى وركەنيەتتى ساياحاتتان ۇلگى كورسەتۋ ورنىنا“ تاڭدالدى، سوڭعى جىلدارى ىلگەرى - كەيىندى مەملەكەت دارەجەلى ساياحات دەمالىس ءوڭىرى، مەملەكەت دارەجەلى قىزمەت وتەۋ سالاسى ولشەمدەندىرۋدەن ۇلگى كورسەتۋ نىسانى سياقتىلارعا داڭقپەن قول جەتكىزدى.
”جوعارى دەڭگەيدە ورىن بەلگىلەۋ، بىرەگەيلەرگە تۋرالانۋعا ۇزدىكسىز تاباندى بولىپ، نارات مادەنيەت، ساياحاتىنىڭ توعىسپالى، جوعارى ساپالى دامۋىنىڭ جاڭا جاعدايىن كۇش سالا تۇلعالاپ، ءتۇيىندى مادەنيەت، ساياحات نىساندارى قۇرىلىسىن ىلگەرىلەتىپ، سالت - سانا مادەنيەتىنىڭ ءمانىن اشىپ، كوپ تۇيىننەن كۇش سالىپ، مادەنيەت، ساياحات ماركاسىن ايشىقتايمىز“،- دەدى نارات كورىنىس ءوڭىرىن باسقارۋ كوميتەتىنىڭ مەڭگەرۋشىسى شى نيڭ.
