حىجيڭ اۋدانى بارۇنحارمودون قالاشىعى حارۋسا قىستاعىنداعى لازى ەگەتىن جىلىجايدا قىستاق تۇرعىندارى لازى تەرىپ، قالتالاۋ قاربالاستىعىنا ءتۇستى.
تاياۋدا، حىجيڭ اۋدانى بارۇنحارمودون قالاشىعى حارۋسا قىستاعى جىلىجايىنداعى لازىدان مول ٴونىم الىندى، قىستاق تۇرعىندارى تەرۋ، قالتالاۋ، تاسىمالداۋمەن ابىگەر بولىپ، دوربا - دوربا تەرىلگەن لازىنى ماشيناعا تيەپ، ٴۇرىمجى، اقسۋ سياقتى جەرلەرگە اپارىپ ساۋدالادى.
حىجيڭ اۋدانى بارۇنحارمودون قالاشىعى حارۋسا قىستاعىنداعى لازى ەگەتىن جىلىجايعا بارا قالساڭىز، لازى جايقالا ءوسىپ، تورسيىپ - تورسيىپ سامىسىپ تۇر، قىستاق تۇرعىندارى تەرۋمەن، قالتالاۋمەن ابىگەرگە ءتۇسىپ، مول ٴونىم الۋدىڭ قاربالاستىعى مەن مۇندالايدى.
وسى قىستاقتاعى لازى ەگۋشى وتباسى ساۋىت مامۇت قۋانا بىلاي دەدى: ”مەن 15 جىل جىلىجايدا كوكونىس ەكتىم، كىرىسىم باستان ـ اياق جاقسى، بيىل 2 مۋ جەرگە چيەزى ەكتىم، ۇلىم 7 مۋ جەرگە لازى ەكتى، بيىل ٴبىزدىڭ تازا كىرىسىمىز 100 مىڭ يۋاننان استى“.
حىجيڭ اۋدانى لازىدان مول ٴونىم الدى.
جىلىجايدا لازى ەگۋ ەگىمشى وتباسىلارىنىڭ كىرىمىن ارتتىرىپ قانا قالماي، جان جاقتاعى قىستاق تۇرعىندارىن جاقىن ارادا جۇمىستانۋعا جەتەكتەپ، قىرۋار قىستاق تۇرعىندارىنىڭ ٴوز جەرىن ەگۋىنە جاعداي جاراتىپ بەردى، جانە داقىلداردى جىيىپ العاننان كەيىن ءىرى ەگىمشى وتباسىلارى، سەلبەستىك كووپەراتيۆتەرىندە جۇمىس ىستەۋىنە بولادى، ونىڭ ۇستىنە قىستاق ”ەكى كوميتەتى“ كاسىپتىك ـ تەحنيكالىق قىزمەتكەرلەر مەن ءىرى ەگىمشى وتباسىلارىن ورنالاستىرىپ، قىستاق تۇرعىندارىنا لازى ەگۋ تەحنيكاسىن تەگىن ۇيرەتتى، قىستاق تۇرعىندارى تەحنيكا ۇيرەنۋمەن بىرگە، وتباسىنىڭ ەكونوميكالىق كىرىسىن دە جوعارىلاتتى.
سوڭعى جىلدارى حارۋسا قىستاعى ”اۋىل شارۋاشىلىعىنىڭ ونىمدىلىگىن ارتتىرۋدى، شارۋالاردىڭ كىرىسىن ارتتىرۋدى“ تۇتقا ەتىپ، كوكونىس ەگىمشىلىگى كاسىبىن كۇش سالا دامىتىپ، كوكونىس كاسىپ سالاسىنىڭ قۇرىلعىلانۋ، ولشەمدەنۋ دەڭگەيىن ۇزدىكسىز جوعارىلاتىپ، كاسىپ سالاسى ارقىلى جۇمىستاندىرۋدى جەبەپ، بۇقارانىڭ كىرىسىن ارتتىرۋ ارناسىن جاپپاي كەڭەيتىپ، اۋىل ـ قىستاقتىڭ گۇلدەنۋىنە دەم بەردى.
”قىستاعىمىزدا جيىنى 1100 مۋدان استام جىلىجاي كوكونىسى بار، مۇنىڭ ىشىندە جىلىجايدا ەگىلگەن لازى جەر كولەمى 600 مۋدان اسادى، كەلەر جىلى ٴبىز ەگىمشىلىك كولەمىن ۇزدىكسىز كەڭەيتىپ، ەگىمشى وتباسىلارىنا تەحنيكالىق جاقتان جەتەكشىلىك ەتۋدى كۇشەيتىپ، بۇقارانىڭ كوجە قاتىعىن مولايتىپ، ەگىمشى وتباسىلارىنىڭ قالتاسىن قامپايتامىز“، ـ دەدى حىجيڭ اۋداندىق پارتكوم ساياسي ـ زاڭ كوميتەتىنىڭ، ينتەرنەت ينفورماتسيا كەڭسەسىنىڭ بارۇنحارمودون قالاشىعى حارۋسا قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەسى فىڭ حاييىڭ. (ەرىكتى تىلشىلەر كۇي كاي، بايىندالاي، لي حۇيحۇي، امۋلۇڭ حابارلايدى)
