انار بۇلت / شينجياڭ گازەتىنىڭ حابارى (ءتىلشى چين پىڭ، گاۋ يۇيگاڭ حابارلايدى) 9 - ايدىڭ 7 - كۇنى ٴۇرىمجى ەكونوميكالىق - تەحنيكالىق اشۋ رايونى (توۋتۇنحى رايونى) سارداۋان اۋىلى ماجياجۋاڭزى قىستاعى ماڭىنداعى ٴۇرىمجى قالا اينالمالى جوعارى قارقىندى تاس جول (باتىس جەلى) ينجەنەرياسى شيشان تۋنەلىنىڭ وڭ، سول جاقتاعى تۋنەلى تۇگەلدەي تۇتاستىرىلىپ، جوسپاردان ەكى اي بۇرىن ورىندالدى.
9 ـ ايدىڭ 13 ـ كۇنى، ٴتىلشى جاۋىپ تۇرعان جاڭبىرعا قاراماي جۇڭگو ەلەكتر قۇرىلىسى جول ـ كوپىر توبى شەكتى سەرىكتەستىگى مىندەتىنە الىپ سالعان ٴۇرىمجى قالا اينالما جوعارى قارقىندى تاس جول (باتىس جەلىسى) ينجەنەرياسىنىڭ شيشان تۋنەلى جۇمىس ورنىنا كەلدى، جۇمىس باسىنان ۇعىسۋىنشا، قازىرگى كەزەڭدە، تۋنەل ىشىندەگى بەتون توسەۋ نەگىزگى قۇرىلىسى اياقتاپ، سەمەنت بەتون تاقتانىڭ استىڭعى ەرنەۋىندە قۇرىلىس جۇرىلۋدە ەكەن.
ۇعىسۋعا قاراعاندا، شيشان تۋنەلىنىڭ سول جاق جەلىسىنىڭ جالپى ۇزىندىعى 2601.77 مەتر، وڭ جاق جەلىسىنىڭ جالپى ۇزىندىعى 2616 مەتر ، ەكى ۇشى جەكە ـ جەكە ٴۇرىمجى ەكونوميكالىق ـ تەحنيكالىق اشۋ رايونى(توۋتۇنحى رايونى ) سارداۋان اۋىلى مەن توۋتۇنحى وزەنى 1 ـ ٴنومىرلى كوپىرىن تۇتاستىرىپ، قوس باعىتتا 8 اۆتوكولىك جۇرەتىن جوعارى قارقىندى تاس جول ولشەمى بويىنشا سالىنعان، ساعاتتىق جىلدامدىعى 100 كيلومەتر دەپ جوبالانعان. تۋنەلدىڭ ناقتى كەڭدىگى 18.5 مەتر، بيىكتىگى 5.0 مەتر بولىپ، ەل ىشىندە سالىنىپ جاتقان قيما بەتى ەڭ ۇلكەن، ۇزىندىعى ەڭ ۇزىن بولعان ءبىر باعىتتا 4 اۆتوكولىك جولى قاتىنايتىن جوعارى قارقىندى تاس جول تاۋ تۋنەلى.
الداعى جەردە كولىك قاتىناعاننان كەيىنگى شيشان تۋنەلى S 101 لەنياسىن 40 مينۋت ۋاقىت جۇمساپ اينالۋ اۋرەشىلىگىنەن قۇتىلۋعا بولادى، مىسالى، جوباداعى جول قارقىنى بويىنشا ەسەپتەگەندە، 3 مينۋت ىشىندە تۋنەلدىڭ ەندى ٴبىر جاعىنا جەتىپ، 40 مينۋتتىق جولدى 3 مينۋتقا دەيىن قىسقارتۋعا بولادى.
