شي جينپيڭ مەملەكەتتىك تاڭداۋلى وقىتۋشىلار ۋاكىلدەرىنە حات جولداپ بىلاي دەپ باسا دارىپتەدى
اعارتۋشىلار رۋحىن بار كۇشپەن اسقاقتاتىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلىءىسى ءۇشىن تىڭ دا اناعۇرلىم زور ۇلەس قوسۋ كەرەك
بۇكىل مەملەكەتتەگى قالىڭ وقىتۋشىلار مەن وقۋ - اعارتۋ قىزمەتكەرلەرىنە مەرەكەلىك سالەم جولدادى جانە ىقىلاسپەن باقىت تىلەدى
لي چياڭ بەكىتۋ جاسادى، ديڭ شۋەشياڭ مەملەكەتتىك تاڭداۋلى وقىتۋشىلار ۋاكىلدەرى اڭگىمە ماجىلىسىنە قاتىناستى ءارى ءسوز سويلەدى
شي جينپيڭنىڭ مەملەكەتتىك تاڭداۋلى وقىتۋشىلار ۋاكىلدەرىنە جولداعان حاتى
ماجىلىسكە قاتىناسقان مۇعالىمدار:
سالەمەتسىزدەر مە! 39 - رەتكى وقىتۋشىلار مەرەكەسى كەلۋ قارساڭىندا، مەن پارتيا ورتالىق كوميتەتى اتىنان سىزدەرگە، بۇكىل مەملەكەتتەگى قالىڭ وقىتۋشىلار مەن وقۋ - اعارتۋ قىزمەتكەرلەرىنە مەرەكە بايلانىسىمەن سالەم جولدايمىن جانە ىقىلاسپەن باقىت تىلەيمىن!
ۇزاق ۋاقىتتان بەرى سىزدەر ۋاكىل بولعان بۇكىل مەملەكەتتەگى قالىڭ وقىتۋشىلار پارتيانىڭ وقۋ - اعارتۋ باعىتىن مۇقيات دايەكتىلەندىرىپ، ءبىلىم بەرىپ، ادام تاربيەلەپ، نەگىزدى جەتىلدىرىپ، رۋحتى سومداپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى جەتىلگەن تالاي ۇرپاق سوتسياليزمنىڭ قۇرۋشىلارى مەن ءىزباسارلارىن باۋلىپ، ۇلكەن ىسكە جارامدى، اۋىر مىندەت ارقالاي الاتىن قىرۋار تىرەكتى دارىندىلاردى جەتىلدىرىپ، مەملەكەتتىڭ دامۋىنا، ۇلتتىڭ گۇلدەنۋىنە ماڭىزدى ۇلەس قوستى. وقىتۋشىلار قاۋىمى اراسىندا ءبىر توپ اعارتۋشى جانە تاڭداۋلى وقىتۋشى جارىققا شىقتى، ولار مەملەكەتتى كوكەيىندە ساقتايتىن، وتان ءۇمىتىن ادالدىقپەن اقتايتىن مۇرات - سەنىم، سوزىمەن ۇستازدىق ۇلگى كورسەتەتىن، ارەكەتىمەن جۇرتقا ونەگە بولاتىن ءمورالدىق قاسيەت، زەيىندى اشىپ، جۇرەكتى نارلەندىرەتىن، ادامىنا قاراي تاربيەلەيتىن ادام تاربيەلەۋ اقىل - پاراساتى، قۇلشىنا ۇيرەنىپ، شىنايى اتقاراتىن، ىزدەنىپ جاڭالىق اشاتىن بەل شەشىپ كىرىسۋ پوزيتسياسى، وقىتۋمەن كوڭىلدى شۇعىلداناتىن، وقۋشىلاردى سۇيەتىن، ءوزىن ارناۋعا پەيىل مەيىرىمدى جۇرەك، الەمدى قۇشاعىنا سيدىراتىن، مادەنيەت ارقىلى ادام باۋليتىن ۇلاعاتتى مۇرات ارقىلى جۇڭگونىڭ وزگەشە اعارتۋشىلار رۋحىن ايگىلەدى.
جاڭا جورىقتا سىزدەردىڭ جانە بۇكىل مەملەكەتتەگى قالىڭ وقىتۋشىلاردىڭ اعارتۋشىلاردى ونەگە تۇتىپ، اعارتۋشىلار رۋحىن بار كۇشپەن اسقاقتاتىپ، پارتيا ءۇشىن ادام تاربيەلەۋ، مەملەكەت ءۇشىن دارىندى تاربيەلەۋ اۋەلگى ماقساتىن، بورىشىن ەستە بەرىك ساقتاپ، ”وقىتۋشىلىقپەن تاباندى اينالىسامىن، مەملەكەتتى قۇدىرەتتەندىرۋدە مەن بارمىن“ دەيتىن مۇرات جانە ارمان ورناتىپ، وزدەرىڭىزگە سەنىپ، وزدەرىڭىزدى الۋەتتەندىرىپ، اسقاق جىگەرمەن قايراتتانا ۇمتىلىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ءىسى ءۇشىن تىڭ دا اناعۇرلىم زور ۇلەس قوسۋلارىڭىزدى ءۇمىت ەتەمىن.
شي جينپيڭ
2023 - جىلى 9 - ايدىڭ 9 - كۇنى
(شينحۋا اگەنتتىگىنىڭ 9 - ايدىڭ 9 - كۇنى بەيجيڭنەن بەرگەن حابارى)
شينحۋا اگەنتتىگىنىڭ 9 - ايدىڭ 9 - كۇنى بەيجيڭنەن بەرگەن حابارى. بۇكىل مەملەكەتتىك تاڭداۋلى وقىتۋشىلار ۋاكىلدەرى اڭگىمە ءماجىلىسى 9 - ايدىڭ 9 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناسقان وقىتۋشىلار ۋاكىلدەرىنە حات جولداپ، 39 - رەتكى وقىتۋشىلار مەرەكەسى كەلۋ قارساڭىندا، پارتيا ورتالىق كوميتەتى اتىنان ولارعا جانە بۇكىل مەملەكەتتەگى قالىڭ وقىتۋشىلار مەن وقۋ - اعارتۋ قىزمەتكەرلەرىنە مەرەكەلىك سالەم جولدادى جانە ىقىلاسپەن باقىت تىلەدى.
شي جينپيڭ حاتىندا بىلاي دەدى: ۇزاق ۋاقىتتان بەرى سىزدەر ۋاكىل بولعان بۇكىل مەملەكەتتەگى قالىڭ وقىتۋشىلار پارتيانىڭ وقۋ - اعارتۋ باعىتىن مۇقيات دايەكتىلەندىرىپ، ءبىلىم بەرىپ، ادام تاربيەلەپ، نەگىزدى جەتىلدىرىپ، رۋحتى سومداپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى جەتىلگەن تالاي ۇرپاق سوتسياليزمنىڭ قۇرۋشىلارى مەن ءىزباسارلارىن باۋلىپ، ۇلكەن ىسكە جارامدى، اۋىر مىندەت ارقالاي الاتىن قىرۋار تىرەكتى دارىندىلاردى جەتىلدىرىپ، مەملەكەتتىڭ دامۋىنا، ۇلتتىڭ گۇلدەنۋىنە ماڭىزدى ۇلەس قوستى. وقىتۋشىلار قاۋىمى اراسىندا ءبىر توپ اعارتۋشى جانە تاڭداۋلى وقىتۋشى جارىققا شىقتى، ولار مەملەكەتتى كوكەيىندە ساقتايتىن، وتان ءۇمىتىن ادالدىقپەن اقتايتىن مۇرات - سەنىم، سوزىمەن ۇستازدىق ۇلگى كورسەتەتىن، ارەكەتىمەن جۇرتقا ونەگە بولاتىن ءمورالدىق قاسيەت، زەيىندى اشىپ، جۇرەكتى نارلەندىرەتىن، ادامىنا قاراي تاربيەلەيتىن ادام تاربيەلەۋ اقىل - پاراساتى، قۇلشىنا ۇيرەنىپ، شىنايى اتقاراتىن، ىزدەنىپ جاڭالىق اشاتىن ءوزى بەل شەشىپ كىرىسۋ پوزيتسياسى، وقىتۋمەن كوڭىلدى شۇعىلداناتىن، وقۋشىلاردى سۇيەتىن، ءوزىن ارناۋعا پەيىل مەيىرىمدى جۇرەك، الەمدى قۇشاعىنا سيدىراتىن، مادەنيەت ارقىلى ادام باۋليتىن ۇلاعاتتى تالپىنىس ارقىلى جۇڭگونىڭ وزگەشە اعارتۋشىلار رۋحىن ايگىلەدى.
شي جينپيڭ بىلاي دەپ باسا دارىپتەدى: جاڭا جورىقتا سىزدەردىڭ جانە بۇكىل ەلدەگى قالىڭ وقىتۋشىلاردىڭ اعارتۋشىلاردى ونەگە تۇتىپ، اعارتۋشىلار رۋحىن بار كۇشپەن اسقاقتاتىپ، پارتيا ءۇشىن ادام تاربيەلەۋ، مەملەكەت ءۇشىن دارىندى تاربيەلەۋ اۋەلگى ماقساتىن، بورىشىن ەستە بەرىك ساقتاپ، ”وقىتۋشىلىقپەن تاباندى اينالىسامىن، مەملەكەتتى قۇدىرەتتەندىرۋدە مەن بارمىن“ دەيتىن مۇرات جانە ارمان ورناتىپ، وزدەرىڭىزگە سەنىپ، وزدەرىڭىزدى الۋەتتەندىرىپ، اسقاق جىگەرمەن قايراتتانا ۇمتىلىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ءىسى ءۇشىن تىڭ دا اناعۇرلىم زور ۇلەس قوسۋلارىڭىزدى ءۇمىت ەتەمىن.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بەكىتۋ جاساپ، بىلاي دەپ اتاپ كورسەتتى: وقىتۋشى − وقۋ - اعارتۋدى ورگە باستىرۋدىڭ نەگىزى، وقۋ - اعارتۋدى گۇلدەندىرۋدىڭ قاينارى، وقۋ - اعارتۋدى دامىتۋداعى ءبىرىنشى بايلىق. پارتيا 18 - قۇرىلتايىنان بەرى پارتيا ورتالىق كوميتەتى مەن مەملەكەتتىك كەڭەس وقىتۋشىلار قوسىنى قۇرىلىسىنا ايرىقشا ءمان بەرىپ، وقىتۋشىلار قوسىنىنىڭ ساپاسىن ۇزدىكسىز جوعارىلاتىپ، قۇرىلىمدى ۇزدىكسىز ساپالىلاندىرىپ، مامىلەسىن ۇزدىكسىز جوعارىلاتىپ، وقىتۋشىلار قوسىنى قۇرىلىسى تاريحي سيپاتتى تابىسقا قول جەتكىزىپ، پارتيا مەن مەملەكەت ءۇشىن قىرۋار تاڭداۋلى دارىندى تاربيەلەپ، ەلىمىزدىڭ وقۋ - اعارتۋ ىستەرىنىڭ دامۋىنا كورنەكتى ۇلەس قوستى. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ ماڭىزدى نۇسقاۋلارىنىڭ جانە پارتيا 20 - قۇرىلتايىنىڭ رۋحىن تەرەڭ ءتۇسىنىپ، اعارتۋشىلار رۋحىن بار كۇشپەن اسقاقتاتىپ، جوعارى ساپالى وقىتۋشىلار قوسىنىن باۋلىپ، جۇڭگوشا ەرەكشەلىككە يە وقىتۋشى تاربيەلەۋ جۇيەسىن اقاۋسىزداندىرىپ، ءبىلىم بەرىپ ادام تاربيەلەۋ قابىلەتىن جوعارىلاتىپ، وقىتۋشىلاردى باسقارۋدى جانە بايلىقتى ورنالاستىرۋدى ساپالىلاندىرىپ، مامىلەنى قامتاماسىز ەتۋ تەبىنىن ارتتىرىپ، داڭق اپەرگەندەردى سيلاۋ - ماداقتاۋ جۇيەسىن كەمەلدەندىرىپ، تۇتاس قوعامدا وقىتۋشىلاردى قۇرمەتتەپ، وقۋ - اعارتۋعا ءمان بەرەتىن قويۋ راي قالىپتاستىرىپ، وقىتۋشىلىقتى قوعامنىڭ قۇرمەتىنە بولەنگەن ءارى جۇرت قىزىعاتىن كاسىپكە اينالدىرىپ، وقۋ - اعارتۋدا قۋاتتى ەل قۇرۋدى جەدەلدەتۋگە، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا پارمەندى تىرەك ازىرلەۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى ديڭ شۋەشياڭ ماجىلىسكە قاتىناستى، شي جينپيڭنىڭ حاتىن جانە لي چياڭنىڭ بەكىتۋىن جەتكىزدى ءارى ءسوز سويلەدى.
ديڭ شۋەشياڭ سوزىندە مىنالاردى ءبىلدىردى: باس شۋجي شي جينپيڭنىڭ ماڭىزدى نۇسقاۋ بەرىپ، لي چياڭ زۇڭليدىڭ بەكىتۋ جاساۋى پارتيا ورتالىق كوميتەتى مەن مەملەكەتتىك كەڭەستىڭ قالىڭ وقىتۋشىلارعا دەگەن قامقورلىعى مەن ءمان بەرۋىن تولىق بەينەلەدى. باس شۋجي شي جينپيڭنىڭ ماڭىزدى نۇسقاۋى قالىڭ وقىتۋشىلاردىڭ مەملەكەتتىڭ دامۋىنا، ۇلتتىڭ گۇلدەنۋىنە قوسقان ماڭىزدى ۇلەسىن تولىق تۇراقتاندىرىپ، اعارتۋشىلار رۋحىنىڭ باي مازمۇنى مەن امالياتتىق تالابىن تەرەڭدەي ءتۇسىندىرىپ، جاڭا داۋىردەگى حالىق وقىتۋشىلارىنا وسكەلەڭ بورىش ارقالاتتى. قالىڭ وقىتۋشىلاردىڭ پارتيانىڭ وقۋ - اعارتۋ باعىتىن مۇقيات دايەكتىلەندىرىپ، اعارتۋشىلار رۋحىن كۇش سالا اسقاقتاتىپ، زەيىن سالا ءبىلىم بەرىپ، ادام تاربيەلەپ، نەگىزدى جەتىلدىرىپ، رۋحتى سومداپ، مەملەكەتكە ۇزدىكسىز احىلاق، اقىل - وي، دەنە، ەستەتيكا، ەڭبەك جاعىنان جان - جاقتى جەتىلگەن سوتسياليزمنىڭ قۇرۋشىلارى مەن ءىزباسارلارىن باۋلىپ، ۇلكەن ىسكە جارامدى، اۋىر مىندەت ارقالاي الاتىن اناعۇرلىم كوپ قىرۋار تىرەكتى دارىندىلاردى تۇلعالاۋلارىن ءۇمىت ەتەمىن. مەملەكەتتى كوكەيىندە ساقتايتىن، وتان ءۇمىتىن ادالدىقپەن اقتايتىن مۇرات - سەنىمدى بەكەمدەپ، ءمورال ارقىلى تاربيەلەۋ ءتۇبىرلى مىندەتىن جاپپاي تياناقتاندىرۋ كەرەك؛ سوزىمەن ۇستازدىق ۇلگى كورسەتەتىن، ارەكەتىمەن جۇرتقا ونەگە بولاتىن ءمورالدىق قاسيەتتى جەتىلدىرىپ، ”تالىمگەرلىك“ پەن ”ونەگەلى ۇستازدىق“ ءوزارا بىرلىككە كەلتىرىلگەن ”بىلىكتى ۇستاز“ بولۋعا قۇلشىنۋ كەرەك؛ زەيىندى اشىپ، جۇرەكتى نارلەندىرەتىن، ادامىنا قاراي تاربيەلەيتىن ادام تاربيەلەۋ اقىل - پاراساتىن جەتىلدىرىپ، ءاربىر وقۋشىنىڭ ومىردە كەرەمەتتەر جاساۋ ورايىنا يە بولۋىنا مۇمكىندىك جاساۋ كەرەك؛ قۇلشىنا ۇيرەنىپ، شىنايى اتقاراتىن، ىزدەنىپ جاڭالىق اشاتىن ءوزى بەل شەشىپ كىرىسۋ پوزيتسياسىن ۇستانىپ، ءومىر بويى ۇيرەنۋدىڭ امالياتتا ايگىلەۋشىسى بولۋ كەرەك؛ وقىتۋمەن كوڭىلدى شۇعىلداناتىن، وقۋشىلاردى سۇيەتىن، ءوزىن ارناۋعا پەيىل مەيىرىمدى جۇرەكتى قۇلشىنا شىڭداپ، ءبىلىم بەرۋ ءومىرىن دارقان سۇيىسپەنشىلىكپەن جازۋ كەرەك؛ الەمدى قۇشاعىنا سيدىراتىن، مادەنيەت ارقىلى ادام باۋليتىن ۇلاعاتتى تالپىنىس ارقىلى بۇكىل ادامزاتتىڭ ورتاق قۇندىلىعىن اسقاقتاتۋ كەرەك.
ديڭ شۋەشياڭ بىلاي دەپ باسا دارىپتەدى: جەر - جەر، تاراۋلار وقىتۋشىلار قوسىنى قۇرىلىسىن نەگىزدىك قىزمەت رەتىندە قاراپ، جۇڭگوشا ەرەكشەلىككە يە وقىتۋشىلاردى تاربيەلەۋ جۇيەسىن اقاۋسىزداندىرىپ، قىرۋار جوعارى ساپالى وقىتۋشىلاردى باۋلۋ، جەتىلدىرۋ كەرەك؛ زاڭ بويىنشا وقىتۋشىلاردىڭ مامىلەسىن قامتاماسىزداندىرىپ، تاڭداۋلى دارىندىلاردى وقىتۋشىلىقپەن شۇعىلدانۋعا باۋراۋ جانە ورنىقتىرۋ كەرەك؛ وقىتۋشىلاردى باسقارۋدى جانە قۇرىلىمدى ورنالاستىرۋدى ساپالىلاندىرىپ، ءاربىر بالانىڭ ءادىل ءارى ساپالى وقۋ - اعارتۋدان يگىلىكتەنۋىنە مۇمكىندىك جاساۋ كەرەك؛ وقىتۋشىلىق ءمورال، وقىتۋشىلىق ستيل ءبىرىنشى ولشەمىنە تاباندى بولىپ، جاڭا داۋىردەگى وقىتۋشىلاردىڭ كاسىپتىك ارەكەت ولشەمىن جاپپاي تياناقتاندىرۋ كەرەك؛ وقىتۋشىلاردى قۇرمەتتەپ، وقۋ - اعارتۋعا ءمان بەرەتىن قوعامدىق سالت قالىپتاستىرىپ، ”حالىق وقىتۋشىسى بولۋ شەكسىز داڭق“ دەگەن كوزقاراستى جۇرت جۇرەگىنە تەرەڭ ۇيالاتۋ كەرەك.
جۇڭگو حالىق داشۋەسىنىڭ داڭقتى ءبىرىنشى دارەجەلى پروفەسسورى گاۋ ميڭشۋان، بەيجيڭ شىفان داشۋەسىنىڭ بىلىكتى پروفەسسورى گۋ ميڭيۋان، جىجياڭ ولكەسى حاڭجوۋ 2 - ورتا مەكتەبىنىڭ باستىعى ساي شياۋشيۇڭ، چيڭحۋا داشۋەسىنىڭ پروفەسسورى حى كىبين، شىنجىن ينفورماتسيا كاسىپتىك تەحنيكالىق شۋەيۋانىنىڭ ورىنباسار باستىعى شۇي جىلياڭ، شينجياڭ ۇيعۇر اۆتونوميالى رايونى قاشقار ايماعى مارالباسى اۋدانى تۇڭمىڭ بالاباقشاسىنىڭ باستىعى امراگۇل ابدۇل، جياڭشي ولكەسى نانچاڭ قالاسى چييىن مەكتەبىنىڭ باستىعى جاڭ لي، شي - ان جياۋتۇڭ داشۋەسى ماركسيزم شۋەيۋانىنىڭ باستىعى يان ليانفۋ ىلگەرىندى - كەيىندى ءسوز سويلەدى.
”حالىق اعارتۋشىسى“ مەملەكەتتىك داڭق اتاعىنىڭ يەگەرلەرى، ”ءداۋىر ونەگەسى“ اراسىنداعى وقىتۋشىلار ۋاكىلدەرى، مەملەكەتتىك ءبىلىم بەرىپ ادام تاربيەلەۋ ونەگەلەرى، مەملەكەتتىك ەڭ ارداقتى وقىتۋشى قاتارلى مەملەكەتتىك تاڭداۋلى وقىتۋشىلار ۋاكىلدەرى، ورتالىق پەن مەملەكەت ورگاندارىنىڭ قاتىستى تاراۋلارىنداعى، وقۋ - اعارتۋ مينيسترلىگىنە توتە قاراستى شىفان داشۋەسىندەگى جاۋاپتى جولداستار قاتارلىلار ماجىلىسكە قاتىناستى.
