جاڭ چۇنلين قىزىلسۋ وبلىسىندا، ءۇرىمجى قالاسىندا وقۋ - اعارتۋ قىزمەتىنە تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
ءمورال ارقىلى تاربيەلەۋگە تاباندى بولىپ، ءداۋىر جاڭا ادامدارىن باۋلۋ كەرەك
انار بۇلت \ شينجياڭ گازەتىنىڭ تىلشىلەرى جاڭ لەي، جاڭ يۇنمەي 9 - ايدىڭ 6 - كۇنى ۇرىمجىدەن حابارلايدى. تاياۋدا اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى جاڭ چۇنلين قىزىلسۋ قىرعىز اۆتونوميالى وبلىسىندا جانە ءۇرىمجى قالاسىندا تەكسەرۋ - زەرتتەۋ جۇرگىزىپ، ىلگەرىندى - كەيىندى اتۇش قالالىق 1 - ورتا مەكتەپ، سۇنتاع قالاشىعى ازعان باستاۋىش مەكتەبى، ءۇرىمجى 1 - تامىز ورتا مەكتەبى، شينجياڭ وقۋ - اعارتۋ شۋەيۋانى تاجىريبە باستاۋىش مەكتەبى سياقتى 7 مەكتەپكە باردى، ساباقحاناعا، كىتاپحاناعا، تاجىريبەحاناعا بارىپ، وقىتۋشى - وقۋشىلار ۋاكىلدەرىمەن اڭگىمەلەسىپ، پىكىر اۋىستىرىپ، مەكتەپتىڭ وقىتۋ شارت - جاعدايى مەن وقۋ - اعارتۋ، وقىتۋ سياقتى جاعدايلارىن ەگجەي - تەگجەيلى ۇعىستى.
جاڭ چۇنلين بىلاي دەپ باسا دارىپتەدى: باس شۋجي شي جينپيڭنىڭ وقۋ - اعارتۋ جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، تياناقتاندىرىپ، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، پارتيانىڭ مەكتەپتەرگە باسشىلىق ەتۋىن جانە پارتيا قۇرىلىسىن كۇشەيتىپ، ءمورال ارقىلى تاربيەلەۋ ءتۇبىرلى مىندەتىن تياناقتاندىرىپ، دۇرىس مەكتەپ باسقارۋ بەتالىسىن مىقتاپ يگەرۋ كەرەك. ”بارلىق ادامدى تاربيەلەۋگە، جالپى بارىس بويىنشا تاربيەلەۋگە، جان - جاقتىلى تاربيەلەۋگە“تاباندى بولىپ، يدەيالىق - ساياسي تاربيەنى ناقتى يگەرىپ، يدەيالىق - ساياسي ساباقتى وقۋ - وقىتۋدىڭ جالپى بارىسىنا، ءارقايسى جاعىنا ءسىڭىرىپ، يدەيالىق - ساياسي قىزمەتتىڭ جالپى تۇلعالىق بىرىككەن كۇشىن كۇش سالا قالىپتاستىرۋ كەرەك. مەملەكەتتە ءبىر تۇتاس قولدانىلاتىن ءتىل - جازۋ تاربيەسىن، وقىتۋىن ۇزدىكسىز كۇشەيتىپ، جۇڭحۋانىڭ تاڭداۋلى ءداستۇرلى مادەنيەتىن مەكتەپ اۋلاسىنا ەنگىزۋدى ىشكەرىلەي ىلگەرىلەتىپ، ءار ۇلت وقىتۋشى - وقۋشىلارىن جۇڭحۋا ۇلتى ورتاق تۇلعا تانىمىن بەرىك ورناتۋعا، ”بەستى شىنايى مويىنداۋدى“ كۇشەيتۋگە، پارتيانىڭ سوزىنە قۇلاق اسۋعا، پارتياعا العىس ايتۋعا، پارتياعا ىلەسۋگە تاربيەلەۋ، جەتەكتەۋ كەرەك.
وقۋشىلاردىڭ پسيحيكالىق اقاۋسىزدىق تاربيەسىن ىشكەرىلەي ورىستەتىپ، وتباسى، مەكتەپ، قوعام بولىپ سەلبەسىپ ادام تاربيەلەۋ مەحانيزمىن اقاۋسىزداندىرىپ، وقۋشىلارعا تاماشا ەسەيىپ - ەرجەتۋ ورتاسىن ازىرلەۋ كەرەك. زەردەلى وقۋ - اعارتۋدى زور كۇشپەن دامىتىپ، ساپالى وقۋ - اعارتۋ بايلىعىنان بىرگە يگىلىكتەنۋدى، بىرگە پايدالانۋدى ىلگەرىلەتىپ، وقىتۋشىلاردىڭ ينفورماتسيالانعان وقىتۋ قابىلەتىن جوعارىلاتىپ، ورتا، باستاۋىش مەكتەپ وقۋ - اعارتۋىنىڭ ساپالى، بىركەلكى دامۋىنا دەم بەرۋ كەرەك. مەكتەپتىڭ ءوندىرىس حاۋىپسىزدىگى قىزمەتىن كۇشەيتىپ، جاراسىمدى، ورنىقتى ادام تاربيەلەۋ ورتاسىن قالىپتاستىرىپ، ۇلتتىڭ گۇلدەنۋى سىندى اۋىر مىندەتتى ارقالاي الاتىن ءداۋىر جاڭا ادامدارىن قۇلشىنا باۋلۋ كەرەك.
