شينحۋا اگەنتتىگىنىڭ 9 - ايدىڭ 9 - كۇنى بەيجيڭنەن بەرگەن حابارى. 9 - ايدىڭ 9 - كۇنى مەملەكەت ءتوراعاسى شي جينپيڭ برازيليانىڭ وڭتۇستىك بولىگىندەگى اۋىر نوسەر، سەل اپاتى تۋدىرعان اۋىر ءولىم - جىتىمگە بايلانىستى برازيليا زۇڭتۇڭى لۋلاعا حال سۇراۋ تەلەگرامماسىن جولدادى.
شي جينپيڭ مىنالاردى ءبىلدىردى: برازيليانىڭ وڭتۇستىك ريۋگرانديدۋسۋل شتاتى سياقتى جەرلەردە اۋىر نوسەر، سەل اپاتى تۋىلىپ، اۋىر ءولىم - ءجىتىم جانە مال - مۇلىك شىعىنى بولعاندىعىنان تىكسىنە حاباردار بولدىم، مەن جۇڭگو ۇكىمەتى جانە جۇڭگو حالقى اتىنان قازا بولعاندارعا قايعىلى ازا بىلدىرەمىن، قازا بولعانداردىڭ وتباسىنداعىلاردان جانە اپات رايونىنداعى حالىقتان شىنايى حال سۇرايمىن، جارالانعانداردىڭ ەرتەرەك ساۋىعۋىن تىلەيمىن. برازيليانىڭ اپاتقا ۇشىراعان وڭىرلەرىنىڭ، ءسوزسىز، قيىنشىلىقتى جەڭىپ، مەكەندەرىن قايتا قۇرىپ شىعاتىندىعىنا سەنەمىن.
