شيدامىن باجىدان اۋاشا تىكە ساتىپ الۋ ورتالىعى:
ۇرىمجىدە ”بۇكىل دۇنيەنىڭ تاۋارلارىن ساتىپ الۋعا بولادى“
□ انار بۇلت \ شينجياڭ گازەتىنىڭ تىلشىلەرى فان چيۇڭيان، گوليڭ
8 - ايدىڭ 17 - كۇنى ءۇرىمجى قالاسىنىڭ لۋشان كوشەسىنە ورنالاسقان شيدامىن باجىدان اۋاشا تىكە ساتىپ الۋ ورتالىعىنا كىرگەندە ەسىكتىڭ تۋرا قارسىسىنداعى زات سورەسىندە ءتىزۋلى تۇرعان ءتۇرلى ايگىلى ماركالى سومكەلەر شينجياڭ گازەتى مەكەمەسى (توبى) ”سامعاۋ جولى − ’ءبىر بەلدەۋ، ءبىر جول‘ جەلى بويى جالپىلىق مەديالارىنىڭ كولەمدى حابارى“ تىلشىلىك شاعىن بولىمشە اترەتىندەگى تىلشىلەردى تاڭداي قاقتىردى.
شيدامىن باجىدان اۋاشا تىكە ساتىپ الۋ ورتالىعى 2022 - جىلى 6 - ايدىڭ 18 - كۇنى تيجارات باستاعان، شينجياڭداعى تۇڭعىش شەكارا اتتاعان ەلەكتروندى ساۋدا بويىنشا باجىدان اۋاشا تىكە ساتىپ الۋ ۇعىمىن نەگىز ەتكەن جاڭا بولشەك ساتۋ ساۋدا كەشەندى تۇلعاسى، سونداي - اق ينتەرنەت جەلىسىنەن تىسقارى كەشەندى تۇلعا + ينتەرنەت جەلىسىندەگى ەلەكتروندى ساۋدا تۇعىرى + باجىدان اۋاشا تىكە ساتىپ الۋ جەلىلەس دۇكەنى سىندى كوپ ۇلگىنى، كوپ ءتۇرلى كاسىپ كۇيىن قولدانعان ساۋدا كەشەندى تۇلعاسى.
”بيىل ءبىز ساتقان شەكارا اتتاعان يمپورت ونىمدەرىنىڭ ءتۇرى 10 مىڭنان اسادى، رەسەي، يتاليا سياقتى 30 نەشە مەملەكەتتەن كەلگەن“. شينجياڭ جىبەك جولى شيدامىن عىلىم - تەحنيكا شەكتى سەرىكتەستىگىنىڭ باس ديرەكتورى لي جۇن ءبىر جاعىنان تانىستىرا ءجۇرىپ، تىلشىلەردى قاسىنداعى شەكارا اتتاعان باجىدان اۋاشا تىكە ساتىپ الۋدى سەزىنۋ ورتالىعىنا ەرتىپ كىردى. لانكوۋ، ياشى لانداي، جيفانشي، حىلياننا... ايەلدەر ۇناتاتىن ءتۇرلى ايگىلى ماركالى ەڭلىك بۇيىمدارى كوزدىڭ جاۋىن الادى.
”سەزىنۋ ورتالىعىندا دۇنيە ءجۇزىنىڭ جەر - جەرىنەن كەلگەن 1000عا تاياۋ سۇرىپتالعان تاۋار جينالعان، نەگىزىنەن، ەڭلىك بۇيىمدارى، دەنساۋلىق ساقتاۋ جانە ءۇي جيھازدارى سىندى 3 ءتۇردى قامتىعان، مۇنىڭ ىشىندە ەڭلىك بۇيىمدارى تۇرىندەگى تاۋارلاردىڭ جالپى سانى 70 پايىزدى ۇستايدى“، - دەدى لي جۇن.
شەتەلدەگى وندىرىلگەن جەرىنەن شوعىرلى ساتىپ الىپ، ەل ىشىندەگى باجىدان اۋاشا زاتتار قويماسىنا اكەلىنىپ شوعىرلى زات دايىندالادى، كەدەن باستان - اياق باقىلاۋ - باسقارۋ جۇرگىزەدى... شيدامىن باجىدان اۋاشا تىكە ساتىپ الۋ ورتالىعى ”الدىڭعى جاعى دۇكەن، ارت جاعى قامبا + ءوزى بەلگىلەپ جەدەل جەتكىزۋدەي“ جۇمىس ۇلگىسىن قولدانىپ، تاۋارلاردى ”شىن بۇيىم، باعاسى ارزان، جەتكىزىلۋى تەز بولۋ“ سىندى ءۇش ۇلكەن ەرەكشەلىككە يە ەتتى. تاۋارلار شەتەلدەن ساتىپ اكەلىنگەننەن كەيىن كەدەننىڭ باقىلاۋ - باسقارۋ قامباسىنا تىكە كىرگىزىلەدى، زات اينالىم ينفورماتسياسى باستان - اياق جاريا بولادى، ءبىر تاۋارعا ءبىر ەكىلىك دايىندالىپ، شىن بۇيىم ەكەندىگىنە كەپىلدىك ەتىلىپ، تەگىن قۋزاستىرۋعا بولادى؛ يمپورت ەتىلگەن باجىدان اۋاشا تاۋارلاردان كەدەن باجىسى الىنبايدى، تۇتىنۋ باجىسى مەن ارتقان قۇن باجىسى ％70 باعادا الىنادى، جيناقتاپ كەلگەندە، باعاسى جايشىلىقتاعى بازار باعاسىنان ％30 − ％15 ارزان بولادى؛ جەرگىلىكتى ورىنداعى باجىدان اۋاشا زاتتار قويماسى زاتتى جەدەل دايىنداپ تىكە جونەلتەدى، ۇرىمجىدەگىلەر زاتتى 24 ساعات ىشىندە، ال باسقا ايماق، وبلىس، قالالار 48 ساعات اينالاسىندا تاپسىرىپ الادى.
ءبىر قاتار يمپورت تاۋارلار كورمە سورەسىنەن وتكەندە، تىلشىلەر مۇنىڭ اۆتوماتتى زات ساتۋ ماشيناسى ەكەندىگىن بايقادى، ىشىندەگى يمپورت ەتىلگەن ەڭلىك بۇيىمدارىن ءتۇرتىپ قالسا بولعانى، قولما - قول ساتىپ الۋعا بولادى، ينتەرنەت جەلىسىنەن تىسقارى دا تاپسىرىس بەرۋدىڭ، زاتتى ۇيگە جەتكىزىپ بەرۋدى كۇتىپ وتىرۋدىڭ قاجەتى جوق. ”بۇل ماڭايداعى تەمىر جول تورابىنداعى، كەڭسە عيماراتتارىنداعى جانە ءىشىنارا تۇرعىندار اۋماعىنداعى قاريدارلاردىڭ ساتىپ الۋ قاجەتىن قاناعاتتاندىرۋ ءۇشىن، ءتۇرى تولىق يمپورت تاۋارلارىن اۆتوماتتى ساتۋ ماشيناسى ىسكە قوسىلعان“، - دەدى لي جۇن.
الەمدەگى ەلدەر كورمە سارايىنا كىرمەي جاتىپ قالا تۇرعىندارى مەن ساياحاتشىلاردىڭ ”بۇكىل دۇنيەنىڭ تاۋارلارىن ساتىپ الۋ“ قىزعىندىلىعىنا ءتانتى بولدىق. اسىرەسە، رەسەي سارايىندا ادامدار ءيىن تىرەسىپ، كامپيت، شوكالات، ۇساق تاعامدار، ساڭىراۋقۇلاق... ساتىپ العان ادامدار ۇلكەندى - كىشىلى قالتالارىن تولتىرا ولجالى قايتىپ جاتىر. تاڭعى اسىن ءالى ىشپەگەن تىلشىلەر دە قىزىققا باس قويىپ، 12 يۋانعا رەسەيدەن يمپورت ەتىلگەن جۇمىرتقا وراماسىن ساتىپ الىپ، سەرىكتەرىمەن ءبولىستى.
لي جۇن تىلشىگە تانىستىرىپ بىلاي دەدى: بۇل اراداعى زاتتار نەگىزىنەن رەسەيمەن شەكارالاساتىن كەمە جايلار مەن جۇڭگو − ەۆروپا (ورتا ازيا) كەزەكشى پويەزى سىندى ەكى ارنامەن جەتكىزىلگەن، جالپى 500 نەشە تۇردەن اسادى، ءوتىمى كۇسەت.
جاقتاۋلى لەفيتپەن ەكىنشى قاباتقا كوتەرىلگەندە، ءبىرىنشى قاباتقا مۇلدە ۇقسامايتىندىعىن بايقايسىز، ءتۇرلى يمپورت تاۋارلارى تۇرلەر بويىنشا رايوندارعا ءبولىنپتى، پارعانا يمپورت ازىق - تۇلىكتەرى شوعىرلى زالىندا كامپيت، پراندىك، شوكالات ساتىلىپ جاتىر، بارلىعى ينتەرنەتتە تانىمالى كۇسەت ساتىلىپ جاتقان ۇساق تاعامدار ەكەن؛ گەرمانيانىڭ ايگىلى ماركالى اياق كيىم زالىندا گەرمانيا زاۆودتارىندا وندىرىلگەن اياق كيىمدەر ساتىلۋدا؛ جينليۋديڭ شوعىرلى ساتۋ دۇكەنى يمپورت تاۋارلار ەرەن بازارىنا ۇقساپ كەتىپتى.
”5 كيلوگرامدىق يمپورت ەتىلگەن حوش ءيىستى كەنە كەتىرۋ كيىم جۋۋ سۇيىقتىعى 19.9 يۋان ەرەكشە ارزان باعادا ساتىلىپتى، وتە ارزان ەكەن“. قالا تۇرعىنى لي لي ءبىر جولدا 3 قۇمىراسىن ساتىپ الىپ: مۇنىڭ باعاسى ەرەن بازارلارداعى ەل ءىشىنىڭ ۇقساس تۇردەگى تاۋارىنىڭ باعاسىمەن قارايلاس، شىنىمەن وتە ءتيىمدى ەكەن، - دەدى.
موريدىڭ ۇنى، قارا استىق، تارىدان اشىتىلعان اراق، لاۆاندا مايى، كەپتىرىلگەن جەمىس - جيدەكتەر، ءسۇت ونىمدەرى، ۇزىن تالشىقتى ماقتادان جاسالعان ونىمدەر... بۇل ارادا يمپورت تاۋارلارى عانا ەمەس، جەرگىلىكتى ونىمدەر دە ساتىلادى. اۋىل - قىستاقتى گۇلدەندىرۋ سارايىنا كىرگەندە، بۇل ارادا شينجياڭنىڭ ءتۇرلى ەرەكشە تاۋارلارى كورمەلەنىپتى. اۋىل - قىستاقتى گۇلدەندىرۋ سارايى − ءۇرىمجىنى وزەك ەتە وتىرىپ، توڭىرەكتەگى مەملەكەتتەر مەن رايوندارعا اسەر ەتىپ، ”شينجياڭ سۇيىسپەنشىلىگىن شەتەلگە جەتكىزۋ“ جاڭا ارناسىن كۇش سالا قالىپتاستىرىپ، شينجياڭنىڭ ساپالى تاۋارلارىن دۇنيە جۇزىنە ساتۋدى نەگىزگى ماقسات ەتە وتىرىپ اشىلعان.
لي جۇن بىلاي دەدى: سەرىكتەستىگىمىز ەل ءىشى - سىرتىنداعى تانىمالى ساياحات سەرىكتەستىكتەرىمەن، مادەنيەت سەرىكتەستىكتەرىمەن، كاسىپ سالاسى سەرىكتەستىكتەرىمەن سەلبەسۋدى كۇشەيتىپ، بايلىقتان بىرگە يگىلىكتەنۋدى، ۇلاسۋدى ىسكە اسىرىپ، شينجياڭنىڭ ءىشى - سىرتىندا، ينتەرنەت جەلىسىندە، ينتەرنەت جەلىسىنەن تىسقارى دا ىقپالداسىپ ساۋدالاۋدى، دالمە - ءدال ساۋدالاۋدى ىلگەرىلەتىپ، ۇزدىكسىز تۇردە حالىقارالىق قوعامعا ”شينجياڭ جاقسى جەر“ ماركاسىنىڭ وبرازىن ۇزدىكسىز تولىق ايگىلەيدى.
