شي جينپيڭ جاڭا داۋىردە شىعىس سولتۇستىكتى جاپپاي گۇلدەندىرۋدى ىلگەرىلەتۋ اڭگىمە ءماجىلىسىن باسقارىپ اشقاندا بىلاي دەپ باسا دارىپتەدى
شىعىس سولتۇستىكتىڭ ماڭىزدى بورىشىن مىقتاپ يگەرىپ، شىعىس سولتۇستىكتى جاپپاي گۇلدەندىرۋدىڭ جاڭا تاراۋىن قۇلشىنا جازۋ كەرەك
ساي چي، ديڭ شۋەشياڭ قاتىناستى
9 - ايدىڭ 7 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حيلۇڭجياڭ ولكەسىنىڭ حاربين قالاسىندا جاڭا داۋىردە شىعىس سولتۇستىكتى جاپپاي گۇلدەندىرۋدى ىلگەرىلەتۋ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى يىن بوگۋ تۇسىرگەن
شينحۋا اگەنتتىگىنىڭ 9 - ايدىڭ 9 - كۇنى حاربيننەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 9 - ايدىڭ 7 - كۇنى تۇستەن كەيىن حيلۇڭجياڭ ولكەسىنىڭ حاربين قالاسىندا جاڭا داۋىردە شىعىس سولتۇستىكتى جاپپاي گۇلدەندىرۋدى ىلگەرىلەتۋ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. ول بىلاي دەپ باسا دارىپتەدى: جاڭا داۋىردەگى، جاڭا جورىقتا شىعىس سولتۇستىكتى جاپپاي گۇلدەندىرۋدى ىلگەرىلەتۋدە پارتيا 20 - قۇرىلتايىنىڭ شىعىس سولتۇستىكتى جاپپاي گۇلدەندىرۋدى ىلگەرىلەتۋدە تىڭ قامال الۋ جونىندەگى ورنالاستىرۋىن دايەكتىلەندىرىپ، تياناقتاندىرىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، شىعىس سولتۇستىكتىڭ مەملەكەتتىڭ ”بەس ءىرى حاۋىپسىزدىگىن“ قورعاۋداعى ماڭىزدى بورىشىن مىقتاپ يگەرىپ، جوعارى ساپالى دامۋ سىندى وسى ماڭداي الدى مىندەتتى جانە جاڭا دامۋ ارناسىن قالىپتاستىرۋ سىندى وسى ستراتەگيالىق مىندەتتى مىقتاپ يگەرىپ، دامۋ مەن حاۋىپسىزدىكتى ءبىر تۇتاس جوسپارلاپ، نىسانانى باعدار ەتۋ مەن ماسەلەنى باعدار ەتۋدى ءوزارا ۇشتاستىرۋعا تاباندى بولىپ، ارتىقشىلىقتى ساۋلەلەندىرىپ، ولقىلىقتى تولىقتاۋدى ءوزارا ۇشتاستىرۋعا تاباندى بولىپ، قولداۋ تەبىنىن ارتتىرۋ مەن ىشكى قوزعاۋشى كۇشتى قاۋلاتۋدى ءوزارا ۇشتاستىرۋعا تاباندى بولىپ، كوزدەگەن نىسانادان جازباي، باتىلدىقپەن اتويلاپ، جۇرەكتىلىكپەن ىستەپ، شىنايى كۇش سالا ىستەپ، جوعارى ساپالى دامۋدىڭ، باياندى گۇلدەنۋدىڭ جاڭا جولىن قۇلشىنا اشىپ، شىعىس سولتۇستىكتى جاپپاي گۇلدەندىرۋدىڭ جاڭا تاراۋىن قۇلشىنا جازۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى ديڭ شۋەشياڭ اڭگىمە ماجىلىسىنە قاتىناستى.
اڭگىمە ماجىلىسىندە مەملەكەتتىك دامۋ جانە رەفورما كوميتەتىنىڭ مەڭگەرۋشىسى جىڭ شانجيە، لياۋنيڭ ولكەلىك پارتكومنىڭ شۋجيى حاۋ پىڭ، جيلين ولكەلىك پارتكومنىڭ شۋجيى جيڭ جۇنحاي، حيلۇڭجياڭ ولكەلىك پارتكومنىڭ شۋجيى شۇي چين، ىشكى موڭعۇل اۆتونوميالى رايوندىق پارتكومنىڭ شۋجيى سۇن شاۋچىڭ ىلگەرىندى - كەيىندى لەبىز ءبىلدىرىپ، شىعىس سولتۇستىكتى جاپپاي گۇلدەندىرۋدى ىلگەرىلەتۋ جونىندە قىزمەت جاعدايىنان مالىمەت بەردى، ۇسىنىس - پىكىرلەرىن ورتاعا قويدى.
كوپشىلىكتىڭ لەبىزىن تىڭداعاننان كەيىن، شي جينپيڭ ماڭىزدى ءسوز سويلەدى. ول بىلاي دەپ باسا دارىپتەدى: 2018 - جىلى 9 - ايدا شىنياڭدا شىعىس سولتۇستىكتى گۇلدەندىرۋدى ىشكەرىلەي ىلگەرىلەتۋ اڭگىمە ءماجىلىسى اشىلعاننان بەرى، شىعىس سولتۇستىكتەگى 3 ولكە جانە ىشكى موڭعۇل شىعىس سولتۇستىكتى گۇلدەندىرۋدى ىلگەرىلەتۋ جاعىندا تىڭ ىلگەرىلەۋشىلىككە، تىڭ ناتيجەگە قول جەتكىزىپ، مەملەكەتتىڭ استىق حاۋىپسىزدىگىندەگى ”ورنىقتىرعىشتىق رولىن“ اناعۇرلىم بەكەمدەپ، كاسىپ سالاسى حاۋىپسىزدىگى نەگىزىن ۇزدىكسىز نىعايتىپ، ەنەرگيا حاۋىپسىزدىگىن قامتاماسىز ەتۋ رولىن ۇزدىكسىز كۇشەيتىپ، ەكولوگيالىق حاۋىپسىزدىك قالتقىسىن ۇزدىكسىز بەكەمدەپ، مەملەكەت قورعانىسى حاۋىپسىزدىگىن قامتاماسىز ەتۋ قابىلەتىن ورنىقتى جوعارىلاتىپ، رەفورما جاساۋدا، ەسىك اشۋدا تىڭ بەينە جارىققا شىعاردى.
شي جينپيڭ بىلاي دەپ اتاپ كورسەتتى: شىعىس سولتۇستىكتىڭ بايلىق شارت - جاعدايى ءبىرشاما جاقسى، كاسىپ سالاسى نەگىزى ءبىرشاما مىعىم، وڭىرلىك ورىن باسىمدىعى وزگەشە، دامۋ كومەسكى كۇشى زور. كەزەكتە شىعىس سولتۇستىكتى جاپپاي گۇلدەندىرۋدى ىلگەرىلەتۋ جاڭا، كەلەلى ورايعا ءدوپ كەلۋدە: جوعارى دەڭگەيدەگى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جۇزەگە اسىرۋ شىعىس سولتۇستىكتىڭ عىلىم - تەحنيكا، وقۋ - اعارتۋ جانە كاسىپ سالاسى باسىمدىعىن دامۋ باسىمدىعىنا اينالدىرۋعا ءتيىمدى؛ جاڭا دامۋ ارناسىن قالىپتاستىرۋدا شىعىس سولتۇستىكتىڭ ماڭىزدى ستراتەگيالىق ورنىن ونان ارى كورنەكتىلەندىرۋ؛ جۇڭگو ۇلگىسىندەگى وسىزامانداندىرۋدى ىلگەرىلەتۋدە شىعىس سولتۇستىكتىڭ ستراتەگيالىق تىرەكتىك رولىن كۇشەيتۋ قاجەت. مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا شىعىس سولتۇستىكتىڭ، ءسوز جوق، ايبىنىن قايتا اسقاقتاتىپ، تاعى دا تاماشا ناتيجە جاراتاتىندىعىنا سەنەمىن.
شي جينپيڭ بىلاي دەپ باسا دارىپتەدى: عىلىم - تەحنيكادا جاڭالىق اشۋ ارقىلى كاسىپ سالاسىندا جاڭالىق اشۋدى ىلگەرىلەتىپ، شىعىس سولتۇستىك ەرەكشەلىگىنە، باسىمدىعىنا يە وسىزاماندانعان كاسىپ سالاسى جۇيەسىن ورناتۋدى جەدەلدەتۋ كەرەك. شىعىس سولتۇستىكتى جاپپاي گۇلدەندىرۋدى ىلگەرىلەتۋدىڭ نەگىزى − ناقتى ەكونوميكادا، تەتىگى − عىلىم - تەحنيكادا جاڭالىق اشۋدا، بەتالىسى − كاسىپ سالاسىنىڭ دارەجەسىن جوعارىلاتۋدا. دەربەس جاڭالىق اشۋ سىندى وسى ”بۇيدانى“ مىقتاپ يگەرىپ، ساقتالىمدى بەكەمدەۋگە، ارتۋ مولشەرىن كەڭەيتۋگە، كاسىپ سالاسى تىزبەگىن ۇزارتۋعا، ۇستەمە قۇندى جوعارىلاتۋعا كۇش سالۋ كەرەك. ءداستۇرلى جاساۋ كاسىبىنىڭ سيفرلانۋىن، جەلىلەنۋىن، زەردەلىلەنۋىن جەدەلدەتىپ، كاسىپ سالاسى تىزبەگىنىڭ جوعارى، تومەنگى اعارعا قاراي كەڭەيۋىن ىلگەرىلەتىپ، ءبىرشاما كەمەلدى كاسىپ سالاسى تىزبەگى مەن كاسىپ سالاسى شوعىرىن قالىپتاستىرۋ كەرەك. مەملەكەتتىڭ ستراتەگيالىق قاجەتىمەن ىرىقتىلىقپەن ۇشتاسىپ، عىلىم - تەحنيكادا، وقۋ - اعارتۋدا جاڭالىق اشۋ بايلىعىن بىرىكتىرىپ جانە ساپالىلاندىرىپ، زەرتتەۋ - اشۋعا قارجى قوسۋدى ارتتىرىپ، ءتىپتى دە كوپ شەشۋشى، وزەكتى تەحنيكالاردى يگەرۋ كەرەك. كاسىپ سالاسى باقشا رايوندارىن بەلسەنە جەتىلدىرىپ، باعىتتامالى سەلبەستىكتى كۇشەيتىپ، عىلمي زەرتتەۋ جەتىستىكتەرىنىڭ تياناقتانىپ، كادەگە جاراۋىن جەدەلدەتۋ كەرەك. جاڭا ەنەرگيا، جاڭا ماتەريال، وزىق جاساۋ، ەلەكتروندىق ينفورماتسيا سياقتى ستراتەگيالىق جاڭادان گۇلدەنگەن كاسىپ سالالارىن بەلسەنە جەتىلدىرىپ، بولاشاق كاسىپ سالالارىن بەلسەنە جەتىلدىرىپ، جاڭا ساپالى وندىرگىش كۇشتەردى جەدەل قالىپتاستىرىپ، دامۋدىڭ جاڭا قوزعاۋشى قۋاتىن كۇشەيتۋ كەرەك. جەل ەلەكتر، جارىق ەلەكتر، يادرو ەلەكتر سياقتى تازا ەنەرگيانى جەدەل دامىتىپ، جەل، جارىق، وت، يادرو ەنەرگياسىن ساقتاۋدى ءبىر تۇلعالاندىرعان ەنەرگيا بازاسىن قۇرۋ كەرەك. ەكولوگيالىق بايلىقتى قورعاۋدى، پايدالانۋدى كۇشەيتىپ، شىعىس سولتۇستىكتىڭ ەكولوگيالىق ورتاسى مەن بيولوگيالىق بايلىق باسىمدىعىنا سۇيەنىپ، وسى زامانعى بيولوگيا، ۇلكەن ساندى مالىمەت سياقتى جاڭادان گۇلدەنگەن ەرەكشە كاسىپ سالالارىن دامىتۋ، قار - مۇز ەكونوميكاسى مەن تەڭىز - مۇحيت ەكونوميكاسىن دامىتۋ كەرەك. مەملەكەت مەنشىگىندەگى كاسىپورىندار رەفورماسىن ۇزدىكسىز تەرەڭدەتىپ، مەملەكەت مەنشىگىندەگى كاسىپورىنداردى گۇلدەندىرۋ ارناۋلى ارەكەتىن اتقارىپ، مەملەكەت مەنشىگىندەگى كاسىپورىنداردىڭ وزەكتى باسەكەلىك قۋاتىن جوعارىلاتىپ، مەملەكەت مەنشىگىندەگى كاپيتالدىڭ ماڭىزدى كاسىپ سالالارى مەن شەشۋشى سالالارعا شوعىرلانۋىن ىلگەرىلەتىپ، ستراتەگيالىق تىرەكتىك رولىن كۇشەيتۋ كەرەك. ورتالىق پەن جەرگىلىكتى ورىننىڭ سەلبەستىك ۇلگىسىندە جاڭالىق اشىپ، ورتالىق پەن جەرگىلىكتى ورىننىڭ توعىسا دامۋىن جەبەپ، جەرگىلىكتى ورىننىڭ ەكونوميكالىق دامۋىن اناعۇرلىم ويداعىداي جەتەلەۋ كەرەك. حالىقتىق شارۋاشىلىقتىڭ اقاۋسىز دامۋىن قولداپ جانە وعان دەم بەرىپ، جەتەكشىلىك ەتىپ، ورتا، شاعىن كاسىپورىندارعا باعىتتالعان اناعۇرلىم كوپ جالپىعا ءتيىمدى ساياساتتاردى اتقارىپ، كوپ ءتۇرلى مەنشىكتەگى كاسىپورىندار بىرگە داميتىن تاماشا جاعداي قالىپتاستىرۋ كەرەك.
شي جينپيڭ بىلاي دەپ اتاپ كورسەتتى: وسىزاماندانعان ءىرى اۋىل شارۋاشىلىعىن دامىتۋدى نەگىزگى قامال الۋ بەتالىسى ەتىپ، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەل ىلگەرىلەتۋ كەرەك. مەملەكەتتىڭ استىق ءوندىرىسىن ورنىقتىرۋىنىڭ، قامداۋدى قامتاماسىز ەتۋىنىڭ ”ورنىقتىرعىشى“ بولۋ − شىعىس سولتۇستىكتىڭ ماڭداي الدى جاۋاپكەرشىلىگى. مەملەكەتتىڭ استىق حاۋىپسىزدىگىن قامتاماسىز ەتۋدى باستان - اياق ماڭداي الدى ورىنعا قويىپ، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەل جۇزەگە اسىرىپ، استىق جالپىلىق ءوندىرىس قۋاتىن جوعارىلاتىپ، جايشىلىقتا ءونىم وندىرۋگە، جەتكىلىكتى قامداۋعا، قىسىلتاياڭ جاعدايدا توتەپ بەرۋگە، سۇيەنىش بولۋعا شىنايى كەپىلدىك ەتۋ كەرەك. ۇسىنىلىمدى ارتتىرىپ، نەگىزگى ەگىنجايلاردى الدىمەن جوعارى ولشەمدى ەگىنجاي ەتىپ قۇرىپ، قارا توپىراقتى جەردى قورعاۋدى اتقارۋ كولەمىن بىرگە كەڭەيتىپ، وزەن - كولدەردى تۇتاستىرۋ، ءىرى سۋارمالى وڭىرلەردى ۇزدىكسىز قۇرۋ، جاڭالاۋ ينجەنەرياسىن سايكەستى اتقارىپ، تۇقىم شارۋاشىلىعىن گۇلدەندىرۋ ارەكەتىن اتقارىپ، ەگىن ەگۋگە ۇيلەسەتىن، قۋاڭشىلىقتا دا، تاسقىن جۇرگەندە دە ءونىم الۋعا كەپىلدىك ەتەتىن، جوعارى ءونىمدى، تۇراقتى ءونىمدى وسىزاماندانعان قۇنارلى اتىز قۇرۋ كەرەك. ءىرى ازىق - تۇلىك كوزقاراسىن امالياتتا ايگىلەپ، شىعىس سولتۇستىكتەگى ءتۇرلى بايلىقتاردى ۇيلەسىمدى اشىپ جانە پايدالانىپ، وسى زامانعى ەكولوگيالىق باعىمشىلىقتى بەلسەنە دامىتىپ، استىق، ەكونوميكالىق داقىل، جەم - ءشوپ ءبىر تۇتاس جوسپارلانعان، ەگىن، ورمان، مال، بالىق شارۋاشىلىعى سىندى كوپ ءتۇرلى كاسىپ سالالارى قاتار جۇرگىزىلگەن كاسىپ سالاسى جۇيەسىن قالىپتاستىرىپ، اۋىل شارۋاشىلىعىن ءىرى كاسىپ سالاسى ەتىپ قۇرىپ شىعۋ كەرەك. اۋىل شارۋاشىلىق ونىمدەرىن العاشقى مانەرلەۋدى جانە جىنتىكتەي مانەرلەۋدى سايكەستى ىلگەرىلەتۋ، كاسىپ سالاسى تىزبەگىن ۇزارتۋ، قۇن تىزبەگىن جوعارىلاتۋ، اۋىل شارۋاشىلىعىن دامىتۋ كەڭىستىگىن كەڭەيتىپ، اۋىل شارۋاشىلىعىنىڭ ونىمدىلىگىن، شارۋالاردىڭ كىرىسىن ارتتىرۋدى جەبەۋ كەرەك.
شي جينپيڭ بىلاي دەپ باسا دارىپتەدى: وسىزاماندانعان نەگىزدىك قۇرىلعىلار جۇيەسىن جەدەل ورناتىپ، ىشكە، سىرتقا ەسىك اشۋ سەلبەستىگىنىڭ دەڭگەيىن جوعارىلاتۋ كەرەك. شىعىس سولتۇستىك − ەلىمىزدىڭ سولتۇستىككە ەسىك اشۋداعى ماڭىزدى قاقپاسى، ونىڭ ەلىمىزدىڭ شىعىس سولتۇستىك ازيانىڭ وڭىرلىك سەلبەستىگىن كۇشەيتۋدەگى، ەل ءىشى، حالىقارا سىندى قوس اينالىمدى تۇتاستىرۋداعى ستراتەگيالىق ورنى مەن رولى كۇن سايىن كورنەكتىلەنىپ كەلەدى. الدىڭعى لەكتىك تانىمدى، ەسىك اشۋ تانىمىن كۇشەيتىپ، شىعىس بولىكتەگى تەڭىز جاعالاۋىمەن جانە بەيجيڭمەن، تيانجينمەن، حىبەيمەن بايلانىستى كۇشەيتىپ، ”ءبىر بەلدەۋ، ءبىر جولدى“ بىرگە قۇرۋمەن تەرەڭ توعىسىپ، ەل ىشىندەگى ۇلكەن اينالىمدى ىركىلىسسىزدەندىرۋ، ەل ءىشى، حالىقارا سىندى قوس اينالىمدى تۇتاستىرۋ بارىسىندا اناعۇرلىم زور رول اتقارۋ كەرەك. شىعىس سولتۇستىكتىڭ وسى زامانعى نەگىزدىك قۇرىلعىلار جۇيەسىن جۇيەلى ورنالاستىرىپ جانە قۇرىپ، مۇناي، گاز قۇبىرى، جوعارى قارقىندى تەمىر جول تورابى جانە تەمىر جول تورابى، جاڭا تيپتەگى ەلەكتر تورابى جانە ەلەكتردى سىرتقا جەتكىزۋ ارناسى، جاڭا بۋىن جىلجىمالى حابارلاسۋ جانە ساندى مالىمەت تورابى سياقتىلاردى جەدەل دالەلدەپ جانە قۇرىپ، بەيجيڭ، تيانجين، حىبەيدىڭ سايكەستى دامۋى، چاڭجياڭ ەكونوميكالىق بەلدەۋىنىڭ دامۋى، چاڭجياڭ اتىراۋىنىڭ ءبىر تۇلعالانىپ دامۋى، گۋاڭدۇڭ، شياڭگاڭ، اۋمىن ۇلكەن شىعاناق رايونى قۇرىلىسى، باتىس بولىكتى قاۋىرت اشۋ سياقتى مەملەكەتتىڭ كەلەلى ستراتەگيالارىمەن ۇشتاستىرۋدى كۇشەيتىپ، شىعىس سولتۇستىكتىڭ بۇكىل ەلدىڭ ءبىر تۇتاس ءىرى بازارىنا اناعۇرلىم ويداعىداي توعىسۋىن جەبەۋ كەرەك. ەرەجە، ەرەجە - ءتۇزىم، باسقارۋ، ولشەم سياقتى تۇزىمدىك اشۋدى ورنىقتى كەڭەيتۋ كەرەك. شەكارا وتكەلىنىڭ كەدەننەن وتكىزۋ قابىلەتى مەن قولايلىلاندىرۋ دەڭگەيىن جوعارىلاتۋ كەرەك.
شي جينپيڭ بىلاي دەپ اتاپ كورسەتتى: جان سانىنىڭ جالپى تۇلعالىق ساپاسىن جوعارىلاتىپ، جان سانىنىڭ جوعارى ساپالى دامۋى ارقىلى شىعىس سولتۇستىكتى جاپپاي گۇلدەندىرۋگە تىرەك بولۋ كەرەك. جالپىعا ءتيىمدى، اماناتتاپ تاربيەلەۋگە قىزمەت وتەۋدى زور كۇشپەن دامىتىپ، وتباسىلاردىڭ تۋىت، باعىپ - قاعۋ، تاربيەلەۋ اۋىرتپالىعىن جەڭىلدەتىپ، لايىقتى تۋىت مولشەرىن جانە حالىق سانى كولەمىن ساقتاۋ كەرەك. نەگىزدىك وقۋ - اعارتۋدى بار كۇشپەن دامىتىپ، شىعىس سولتۇستىكتەگى جوعارى مەكتەپتەردىڭ وقىتۋ جۇرگىزۋىن قولداۋ تەبىنىن ارتتىرىپ، جالپى حالىقتىڭ، اسىرەسە، جاستاردىڭ ءبىلىم الۋ دەڭگەيىن، جان سانى ساپاسىن جوعارىلاتۋ كەرەك. كاسىپ سالاسى ورتاسىن ساپالىلاندىرىپ، وندا جاڭالىق اشىپ، ادام كۇشى بايلىعىن اشۋدى، پايدالانۋدى كۇشەيتىپ، دارىندىلار ارقىلى گۇلدەندىرۋدىڭ ساياساتتىق قولداۋ تەبىنىن ارتتىرىپ، اناعۇرلىم كوپ شارۋاشىلىق قۇرۋ، جاڭالىق اشۋ تۇعىرىن قۇرىپ، شىعىس سولتۇستىكتىڭ دارىندىلاردى الىپ قالۋىنا، دارىندىلاردى ەنگىزۋىنە قولداۋ كورسەتۋ كەرەك. شەكارا وڭىرلەردىڭ قاتىناس، حابارلاسۋ، ەنەرگيا، سۋ يگىلىگى سياقتى نەگىزدىك قۇرىلعىلارىن جوبالاۋ، ورنالاستىرۋ قۇرىلىسىن جەدەلدەتىپ، شەكارا وڭىردەگى قىستاقتاردىڭ الەۋمەتتىك قىزمەت وتەۋ قۇرىلعى قۇرىلىستارىن كۇشەيتىپ، اۋىل - قىستاقتاردى گۇلدەندىرۋدى جاپپاي ىلگەرىلەتىپ، قازىرگى بار جان سانىن الىپ قالۋعا قۇلشىنۋ، سونىمەن بىرگە، شەكارا ساۋداسى، شەكارا ساياحاتى جانە اۋىل شارۋاشىلىق ونىمدەرىن مانەرلەۋ سياقتى ەرەكشە كاسىپ سالالارىنىڭ دامۋىنا دەم بەرىپ، شەكارا قالالاردا كاسىپتىك وقۋ - اعارتۋ مەكتەپتەرىن جاڭادان قۇرۋدى قولداۋ، اۋدان ورتالىعى مەن شاعىن قالا - قالاشىقتاردىڭ كاسىپ سالاسىنىڭ كوتەرىمدىلىك قۋاتى مەن جان سانىنىڭ شوعىرلانۋ قۋاتىن جوعارىلاتۋىنا كومەكتەسۋ كەرەك. شەكارانى قورعاۋعا كومەك قاراجات بەرۋ سياقتى اناعۇرلىم پارمەندى قولداۋ ساياساتتارىن اتقارۋ كەرەك.
شي جينپيڭ بىلاي دەپ باسا دارىپتەدى: ساياسي ەكولوگيانى ونان ارى ساپالىلاندىرىپ، تاماشا شارۋاشىلىق - ساۋدا ورتاسىن قالىپتاستىرۋ كەرەك. شىعىس سولتۇستىك جاپون شاپقىنشىلارىنا قارسى بىرلەسكەن ارميا رۋحىن، داچيڭ (قۇرىش ادام رۋحى) رۋحىن، بەيداحۋاڭ رۋحىن زور كۇشپەن اسقاقتاتىپ، پارتيا مۇشەلەرىن، كادرلاردى دۇرىس ناتيجە كوزقاراسىن ورناتىپ، ءىس تىندىرىپ، ناتيجە شىعارۋ ىنتاسىن قاۋلاتۋعا ىنتالاندىرۋ كەرەك. پارتيا ستيلى، پاكتىك قۇرىلىسىن كۇشەيتىپ، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇلعالى ىلگەرىلەتىپ، ورتالىقتىڭ 8 ءتۇرلى بەلگىلەمەسىنىڭ رۋحىن قاتاڭ تياناقتاندىرىپ، پارتيا مۇشەلەرىن، كادرلاردى، اسىرەسە، باسشى كادرلاردى كىرشىكسىز پاك بولىپ، ءوزىن ۇستاۋعا، ۇكىمەت ىسىندە پاك بولۋعا، ءىستى كىرشىكسىز ىستەۋگە قۋزاۋ كەرەك. يدەيانى ازات ەتىپ، كوزقاراستا بۇرىلىس جاساپ، بازار تانىمىن، قىزمەت وتەۋ تانىمىن كۇشەيتىپ، فورماشىلدىقتى، تورەشىلدىكتى جەڭۋ كەرەك. ەتەنە، كىرشىكسىز، ءبىر تۇتاس جاڭاشا ۇكىمەت - ساۋداگەرلەر قاتىناسىن جاپپاي ورناتۋدا پارتيا مۇشەلەرى، كادرلار ءارى حالىقتىق كاسىپورىنداردىڭ دامۋىنا كوڭىل ءبولىپ، قولداۋ كورسەتىپ، ىرىقتىلىقپەن ۋايىمنان ارىلتىپ، قيىنشىلىقتى شەشۋى ءارى كىرشىكسىزدىك تومەنگى شەگىن ساقتاۋى كەرەك. زاڭمەن باسقارۋ وي جەلىسىن جانە زاڭمەن باسقارۋ ءتاسىلىن شەبەرلىكپەن قولدانىپ ماسەلەلەردى شەشىپ، قايشىلىقتاردى جويىپ، قاتىناستاردى سايكەستىرىپ، سەنىمدىلىك قۇرىلىسىن كۇشەيتىپ، ءبىلىم مەنشىك ۇقىعىن قورعاۋدى كۇشەيتىپ، قارا كۇشتەردى الاستاپ، سۇرقيا كۇشتەردى جويۋدى ۇدايىلاندىرا ورىستەتىپ، ءار ءتۇرلى تيجارات تۇلعالارى ءۇشىن ورنىقتى، جاريا، جۇيەلى، مەجەلى زاڭمەن باسقارۋ ورتاسىن ازىرلەۋ كەرەك. جەرگىلىكتى ورىننىڭ قارىز حاۋىپ - قاتەرىن جويۋدى مىقتى يگەرىپ، ورتا، شاعىن فينانس قۇرىلىمدارىنىڭ حاۋىپ - قاتەرىن ءبىر جايلى ەتۋدى جەدەلدەتىپ، فينانستى باقىلاۋ - باسقارۋ مەحانيزمىن كۇشەيتىپ، اقاۋسىز فينانس ورتاسىن قايتادان سومداۋ كەرەك. شىعىس سولتۇستىكتىڭ ورتالىق جانە مەملەكەت ورگاندارىمەن، شىعىس وڭتۇستىك تەڭىز جاعالاۋى وڭىرلەرىمەن كادرلاردى مىندەتكە قويۋىن، مىندەتكە ءىلىپ شىنىقتىرۋىن جانە قوس باعىتتى اۋىس - كۇيىسىن كۇشەيتىپ، كادرلار قوسىنى قۇرىلىمىن ساپالىلاندىرىپ، ماماندانۋ ساپاسىن جوعارىلاتۋ كەرەك. قاتاڭ باسقارۋ مەن قامقورلىق جاساۋدى ءوزارا ۇشتاستىرۋعا تاباندى بولىپ، ”ءۇشتى ايىرا ءبىلۋدى“ تياناقتاندىرىپ، كادرلاردى جاۋاپكەرشىلىك ارقالاپ، ىسكەرلىك كورسەتۋگە جىگەرلەندىرۋ جانە قورعاۋ مەحانيزمىن كەمەلدەندىرىپ، قابىلەتتىلەردى شىعاراتىن، ۇزدىكتەردى سيلايتىن، ناشارلاردى تۇسىرەتىن، جارامسىزداردى قالدىراتىن تاماشا جاعداي قالىپتاستىرۋ كەرەك.
شي جينپيڭ بىلاي دەپ اتاپ كورسەتتى: پارتيا باسشىلىعى مەن پارتيا قۇرىلىسىن كۇشەيتۋ − شىعىس سولتۇستىكتى جاپپاي گۇلدەندىرۋدىڭ ءتۇبىرلى كەپىلى. 1 - توپتاعى، 2 - توپتاعى نەگىزگى تاقىرىپتىق تاربيەنى ۇشتاستىرۋدى، ىقپالداستىرۋدى ويداعىداي يگەرۋگە ءمان بەرىپ، پارتيا ورتالىق كوميتەتى العا قويعان نىسانا - تالاپتار مەن ءتۇيىندى شارالاردى ويداعىداي تياناقتاندىرۋ كەرەك. نازاريالىق ۇيرەنۋدى كۇشەيتىپ، جاڭا ءداۋىر جۇڭگوشا سوتسياليزم يدەياسىمەن زەيىن - زەردەنى ۇيىستىرىپ، رۋحتى سومداپ، پارتيا مۇشەلەرىنىڭ، كادرلاردىڭ يدەيا مەن ارەكەتىن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، سەنىمدى كۇشەيتىپ، رۋحتى سەرپىلتۋ كەرەك. تەكسەرۋ - زەرتتەۋدى بارىنشا ساۋلەلەندىرىپ، پارتيا مۇشەلەرىنىڭ، كادرلاردىڭ، اسىرەسە، باسشى كادرلاردىڭ قىزمەتتەردى عىلمي جوسپارلاۋ، ءىس جۇزىندىك ماسەلەلەردى شەشۋ، قىزمەتتەردىڭ تياناقتانۋىن يگەرۋ قابىلەتىن جوعارىلاتۋ كەرەك. جوعارى ساپالى دامۋدى ىلگەرىلەتۋدى كوزدە ۇستاپ، پارتيا مۇشەلەرىن، كادرلاردى جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، حالىقتى وزەك ەتكەن دامۋ يدەياسىن دايەكتىلەندىرىپ، عىلمي پوزيتسيا مەن ناقتى ءىس ىستەۋ رۋحى ارقىلى دامۋدىڭ جاڭا جاعدايىن اشۋعا تاربيەلەۋ، جەتەكتەۋ كەرەك. قاداعالاۋدى، رەتتەۋ - تۇزەتۋدى كۇشەيتىپ، پارتيا مۇشەلەرىن، كادرلاردى پارتيالىلىق، پارتيا ستيلى، پارتيا ءتارتىبى جاعىنداعى ماسەلەلەرگە تۋرا قاراۋعا جانە ونى شەشۋگە قۋزاپ، جاڭا ستيل، دۇرىس سالت ارقىلى حالىق بۇقاراسىنىڭ دامۋ سەنىمىن سەرپىلتۋ كەرەك.
شي جينپيڭ ەڭ سوڭىندا بىلاي دەپ باسا دارىپتەدى: تاسقىن جۇرگەننەن بەرى، شىعىس سولتۇستىكتەگى ءىشىنارا جەرلەر اۋىر تاسقىن اپاتىنا ۇشىرادى. پارتيا ورتالىق كوميتەتى تاسقىنعا قارسى اتتانىپ، اپاتتان قۇتقارۋ جانە اپاتتان كەيىنگى قالپىنا كەلتىرۋ، قايتا قۇرۋ جونىندە جاپپاي ورنالاستىرۋ جاسادى. شىعىس سولتۇستىكتەگى ءۇش ولكە جانە ىشكى موڭعۇل پارتكومى مەن ۇكىمەتىنىڭ پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات تياناقتاندىرىپ، اپاتتان كەيىنگى قالپىنا كەلتىرۋ، قايتا قۇرۋ قىزمەتتەرىن شىن مانىندە ويداعىداي يگەرىپ، اپاتقا ۇشىراعان بۇقارانىڭ قىستان توڭباي وتۋىنە شىنايى كەپىلدىك ەتىپ، اپات تۋىلعان وڭىردەگى وقۋشىلاردىڭ وقۋعا بارا الۋىنا شىنايى كەپىلدىك ەتىپ، اپات تۋىلعان ءوڭىردىڭ قالىپتى ءوندىرىس، تۇرمىس ءتارتىبىن تەزىرەك قالپىنا كەلتىرۋىن ءۇمىت ەتەمىن. كۇزگى سەلدەن بارىنشا ساق بولىپ، حاۋىپتەن اراشالاۋ، اپاتتان قۇتقارۋ دايىندىقتارىن ويداعىداي ىستەپ، ساقاداي ساي تۇرۋ كەرەك.
ديڭ شۋەشياڭ سوزىندە مىنانى ءبىلدىردى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ رۋحىن جانە باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، داۋىرلىك بورىشتى مىقتى يگەرىپ، دامۋ مەن حاۋىپسىزدىكتى ءبىر تۇتاس جوسپارلاۋعا تاباندى بولىپ، شىعىس سولتۇستىكتى جاپپاي گۇلدەندىرۋدىڭ تىڭ سەرپىلىسكە قول جەتكىزۋىن ىلگەرىلەتىپ، مەملەكەتتىڭ دامۋ كەلەلى جاعدايىنا اناعۇرلىم ويداعىداي قىزمەت وتەۋ كەرەك. دامۋعا جاڭالىق اشۋ ارقىلى دەم بەرۋ ستراتەگياسىن ىشكەرىلەي اتقارىپ، وڭىرلىك جاڭالىق اشۋدىڭ جاڭا بيىگىن جەدەل قۇرۋعا دەم بەرىپ، ءوندىرىس، ۇيرەنۋ، زەرتتەۋ، قولدانۋدىڭ تەرەڭ توعىسۋىن ىلگەرىلەتىپ، جوعارى ورەدە جاڭالىق اشۋ ارقىلى جوعارى ساپالى دامۋدى جەبەۋ كەرەك. رەفورمانى جاپپاي تەرەڭدەتىپ، شارۋاشىلىق - ساۋدا ورتاسىن ۇزدىكسىز ساپالىلاندىرىپ، تۇزىمدىك ەسىك اشۋدى ورنىقتى قاداممەن كەڭەيتىپ، ىشكى دامۋ قوزعاۋشى كۇشىن قاۋلاتۋ كەرەك. حالىقتى وزەك ەتكەن دامۋ يدەياسىن بەرىك ورناتىپ، ءاربىر حالىق تۇرمىسى ناقتى ءىسىن تىڭعىلىقتى تۇردە ويداعىداي ىستەپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك.
لي گانجيە، حى ليفىڭ، مۋ حۇڭ، جياڭ شينجى اڭگىمە ماجىلىسىنە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى جەرلەردەگى، قاتىستى كاسىپورىندارداعى جاۋاپتى جولداستار اڭگىمە ماجىلىسىنە قاتىناستى.
