شي جينپيڭ جاڭا داۋىردەگى كەڭسە قىزمەتى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى
ساياسي دەڭگەيدى جوعارىلاتىپ، ساياسي جاۋاپكەرشىلىك ارقالاۋدى كۇشەيتىپ، ساياسي قابىلەتتى جوعارىلاتىپ، ساياسي جاۋاپكەرشىلىكتى تياناقتاندىرۋ، پارتيا الاڭسىز، حالىق ريزا بولاتىن ۇلگىلى ورگان قۇرۋ كەرەك
ساي چي پارتكوم مەن ۇكىمەت باس حاتشىلارىنىڭ مەملەكەتتىك ماجىلىسىنە قاتىناستى ءارى ءسوز سويلەدى
شينحۋا اگەنتتىگىنىڭ 9 - ايدىڭ 14 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا جاڭا داۋىردەگى كەڭسە قىزمەتى جونىندە ماڭىزدى نۇسقاۋ بەرىپ، بىلاي دەپ اتاپ كورسەتتى: پارتكوم مەن ۇكىمەت كەڭسەلەرى پارتيا مەن مەملەكەتتى باسقارۋ جۇيەسىندە ەرەكشە ماڭىزدى ورىندا تۇرادى، ماڭىزدى قىزمەت جاۋاپكەرشىلىگىن، بورىشىن ارقالاپ وتىر. پارتيا 19 - قۇرىلتايىنان بەرى بۇكىل ەلدەگى پارتكوم مەن ۇكىمەت كەڭسەلەرى وزەكتى قىزمەتتى ارقاۋ ەتىپ، كەلەلى جاعدايعا قىزمەت ەتىپ، ءبىر تۇتاس جوسپارلاپ سايكەستىرۋ، اقىلشى، كومەكشى بولۋ، قۋزاۋ - تەكسەرۋ، قىزمەت وتەۋ، قامتاماسىز ەتۋ سياقتى فۋنكتسيالىق رولىن ءونىمدى ساۋلەلەندىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ دايەكتىلەنۋىن، تياناقتانۋىن تىڭعىلىقتى ىلگەرىلەتىپ، كوپتەگەن كەلەلى شايقاستىڭ سىنىنان ءوتىپ، پارتيا مەن مەملەكەت ىستەرىنىڭ دامۋىن ىلگەرىلەتۋگە ماڭىزدى ۇلەس قوستى.
شي جينپيڭ مىنالاردى باسا دارىپتەدى: جاڭا جورىققا قادام تاستاعاندا، پارتكوم مەن ۇكىمەت كەڭسەلەرى جاڭا جاۋاپكەرشىلىك ارقالاپ، تىڭ ىسكەرلىك، جاڭا بەينە كورسەتۋى كەرەك. ساياسي دەڭگەيدى جوعارىلاتىپ، جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”مەملەكەتتىڭ ءىرى ءىسىن“ كوكەيدە ساقتاپ، ساياسي ورگان قۇرىلىسىن تەرەڭدەتىپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن باتىل قورعاپ، يدەيادا، ساياسيدا، ارەكەتتە پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاۋ كەرەك. ساياسي جاۋاپكەرشىلىكتى كۇشەيتىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرۋدى تىعىز ارقاۋ ەتىپ، ءبىر تۇتاس جوسپارلاپ سايكەستىرۋدى جانە قۋزاۋ - تەكسەرۋدى كۇشەيتىپ، قۇدىرەتتى بىرىككەن كۇش قالىپتاستىرىپ، فورماشىلدىقتان ساقتانىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تياناقتانىپ، ونىمدىلىك كورسەتۋىن ىلگەرىلەتۋ كەرەك. ساياسي قابىلەتتى جوعارىلاتىپ، تۋراشىلدىقتان اينىماي جاڭالىق اشۋعا تاباندى بولىپ، پارتكوم مەن ۇكىمەتتىڭ اقىلشىسى، كومەكشىسى بولۋ سىندى ماڭىزدى رولدى اناعۇرلىم ويداعىداي ساۋلەلەندىرۋ كەرەك. ساياسي جاۋاپكەرشىلىكتى تياناقتاندىرىپ، پارتيانى جاپپاي قاتاڭ باسقارۋدى بۇلجىماي ىلگەرىلەتىپ، ادال، كىرشىكسىز، جاۋاپكەرشىلىك ارقالايتىن جوعارى ساپالى ماماندانعان كادرلار قوسىنىن قۇرىپ، پارتيانى الاڭسىز ەتەتىن، حالىق ريزا بولاتىن ۇلگىلى ورگان قۇرىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە جاڭا دا اناعۇرلىم زور ۇلەس قوسۋ كەرەك.
پارتكوم مەن ۇكىمەت باس حاتشىلارىنىڭ مەملەكەتتىك ءماجىلىسى 9 - ايدىڭ 13 - كۇنىنەن 14 - كۇنىنە دەيىن بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي ماجىلىسكە قاتىناسىپ، شي جينپيڭنىڭ ماڭىزدى نۇسقاۋىن جەتكىزدى ءارى ءسوز سويلەدى.
ءماجىلىس مىنالاردى اتاپ كورسەتتى: باس شۋجي شي جينپيڭ ماڭىزدى نۇسقاۋىندا پارتيا 19 - قۇرىلتايىنان بەرگى پارتكوم مەن ۇكىمەت كەڭسەسىنىڭ قىزمەتىن تولىق تۇراقتاندىرىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرۋ، تياناقتاندىرۋ، كەڭسە قىزمەتىنىڭ قابىلەتىن، دەڭگەيىن اناعۇرلىم جوعارىلاتۋ جونىندە ايقىن تالاپ قويدى، ول اسا كۇشتى ساياسي سيپاتقا، جەتەكشىلىك سيپاتقا جانە باعىتتامالىلىق سيپاتقا يە، جاڭا جورىقتا كەڭسە قىزمەتىن ويداعىداي ىستەۋگە ايقىن بەتالىس كورسەتتى. ءبىز ىشكەرىلەي ۇيرەنىپ، ۇعىنىپ، مۇقيات دايەكتىلەندىرۋىمىز، تياناقتاندىرۋىمىز كەرەك.
ءماجىلىس مىنالاردى باسا دارىپتەدى: باس شۋجي شي جينپيڭ كەڭسە قىزمەتى جونىندەگى ماڭىزدى ءسوزى مەن نۇسقاۋىندا، بەكىتۋىندە جاڭا داۋىردەگى كەڭسەنىڭ ساياسي تالابى، قىزمەت جاۋاپكەرشىلىك ورنى، باستى مىندەتى، قىزمەت ولشەمى، قوسىن قۇرىلىسى سياقتى ءبىر قىدىرۋ ماڭىزدى ماسەلەلەرگە جۇيەلى جاۋاپ بەردى، ول − جاڭا ءداۋىردىڭ جاڭا جورىعىندا ”ۇشكە قىزمەت وتەۋ“ قىزمەتىن ويداعىداي ىستەۋدىڭ ءتۇبىرلى بويسۇنۋ ولشەمى، ءبىز، ءسوز جوق، باس شۋجي شي جينپيڭنىڭ ماڭىزدى ءسوزىنىڭ جانە نۇسقاۋىنىڭ، بەكىتۋىنىڭ رۋحىن كەڭسە قىزمەتىنىڭ تۇتاس بارىسىندا، ءارقايسى جاقتارىندا تياناقتاندىرۋىمىز كەرەك. ”ەكىنى تۇراقتاندىرۋدىڭ“ شەشۋشى ءمانىن اناعۇرلىم تەرەڭ ءتۇسىنىپ، ”ەكىنى قورعاۋدى“ باستاماشىلدىقپەن ورىنداپ، پارتيا 20 - قۇرىلتايىندا تۇراقتاندىرىلعان نىسانا - مىندەتتەرمەن تىعىز بايلانىستىرىپ، ساياسي جاۋاپكەرشىلىك ارقالاۋدى كۇشەيتىپ، ساياسي وتكەلدى يگەرۋ قابىلەتىن شىنايى جوعارىلاتىپ، تياناقتاندىرۋدى يگەرەتىن نەگىزگى فۋنكتسيانى اناعۇرلىم ويداعىداي اتقارىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تياناقتانىپ ونىمدىلىك كورسەتۋىن بار كۇشپەن ىلگەرىلەتۋ كەرەك. جاڭا جاعدايعا، جاڭا مىندەتكە ۇيلەسىپ، ”ۇشكە قىزمەت وتەۋ“ قىزمەت قابىلەتى مەن دەڭگەيىن جاپپاي جوعارىلاتىپ، ءبىر تۇتاس جوسپارلاپ سايكەستىرۋدى بارىنشا كۇشەيتىپ، ويداعىداي اقىلشى، كومەكشى بولۋعا كۇش سالىپ، ساياسات - جارلىقتاردى جەتكىزۋدىڭ حاۋىپسىز، ىركىلىسسىز بولۋىنا كۇش سالا شىنايى كەپىلدىك ەتىپ، قۇپيالىقتى ساقتاۋدىڭ قورعانىس شەبىن كۇش سالا بەكەمدەپ، قىزمەت وتەۋدى قامتاماسىزداندىرۋدى كۇش سالا ويداعىداي ىستەۋ كەرەك. ساياسي جاۋاپكەرشىلىكتى تياناقتاندىرىپ، اناعۇرلىم جوعارى ولشەممەن، اناعۇرلىم قاتاڭ تالاپپەن، اناعۇرلىم ناقتى شارامەن كەڭسەنىڭ وزىندىك قۇرىلىسىن كۇشەيتىپ، ءار دارەجەلى پارتيا، ۇكىمەت ورگاندارىندا ەڭ الدىڭعى لەكتە جۇرۋگە، ويداعىداي اتويشى بولۋعا قۇلشىنىپ، پارتيا الاڭسىز، حالىق ريزا بولاتىن ۇلگىلى ورگان قۇرۋ كەرەك.
مەملەكەتتىك كەڭەستىڭ مۇشەسى، قوسىمشا مەملەكەتتىك كەڭەستىڭ باس حاتشىسى ۋ جىڭلۇڭ قورىتىندى ءسوز سويلەدى.
ءماجىلىس پارتيا 19 - قۇرىلتايىنان بەرگى كەڭسە قىزمەتتەرىن قورىتىندىلاپ، اۋىس - كۇيىس جاساپ، كەڭسە جۇيەسى ءدوپ كەلگەن جاڭا مىندەتتەرگە، جاڭا تالاپتارعا ىشكەرىلەي تالداۋ جاساپ، ”ۇشكە قىزمەت وتەۋ“ قىزمەتىندە ورىن تەپكەن ءتۇيىندى ماسەلەلەردى اقىلداسىپ، تاياۋ مەزگىلدەگى ءتۇيىندى قىزمەتتەر جونىندە ناقتى ورنالاستىرۋ جاسادى.
