ما شيڭرۇي اۆتونوميالى رايوندىق پارتكوم رەفورمانى جاپپاي تەرەڭدەتۋ كوميتەتىنىڭ ماجىلىسىندە بىلاي دەپ باسا دارىپتەدى
جىلدىق نىسانا - مىندەتتەردى كوزدەپ، ءتۇيىندى سالالارداعى رەفورمادا قامال الۋدى مىقتى يگەرىپ، ستراتەگيالىق سيپاتتى، جاسامپازدىق سيپاتتى، جەتەكشىلىك سيپاتتى رەفورمانىڭ تياناقتانىپ، ونىمدىلىك كورسەتۋىن ىلگەرىلەتۋ كەرەك
لي يفي، جاڭ چۇنلين، حى جۇڭيوۋ قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 9 - ايدىڭ 7 - كۇنى ۇرىمجىدەن حابارلايدى. اۆتونوميالى رايوندىق پارتكوم رەفورمانى جاپپاي تەرەڭدەتۋ كوميتەتى 9 - ايدىڭ 7 - كۇنى ءماجىلىس اشىپ، باس شۋجي شي جينپيڭنىڭ 20 - كەزەكتى ورتالىق كوميتەت رەفورمانى جاپپاي تەرەڭدەتۋ كوميتەتىنىڭ 2 - ماجىلىسىندەگى ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، قاتىستى رەفورما حۇجاتتارىن قاراپ، قاتىستى قىزمەت مالىمەتتەرىن تىڭداپ، رايونىمىزدىڭ رەفورمانى جاپپاي تەرەڭدەتۋ قىزمەتىنە ورنالاستىرۋ جاسادى. اۆتونوميالى رايوندىق پارتكومنىڭ شۋجيى، اۆتونوميالى رايوندىق پارتكوم رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى ما شيڭرۇي ءماجىلىستى باسقاردى.
اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيلەرى جاڭ چۇنلين، حى جۇڭيوۋ ماجىلىسكە قاتىناستى.
ءماجىلىس «اۆتونوميالى رايوندىق پارتكوم رەفورمانى جاپپاي تەرەڭدەتۋ كوميتەتىنىڭ قىزمەت ەرەجەسىن»، «اۆتونوميالى رايوندىق پارتكوم رەفورمانى جاپپاي تەرەڭدەتۋ كوميتەتى ارناۋلى گرۋپپالارىنىڭ قىزمەت ەگجەي - تەگجەيلى ەرەجەسىن»، «اۆتونوميالى رايوندىق پارتكوم رەفورمانى جاپپاي تەرەڭدەتۋ كوميتەتى كەڭسەسىنىڭ قىزمەت ەگجەي - تەگجەيلى ەرەجەسىن» قارادى، سۋ بايلىعى رەفورماسىن تەرەڭدەتىپ، جاڭا داۋىردەگى شينجياڭنىڭ سۋ يگىلىگى ىستەرىنىڭ جوعارى ساپالى دامۋىن جاسامپازدىقپەن ىلگەرىلەتۋ، جاڭا داۋىردەگى جاراسىمدى ەڭبەك قاتىناسىن بەكەمدەۋ، تەرەڭدەتۋ قىزمەتىن اقىلداستى، حوتان ايماعىنىڭ جاسىل كەن كاسىبىنىڭ جوعارى ساپالى دامۋى، شينجياڭ بانكەسىنىڭ رەفورما، دامۋ جاعدايى جونىندەگى مالىمەتتى تىڭدادى.
ما شيڭرۇي بىلاي دەپ باسا دارىپتەدى: ساياسي دەڭگەيدى اناعۇرلىم جوعارىلاتىپ، يدەيا مەن ارەكەتتى باس شۋجي شي جينپيڭنىڭ ورتالىق كوميتەت رەفورمانى جاپپاي تەرەڭدەتۋ كوميتەتىنىڭ ماجىلىسىندەگى ماڭىزدى ءسوزىنىڭ رۋحىمەن شىن مانىندە بىرلىككە كەلتىرىپ، پارتيا ورتالىق كوميتەتىنىڭ اناعۇرلىم جوعارى دەڭگەيدەگى اشىق ەكونوميكالىق جاڭا ءتۇزىلىس ورناتۋ، اۋىل شارۋاشىلىعى، اۋىل - قىستاق رەفورماسىن تەرەڭدەتۋ، ەنەرگيا سارىپ ەتۋدەگى قوس تىزگىندەۋدىڭ كومىر قىشقىل گازىنىڭ شىعارىلۋىنداعى قوس تىزگىندەۋگە بىرتىندەپ ويىسۋىن ىلگەرىلەتۋ، جوعارى مەكتەپتەر مەن عىلمي زەرتتەۋ ورىندارىنىڭ ەڭبەكاقى ءتۇزىمى رەفورماسىن ورىستەتۋ، مۇناي - تابيعي گاز بازارى جۇيەسى رەفورماسىن تەرەڭدەتۋ، جاڭاشا ەلەكتر قۋاتى جۇيەسىنە ۇيلەسەتىن ءتۇزىلىس - مەحانيزمدى اقاۋسىزداندىرۋ سياقتى رەفورما مىندەتتەرىن ىشكەرىلەي ۇيرەنىپ، ءتۇسىنىپ، قاز - قالپىندا تياناقتاندىرىپ، شينجياڭنىڭ ءىس جۇزىندىك جاعدايىمەن تىعىز ۇشتاستىرىپ، ناقتى اتقارۋعا بولاتىن دايەكتىلەندىرۋ، تياناقتاندىرۋ شارالارىن اقىلداسىپ العا قويىپ، پارتيا ورتالىق كوميتەتى ورنالاستىرعان رەفورما مىندەتتەرىنىڭ تياناقتانىپ، ونىمدىلىك كورسەتۋىنە شىنايى كەپىلدىك ەتۋ كەرەك.
ما شيڭرۇي بىلاي دەپ باسا دارىپتەدى: باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ۇيرەنۋمەن، ۇگىتتەۋمەن، دايەكتىلەندىرۋمەن ۇشتاستىرىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا ساياتىن كەلەلى رەفورمالاردى شىن مانىندە ويداعىداي يگەرىپ، ءتۇيىندى سالالار مەن شەشۋشى بۋىندارداعى رەفورمادا قامال الۋدا تىڭ ناتيجەگە قول جەتكىزۋدى ىلگەرىلەتۋ كەرەك. سۋ يگىلىگى ىستەرىنىڭ جوعارى ساپالى دامۋىن جەدەل ىلگەرىلەتىپ، سۋ ۇنەمدەۋدى الدىڭعى ورىنعا قويۋ، كەڭىستىك جاعىندا بىركەلكى بولۋ، جۇيەلى جونگە سالۋ، ەكى جاقتان كۇش سالۋ سىندى سۋدى تىزگىندەۋ وي جەلىسىن شينجياڭنىڭ سۋدى تىزگىندەۋ، سۋ يگىلىگىن گۇلدەندىرۋىنىڭ جالپى بارىسىندا دايەكتىلەندىرىپ، سۋ يگىلىگى، سۋ بازارى مەحانيزمىن اقاۋسىزداندىرىپ، سۋ يگىلىگىن دامىتۋدىڭ قوزعاۋشى كۇشىن، ومىرشەڭدىك كۇشىن جارىققا شىعارىپ، سۋ ۇنەمدەۋ، سۋ ساقتاۋ، سۋ جەتكىزۋ جۇيەسىن قۇرۋدى نەگىزدىك قامتاماسىزدىق ينجەنەرياسى ەتىپ، سۋ بايلىعىن ورنالاستىرۋ قابىلەتى مەن سۋ حاۋىپسىزدىگىن قامتاماسىز ەتۋ دەڭگەيىن ۇزدىكسىز جوعارىلاتىپ، سۋ بايلىعىن، سۋ ورتاسىن، سۋ ەكولوگياسىن جونگە سالۋدى ءبىر تۇتاس ورنالاستىرىپ، سۋ يگىلىگىن جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى جەدەل ىلگەرىلەتۋ كەرەك. حوتاننىڭ جاسىل كەن كاسىبىنىڭ جوعارى ساپالى دامۋىن كۇش سالا ىلگەرىلەتىپ، ليتي - بەريللي كەنى، قورعاسىن - مىرىش كەنى سياقتى ءتۇيىندى كەن بايلىقتارىن اشۋدى، پايدالانۋدى بار كۇشپەن ىلگەرىلەتىپ، باستاماشى كاسىپورىنداردىڭ جەتەكتەۋىن كۇشەيتىپ، باقشا رايونىنىڭ كوتەرىمدىلىك قۋاتىن جوعارىلاتىپ، كاسىپ سالاسىنىڭ شوعىرلانۋ اسەرىن كۇشەيتىپ، دامۋعا تۇساۋ بولىپ وتىرعان كەدەرگىلەردى ءتۇيىندى تۇردە شەشىپ، فاكتورلىق قىزمەت وتەۋمەن قامتاماسىز ەتۋ تەبىنىن ارتتىرىپ، كولەمدەنگەن، زەردەلىلەنگەن، جاسىل دامۋدى جەدەل ىلگەرىلەتىپ، وسىزاماندانعان جاسىل كەن كاسىبىنىڭ كاسىپ سالاسى شوعىرىن قۇلشىنا تۇلعالاۋ كەرەك. جاڭا داۋىردەگى جاراسىمدى ەڭبەك قاتىناسىن بەكەمدەپ، تەرەڭدەتىپ، ەڭبەك قاتىناسى تۋرالى كەڭەسۋ، سايكەستىرۋ، ەڭبەكشىلەردىڭ ۇقىق - مۇددەسىن قامتاماسىز ەتۋ سياقتى تۇزىمدەردى كۇش سالا اقاۋسىزداندىرىپ، كەمەلدەندىرىپ، زاڭ، ساياسات، قىزمەت وتەۋ سياقتى جاقتارداعى قامتاماسىزداندىرۋدى كۇشەيتىپ، نەگىزگى ساتىنىڭ ەڭبەك قاتىناسى جاعىنداعى الەۋمەتتىك قىزمەت وتەۋ ونىمدىلىگىن ءتۇيىندى تۇردە جوعارىلاتىپ، كاسىپورىندار مەن ەڭبەكشىلەرگە اناعۇرلىم ساپالى، جوعارى ءونىمدى، قولايلى قىزمەت وتەۋ تىرەگىن ازىرلەۋ كەرەك. شينجياڭ بانكەسىنىڭ دامۋىنا، زورايۋىنا قولداۋ كورسەتىپ، شينجياڭدى تياناق ەتۋگە، شينجياڭعا قىزمەت وتەۋگە تاباندى بولىپ، پارىقتى ورىن تۇراقتاندىرۋدى، ەرەكشەلەندىرىپ قىزمەت وتەۋدى اتقارىپ، رەفورما جاساۋدى، جاڭالىق اشۋدى تەرەڭدەتىپ، ارناۋلى كاسىپتى كۇشەيتىپ، فينانستىق قىزمەت وتەۋدىڭ ساپاسى مەن ونىمدىلىگىن ۇزدىكسىز جوعارىلاتىپ، حاۋىپ - قاتەردەن ساقتانۋ جانە ونى جويۋ قابىلەتىن كۇشەيتىپ، جوعارى ساپالى فينانستىق قىزمەت وتەۋ ارقىلى شينجياڭنىڭ جوعارى ساپالى دامۋىنا دەم بەرۋ كەرەك.
ما شيڭرۇي بىلاي دەپ باسا دارىپتەدى: بيىل جىل باسىنان بەرى بۇكىل رايونىمىزداعى ءار دارەجەلى تاراۋلار ىرىقتىلىقپەن ىسكەرلىك كورسەتىپ، تياناقتاندىرۋدى مىقتى يگەرىپ، جىل باسىندا بەلگىلەنگەن رەفورمانى جاپپاي تەرەڭدەتۋ مىندەتىن تارتىپپەن ىلگەرىلەتىپ، بەلسەندى ىلگەرىلەۋشىلىككە قول جەتكىزدى. جىلدىق بەلگىلەنگەن رەفورما نىساناسىن كوزدەپ تاعى دا كۇش سالىپ، رەفورما جاۋاپكەرشىلىگىن اناعۇرلىم ناقتىلاندىرىپ، رەفورما ءتۇزىمىنىڭ اتقارىلۋىن قاتايتىپ، ۋاقىتتى مىقتى يگەرىپ، شىنايى يگەرىپ ناقتى ىستەپ، اۆتونوميالى رايوندىق پارتكوم جوسپارلاپ اتقارعان ستراتەگيالىق سيپاتتى، جاسامپازدىق سيپاتتى، جەتەكشىلىك سيپاتتى رەفورمالاردى باتىل، مىقتى، ناقتى يگەرۋ، ناتيجە شىعارۋدى مىقتى يگەرۋ كەرەك. جەر - جەر، تاراۋلار يدەيانى، كوزقاراستى ونان ارى ازات ەتىپ، قىزمەت ادىسىندە جاڭالىق اشىپ، ءار سالاداعى قىزمەتتەردى رەفورما وي جەلىسى مەن ءادىسى ارقىلى جوسپارلاۋعا، ىلگەرىلەتۋگە شەبەر بولىپ، اسىرەسە، ايماق، وبلىس، قالالاردىڭ، اۋدان، قالا، رايونداردىڭ رەفورما قۇرىلىمدارى مەن قوسىن قۇرىلىسىنا ايرىقشا ءمان بەرىپ، رەفورمانىڭ ”ەڭ سوڭعى ءبىر كيلومەترىن“ شىنايى ىركىلىسسىزدەندىرىپ، پارتيا ورتالىق كوميتەتىنىڭ رەفورمانى جاپپاي تەرەڭدەتۋ جونىندەگى شەشىمدەرىنىڭ، ورنالاستىرۋلارىنىڭ ناقتىلانۋىنا، تياناقتانۋىنا شىنايى كەپىلدىك ەتۋ كەرەك.
جاڭ جۋ، تيان شياڭلي، چىن ۋيجۇن، ۋاڭ ميڭشان، ەلزات احىمەتجان، قادەن كابەن، اۆتونوميالى رايوندىق پارتكوم رەفورمانى جاپپاي تەرەڭدەتۋ كوميتەتىنىڭ مۇشەلەرى جانە قاتىستى مۇشە ورىنداردىڭ جاۋاپتى جولداستارى، ت.ب ماجىلىسكە قاتىناستى.
