اۆتونوميالى رايوندىق پارتكومنىڭ تۇراقتى كوميتەتى ءماجىلىس اشتى
جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىسىنىڭ رۋحىن جەتكىزدى، ۇيرەندى
باس شۋجي شي جينپيڭنىڭ ماڭىزدى ءسوزىنىڭ، ماڭىزدى نۇسقاۋىنىڭ رۋحىن ۇيرەندى، دايەكتىلەندىردى
ورتالىقتىڭ نەگىزگى تاقىرىپتىق تاربيەنى قورىتىندىلاۋ، ورنالاستىرۋ ءماجىلىسىنىڭ تالاپتارىن تياناقتاندىرۋدى اقىلداستى
ما شيڭرۇي ءماجىلىستى باسقاردى
انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، ليۋ شياڭ 9 - ايدىڭ 7 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ تۇراقتى كوميتەتى 9 - ايدىڭ 7 - كۇنى تۇستەن بۇرىن ءماجىلىس اشىپ، 8 - ايدىڭ 31 - كۇنگى جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىسىنىڭ رۋحىن جەتكىزدى، ۇيرەندى، باس شۋجي شي جينپيڭنىڭ تاياۋداعى ماڭىزدى ءسوزىنىڭ، ماڭىزدى نۇسقاۋىنىڭ جانە ماڭىزدى ارناۋ ءسوزىنىڭ، قۇتتىقتاۋ حاتىنىڭ، قايتارعان جاۋاپ حاتىنىڭ، جازعان جاۋاپ حاتىنىڭ رۋحىن ۇيرەندى، دايەكتىلەندىردى، 1 - توپتاعى نەگىزگى تاقىرىپتىق تاربيەنى قورىتىندىلاۋ ءارى 2 - توپتاعى نەگىزگى تاقىرىپتىق تاربيەنى ورنالاستىرۋ ءماجىلىسىنىڭ قىزمەت ورنالاستىرۋىن جانە ورتالىقتىڭ زاڭ شىعارۋ جوباسى، ەلەكتروندىق حۇجاتتاردى باسقارۋ جونىندەگى قاتىستى تالاپتارىن دايەكتىلەندىردى، تياناقتاندىردى، بۇكىل رايوننىڭ دايەكتىلەندىرۋ، تياناقتاندىرۋ پىكىرىن اقىلداستى. اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى.
ءماجىلىس مىنالاردى اتاپ كورسەتتى: جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، نەگىزگى تاقىرىپتىق تاربيە ورىستەتۋمەن ۇشتاستىرىپ، جاڭا داۋىردەگى پارتيا قۇرىلىسىنىڭ باس تالابى مەن جاڭا داۋىردەگى پارتيانىڭ ۇيىمدىق لۋشيانىن مۇقيات تياناقتاندىرىپ، بۇكىل رايونداعى پارتيا مۇشەلەرىن، كادرلاردى ”ەكىنى تۇراقتاندىرۋدى“ باتىل قولداۋعا، ”ەكىنى قورعاۋدى“ باتىل ورىنداۋعا تاربيەلەپ، جەتەكتەپ، ساياسيدا ىسىلعان، جاڭا ءداۋىردىڭ تالابىنا ۇيلەسەتىن، شينجياڭنىڭ جوعارى ساپالى دامۋ قاجەتىن قاناعاتتاندىراتىن جوعارى ساپالى ماماندانعان ءار ۇلت كادرلار قوسىنىن قۇلشىنا جەتىلدىرۋ كەرەك. نازاريامەن قارۋلانۋدى كۇشەيتىپ، نازاردى شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ سىندى وسى نەگىزگى تاقىرىپقا، نەگىزگى جەلىگە شوعىرلاندىرىپ، ونىمەن شىنايى تۇردە زەيىن - زەردەنى شوعىرلاندىرىپ رۋحتى سومداۋ، نەگىزدى كۇشەيتىپ ارقاۋدى بەكەمدەۋ كەرەك. باۋلۋدىڭ ساپاسىن، ونىمدىلىگىن جوعارىلاتىپ، شينجياڭنىڭ ءىس جۇزىندىك جاعدايىمەن ۇشتاستىرىپ، ساياسي جاتتىعۋدى كادرلاردىڭ ءوسىپ - جەتىلۋىنىڭ تۇتاس پەريودىنا ءسىڭىرىپ، تۇعىر دانەكەرىن كەڭەيتىپ، ءادىس - امالداردى ساپالىلاندىرىپ، تاربيەلەۋدىڭ، باۋلۋدىڭ جۇيەلىلىگىن، باعىتتامالىلىعىن، ونىمدىلىگىن ۇزدىكسىز كۇشەيتۋ كەرەك. وزەكتى قىزمەتكە قىزمەت وتەپ، نازاردى مەملەكەتتىڭ جالپى جاعدايىنداعى شينجياڭنىڭ ستراتەگيالىق ورنىنا شوعىرلاندىرىپ، ءار دارەجەلى باسشى كادرلاردىڭ جوعارى ساپالى دامۋدى ىلگەرىلەتۋ قابىلەتىن، بۇقاراعا قىزمەت وتەۋ قابىلەتىن، حاۋىپ - قاتەردەن ساقتانۋ جانە ونى جويۋ قابىلەتىن ۇزدىكسىز جوعارىلاتىپ، كورىكتى شينجياڭ قۇرىلىسىن تىڭعىلىقتى ىلگەرىلەتۋ كەرەك. بۇكىل رايونداعى ءار دارەجەلى پارتيا مەكتەپتەرى (اكىمشىلىك شۋەيۋان) پارتيا مەكتەبى پارتيانىكى دەگەنگە باستان - اياق تاباندى بولىپ، وقىتۋشىلار قوسىنىن كۇش سالا مىعىم قۇرىپ، ماماندانۋ دەڭگەيىن جوعارىلاتىپ، كادرلاردى تاربيەلەۋدەگى، باۋلۋداعى نەگىزگى ارنالىق، نەگىزگى شەپتىك رولىن شىن مانىندە ساۋلەلەندىرۋى كەرەك.
ءماجىلىس مىنالاردى باسا دارىپتەدى: باس شۋجي شي جينپيڭنىڭ بريكس ەلدەرى باسشىلارىنىڭ 15 - رەتكى ديدارلاسۋىنا قاتىناسقانداعى ءارى وڭتۇستىك افريكادا مەملەكەتتىك ساپاردا بولعانداعى قاتىستى ماڭىزدى سوزدەرىنىڭ جانە 2023 - جىلعى جۇڭگو حالىقارالىق قىزمەت وتەۋ ساۋدا جارمەڭكەسى الەمدىك قىزمەت وتەۋ ساۋدا باسشىلار باس قوسۋىندا بەينە ەكراندا سويلەگەن ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، سىرتقا ەسىك اشۋدى تاباندىلىقپەن كەڭەيتىپ، حالىقارالىق اۋىس - كۇيىس، سەلبەستىك تۇعىرىنان ويداعىداي پايدالانىپ، بريكس ەلدەرىمەن، ”ءبىر بەلدەۋ، ءبىر جول“ بويىنداعى ەلدەرمەن اۋىس - كۇيىستى، سەلبەستىكتى ۇزدىكسىز كۇشەيتىپ، حالىقارالىق قىزمەت وتەۋ ساۋدا سەلبەستىگىنىڭ دامۋىن تەرەڭدەتىپ، ”شاقىرىپ اكەلۋ“، ”سىرتقا شىعارۋ“ تەبىنىن ارتتىرىپ، جاڭا داۋىردەگى شينجياڭ حيكاياسىن كوپ ارنا، كوپ فورمامەن ويداعىداي بايانداپ، جىبەك جولى ەكونوميكالىق بەلدەۋى وزەكتى رايونى قۇرىلىسىن جوعارى دەڭگەيدە ىلگەرىلەتىپ، ازيا − ەۆروپا التىن ارناسى مەن باتىسقا ەسىك اشۋدىڭ العى شەبىن تۇلعالاۋ كەرەك.
ءماجىلىس مىنالاردى باسا دارىپتەدى: يدەيا مەن ارەكەتتى باس شۋجي شي جينپيڭنىڭ سىچۋان لياڭشان وبلىسى جينياڭ اۋدانىندا تۋىلعان تاسقىن اپاتىنا بايلانىستى بەرگەن ماڭىزدى نۇسقاۋىنىڭ رۋحىمەن بىرلىككە كەلتىرىپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، ءوندىرىس حاۋىپسىزدىگى سىندى وسى ارقاۋدى قاي - قاشان دا مىقتاپ شيراتىپ، ءوندىرىس حاۋىپسىزدىگى جانە اپاتتان ساقتانۋ، اپات زيانىن ازايتۋ قىزمەتىن بىرەۋى ارقىلى وزگەسىن تۇسپالداي وتىرىپ ويداعىداي ىستەپ، جەر - جەردىڭ، تاراۋلاردىڭ ءوندىرىس حاۋىپسىزدىگى تۇلعالىق جاۋاپكەرشىلىگىن قاتايتىپ، ناقتىلاندىرىپ، ءتۇرلى شارالاردى ۇزدىكسىز ناقتى، ەگجەي - تەگجەيلى تياناقتاندىرىپ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە شىنايى كەپىلدىك ەتۋ كەرەك. باس شۋجيدىڭ انحۇيدىڭ يەجاي ورتا مەكتەبىنەن اسكەري مەكتەپكە جاڭادان قابىلدانعان وقۋشىلارعا جانە جۇڭگو اۆياتسيالىق موتور توبى ”لي جىچياڭ بانىندەگى“ جۇمىسشى - قىزمەتكەرلەرگە جازعان ماڭىزدى جاۋاپ حاتىنىڭ، مەملەكەت قورعانىسى عىلىم - تەحنيكا داشۋەسى قۇرىلعاندىعىنىڭ 70 جىلدىعىنا، 2023 - جىلعى جۇڭگو حالىقارالىق زەردەلى كاسىپ سالاسى كورمەسىنە جانە شاڭحاي سەلبەستىك ۇيىمىنا مۇشە ەلدەر ءادىليا مينيسترلەرىنىڭ 10 - رەتكى ماجىلىسىنە جولداعان ماڭىزدى قۇتتىقتاۋ حاتتارىنىڭ، ستيلۆەل جياڭجۇننىڭ ۇرپاقتارىنا جازعان ماڭىزدى جاۋاپ حاتىنىڭ رۋحىن مۇقيات ۇيرەنىپ، دايەكتىلەندىرىپ، جاستار مەن ورەندەردىڭ ”نەگىز قالاۋ“ ينجەنەرياسىن ىشكەرىلەي ىلگەرىلەتىپ، ءمورال ارقىلى تاربيەلەۋ ءتۇبىرلى مىندەتىن تياناقتاندىرىپ، شينجياڭ وقۋ - اعارتۋىنىڭ جانە دارىندىلاردى تاربيەلەۋدىڭ ساپاسىن ۇزدىكسىز جوعارىلاتۋ كەرەك. ەڭبەك ەرى رۋحىن، ۇستا رۋحىن بارىنشا ساۋلەلەندىرىپ، قاتىستى كاسىپ سالالارىن دامۋداعى قيىن ماسەلەلەردەن، جاڭالىق اشۋداعى بوگەتتەردەن قامال الۋعا جەتەكتەپ، جوعارى ساپالى دامۋدى تىڭعىلىقتى ىلگەرىلەتۋ كەرەك. حالىقارالىق ءوندىرىس قۋاتى سەلبەستىگىن جانە ءادىليا، اكىمشىلىك، گۋمانيتارلىق ىستەر سياقتى سالالارداعى اۋىس - كۇيىستى تەرەڭدەتىپ، شينجياڭنىڭ ەسىك اشىپ، سەلبەسىپ دامۋدا اناعۇرلىم كوپ جەتىستىكتەرگە قول جەتكىزۋىن ىلگەرىلەتۋ كەرەك.
ءماجىلىس مىنالاردى باسا دارىپتەدى: 1 - توپتاعى نەگىزگى تاقىرىپتىق تاربيە ورىستەتىلگەننەن بەرى، شينجياڭ باس شۋجي شي جينپيڭنىڭ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، نازاريا ۇيرەنۋ، تەكسەرۋ - زەرتتەۋ، دامۋدى ىلگەرىلەتۋ، قاداعالاۋ، رەتتەۋ - تۇزەتۋ قىزمەتتەرىن ءبىر تۇتاس ىلگەرىلەتىپ، بەلسەندى ونىمدىلىككە قول جەتكىزدى. باس شۋجي شي جينپيڭنىڭ اۆتونوميالى رايون مەن بيڭتۋاننىڭ قىزمەت مالىمەتىن تىڭداعانداعى ماڭىزدى ءسوزىنىڭ رۋحىن جانە نەگىزگى تاقىرىپتىق تاربيە جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، ورتالىقتىڭ نەگىزگى تاقىرىپتىق تاربيەنى قورىتىندىلاۋ، ورنالاستىرۋ ءماجىلىسىنىڭ ورنالاستىرۋىنا ساي، 2 - توپتاعى نەگىزگى تاقىرىپتىق تاربيەنى ورىستەتۋدى ماڭىزدى ساياسي مىندەت ەتىپ، جاۋاپكەرشىلىكتى شىنايى ناقتىلاندىرىپ، قىزمەت ءتۇيىنىن ايقىنداپ، دەن قويا ۇيىمداستىرىپ اتقارىپ، جەرگىلىكتى جاعدايعا قاراي تۇرگە ءبولىپ جەتەكشىلىك ەتۋدى كۇشەيتىپ، نازاردى ەكونوميكالىق، قوعامدىق دامۋداعى كورنەكتى قايشىلىقتارعا شوعىرلاندىرا وتىرىپ، ءىس جۇزىندىك ماسەلەلەردى شەشىپ، ءتۇرلى مىندەتتەردى ۇشتاستىرۋدى، بىرلەسىپ ارەكەتتەنۋدى ءبىر تۇتاس جوسپارلاپ ويداعىداي يگەرىپ، تىڭعىلىقتى ونىمدىلىككە قول جەتكىزۋگە شىنايى كەپىلدىك ەتۋ كەرەك.
ءماجىلىس 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ زاڭ شىعارۋ جوباسىنىڭ نەگىزگى رۋحىن جەتكىزدى، ۇيرەندى، اۆتونوميالى رايوندىق 14 - كەزەكتى حالىق قۇرىلتايى تۇراقتى كوميتەتىنىڭ زاڭ شىعارۋ جوباسىنا قاتىستى جاعدايلاردان بەرگەن مالىمەتىن تىڭداپ، مىنالاردى باسا دارىپتەدى: پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، شي جينپيڭنىڭ زاڭمەن باسقارۋ يدەياسىن ۇزدىكسىز ىشكەرىلەي ۇيرەنىپ، جەتە ءتۇسىنىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، زاڭمەن باسقارىلاتىن شينجياڭ، زاڭمەن باسقارىلاتىن ۇكىمەت، زاڭمەن باسقارىلاتىن قوعام قۇرىلىسىن ءبىر تۇتاس ىلگەرىلەتۋ كەرەك. نازاردى جوعارى ساپالى دامۋ سىندى ماڭداي الدى مىندەتكە شوعىرلاندىرىپ، جۇيە كوزقاراسىن جانە ماسەلەنى باعدار ەتۋدى كۇشەيتىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى ىلگەرىلەتۋدەگى ءالسىز بۋىنداردى قاداعالاپ، زاڭ شىعارۋداعى ولقىلىقتاردى كۇش سالا تولىقتاپ، زاڭ شىعارۋ ساپاسىن جوعارىلاتىپ، زاڭمەن باسقارۋدىڭ نەگىزدى بەكەمدەۋ، مەجەنى ورنىقتىرۋ، ۇزاق بولاشاققا ءتيىمدى بولۋ سىندى قامتاماسىزداندىرۋ رولىن اناعۇرلىم ويداعىداي ساۋلەلەندىرۋ كەرەك.
ءماجىلىس ورتالىقتىڭ ەلەكتروندىق حۇجاتتاردى باسقارۋ جونىندەگى ورنالاستىرۋلارىن، تالاپتارىن جەتكىزدى، ۇيرەندى، مىنالاردى باسا دارىپتەدى: شينجياڭنىڭ ينفورماتسيالاندىرۋ قىزمەتىنىڭ ءىس جۇزىندىگىمەن ۇشتاستىرىپ، ەلەكتروندىق حۇجاتتاردى باسقارۋ ءتۇزىلىسىن ۇزدىكسىز اقاۋسىزداندىرىپ، قىزمەت جۇيەسىن كەمەلدەندىرىپ، جالپى بارىستى باسقارۋ تالابىن قاتاڭ تياناقتاندىرىپ، حاۋىپسىزدىك، قۇپيالىق ساقتاۋدى باسقارۋ قىزمەتىن كۇشەيتىپ، ەلەكتروندىق حۇجاتتاردان پايدالانۋدى باسقارۋدىڭ ساپاسىن، ونىمدىلىگىن شىن مانىندە جوعارىلاتىپ، وزەكتى كەلەلى جاعدايعا اناعۇرلىم ويداعىداي قىزمەت وتەۋ كەرەك.
