انار بۇلت \ شينجياڭ گازەتىنىڭ ءتىلشىسى لۋ فىڭباۋ 9 - ايدىڭ 11 - كۇنى ۇرىمجىدەن حابارلايدى. جۇڭگو تەمىر جول ءۇرىمجى مەكەمەسى توبى شەكتى سەرىكتەستىگىنەن ۇعىسۋىمىزشا، 9 - ايدىڭ 10 - كۇنىنە دەيىن بيىل شينجياڭدا قاتىناعان جۇڭگو − ەۆروپا (ورتا ازيا) كەزەكشى پويەزى 10 مىڭ 17 كەزەككە جەتىپ، سايكەس مەزگىلدەگىدەن ％1. 10 ارتقان.
بيىل جىل باسىنان بەرى جىبەك جولى ەكونوميكالىق بەلدەۋى وزەكتى رايونى قۇرىلىسىنىڭ ىشكەرىلەي ىلگەرىلەتىلۋىنە ىلەسە، شينجياڭنىڭ باتىسقا ەسىك اشۋ باسىمدىعى ءونىمدى ساۋلەلەنىپ، ەۆروپا مەن ازيانى تۇتاستىراتىن التىن ارنالىق رولى كۇن سايىن كورنەكتىلەنىپ، شينجياڭنان شەكارادان كىرىپ - شىعاتىن جۇڭگو − ەۆروپا (ورتا ازيا) كەزەكشى پويەزدەرىنىڭ سانى بىرتىندەپ كوبەيدى.
بيىل قورعاس تەمىر جول شەكارا وتكەلى ارقىلى شەكارادان كىرىپ - شىققان جۇڭگو − ەۆروپا (ورتا ازيا) كەزەكشى پويەزدەرى باستان - اياق جوعارى دەڭگەيدە قاتىناۋدى ساقتاپ، كەزەكشى پويەزدەردىڭ ايلىق قاتىناۋ مولشەرى ءۇرتىس 5 اي 600 كەزەكتەن استى.
كەزەكشى پويەزدەردىڭ قاتىناۋ مولشەرىنىڭ ءۇرتىس ارتۋ قاجەتىن قاناعاتتاندىرۋ ءۇشىن، قورعاس ۆوگزالى قازاقستان تەمىر جول تاراۋلارىمەن ءوزارا ينفورماتسيالىق بايلانىس جاساۋدى كۇشەيتىپ، الدىن الا تەلەگرامما جولداپ، كەلەسى كۇنگى پويەزدىڭ قاتىناۋ جوسپارى، ءتۇيىندى قۇرىلىس جۇرگىزۋ، جوندەۋ جۇمىسى، قابىلداۋعا، الۋعا بولاتىن زات تۇرلەرى، اۆتوكولىك تۇرلەرى سياقتى ينفورماتسيالاردى جەتكىزىپ، جۇڭگو مەن قازاقستاننىڭ جۇمىس جۇرگىزۋىن ۇشتاستىرۋدى كۇشەيتىپ، اۆتوكولىك سەپتەۋ دايىندىعىن جاقسى ىستەدى. جوعارى دارەجەلى ورنالاستىرۋ تاراۋلارىنىڭ بارىپ - كەلەتىن پويەزدەردى ۇيىمداستىرۋ قىزمەتىن ويداعىداي ىستەۋىنە دەر كەزىندە سايكەسىپ، بوس ۆاگونداردى پويەز دەر كەزىندە جولعا سالىپ، ۆوگزال، الاڭ جەلىسىنەن پايدالانۋدى جانداندىرىپ، ۆوگزالداعى پويەز مولشەرىن جوعارىلاتىپ، كەزەكشى پويەز تاسىمالىن ۇيىمداستىرۋدىڭ ىركىلىسسىزدىگىنە كەپىلدىك ەتتى.
جۇڭگو جاساعان زاتتاردىڭ ”سىرتقا شىعۋىنا“ دەم بەرۋمەن بىرگە، قايتقان كەزەكشى پويەزدەر ورتا ازيا، ەۆروپا سياقتى جەرلەردىڭ كوپ ءتۇرلى ونىمدەرىن الا كەلدى.
”بيىل بىتىراندى استىقتىڭ يمپورت مولشەرى ءبىرشاما كوپ، قازىر 560 مىڭ توننا استىق تۇرىندەگى زاتتاردى تاسىمالداپ يمپورت ەتتىك“. الاتاۋ ساعاسى ۆوگزالى قاتىناۋدى باسقارۋ ءبولىمىنىڭ ينجەنەرى لۋ حايفي بىلاي دەدى: قازىرگە دەيىن بيىل وسى ۆوگزالدان قايتقان كەزەكشى پويەز 1718 كەزەككە جەتتى، مۇنىڭ ىشىندە ءبيداي، ارپا، شەكىلدەۋىك سياقتى زاتتاردىڭ تاسىمال مولشەرى ءبىرشاما زور بولدى.
شەكارا وتكەلىندە توپ - توپ قوراپتالعان ءبيدايدىڭ شوعىرلى جەتكىزىلۋىنە بايلانىستى، الاتاۋ ساعاسى ۆوگزالى دەر كەزىندە سايكەستى شارا قولدانىپ، تيەۋ - ءتۇسىرۋ كولىگى جوباسىن جاساپ، تيەۋ - ءتۇسىرۋ جابدىقتارىن، ادام كۇشىن الدىن الا تولىق دايىنداپ، ءبىر تۇلعادا بىرلەسىپ قيمىلداۋ جۇمىس ۇلگىسىن قالىپتاستىرىپ، توپ - توپ قوراپتالعان ءبيدايدى تاسىمالداۋدى ۇيىمداستىرۋ قىزمەتىن بار كۇشپەن قامتاماسىز ەتتى.
