نەگىزگى ساتى پارتيا ۇيىمدارىنىڭ ساياسي يقۋاتى مەن ۇيىمدىق يقۋاتىن كۇشەيتەيىك
− اۆتونوميالى رايوننىڭ ۇيىمداستىرۋ قىزمەتى ءماجىلىسىنىڭ رۋحىن دايەكتىلەندىرۋ، تياناقتاندىرۋ جونىندە
□ گازەتىمىزدىڭ شولۋشىسى
نەگىزگى ساتى پارتيا ۇيىمى − پارتيانىڭ بارلىق قىزمەتى مەن جاۋىنگەرلىك قۋاتىنىڭ نەگىزى، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدەگى، تياناقتاندىرۋداعى ماڭىزدى بۋىن، جۇڭگو ۇلگىسىندەگى وسىزامانداندىرۋدى جاپپاي ىلگەرىلەتۋدىڭ تىكەلەي ۇيىمداستىرۋشىسى، ىلگەرىلەتۋشىسى، اتقارۋشىسى. اۆتونوميالى رايوننىڭ ۇيىمداستىرۋ قىزمەتى ماجىلىسىندە مىنالار اتاپ كورسەتىلدى: نەگىزگى ساتىنىڭ نەگىزىن كۇش سالا بەكەمدەپ، نەگىزگى ساتى پارتيا ۇيىمدارىنىڭ ساياسي يقۋاتى مەن ۇيىمدىق يقۋاتىن كۇشەيتۋ كەرەك. تۇتاس رايون جوعارىدان تومەنگە دەيىن ءماجىلىستىڭ رۋحىن مۇقيات دايەكتىلەندىرىپ، تياناقتاندىرىپ، نەگىزگى ساتى پارتيا ۇيىمدارىنىڭ ساياسي يقۋاتى مەن ۇيىمدىق يقۋاتىن كۇشەيتۋ جاعىنا ۇزدىكسىز كۇش جۇمساپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ شينجياڭ تاراۋىن جازۋعا پارمەندى ۇيىمدىق كەپىلدىك ازىرلەۋى كەرەك.
ساياسي يقۋات − نەگىزگى ساتى پارتيا ۇيىمىنىڭ ماڭداي الدى يقۋاتى، نەگىزگى ساتى پارتيا ۇيىمى قۇرىلىسىنىڭ بەتالىسى مەن ونىمدىلىگىن بەلگىلەيدى؛ ۇيىمدىق يقۋات − ساياسي يقۋاتتى كۇشەيتۋدىڭ ماڭىزدى تىرەگى، ساياسي نىسانانى جۇزەگە اسىرۋعا ۇيىمدىق كەپىلدىك ازىرلەيدى. ەكەۋى ءبىرىن - ءبىرى ءوزارا تولىقتايدى، ىشكى جاقتا ءوزارا بىرلىككە كەلگەن، ساياسي يقۋات پەن ۇيىمدىق يقۋاتتى بىردەي كۇشەيتۋدى جۇزەگە اسىرعاندا عانا، پارتيانىڭ ساياسي باسىمدىعىن، ۇيىمدىق باسىمدىعىن تولىق ساۋلەلەندىرۋگە بولادى. نەگىزگى ساتى − پارتيانىڭ بيلىك جۇرگىزۋىنىڭ نەگىزى، كۇش - قۋاتىنىڭ قاينارى. شينجياڭ قىزمەتىنىڭ ەڭ بەرىك كۇش تىرەگى نەگىزگى ساتىدا، ەڭ كورنەكتى قايشىلىق پەن ماسەلە دە نەگىزگى ساتىدا. جۇڭگو ۇلگىسىندەگى وسىزامانداندىرۋ بارىسىندا ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرەتىن، ەكولوگياسى تاماشا كورىكتى شينجياڭدى اناعۇرلىم ويداعىداي قۇرۋدا نەگىزگى ساتىنىڭ نەگىزىن كۇش سالا بەكەمدەپ، نەگىزگى ساتى پارتيا ۇيىمدارىنىڭ ساياسي يقۋاتى مەن ۇيىمدىق يقۋاتىن كۇشەيتۋ، ءسوز جوق، ويداعىداي جاۋاپ قايتارۋ كەرەك بولعان ماڭىزدى تاقىرىپ.
باس شۋجي شي جينپيڭ بىلاي دەپ باسا دارىپتەدى: ”شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدىڭ تەتىگى پارتيادا، تۇپتەپ كەلگەندە، پارمەندى كادرلار قوسىنىنا، بەرىك نەگىزگى ساتى ۇيىمدىق جۇيەسىنە، جارامدى بۇقارالىق قىزمەت مەحانيزمىنە سۇيەنۋ كەرەك“. ”نەگىزگى ساتىنىڭ نەگىزىن بەكەمدەپ، ءار سالاداعى نەگىزگى ساتى پارتيا ۇيىمدارىن بەرىك جاۋىنگەر قورعان ەتىپ قۇرىپ شىعۋ كەرەك“، ”نەگىزگى ساتى پارتيا ۇيىمىن كۇشەيتىپ قۇرىپ، نەگىزگى ساتى پارتيا ۇيىمدارىنىڭ تۇتاس قامتۋىن جۇزەگە اسىرىپ، ءىشىنارا نەگىزگى ساتى پارتيا ۇيىمىنىڭ ءالسىز، بىتىراڭقى بولۋ ماسەلەسىن شەشۋ كەرەك“، بۇل پارتيا كوسەمىنىڭ شينجياڭداعى ءار دارەجەلى پارتيا ۇيىمدارى مەن قالىڭ پارتيا مۇشەلەرىنە قويعان ىقىلاستى تاپسىرماسى، ءبىز ءتالىمدى ەستە بەرىك ساقتاپ، پارتيانىڭ بيلىك جۇرگىزۋ نەگىزىن بەكەمدەۋ بيىگىنەن نەگىزگى ساتىنىڭ نەگىزىن بەكەمدەۋدىڭ توتەنشە ماڭىزدىلىعىن تانىپ جانە ءتۇسىنىپ، نەگىزگى ساتى پارتيا ۇيىمدارىنىڭ ساياسي يقۋاتى مەن ۇيىمدىق يقۋاتىن كۇشەيتۋ جاعىنا قاجىرلىلىقپەن كۇش سالىپ، ناقتى ناتيجە شىعارىپ، نەگىزگى ساتى پارتيا ۇيىمىن شىن مانىندە بۇقاراعا قىزمەت وتەيتىن، ورنىقتىلىقتى قورعايتىن، بولشەكتەۋشىلىككە قارسى تۇراتىن پارمەندى جاۋىنگەر قورعان ەتىپ قۇرىپ شىعۋىمىز كەرەك.
ۇيىم كۇشەيسە، نەگىزگى ساتى ورنىقتى بولادى، نەگىزگى ساتى ورنىقتى بولسا، ەل تىنىش بولادى. تاياۋ جىلداردان بەرى اۆتونوميالى رايوندىق پارتكوم نەگىزگى ساتىنى يگەرۋدى، نەگىزدى بەكەمدەۋدى شينجياڭنىڭ ورنىقتىلىعىن، شينجياڭنىڭ تىنىشتىعىن ساقتاۋدىڭ نەگىزدى بەكەمدەۋ شاراسى ەتۋگە تاباندى بولىپ، نەگىزگى ساتى پارتيا قۇرىلىسىنىڭ ”8+1“ قىزمەت جۇيەسىن ورناتىپ، اقاۋسىزداندىرىپ، ”بەستە جاقسى“ ولشەمدەنگەن، جۇيەلىلەنگەن پارتيا ياچەيكاسىن قۇرۋدى تىڭعىلىقتى ىلگەرىلەتىپ، ”تورتتە تولىمدى“ پارتيا مۇشەسى قوسىنىن قۇلشىنا قۇرىپ، اۋىل - قىستاق، الەۋمەتتىك اۋماق، ەكى جاڭا ۇيىم، ورگان، مەملەكەت مەنشىگىندەگى كاسىپورىن، مەكتەپ سياقتى سالالاردا ارناۋلى ارەكەتتى ءبىر تۇتاس جوسپارلاپ اتقارىپ، پارتيانىڭ ساياسي باسىمدىعىن، ۇيىمدىق باسىمدىعىن دامۋدىڭ باسىمدىعىنا ۇزدىكسىز اينالدىرىپ، شينجياڭنىڭ جوعارى ساپالى دامۋىنا تاسقىنداعان قوزعاۋشى كۇش ۇستەدى. اماليات مىنانى دالەلدەدى: نەگىزگى ساتى پارتيا ۇيىمدارىنىڭ ساياسي يقۋاتى مەن ۇيىمدىق يقۋاتىن تولىق ساۋلەلەندىرىپ، پارتيا مەن بۇقارا ءبىر نيەتتە بولىپ جۇدىرىقتاي جۇمىلعاندا، شينجياڭنىڭ رەفورما، دامۋ، ورنىقتىلىق ىستەرىندە ۇزدىكسىز جاڭا جاعداي اشۋعا بولادى.
نەگىزگى ساتىنىڭ نەگىزىن كۇش سالا بەكەمدەپ، نەگىزگى ساتى پارتيا ۇيىمدارىنىڭ ساياسي يقۋاتى مەن ۇيىمدىق يقۋاتىن كۇشەيتۋدە، پارتيانىڭ نەگىزگى ساتى ۇيىمدىق جۇيەسىن قاتايتىپ، نەگىزگى ساتى پارتيا ۇيىمىنىڭ تۇتاس قامتۋىن جۇزەگە اسىرۋدى قاداعالاپ، ءار سالانىڭ نەگىزگى ساتى پارتيا ۇيىمىن جۇيەلى ورنالاستىرىپ، ”بەستە جاقسى“ ولشەمدەنگەن، جۇيەلىلەنگەن پارتيا ياچەيكاسىن قۇرۋدى تەرەڭدەتىپ، ءالسىز، بىتىراندى نەگىزگى ساتى پارتيا ۇيىمدارىن ۇدايىلاندىرا ءبىر - بىرلەپ تەكسەرىپ، رەتكە سالىپ، دەڭگەيىن جوعارىلاتىپ، پارتيانىڭ ساياساتتارىنىڭ نەگىزگى ساتىدا ءونىمدى دايەكتىلەنۋىنە، تياناقتانۋىنا شىنايى كەپىلدىك ەتىپ، پارتيانىڭ نەگىزگى ساتىداعى بيىلىك جۇرگىزۋ نەگىزىنىڭ بولاتتاي بەرىك بولۋىنا شىنايى كەپىلدىك ەتۋ؛ قىزمەت كۇشتەرىنىڭ نەگىزگى ساتىعا تىكەلەي جەتۋىن ىلگەرىلەتىپ، كۇشتى تومەنگە تۇسىرۋگە، ءبىرىنشى شەپتى تولىقتىرۋعا تاباندى بولىپ، پارتيا مۇشەلەرى مەن كادرلاردىڭ نەگىزگى ساتىعا ىشكەرىلەي بارۋىن، بۇقارامەن ىشكەرىلەي ارالاسۋىن ىلگەرىلەتىپ، ءتۇيىندى اۋىل - قىستاقتارعا ءبىرىنشى شۋجيدى جانە قىزمەت اترەتىن تاڭداپ جىبەرۋ ءتۇزىمىن ساپالىلاندىرىپ، اۋىل، قىستاق ەكى دارەجەلى پارتيا ۇيىمى شۋجيىنە ۇزدىكتەردى تاڭداپ جىبەرىپ، مىقتىلارىن سەپتەپ، قىستاق ”ەكى كوميتەتى“ القاسى قۇرىلىمىن ساپالىلاندىرىپ، نەگىزگى ساتى كادرلارىنىڭ جالپى تۇلعالىق مىندەت وتەۋ قابىلەتىن ۇزدىكسىز جوعارىلاتىپ، ورنىقتىلىقتى يگەرۋ جانە دامۋدى جەبەۋ قابىلەتىن جاپپاي جوعارىلاتۋ؛ پارتيا قۇرىلىسىنىڭ نەگىزگى ساتىنى باسقارۋعا جەتەكشىلىك ەتۋىنە تاباندى بولىپ، جاڭا داۋىردەگى ”فىڭچياۋ تاجىريبەسىنەن“ جانە ”پۋجياڭ تاجىريبەسىنەن“ ويداعىداي پايدالانىپ، ”ارىز - شاعىمدى قابىلداي سالىسىمەن دەرەۋ ءبىتىرۋدى“ جاپپاي جولعا قويىپ، پارتيا مۇشەلەرىنە، بۇقاراعا قىزمەت وتەۋ ورتالىعى جۇيەسى يقۋاتى قۇرىلىسىن ىشكەرىلەي ىلگەرىلەتىپ، توركوزدەندىرىلىپ باسقارىلعان، ەگجەي - تەگجەيلىلەندىرىلىپ قىزمەت وتەلەتىن، ينفورماتسيالانۋدى تىرەك ەتكەن نەگىزگى ساتىنى باسقارۋ تۇعىرىن كەمەلدەندىرىپ، بۇقارانىڭ ارىز - ارمانىن دالمە - ءدال يگەرىپ، قيىنشىلىعىن دەر كەزىندە شەشىپ، ماسەلەنى تۋىلماي تۇرعانىندا، جورگەگىندە شەشىپ، قايشىلىقتىڭ جيىلىپ قالماۋىنا، كەشىكتىرىلمەۋىنە، جوعارىعا جولدانباۋىنا شىنايى كەپىلدىك ەتۋ كەرەك.
مەملەكەتتى باسقارىپ، ەلدى ورنىقتىرۋدىڭ ءتۇيىنى نەگىزدە، پارتيانى باسقارۋدىڭ، پارتيانى جونگە سالۋدىڭ ءتۇيىنى نەگىزگى ساتىدا. تەك نەگىزگى ساتى پارتيا ۇيىمى قۇرىلىسى اناعۇرلىم قۋاتتى، پارمەندى بولعاندا عانا، پارتيانىڭ شينجياڭداعى بيلىك جۇرگىزۋ نەگىزى اناعۇرلىم بەكەم بولادى، پارتيا سوندا عانا اناعۇرلىم جاۋىنگەرلىك قۋاتقا يە بولادى، سوندا عانا تيانشان الابىندا اناعۇرلىم كوپ حالىقتىڭ ۇمىتىنەن شىعاتىن، ءداۋىردىڭ ۇمىتىنەن شىعاتىن شۇعىلالى ەڭبەك جاراتۋعا بولادى.
