شينحۋا اگەنتتىگىنىڭ 9 - ايدىڭ 10 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحىن جانە حۇجات زەرتتەۋ ورنى قۇراستىرعان «شي جينپيڭنىڭ جۇمىسشى تابى مەن جۇمىسشى ۇيىمى قىزمەتى جونىندەگى بايىمداۋلارىنان ۇزىندىلەر» اتتى كىتاپ تاياۋدا ورتالىق حۇجاتتار باسپاسىنان باسپادان شىعىپ، بۇكىل ەل كولەمىندە تاراتىلدى.
جۇمىسشى تابى − پارتيامىزدىڭ ەڭ بەكەم، ەڭ سەنىمدى تاپتىق نەگىزى، جۇمىسشى ۇيىمى قىزمەتى پارتيانىڭ ەل باسقارۋداعى ءبىر ۇنەمىلىك سيپاتتى، نەگىزدىك سيپاتتى قىزمەتى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانىڭ ۇزاق ۋاقىت بيلىك جۇرگىزۋدەگى تاپتىق نەگىزى مەن بۇقارالىق نەگىزىن بەكەمدەۋدى كوزدە ۇستاپ، پارتيانىڭ جۇمىسشى ۇيىمى قىزمەتىنە باسشىلىعىنا تاباندى بولىپ، جۇڭگوشا سوتسياليستىك جۇمىسشى ۇيىمىنىڭ دامۋ جولىمەن بۇلجىماي ءجۇرىپ، پارتيانىڭ جۇمىسشى قوزعالىسى ىستەرى مەن جۇمىسشى ۇيىمى قىزمەتىنە وسكەلەڭ ءمان بەرىپ جانە ونى كۇش سالا ىلگەرىلەتىپ، جاڭا داۋىردەگى جۇمىسشى قوزعالىسى ىستەرى مەن جۇمىسشى ۇيىمى قىزمەتىندە جاڭا جاعداي اشتى. شي جينپيڭ جولداستىڭ جۇمىسشى تابى مەن جۇمىسشى ۇيىمى قىزمەتىن ارقاۋ ەتە وتىرىپ جاريالاعان ءبىر قىدىرۋ ماڭىزدى بايىمداۋلارىنىڭ ءمانى زور، مازمۇنى باي، يدەياسي تەرەڭ بولىپ، جۇمىسشى تابى مەن جۇمىسشى ۇيىمى قىزمەتىندەگى ءبىر قىدىرۋ بەتالىستىق سيپاتتى، ءتۇبىرلى سيپاتتى، ستراتەگيالىق سيپاتتى كەلەلى ماسەلەلەرگە عىلمي جاۋاپ بەردى، ماركسيزمدىك جۇمىسشى تابى مەن جۇمىسشى قوزعالىسى ءىلىمىن بايىتتى، جاڭا داۋىردەگى جۇمىسشى قوزعالىسى ىستەرى مەن جۇمىسشى ۇيىمى قىزمەتىن جاڭالىق اشا دامىتۋ، سان ميلليونداعان جۇمىسشى - قىزمەتكەرلەردى جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە اقىل - پاراساتتارى مەن كۇش - قۋاتتارىن ارناۋعا ىنتىماقتاستىرۋ، جۇمىلدىرۋ جونىنەن ەرەكشە كەلەلى ءمان الادى.
«بايىمداۋلاردان ۇزىندىلەر» 8 ارناۋلى تاقىرىپقا بولىنگەن، جالپى 240 بولىك بايىمداۋدان قۇرالادى، شي جينپيڭ جولداستىڭ 2012 - جىلى 11 - ايدىڭ 15 - كۇنىنەن 2023 - جىلى 7 - ايدىڭ 7 - كۇنىنە دەيىنگى ارالىقتاعى بايانداما، ءسوز، تۇسىنىك، قۇتتىقتاۋ حاتى، جاۋاپ حات، نۇسقاۋ، بەكىتۋ سياقتى 70 نەشە ماڭىزدى حۇجات - شىعارمالارىنان الىندى. مۇنىڭ ىشىندە ءبىر ءبولىم بايىمداۋ تۇڭعىش رەت اشىق جاريالاندى.
