ورتالىق اسكەري ىستەر كوميتەتىنىڭ ءتوراعاسى شي جينپيڭ بۇيرىققا قول قويدى
«ارميانىڭ <جۇڭحۋا حالىق رەسپۋبليكاسىنىڭ حالىق سانى جانە جوسپارلى تۋىت زاڭىن> اتقارۋ ءادىسى» جاريالاندى
شينحۋا اگەنتتىگىنىڭ 9 - ايدىڭ 7 - كۇنى بەيجيڭنەن بەرگەن حابارى. جۋىقتا ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ بۇيرىققا قول قويۋىمەن «ارميانىڭ <جۇڭحۋا حالىق رەسپۋبليكاسىنىڭ حالىق سانى جانە جوسپارلى تۋىت زاڭىن> اتقارۋ ءادىسى» جاريالاندى، 2023 - جىلى 9 - ايدىڭ 10 - كۇنىنەن باستاپ اتقارىلادى.
«ءادىس» «جۇڭحۋا حالىق رەسپۋبليكاسىنىڭ حالىق سانى جانە جوسپارلى تۋىت زاڭىن» جاپپاي تياناقتاندىرىپ، نازاردى اسكەري بولىمدەردىڭ ۇيىسۋ قۋاتىن، جاۋىنگەرلىك قۋاتىن جوعارىلاتۋعا شوعىرلاندىرىپ، ارميا قىزمەتكەرلەرىنىڭ وتباسىنىڭ ۇيلەنۋ، جۇكتى بولۋ، بوسانۋ، تاربيەلەۋ، وقىتۋ سياقتى ءىس جۇزىندىك قاجەتى توڭىرەگىندە، جۇيەلىك جوبالاۋعا تاباندى بولىپ، تەحنيكالىق قىزمەت وتەۋدى كورنەكتىلەندىرىپ، قولداۋ كورسەتۋگە، كومەكتەسۋگە باسا ءمان بەرىپ، جوسپارلى تۋىت، ساپالى پەرزەنت كورىپ، ساپالى تاربيەلەۋ بويىنشا قىزمەت وتەۋدى قامتاماسىزداندىرۋدى ارناعا ءتۇسىرىپ جانە كۇشەيتىپ، تۇتاس تۋىت تىزبەگىندە تەحنيكالىق قىزمەت وتەۋدى قولداۋ جۇيەسىن قۇرىپ، جوسپارلى تۋىت جولعا قويىلعان ارميا قىزمەتكەرلەرىنىڭ زاڭدى ۇقىق - مۇددەسىن قامتاماسىز ەتىپ، ارميا قىزمەتكەرلەرىنىڭ وتباسىنىڭ باقىتىن جەبەدى.
«ءادىس» جالپى 33 تارماقتان قۇرالعان، تۋىتتى رەتتەۋ، تۋىت بويىنشا سيلاۋ - كومەكتەسۋ، تۋىتقا قىزمەت وتەۋ سياقتىلاردى ارناعا ءتۇسىرىپ، ارميا قىزمەتكەرلەرىنىڭ لايىقتى جاستا ۇيلەنىپ، پەرزەنت كورۋىن، ساپالى پەرزەنت كورىپ، ساپالى تاربيەلەۋىن دارىپتەدى، ەرلى - زايىپتىلاردىڭ 3 پەرزەنتتى بولۋىنا بولادى؛ پەرزەنتتى تاربيەلەۋ دەمالىسى، جالعىز پەرزەنتتىڭ اتا - اناسىن كۇتىمدەۋ دەمالىسى سياقتى دەمالىستاردى جاڭادان قوسىپ، ماپەلەۋ، تاربيەلەۋ، باعىپ - تاربيەلەۋگە اماناتتاۋ قىزمەت وتەۋى سياقتى سايكەستى شارالاردى كەمەلدەندىردى؛ اقىل - كەڭەس بەرىپ، جەتەكشىلىك ەتۋ، دەنساۋلىق ساقتاۋعا قىزمەت وتەۋ، تەحنيكالىق قىزمەت وتەۋ سياقتى شارالاردى اقاۋسىزداندىردى.
