شينحۋا اگەنتتىگىنىڭ 9 - ايدىڭ 4 - كۇنى بەيجيڭنەن بەرگەن حابارى. عىلىم - تەحنيكا مينيسترلىگىنىڭ ۇيىمداستىرۋىمەن قۇراستىرىپ جازىلعان «شي جينپيڭنىڭ عىلىم - تەحنيكادا جاڭالىق اشۋ جونىندەگى ماڭىزدى بايىمداۋلارىن ىشكەرىلەي ۇيرەنەيىك» اتتى كىتاپ جۋىقتا حالىق باسپاسى جاعىنان باسپادان شىعارىلىپ، بۇكىل ەلدە تاراتىلدى.
بۇل كىتاپ شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ارناۋلى تاقىرىپتار بويىنشا باس شۋجي شي جينپيڭنىڭ عىلىم - تەحنيكادا جاڭالىق اشۋ جونىندەگى ماڭىزدى بايىمداۋلارىنىڭ داۋىرلىك ارتقى كورىنىسىن، يدەيالىق جۇلگەسىن، ىشكى ءمانىن، كەلەلى ماڭىزىن جانە امالياتتىق تالابىن جۇيەلى سالالاپ، بايىمدادى. پارتيا 18 - قۇرىلتايىنان بەرى باس شۋجي شي جينپيڭ ەلىمىز بەن دۇنيە ءجۇزى دامۋىنىڭ تاريحي جاڭا بەلەسىندە تۇرىپ، جاڭالىق اشۋدى دامۋعا جەتەكشىلىك ەتۋدىڭ ءبىرىنشى قوزعاۋشى كۇشى ەتۋگە تاباندى بولىپ، عىلىم - تەحنيكادا جاڭالىق اشۋدى مەملەكەت دامۋىنىڭ جالپى جاعدايىندا وزەكتى ورىنعا قويىپ، عىلىم - تەحنيكادا جاڭالىق اشا دامۋدى جوعارى دەڭگەيدە جوبالاپ جانە جۇيەلى جوسپارلاپ، ءبىر قىدىرۋ جاڭا ۇستانىمداردى، جاڭا يدەيالاردى، جاڭا ستراتەگيالاردى العا قويىپ، ءبىر قىدىرۋ كەلەلى عىلىم - تەحنيكالىق دامۋ مەن رەفورما شارالارىن ورنالاستىردى، ىلگەرىلەتتى. باس شۋجي شي جينپيڭنىڭ عىلىم - تەحنيكادا جاڭالىق اشۋ جونىندەگى ماڭىزدى بايىمداۋلارى جوعارى دەڭگەيدەگى عىلىم - تەحنيكادا ءوز كۇشىنە سۇيەنۋ، ءوزىن الۋەتتەندىرۋدى جۇزەگە اسىرۋدىڭ نازاريالىق لوگيكاسىن، تاريحي لوگيكاسىن جانە امالياتتىق لوگيكاسىن تەرەڭ اشىپ كورسەتىپ، ماركسيزمدىك عىلىم - تەحنيكا كوزقاراسىنىڭ جاڭا ءورىسىن اشتى، اسا كۇشتى ساياسي سيپاتقا، يدەيالىق سيپاتقا جانە تۇعىرنامالىق سيپاتقا يە، جاڭا داۋىردە جوعارى دەڭگەيدەگى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جەدەل جۇزەگە اسىرۋدىڭ، عىلىم - تەحنيكادا قۋاتتى ەل قۇرۋدىڭ، جۇڭگوشا ەرەكشەلىككە يە دەربەس جاڭالىق اشۋ جولىمەن بۇلجىماي ءجۇرۋدىڭ ءتۇبىرلى بويسۇنۋ ولشەمى جانە ارەكەت باعدارناماسى.
