جۇڭگو دەموكراتيانى ىلگەرىلەتۋ قوعامى ورتالىق كوميتەتى 15 - كەزەكتى كاسىپورىنشىلار دوستىق بىرلەستىگىنىڭ ءبىرىنشى جالپى (كەڭەيتىلگەن) ءماجىلىسى اشىلدى
دامۋ سەنىمىن بەكەمدەپ، باسىمدىقتى ساۋلەلەندىرىپ، قىزمەت جاۋاپكەرشىلىگىن ادا ەتۋ كەرەك
انار بۇلت \ شينجياڭ گازەتىنىڭ ءتىلشىسى ميھىرگۇل عوپۇر 9 - ايدىڭ 9 - كۇنى سانجىدان حابارلايدى. 9 - ايدىڭ 8 - كۇنى جۇڭگو دەموكراتيانى ىلگەرىلەتۋ قوعامى ورتالىق كوميتەتى 15 - كەزەكتى كاسىپورىنشىلار دوستىق بىرلەستىگىنىڭ ءبىرىنشى جالپى (كەڭەيتىلگەن) ءماجىلىسى سانجى قالاسىندا اشىلدى، بۇكىل ەلدەن كەلگەن جۇڭگو دەموكراتيانى ىلگەرىلەتۋ قوعامىنا مۇشە كاسىپورىنشىلار ۋاكىلدەرى ءبىر ارادا باس قوسىپ، سەلبەستىكتى بىرگە جەبەدى.
جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ورىنباسار ءتوراعاسى ۋاڭ گاڭ ماجىلىسكە قاتىناستى ءارى سوزىندە مىنالاردى ءبىلدىردى: قالىڭ جۇڭگو دەموكراتيانى ىلگەرىلەتۋ قوعامىنا مۇشە كاسىپورىنشىلاردىڭ ساياسي دەڭگەيدى شىنايى جوعارىلاتىپ، نەگىزگى تاقىرىپتىق تاربيەنى تىڭعىلىقتى ورىستەتىپ، دامۋ سەنىمىن بەكەمدەپ، كەلەلى جاعدايعا بەلسەنە قىزمەت وتەپ، ۇلگىلىك، جەتەكشىلىك رولىن ساۋلەلەندىرىپ، كەڭ كولەمدە ورتاق تانىم ۇيىستىرىپ، ءتىپتى دە كوپ كاسىپورىن سالاسىنداعى مۇشەلەر مەن وزدەرى بايلانىس جاسايتىن كاسىپورىنشىلار قاۋىمىن قوعامدىق قىزمەت وتەۋ، سىندارلى اقىل - كەڭەس بەرۋ سىندى مىندەت وتەۋ قيمىلدارىنا بەلسەنە قاتىناسۋعا جەتەكتەۋىن ءۇمىت ەتەمىن. ول مىنالاردى ءبىلدىردى: بيىل ”ءبىر بەلدەۋ، ءبىر جولدى“ بىرگە قۇرۋ باستاماسى العا قويىلعاندىعىنىڭ 10 جىلدىعى، ”ءبىر بەلدەۋ، ءبىر جول“ باستاماسىنىڭ ماڭىزدى ءتۇيىنى جانە اتقارۋ ءوڭىرى رەتىندە، شينجياڭ ساياسي باسىمدىعىن، ساياسات باسىمدىعىن، گۋمانيتارلىق باسىمدىعىن، جاراتىلىستىق شارت - جاعداي باسىمدىعىن، وراسان زور ارتىقشىلىق باسىمدىعىن، ەسىك اشۋ باسىمدىعىن تياناق ەتىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن قۇلشىنا ىلگەرىلەتىپ، اشىق، سەنىمدى جاڭا بەت - بەينە جانە جاڭا راي ايگىلەپ، كاسىپورىندارعا كەڭ ءورىس ازىرلەدى. كوپشىلىكتىڭ شينجياڭدى ارالاپ كورۋىن، شينجياڭ ەكونوميكاسىنىڭ، قوعامىنىڭ دامۋى جانە حالىق تۇرمىسىنىڭ جاقسارۋى جاقتارىنداعى تابىستاردى سەزىنۋىن، كاسىپورىنداردىڭ جاڭا دامۋ ورايىن قاراستىرۋىن ءۇمىت ەتەمىن. جۇڭگو دەموكراتيانى ىلگەرىلەتۋ قوعامى ورتالىق كوميتەتى باس شۋجي شي جينپيڭنىڭ ماڭىزدى سوزدەرىنىڭ رۋحىن دايەكتىلەندىرىپ، كاسىپورىنشىلار دوستىق بىرلەستىگىنىڭ قىزمەتىندە ويداعىداي ۇگىت جۇرگىزىپ، جۇڭگو دەموكراتيانى ىلگەرىلەتۋ قوعامىنا مۇشە كاسىپورىنشىلاردى شينجياڭ قۇرىلىسىن قولداۋعا، ات سالىسۋعا جەتەكتەپ، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرۋعا دەم بەرەدى.
ماجىلىسكە قاتىناسقان كاسىپورىنشىلار مىنالاردى ءبىلدىردى: كەزەكتە شينجياڭ ”8 ءىرى كاسىپ سالاسى شوعىرىن“ جەدەل جەتىلدىرۋدى، زورايتۋدى ورتاعا قويىپ، كاسىپورىندارعا اناعۇرلىم كوپ دامۋ كەڭىستىگىن ازىرلەدى، ىشكەرىلەي تەكسەرۋ نەگىزىندە، سانجى حۇيزۋ اۆتونوميالى وبلىسى سياقتى جەرلەرمەن قاتىستى كاسىپ سالاسى نىساندارىن بەلسەنە ءتۇيىلىستىرىپ، شينجياڭ ەكونوميكاسىنىڭ، قوعامىنىڭ دامۋىنا كۇش قوسامىز.
ءماجىلىس كەزىندە بەيجيڭ داشۋەسى ينفورماتسيا تەحنيكاسى توبى شەكتى سەرىكتەستىگى سانجى حۇيزۋ اۆتونوميالى وبلىسىمەن وقۋ - اعارتۋ سالاسىندا 500 ميلليون يۋاندىق نىسانعا قول قويدى، نىسان تياناقتانعاننان كەيىن، سانجى وبلىسىنا ورتا دارەجەلى كاسىپتىك وقۋ - اعارتۋ، جوعارى دارەجەلى كاسىپتىك وقۋ - اعارتۋ، كاسىپ سالاسى مەن وقۋ - اعارتۋ توعىسۋ، كاسىپتىك شەبەرلىككە باۋلۋ ءبىر تۇلعالانعان جوعارى ساپالى شەبەر دارىندىلار ساباقتاسقان باۋلۋ جۇيەسىن قۇرىپ بەرەدى.
