بيڭتۋان مەن جەرگىلىكتى ورىن تەرەڭدەي توعىسىپ، دامۋدى بىرگە جوسپارلاپ، كورىكتى شينجياڭ قۇرىلىسىن تىڭعىلىقتى ىلگەرىلەتۋى كەرەك

　　ما شيڭرۇي ىلە قازاق اۆتونوميالى وبلىسىندا جانە بيڭتۋان 4 - شى كوكدالا قالاسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

　　بيڭتۋان مەن جەرگىلىكتى ورىن تەرەڭدەي توعىسىپ، دامۋدى بىرگە جوسپارلاپ، كورىكتى شينجياڭ قۇرىلىسىن تىڭعىلىقتى ىلگەرىلەتۋى كەرەك

　　لي يفي تەكسەرۋ - زەرتتەۋگە قاتىناستى

　　9 - ايدىڭ 18 - كۇنى اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي ىلە قازاق اۆتونوميالى وبلىسىندا جانە بيڭتۋان 4 - شى كوكدالا قالاسىندا تەكسەرۋ - زەرتتەۋ جۇرگىزدى. سۋرەتتە: ما شيڭرۇي كوكدالا قالاسىنداعى شينجياڭ چۋاڭجين جەمىس شارۋاشىلىعى شەكتى جاۋاپكەرشىلىك سەرىكتەستىگىندە كاسىپورىننىڭ ءوندىرىس، ساتۋ جاعدايىن ۇعىسۋدا.

　　□ سۋرەتتى سۇن ينان تۇسىرگەن

　　انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 9 - ايدىڭ 18 - كۇنى كوكدالادان حابارلايدى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي 9 - ايدىڭ 18 - كۇنى ىلە قازاق اۆتونوميالى وبلىسى مەن بيڭتۋان 4 - شى كوكدالا قالاسىن ىشكەرىلەي ارالاپ، تەكسەرۋ - زەرتتەۋ جۇرگىزىپ، بيڭتۋان مەن جەرگىلىكتى ورىننىڭ 2 - توپتاعى نەگىزگى تاقىرىپتىق تاربيەنى جوعارى ساپامەن ويداعىداي ورىستەتۋىنە جەتەكشىلىك ەتتى، ىلگەرىلەتتى. باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن اناعۇرلىم ىشكەرىلەي ۇيرەنىپ، ۇگىتتەپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، جوعارى ساپالى دامۋ سىندى وسى ماڭداي الدى مىندەتتى كوزدەپ، وسىزاماندانعان كاسىپ سالاسى جۇيەسىن جەدەل ورناتىپ، بيڭتۋان مەن جەرگىلىكتى ورىننىڭ تەرەڭدەي توعىسپالى دامۋىن تىڭعىلىقتى ىلگەرىلەتىپ، كورىكتى شينجياڭ قۇرۋعا جاڭا ۇلەس قوسۋدى العا قويدى.

　　اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي تەكسەرۋ - زەرتتەۋگە قاتىناستى.

　　ما شيڭرۇي كوكدالا جوبا كورمەسى سارايىنا بارىپ، شى - قالا جوباسى، قۇرىلىسى، دامۋ جاعدايى جونىندەگى تانىستىرۋدى تىڭداپ، قاتىستى قىزمەتتەردى ەگجەي - تەگجەيلى ۇعىستى. ول بىلاي دەپ باسا دارىپتەدى: ىلەنىڭ وسىزاماندانعان وڭىرلىك ورتالىق قالانى تۇلعالاۋ ورنالاستىرۋىمەن بەلسەنە توعىسىپ، ءوڭىر ىشىندە سايكەسە، ىقپالداسا دامۋدى كۇشەيتىپ، كەڭىستىك جوباسىن ەگجەي - تەگجەيلى ويداعىداي ىستەپ، قالا يقۋاتىن ۇزدىكسىز كۇشەيتىپ، قۇرۋ، باسقارۋ قابىلەتىن، دەڭگەيىن جوعارىلاتىپ، بيڭتۋاننىڭ دامىپ زورايۋىنىڭ، بيڭتۋان مەن جەرگىلىكتى ورىننىڭ توعىسپالى دامۋىنىڭ، ءوڭىردىڭ جوعارى ساپالى دامۋىنىڭ ماڭىزدى تىرەگىن شىن مانىندە تۇلعالاۋ كەرەك.

　　چۋاننيڭ بيولوگيا شەكتى جارنا سەرىكتەستىگى، رۇينو بيولوگيا شەكتى جارنا سەرىكتەستىگى − ىلەدەگى ءتۇيىندى بيولوگيالىق ءدارى - دارمەك كاسىپورىندارى. ما شيڭرۇي كاسىپورىنداردىڭ ءوندىرىس، تيجارات جاعدايى جونىندەگى تانىستىرۋدى تىڭداپ، قاتىستى تەحنيكالىق زەرتتەۋ - اشۋ ورتالىعىن ۇستىندە كوزدەن كەشىرىپ، قاتىستى جاۋاپتىلارمەن پىكىر اۋىستىرىپ، كاسىپورىننىڭ عىلىم - تەحنيكالىق زەرتتەۋ - اشۋ، ونىمدەردە جاڭالىق اشۋ سياقتى قىزمەتتەرىن جانە ىلەنىڭ بيولوگيالىق ءدارى - دارمەك كاسىپ سالاسىنىڭ دامۋ ناتيجەلەرىن ىشكەرىلەي ۇعىستى. ول بىلاي دەپ باسا دارىپتەدى: كاسىپ سالاسىندا جاڭالىق اشۋ جوعارى ساپالى دامۋدىڭ ماڭىزدى قوزعاۋشى كۇشى، ىلەنىڭ بايلىق، وڭىرلىك ورىن سياقتى باسىمدىقتارىن تىعىز سۇيەنىش ەتە وتىرىپ، عىلىم - تەحنيكالىق تىرەكتى كۇشەيتىپ، جاڭاشا كاسىپ سالاسىن جەدەل دامىتىپ، زورايتىپ، باستاماشى كاسىپورىنداردى، تىزبەكتەگى تىرەكتى كاسىپورىنداردى جەتىلدىرىپ، تۇتاس كاسىپ سالاسى تىزبەگىنىڭ دامۋىن زور كۇشپەن ىلگەرىلەتىپ، وڭىرلىك ەكونوميكالىق دامۋدىڭ جاڭا قوزعاۋشى قۋاتىن تۇلعالاۋ كەرەك.

　　كوكدالا قالاسى چۋاڭجين جەمىس شارۋاشىلىعى سەرىكتەستىگىنىڭ 2000 مۋلىق ولشەمدەنگەن الما ەگىمشىلىگىنەن ۇلگى كورسەتۋ باقشاسىندا ما شيڭرۇي جەمىس باعىن جۇمىس باسىندا كوزدەن كەشىرىپ، ەگىمشىلىك جاعدايىن ەگجەي - تەگجەيلى ۇعىسىپ، ”وسى زامانعى اۋىل شارۋاشىلىعىن دامىتۋدى كوزدەپ، عىلىم - تەحنيكانىڭ قۋات ۇستەۋى ارقىلى اۋىل شارۋاشىلىعىنىڭ ولشەمدەنگەن، شوعىرلانعان، كولەمدەنگەن ءوندىرىسىن ىلگەرىلەتىپ، ەرەكشەلىككە يە جەمىس ورمانى كاسىپ سالاسىنىڭ ساپاسىن جوعارىلاتىپ، ونىمدىلىگىن ارتتىرۋىن بار كۇشپەن ىلگەرىلەتىپ، اۋىل - قىستاق كاسىپ سالاسىنىڭ گۇلدەنۋىنە دەم بەرىپ، جەمىس ەگىنشىلەرىن كىرىستى ارتتىرىپ بايۋعا باستاۋ كەرەك“ دەپ باسا دارىپتەدى.

　　يليتى − شينجياڭنىڭ كونە ماركالى اراق كاسىپورنى. ما شيڭرۇي كوكدالا قالاسى يليتى اراق مادەنيەتى كاسىپ سالاسى باقشاسىنا بارىپ، ءوندىرىستىڭ ءبىرىنشى شەبىن ارالاپ، ىشكەرىلەي تەكسەرۋ - زەرتتەۋ جۇرگىزىپ، ولاردىڭ دامۋ كوز اياسىن كەڭەيتىپ، ءونىم وبرازىن بەلسەنە ىلگەرىلەتىپ، ساتۋ ۇلگىسى سياقتىلاردا جاڭالىق اشىپ، سەرپىلىس جاساپ، جاڭا قوزعاۋشى كۇشتى، جاڭا ومىرشەڭدىك كۇشتى بار كۇشپەن جەتىلدىرىپ، ەل ءىشى - سىرتى بازار اياسىن كەڭەيتىپ، كاسىپ سالاسى كولەمىن شىن مانىندە زورايتىپ، ماركا ىقپالىن اناعۇرلىم بەكەمدەۋىن جانە كەڭەيتۋىن ءۇمىت ەتتى.

　　ما شيڭرۇي تەكسەرۋ - زەرتتەۋدە بىلاي دەپ باسا دارىپتەدى: اۆتونوميالى رايوننىڭ ايماق، وبلىس، قالالارى، بيڭتۋاننىڭ شى - قالالارى باس شۋجي شي جينپيڭنىڭ، پارتيا ورتالىق كوميتەتىنىڭ شينجياڭ قىزمەتى جونىندەگى ستراتەگيالىق جوباسىن جانە زور ءۇمىتىن، ماڭىزدى تاپسىرماسىن تەرەڭ ءتۇسىنىپ، ”ءبىر تۇتاس جۇيە“ يدەياسىن شىن مانىندە بەرىك ورناتىپ، شينجياڭنىڭ مەملەكەتتىڭ جالپى جاعدايىنداعى ستراتەگيالىق ورنىن كوزدەپ، بيڭتۋان مەن جەرگىلىكتى ورىننىڭ بىرگە قۇرۋىن، بىرگە يگىلىكتەنۋىن، بىرگە توعىسۋىن ۇزدىكسىز تەرەڭدەتىپ ءارى قازىرگىنى تىڭعىلىقتى يگەرىپ، ءارى ۇزاق بولاشاقتىق جوسپار جاساپ، وسىزامانداندىرۋ قۇرىلىسىنىڭ ءتۇرلى مىندەتىن بار كۇشپەن ىلگەرىلەتىپ، كورىكتى شينجياڭ قۇرىلىسىن تىڭعىلىقتى ىلگەرىلەتۋى كەرەك. بيڭتۋان مەن جەرگىلىكتى ورىننىڭ دامۋىنداعى كاسىپ سالاسى تىرەگىن كۇشەيتىپ، بايلىق ارتىقشىلىعىن، وڭىرلىك ورىن ارتىقشىلىعىن جانە كاسىپ سالاسى نەگىزىن تياناق ەتىپ، ”8 ءىرى كاسىپ سالاسى شوعىرىن“ قۇرۋدى ارقاۋ ەتىپ، ءداستۇرلى كاسىپ سالاسىنىڭ تيبىن وزگەرتىپ، دارەجەسىن جوعارىلاتۋدى جەدەلدەتىپ، جاڭاشا كاسىپ سالاسىن بەلسەنە جەتىلدىرىپ، دامىتىپ، شينجياڭ ەرەكشەلىگى مەن باسىمدىعىن ايگىلەيتىن وسى زامانعى كاسىپ سالاسى جۇيەسىن ورناتۋ كەرەك. بيڭتۋاننىڭ دامۋ قابىلەتىن كۇش سالا جوعارىلاتىپ، بيڭتۋان مەن جەرگىلىكتى ورىننىڭ ءار جاقتاعى بايلىقتاردى ساپالى ۇلەستىرۋىن ءبىر تۇتاس جوسپارلاپ، بيڭتۋاننىڭ شى - قالالارى، تۋان - الاڭدارى قاتارلىلاردىڭ كاسىپ سالاسى مەن جان سانىنىڭ شوعىرلانۋىنداعى كوتەرىمدىلىك قۋاتىن جەدەل جوعارىلاتىپ، جەتەكشى كاسىپ سالاسىن كۇش - قۋاتتى شوعىرلاندىرا وتىرىپ كۇشەيتىپ، ەكونوميكا كولەمىن ۇزدىكسىز زورايتىپ، قالا - قالاشىق جوباسىن، قۇرىلىسىن جوعارى ولشەممەن، جوعارى ساپامەن ىلگەرىلەتىپ، كاسىپ سالاسى مەن قالانى توعىستىرۋدى، قالا مەن اۋىلدى توعىستىرۋدى تەرەڭدەتىپ، شارپۋ قۋاتىن، جەتەكشىلىك قۋاتىن، باۋراۋ قۋاتىن ۇزدىكسىز كۇشەيتۋ كەرەك. اۋىل - قىستاقتى جاپپاي گۇلدەندىرۋدى ىشكەرىلەي ىلگەرىلەتىپ، اۋىل شارۋاشىلىعىنىڭ، اۋىل - قىستاقتىڭ ەرەكشە بايلىعىن سۇيەنىش ەتىپ، جەرگىلىكتى جاعدايعا قاراي ىستەپ، ەرەكشەلىككە يە كاسىپ سالاسىن، شارۋالاردى بايىتاتىن كاسىپ سالاسىن دامىتۋ جونىندە ىزدەنىس جاساپ، وسى زامانعى اۋىل شارۋاشىلىعىنىڭ دامۋ نەگىزىن بار كۇشپەن بەكەمدەپ، بۇقارانىڭ جۇمىستانۋ، كىرىستى ارتتىرۋ ارناسىن كەڭەيتىپ، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەل ىلگەرىلەتىپ، اۋىل - قىستاقتى گۇلدەندىرۋ جەتىستىگىنىڭ ءار ۇلت بۇقاراسىن اناعۇرلىم ويداعىداي يگىلىككە كەنەلتۋىنە مۇمكىندىك جاساۋ كەرەك. بيڭتۋان مەن جەرگىلىكتى ورىننىڭ توعىسۋ دەڭگەيىن ۇزدىكسىز جوعارىلاتىپ، ءار ساتىلى، ءار دارەجەلى توعىسپالى دامۋ مەحانيزمىن ۇزدىكسىز جاڭالاپ، كەمەلدەندىرىپ، لاڭكەستىككە قارسى تۇرىپ، ورنىقتىلىقتى قورعاۋ، ەكونوميكالىق دامۋ، ەكولوگيانى قورعاۋ، ۇلتتار ىنتىماعى، كادر - دارىندى سياقتى جاقتاردا توعىسۋ سەرپىنىن ارتتىرىپ، توعىسپالى دامۋدىڭ اناعۇرلىم كوپ جاڭا جەتىستىكتەرىنە قول جەتكىزۋدى ىلگەرىلەتىپ، پارتيا ورتالىق كوميتەتى ايقىن بەلگىلەگەن ساياسات - شارالاردى شىن مانىندە ناقتاپ تياناقتاندىرۋ كەرەك.

　　ياڭ شيۋلي تەكسەرۋ - زەرتتەۋگە قاتىناستى.