ەركىن تۇنياز ءۇرىمجى قالاسىندا جانە التاي ايماعىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
ەرەكشەلىككە، باسىمدىققا يە كاسىپ سالالارىن ءجىتى قاداعالاپ، جوعارى ساپالى دامۋدى ىلگەرىلەتۋ كەرەك
انار بۇلت \ شينجياڭ گازەتىنىڭ تىلشىلەرى جاڭ يانفاڭ، ۋاڭ نا 9 - ايدىڭ 18 - كۇنى كوكتوعايدان حابارلايدى. 9 - ايدىڭ 17 - كۇنىنەن 18 - كۇنىنە دەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءۇرىمجى قالاسىنا جانە التاي ايماعىنا بارىپ، باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنۋ، ۇگىتتەۋ، دايەكتىلەندىرۋ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال جاپپاي دايەكتىلەندىرۋ، جاڭا ەنەرگيا، جاڭا ماتەريال، ساياحاتتى دامىتۋ، ەكولوگيالىق ورتانى قورعاۋ سياقتى قىزمەتتەردى ارقاۋ ەتىپ تەكسەرۋ - زەرتتەۋ جۇرگىزدى.
ءۇرىمجى قالاسى ميدۇڭ رايونىنىڭ سولتۇستىگىندەگى قۇمدى ءشول فوتوۆولتتىق بازاسىندا، ورتا بولىك حىشىڭ كرەمني كاسىبى شەكتى سەرىكتەستىگىندە جانە كوكتوعاي اۋدانىنداعى حيلۇڭجياڭ كوكتوعاي ونەركاسىپ باقشا رايونىندا ەركىن تۇنياز جاڭا ەنەرگيا، جاڭا ماتەريال كاسىپ سالاسى، جاسىل كەن كاسىبى سياقتىلاردىڭ دامۋ جاعدايىن ۇعىسىپ، بىلاي دەپ باسا دارىپتەدى: نىسان قۇرىلىستارىنىڭ ورنالاسۋىن جەدەلدەتىپ، نىساننىڭ قۇرىلىس جۇرگىزۋ ”التىن مەزگىلىن“ مىقتى يگەرىپ، فاكتورلىق قىزمەت وتەۋدى قامتاماسىز ەتۋدى كۇشەيتىپ، ماسەلەلەردى دەر كەزىندە سايكەستىرىپ شەشىپ، سالىنىپ جاتقان نىسانداردى جوعارى ولشەممەن، جوعارى ساپامەن، جوعارى ونىمدىلىكپەن ىلگەرىلەتىپ، قارجى قوسۋدىڭ اناعۇرلىم كوپ ناقتى زات مولشەرىن قالىپتاستىرۋدى ىلگەرىلەتۋ كەرەك.
ەركىن تۇنياز ميدۇڭ رايونى دۇڭداۋحايزى كورىنىس تاماشالاۋ تۇعىرىنا كەلىپ، ماڭايىنداعى سۋ الاپتارىنىڭ ەكولوگيالىق جاعدايىن تاپتەشتەي كورىپ، سۋ شىعارۋ ينجەنەرياسى، ساياحاتتى وركەندەتۋ نىسانى سياقتى جاعدايلاردى ەگجەي - تەگجەيلى ۇعىستى. ول بىلاي دەپ اتاپ كورسەتتى: قالا قۇرىلىسىندا قالا تۇرعىندارىنىڭ اڭىسى كۇشتى بولعان كورنەكتى ماسەلەلەردى كۇش سالا شەشىپ، شولەيتتەنۋدەن جان - جاقتى ساقتانۋ - تىزگىندەۋدى كۇشەيتىپ، قالانى قۇنتتاي باسقارۋ دەڭگەيىن جوعارىلاتىپ، كاسىپكە قولايلى، قونىسقا جايلى، كوڭىل اشۋعا ىڭعايلى، ساياحاتقا ۇيلەسەتىن تاماشا ورتا تۇلعالاۋعا قۇلشىنۋ كەرەك.
بۋرىلتوعاي اۋدانىندا ەركىن تۇنياز جەم - ءشوپ ءوندىرىس سەحتارىن، باعىمشىلىق كاسىپورىندارىن ىشكەرىلەي ارالاپ، باعىمشىلىق، ءوسىرۋ، جەم - ءشوپ مانەرلەۋ، قامداۋ سياقتى جاعدايلاردى ەگجەي - تەگجەيلى ۇعىسىپ، بىلاي دەپ باسا دارىپتەدى: كولەمدەنگەن باعىمشىلىقتى، ولشەمدەنگەن ءوندىرىستى، كاسىپ سالالانعان تيجاراتتى زور كۇشپەن دامىتىپ، مالدىڭ قىستان امان شىعۋىن قامتاماسىز ەتۋدى كۇشەيتىپ، ەگىنشى - مالشىلاردىڭ ءتول مۇددەسىنە بارىنشا شىنايى كەپىلدىك ەتۋ كەرەك. ۇلىڭگىر كولىنىڭ سۋ بايلىعىن اشۋ - پايدالانۋ، ەكولوگيالىق ورتاسىن قورعاۋ سياقتى جاعدايلاردى ەگجەي - تەگجەيلى ۇعىسقاننان كەيىن، ەركىن تۇنياز بىلاي دەپ اتاپ كورسەتتى: وزەن - كولدەردىڭ ەكولوگيالىق اعىسىن قامتاماسىز ەتىپ، ەكولوگيالىق كاسىپ سالاسىن كۇش سالا دامىتىپ، كاسىپ سالاسىن دامىتۋ ارقىلى اناعۇرلىم كوپ بۇقارانى كىرىستى ارتتىرىپ، بايۋعا جەتەكتەۋ كەرەك. ەركىن تۇنياز كوكتوعاي اۋدانى كوكتوعاي حالىقارالىق قار شاڭعى دەمالىس وڭىرىنە كەلىپ، قىسقى قار - مۇز ساياحاتى قىزمەتىنىڭ جاعدايىنا تەكسەرۋ - زەرتتەۋ جۇرگىزگەندە بىلاي دەپ اتاپ كورسەتتى: نەگىزدىك قۇرىلعى قۇرىلىسىن ۇزدىكسىز كەمەلدەندىرىپ، تيجارات كۇيىن بايىتىپ، قىزمەت وتەۋ دەڭگەيىن جوعارىلاتىپ، بايلىق باسىمدىعىن ەكونوميكالىق دامۋدىڭ جاڭا قوزعاۋشى قۋاتىنا شىنايى اينالدىرۋ كەرەك.
ەركىن تۇنياز تەكسەرۋ - زەرتتەۋ بارىسىندا بىلاي دەپ باسا دارىپتەدى: شينجياڭنىڭ مەملەكەت جالپى جاعدايىنداعى ستراتەگيالىق ورنىن مىقتاپ يگەرىپ، جەر - جەردىڭ بايلىق ارتىقشىلىعى مەن سالىستىرمالى باسىمدىعىن تياناق ەتىپ، ەرەكشەلىككە، باسىمدىققا يە كاسىپ سالالارىن جەدەل جەتىلدىرىپ، زورايتىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا پارمەندى تىرەك ازىرلەۋ كەرەك. ”8 ءىرى كاسىپ سالاسى شوعىرىن“ تۇلعالاۋدى ارقاۋ ەتىپ، ”ءبىر توبىن قۇرۋ، ءبىر توبىنىڭ جۇمىسىن باستاۋ، ءبىر توبىن دايىنداۋ، ءبىر توبىن جوبالاۋ“ وي جەلىسى بويىنشا شارۋاشىلىق - ساۋدا ورتاسىن ۇزدىكسىز ساپالىلاندىرىپ، جەر، ەنەرگيادان پايدالانۋ، تەكسەرىپ بەكىتۋ، قارجى، ساياسات سياقتى قىزمەت وتەۋمەن قامتاماسىز ەتۋ تەبىنىن ارتتىرىپ، كەلەلى نىسان قۇرىلىستارىنىڭ جەتىستىكتەرىن دامۋدى جەبەۋدىڭ ءىس جۇزىندىك ونىمدىلىگىنە اينالدىرۋدى جەدەلدەتۋ كەرەك. بۇكىل رايون مال شارۋاشىلىعىنىڭ تيبىن وزگەرتىپ، دارەجەسىن جوعارىلاتۋدى جەدەل ىلگەرىلەتىپ، ساپالى مال شارۋاشىلىعى ونىمدەرى كاسىپ سالاسى شوعىرى قۇرىلىسىن تىڭعىلىقتى ىلگەرىلەتىپ، امالدىڭ بارىنشا تىزبەكتى ۇزارتىپ، تىزبەكتى تولىقتاپ، تىزبەكتى كۇشەيتىپ، تىزبەكتى كەڭەيتىپ، كاسىپ سالاسىنىڭ وسىزاماندانۋ دەڭگەيىن ۇزدىكسىز جوعارىلاتۋ كەرەك. ەكولوگيالىق ورتانى قورعاۋدى كۇشەيتىپ، وزەن - كول باستىعى ءتۇزىمى مەن ورمان باستىعى ءتۇزىمىن جاپپاي تياناقتاندىرىپ، دامۋ بارىسىندا قورعاۋعا، قورعاۋ بارىسىندا دامۋعا تاباندى بولىپ، ”تۇنىق سۋ، جاسىل تاۋ“ جانە ”باعالى بايلىق“ قۇنىنىڭ بىردەي ارتۋىن قۇلشىنا جۇزەگە اسىرۋ كەرەك. ساياحاتتى اشۋ تەبىنىن ارتتىرىپ، الداعى قار - مۇز ساياحات ماۋسىمىمەن ۇشتاستىرىپ، ساياحات بايلىعىن جانە ونىممەن قامداۋدى بارىنشا مولايتىپ، ”شينجياڭ جاقسى جەر“ ماركاسىن ۇزدىكسىز جارقىراتىپ، ەل ءىشى - سىرتىنان اناعۇرلىم كوپ ساياحاتشىنى شينجياڭعا كەلىپ ساياحاتتاۋعا باۋراۋ كەرەك.
