جۇڭگو ۇشاقتارىنىڭ اناعۇرلىم كۇشتى ”جۇڭگو جۇرەگىن“ پايدالانۋىنا مۇمكىندىك جاسايمىز
− باس شۋجي شي جينپيڭنىڭ جۇڭگو اۆياتسيالىق موتور توبى ليميڭ موتور قۇراستىرۋ زاۆودىنىڭ ”لي جىچياڭ بانىندەگى“ جۇمىسشى - قىزمەتكەرلەرگە جازعان جاۋاپ حاتى قالىڭ اۆياتسيا عىلىم - تەحنيكا قىزمەتكەرلەرىن جاڭالىق اشۋدى مۇرات ەتىپ، ەرلىكپەن شىڭعا شىعۋعا جىگەرلەندىردى
□ شينحۋا اگەنتتىگىنىڭ ءتىلشىسى
”اۆياتسيالىق موتور − مەملەكەتتىڭ ماڭىزدى جابدىعى، مەملەكەتتىڭ عىلىم - تەحنيكالىق ناقتى قۋاتى مەن جاڭالىق اشۋ قابىلەتىنىڭ ماڭىزدى بەينەسى“. 9 - ايدىڭ 1 - كۇنى باس شۋجي شي جينپيڭ جۇڭگو اۆياتسيالىق موتور توبى ليميڭ موتور قۇراستىرۋ زاۆودىنىڭ ”لي جىچياڭ بانىندەگى“ جۇمىسشى - قىزمەتكەرلەرگە جاۋاپ حات جازىپ، ولاردى ىقىلاسپەن شابىتتاندىردى ءارى ولارعا زور ءۇمىت ارتتى. قالىڭ اۆياتسيا عىلىم - تەحنيكا قىزمەتكەرلەرى مىنانى ءبىلدىردى: باس شۋجي شي جينپيڭنىڭ جاۋاپ حاتىنىڭ رۋحىن ەكپىندەي ۇدەرە العا تارتۋدىڭ كۇش قاينارى ەتىپ، جاڭالىق اشۋدى مۇرات ەتىپ، ەرلىكپەن شىڭعا شىعىپ، اۆياتسيالىق موتوردى ءوز كۇشىنە سۇيەنىپ زەرتتەپ جاساۋ اياق الىسىن جەدەلدەتىپ، جۇڭگو ۇشاقتارىنىڭ اناعۇرلىم كۇشتى ”جۇڭگو جۇرەگىن“ پايدالانۋىنا مۇمكىندىك جاساپ، اۆياتسيادا قۋاتتى ەل قۇرۋعا، جوعارى دەڭگەيدەگى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جۇزەگە اسىرۋعا بەلسەنە كۇش قوسامىز.
موتور − ۇشاقتىڭ ”جۇرەگى“، تاياۋ جىلداردان بەرى ەلىمىزدىڭ اۆياتسيالىق موتور زەرتتەپ جاساۋ شەبىندەگى قالىڭ كادرلار مەن جۇمىسشى - قىزمەتكەرلەر العاشقى قادامدا ءوز كۇشىنە سۇيەنىپ جاڭالىق اشا داميتىن جاڭا جولدى تاپتى، كوپشىلىك وسى ءۇشىن قىرۋار جۇرەك قانىن جۇمسادى، ”لي جىچياڭ بانى“ − سولاردىڭ اراسىنداعى ۋاكىلدەردىڭ ءبىرى.
”لي جىچياڭ بانى“ مەملەكەتتىك ەڭبەك ەرى، مەملەكەتتىك تەحنيكا شەبەرى لي جىچياڭنىڭ اتىمەن اتالعان، نەگىزىنەن، اۆياتسيالىق موتور جانە گاز ترۋبيناسىن جالپى تۇلعالىق قۇراستىرۋ قىزمەتىنە جاۋاپتى. 2013 - جىلى 8 - ايدا باس شۋجي شي جينپيڭ شىنياڭ ليميڭ سەرىكتەستىگىندە قىزمەت تەكسەرگەندە ”لي جىچياڭ بانىندەگى“ جۇمىسشى - قىزمەتكەرلەرمەن ىقىلاسپەن اڭگىمەلەسكەن بولاتىن.
9 - ايدىڭ 1 - كۇنى لياۋنيڭنىڭ شىنياڭىنداعى جۇڭگو اۆياتسيالىق موتور توبى ليميڭ موتور قۇراستىرۋ زاۆودىنىڭ باس قۇراستىرۋ بولىگىندە الدىڭعى شەپتەگى 60تان استام قىزمەتكەر باس شۋجي شي جينپيڭنىڭ جاۋاپ حاتىن دەن قويا تىڭدادى.
باس شۋجي شي جينپيڭگە حات جازۋدىڭ باستاماشىسى رەتىندە، لي جىچياڭ باس شۋجي شي جينپيڭنىڭ 10 جىلدىڭ الدىندا ”لي جىچياڭ بانىندەگى“ جۇمىسشى - قىزمەتكەرلەرمەن ىقىلاسپەن اڭگىمەلەسكەن كەزدەگى كورىنىستى ەسكە العاندا، كوڭىلى ءباز - باياعىداي تولقىپ كەتتى: ”سول كەزدە باس شۋجيدىڭ ءبىزدى تۇراقتاندىرۋى مەن شابىتتاندىرۋى جۇرەگىمىزگە تەرەڭ ۇيالاپ، ءبىزدىڭ قيىندىقتاردان قامال الىپ، ەكپىندەي ۇدەرە العا تارتۋداعى كۇش قاينارىمىزعا اينالدى“.
”10 جىل وتە شىقتى، باس شۋجيگە حات جازۋ جاۋاپكەرشىلىگىمىزدىڭ دە، بورىشىمىزدىڭ دا بار ەكەندىگىن سەزىندىم، بۇل باس شۋجي كوڭىل ءبولىپ وتىرعان ماسەلەلەرگە جاۋاپ قايتارۋ ءارى باس شۋجيگە 10 جىلدان بەرگى تەحنيكادا جاڭالىق اشۋدى كۇشەيتۋ، اۆياتسيالىق موتوردى زەرتتەپ جاساۋدى ىلگەرىلەتۋ جاعىندا قول جەتكىزگەن ناتيجەلەرىمىزدى مالىمدەپ، اۆياتسيادا قۋاتتى ەل قۇرۋعا كۇش قوسۋ بەكىمىمىزدى بەينەلەۋ بولىپ تابىلادى“، - دەدى لي جىچياڭ.
”لي جىچياڭ بانىنىڭ“ قۇراستىرۋ - رەمونتتاۋ قىزمەتكەرى جاڭ پىڭفي باس شۋجي شي جينپيڭگە حات جازعان 8 جۇمىسشى - قىزمەتكەر ۋاكىلىنىڭ ءبىرى. باس شۋجي شي جينپيڭنىڭ جاۋاپ حاتىن ۇيرەنگەننەن كەيىن، ول يىعىنداعى جاۋاپكەرشىلىكتىڭ اۋىرلىعىن تەرەڭ سەزىندى: ”مەملەكەت بىزگە مەملەكەتتىڭ ماڭىزدى جابدىعىن جاساۋ اۋىر مىندەتىن جۇكتەدى، ءبىز، ءسوز جوق، بورىشتى، جاۋاپكەرشىلىكتى ەستە بەرىك ساقتاپ، اناعۇرلىم كۇشتى ’جۇڭگو جۇرەگىن‘ تۇلعالاۋدى تابان تىرەپ تۇرۋدىڭ تياناعى ەتىپ، مەملەكەتتىڭ بىزگە تاپسىرعان ءىسىن باتىلدىقپەن ويداعىداي ىستەۋىمىز كەرەك“.
سوڭعى جىلدارى مەملەكەتتىك مەملەكەت قورعانىسى عىلىم - تەحنيكا، ونەركاسىپ مەكەمەسى باس شۋجي شي جينپيڭنىڭ مەملەكەت قورعانىسى عىلىم - تەحنيكا ونەركاسىبى جونىندەگى ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆياتسيالىق موتور مەن گاز ترۋبيناسىن ءوز كۇشىنە سۇيەنىپ جاسامپازدىقپەن دامىتۋدى ماڭىزدى ورىنعا قويىپ، ەلىمىزدىڭ اۆياتسيالىق موتور جانە گاز ترۋبيناسى كاسىبى سالاسىندا ءبىر قىدىرۋ ماڭىزدى تابىستارعا قول جەتكىزىپ، اۆياتسيادا قۋاتتى ەل قۇرۋعا بەرىك نەگىز قالادى.
”ءبىز باس شۋجي شي جينپيڭنىڭ جاۋاپ حاتىنىڭ رۋحىن باتىل دايەكتىلەندىرىپ، تياناقتاندىرىپ، ەلىمىزدىڭ اۆياتسيالىق موتور ونەركاسىپ جۇيەسى مەن ورنالاسۋىن ساپالىلاندىرىپ، وزەكتى قابىلەت قۇرىلىسىن كۇشەيتىپ، عىلىم - تەحنيكادا جاڭالىق اشۋ تۇعىرىن كەمەلدەندىرىپ، شەشۋشى، وزەكتى تەحنيكالاردان قامال الىپ، كوشباسشى دارىندىلاردى باۋلۋ تەبىنىن ارتتىرىپ، ماتەريال، جۇمساق بولشەك سياقتى ونەركاسىپ نەگىزىن اناعۇرلىم بەكەمدەپ، ەلىمىزدىڭ اۆياتسيالىق موتورىنىڭ جوعارى ساپالى دامۋىن بار كۇشپەن ىلگەرىلەتەمىز“، - دەدى مەملەكەتتىك مەملەكەت قورعانىسى عىلىم - تەحنيكا، ونەركاسىپ مەكەمەسى جۇيە مەكەمەسىنىڭ باستىعى ۋاڭ ميڭ.
”اۆياتسيالىق موتوردىڭ جوعارى دەڭگەيلى ەرەكشە سەنزور جاعىنداعى قاجەتىن قاناعاتتاندىرۋ ءۇشىن، جۇڭگو ەلەكترون عىلىم - تەحنيكاسى توبى سەرىكتەستىگى 49 - زەرتتەۋ ورنىنىڭ اۆياتسيالىق موتوردىڭ تەمپەراتۋرا وتكىزگىشىنەن قامال الۋ ۇجىمى سوڭعى جىلدارى ءوز كۇشىنە سۇيەنىپ جاڭالىق اشۋعا، اقىل - پاراسات توپتاپ قامال الۋعا تاباندى بولىپ، اۆياتسيالىق موتوردىڭ شەشۋشى بولشەكتەرىن ەلىمىزدە وندىرۋگە كەپىلدىك ەتتى.
”باس شۋجي شي جينپيڭنىڭ ىنتالاندىرۋى ءبىزدىڭ ەرلىكپەن شىڭعا شىعۋىمىزدىڭ قوزعاۋشى كۇشى“. ۇجىمنىڭ جاۋاپتىسى ياڭ يۇڭچاۋ بىلاي دەدى: ءبىز شەشۋشى، وزەكتى تەحنيكالاردى ءوز كۇشىمىزگە سۇيەنىپ، مەڭگەرۋ قابىلەتىن ۇزدىكسىز كۇشەيتىپ، ەرەكشە تۇراقتى، ەرەكشە سەنىمدى، شوعىرلانعان، توراپتانعان، زەردەلىلەنگەن سەنزور ونىمدەرى جاعىندا ۇزدىكسىز قامال الىپ، ونى زەرتتەپ جاساپ، اناعۇرلىم كوپ مەملەكەتتىڭ ماڭىزدى جابدىعىن جاساۋعا دەم بەرىپ، ەلىمىزدىڭ اۆياتسيا ىستەرىنىڭ دامۋىنا كۇش قوسامىز.
نەگىزدىك عىلمي زەرتتەۋ مەن نازاريالىق زەرتتەۋ − اۆياتسيالىق موتور زەرتتەپ جاساۋعا تىرەك بولاتىن تەتىك. وقىتۋمەن اينالىسقان 20 نەشە جىلدان بەرى نانجيڭ اۆياتسيا - عارىش داشۋەسى ەنەرگيا جانە قۋات شۋەيۋانىنىڭ پروفەسسورى شۇي جيڭلەي مەملەكەت شۇعىل قاجەت ەتىپ وتىرعان اۆياتسيا - عارىش موتورىنىڭ گاز ىعىستىرۋ جۇيەسىن زەرتتەۋگە ات سالىسىپ كەلەدى.
”باس شۋجي شي جينپيڭ جاۋاپ حاتىندا ’اناعۇرلىم كوپ شەشۋشى، وزەكتى تەحنيكالاردان قامال الۋعا قۇلشىنۋدى‘ باسا دارىپتەدى، بۇل ءبىزدىڭ اۆياتسيالىق موتور جونىندەگى عىلمي زەرتتەۋ مەن وقىتۋدى ونان ارى جاقسى ىستەۋىمىزگە ايقىن بەتالىس كورسەتتى. ءبىز وسى تاپسىرمانى، ءۇمىتتى اۆياتسيالىق موتوردى ءوز كۇشىمىزگە سۇيەنىپ زەرتتەپ جاساۋ اياق الىسىن جەدەلدەتۋدىڭ سارقىلماس قوزعاۋشى كۇشىنە اينالدىرىپ، شەشۋشى، وزەكتى تەحنيكالاردان اناعۇرلىم كوپ قامال الۋعا قۇلشىنىپ، وتباسى − وتان سۇيىسپەنشىلىگى بار، ۇلتتى گۇلدەندىرۋدىڭ ۇلى مىندەتىن ارقالاي الاتىن اناعۇرلىم كوپ تاڭداۋلى دارىندىلاردى باۋلۋىمىز كەرەك“، - دەدى شۇي جيڭلەي.
اۆياتسيالىق ونىمدەردى جاساۋدا ماتەريال كۇردەلى، ۇساق بولشەكتەر كوپ بولعاندىقتان، تەحنيكالىق قىزمەتكەرلەرگە قويىلاتىن تالاپ وتە جوعارى بولادى. اۆياتسيا ونەركاسىبى شىنياڭ ۇشاق ونەركاسىبى (توبى) شەكتى سەرىكتەستىگىندەگى ”80 - جىلداردىڭ تۇلەگى“، باس شەبەرلىك مامانى فاڭ ۋىنمو ۇجىم باستاپ ەلىمىزدە وندىرىلگەن اۆياتسيالىق جابدىقتاردىڭ بولشەكتەرىن وڭدەۋ دەڭگەيىن جوعارىلاتۋعا ۇزدىكسىز تالپىندى.
”باس شۋجي شي جينپيڭنىڭ جاۋاپ حاتى − ءبىز بارلىق اۆياتسيا قىزمەتكەرلەرىنەن كۇتكەن شىنايى ءۇمىت“. فاڭ ۋىنمو بىلاي دەدى: ”جاڭا جورىقتا ءبىز باس شۋجي شي جينپيڭنىڭ ماڭىزدى تاپسىرماسىن باستان - اياق ەستە بەرىك ساقتاپ، ەڭبەك ەرى رۋحىن، ۇستا رۋحىن بارىنشا اسقاقتاتىپ، شەبەرلىككە، قابىلەتكە قاجىرلىلىقپەن جاتتىعىپ، ۇستا رۋحىمەن مەملەكەتتىڭ ماڭىزدى جابدىعىن جاساپ شىعامىز“.
(شينحۋا اگەنتتىگىنىڭ 9 - ايدىڭ 3 - كۇنى بەيجيڭنەن بەرگەن حابارى)
