انار بۇلت \ شينجياڭ گازەتىنىڭ ءتىلشىسى جيا چۇنشيا 9 - ايدىڭ 12 - كۇنى ۇرىمجىدەن حابارلايدى. 9 - ايدىڭ 12 - كۇنى ”تيانشاندا تولعان ايدى بىرگە تاماشالاۋ“ نەگىزگى تاقىرىبىنداعى 2023 - جىلعى شينجياڭ جۇڭچيۋ ساۋىق كەشى ءۇرىمجى مادەنيەت ورتالىعىندا قىزۋ مەرەيمەن وتكىزىلدى.
وسى رەتكى ساۋىق كەشىن اۆتونوميالى رايوندىق پارتكوم ۇگىت ءبولىمى ۇيىمداستىرعان، ول تۇڭعىش كەزەكتى شينجياڭ جۇڭچيۋ ساۋىق كەشى سانالادى. ساۋىق كەشى بەتاشار، تۋعان جەردىڭ ايى ەڭ جارىق، ايدى تاماشالاپ باس قوسۋدى اڭگىمەلەۋ، سۇتتەي جارىق اي تاۋ - وزەندى نۇرلاندىردى، سوڭعى ءبولىم سىندى بەس بولىمنەن قۇرالعان، ءان - ءبي، ولەڭ وقۋ، كيىم - كەشەك شۋۋى سياقتى باي مازمۇندى ويىن نومىرلەرى ءتاسىلى ارقىلى كورەرمەندەرگە ءبىر رەتكى جوعارى ساپالى مادەنيەت سالتاناتىن ازىرلەدى.
”نەشە مىڭ جىلدان بەرى شينجياڭداعى ءار ۇلت حالقى تولعان ايدى بىرگە تاماشالاپ، جۇڭچيۋ مەرەكەسىن بىرگە تويلاپ كەلگەن. وسى رەتكى ساۋىق كەشى ارقىلى شينجياڭداعى ءار ۇلت حالقىنىڭ جۇڭچيۋ مەرەكەسىن دۋماندى وتكىزىپ، جۇڭحۋا ۇلتىنىڭ بەرەكەلى شاڭىراعىن بىرگە اڭگىمەلەگەن شىنايى سۇيىسپەنشىلىگىن جانە جۇڭگونىڭ تاڭداۋلى ءداستۇرلى مادەنيەتىنىڭ وزگەشە تارتىمدىلىعىن بەينەلەپ، ىقىلاستى، رومانتيكالى مەرەكە كۇيىن تۇلعالاۋدى ءۇمىت ەتتىك“. ساۋىق كەشى رەجيسسەرلەرىنىڭ ءبىرى، ءبي باس باقىلاۋشىسى شين جۇنجيە ساۋىق كەشىندە 500گە تارتا ارتيست، قىزمەتكەر بىرگە ويىن نومىرلەرىن قويىپ، جارقىن تۇيىندەردىڭ كوپتەپ جارىققا شىققانىن تانىستىردى.
ساۋىق كەشى ءۇرىمجى مادەنيەت ورتالىعىنىڭ سولتۇستىك الاڭىندا وتكىزىلدى، دوعا ءپىشىندى نەگىزگى ەكران جانە دوعا ءپىشىندى نەگىزگى ساحنا ءبىر تولعان ايدى قۇراپ، ساحنانىڭ ماڭايىندا بۇلتتار جوڭكىلىپ، اتالعان ورتالىق قۇرىلىس شوعىرىنىڭ قارعالداق پىشىنىمەن توعىسا سايكەسىپ، ”گۇل ىشىندە تولعان اي كەشىن“ كورۋ كورىنىسى جارىققا شىقتى.
بۇكىل ويىن 2 ساعات اينالاسىنا جالعاسىپ، ىقىلاستى دا رومانتيكا ىشىندە قويۋ باس قوسۋ قۋانىشى بەينەلەندى. بەتاشار ءان - ءبي ”تيانشاندا تولعان ايدى بىرگە تاماشالاۋدا“ ويناقى شينجياڭ ءان - ءبيى مايداندى دەرەۋ دۋمانعا بولەدى. سۋ شىنىڭ ايگىلى شىعارماسى «شۇيدياۋ ءانى. تولعان اي قاشان تۋادى» مانەرلەپ وقۋشىنىڭ ادەمىلەپ وقۋىندا ونان ارمان ارلەنە ءتۇستى. حوتان ايماقتىق شينيۇي ءان - ءبي ۇيىرمەسى دايىنداعان «بەس جۇلدىز شىعىستان كوتەرىلدى» ءبي تەاترىنىڭ ءۇزىندىسى ”شىراق بيىندە“ بيشىلەر ءوز سىمباتتارىن ايگىلەپ، اۋەدە قالىقتاعان پەرىشتە ىسپەتتى كورىندى. كيىم - كەشەك شۋۋى «كۇزگى كەش جانە كوركەم سۋرەتتە» جوبالاۋشى مادەني ەسكەرتكىش، بەيزاتتىق مادەني مۇرا سياقتى ەلەمەنتتەردى وسى زامانعى كيىم - كەشەكتەرمەن توعىستىرىپ، مادەني ەسكەرتكىشتى قورعاۋ جانە بەيزاتتىق مادەني مۇرانى جالعاستىرۋدىڭ داۋىرلىك قۇنىن ايگىلەدى. بالالار كورىنىستىك ويىنى «ايدىڭ جاڭعىرىعى» تۇرپان مۇراجايىندا ساقتالعان مادەني ەسكەرتكىشتەردەن باستاۋ الىپ، 1300 جىلدىڭ الدىنداعى گاۋچاڭ ورەنى بو تيانشوۋ ”ۋاقىتتان ءوتىپ“ وسى زامانعا كەلىپ، جاڭا ءداۋىر ورەندەرىمەن «لۇنيۇيدى» بىرگە وقىپ، جۇڭحۋا مادەنيەتىنىڭ ماڭگىلىك تارتىمدىلىعىن سەزىندى.
ساۋىق كەشى كوپتەگەن ايگىلى انشىلەردى، ارتيستەردى كەسكىن ءتۇسىرىپ جاساۋعا قاتىناسۋعا ۇسىنىس ەتتى. حايلاي امۋ الا كەلگەن «كەل بيلەيىك»، «ون سەگىز مىڭ بالا ارمانى» اندەرىنىڭ جاندى ەلىتەتىن ريتىمى، جالىندى كۇشكە تولعان ايتۋ شەبەرلىگى كورەرمەندەردى ساۋىق كەشتىڭ دۋمانىن اسىرۋعا ەلىكتىردى. ءانشى مو حۋالۇن، ۋاڭ بيڭبيڭ ورىنداعان «مەن سەنى سۇيەمىن، جۇڭگو» ءانى قالتقىسىز ءان سوزىمەن جۇڭحۋا ۇلاندارىنىڭ وتانعا دەگەن قىزۋ سۇيىسپەنشىلىگى مەن تىلەگىن ءبىلدىردى. سا ديڭديڭ ورىنداعان «سول قولمەن ايدى نۇسقاۋ»، «حۇڭيىن» اندەرى كۇمىس كومەي ءتارىزدى ادامعا تاڭعاجايىپ، جاراسىمدى ءتىلسىم سەزىم بەردى. تاسقىن ورىنداعان «جەلسىز تۇندە جارىق اي» ءانى تىڭداعان جاندى ەلىكتىرىپ، ايرىقشا باۋرادى. اىرفا ورىنداعان «قاشقار كەشى» ءانىنىڭ اۋەنى قالىقتاپ، جەڭىل ريتىمى كورەرمەندەردى كورىكتى قاشقار كەشىن ساياحاتتاپ جۇرگەندەي سەزىمگە بولەدى.
ۇعىسۋعا قاراعاندا شينجياڭ جۇڭچيۋ ساۋىق كەشى 9 - ايدىڭ 29 - كۇنى شينجياڭ جاساندى سەرىك ارناسىندا تاراتىلادى ەكەن.
