كورىكتى شينجياڭ سىزدەرگە العىس ايتادى
-شينجياڭعا كومەككە كەلگەن كادر-دارىندىلارعا ارناۋ
گۇلدىڭ ءبارى قارلى تاۋدىڭ زاڭعار شىڭىندا وركەن جايىپ وسە الۋى ناعايبىل، ال قارعالداق قۇلپىرىپ تۇرا الدى؛ اعاشتىڭ ءبارى قۇمدى شولدە ەڭسە كوتەرىپ تۇرا الۋى ناعايبىل، ءبىراق توراڭعى قۇمدى شولدە قاسقايىپ تۇرا الدى؛ ءاربىر ادام وتاننىڭ شەكارا وڭىرىنە بارىپ كۇرەس جۇرگىزە الۋى ناعايبىل، ءبىراق شينجياڭعا كومەككە كەلگەن كادر - دارىندىلار مۇنى ورىنداي الدى.
− كىرىسپە
انار بۇلت \ شينجياڭ گازەتىنىڭ ءتىلشىسى جاڭ جىلي
تيانشان الابىنا كوز جىبەرسەڭىز، نەنى كورەر ەدىڭىز؟
التايداعى قار - مۇز جابدىقتارىن جاساۋدا شاشىراعان دانەكەرلەۋ ۇشقىندارى، قورعاستاعى قايشالىسقان اۆتوكولىكتەر، ىركىلىسسىز جولدار، قاۋىرت تاسىمالدانعان جۇكتەر، اقسۋداعى بۇتاقتاردى مايىستىرعان المالار، قاشقاردىڭ ۇلكەندى - كىشىلى كوشەلەرىندە قايشالىسقان ادامدار اعىنى، حوتانداعى اناردىڭ دانىندەي بۇكىل ەلدىڭ جەر - جەرىنە بەت العان ”فۋتبولشى بالالار“...
تاۋ - وزەن زەرلى جىبەكتەي ورنەكتەلىپ، بايتاق دالادا ءان قالىقتادى. بۇل ءبىر ميلليون 660 مىڭ شارشى كيلومەتر جەردەگى مول ءونىم مەزگىلى! بۇل ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭ!
كورىكتى شينجياڭ شينجياڭعا كومەككە كەلگەن كادر - دارىندىلار سىندى ءبىر توپ قاۋىمدى ەستە بەرىك ساقتايدى.
پارتيا 18 - قۇرىلتايىنان بەرى، اسىرەسە، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى ورتالىق پەن مەملەكەت ورگاندارى، ورتالىققا قاراستى كاسىپورىندار، سونداي - اق شينجياڭعا كومەكتەسەتىن 19 ولكە، قالا شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، شينجياڭعا جاپپاي كومەكتەسۋگە، شينجياڭعا دالمە - ءدال كومەكتەسۋگە، شينجياڭعا ۇزاق ۋاقىت كومەكتەسۋگە تاباندى بولدى. توپ - توپ شينجياڭعا كومەككە كەلگەن كادر - دارىندىلار ”شينجياڭدىق“ بولىپ، ”شينجياڭ ءىسىن“ ىستەپ، ”شينجياڭ ىقىلاسىن“ نىعايتىپ، شينجياڭعا باعىتتامالى كومەكتەسۋ قىزمەتىندە تاريحي تابىسقا قول جەتكىزىپ، وتان قۇشاعىنداعى شينجياڭ بارعان سايىن گۇلدەنىپ - كوركەيىپ، كورىكتەندى.
جاقسىلىقتى ءبىلۋ − باقىتتىڭ قاينارى. شينجياڭعا باعىتتامالى كومەكتەسۋدىڭ تەرەڭ سۇيىسپەنشىلىگى شينجياڭداعى 25 ميلليون ءار ۇلت كادرلارى مەن بۇقاراسىنىڭ جۇرەگىنە تەرەڭ ۇيالادى.
وتباسى مەن وتاندى كوكەيدە ساقتاپ، جاقسى شينجياڭدىق بولدى
كورلانىڭ جەمىس باعىندا لوۋ بيڭگان دوكتوردى ۇنەمى جەرگىلىكتى ديقان ايەل ەكەن دەپ قالاسىز.
شينجياڭعا كومەكتەسكەن 3 جىلدا لوۋ بيڭگاننىڭ وبرازىندا زور وزگەرىس تۋىلدى، شيزىحۋ كولىنىڭ جاعاسىنان كەلگەن وسى ايەل اعا زەرتتەۋشى ءاسىلى سازانداي اپپاق ەدى، قازىر تەرىسى توتىعىپ قارايىپ كەتكەن.
لوۋ بيڭگان جىجياڭ داشۋەسىنىڭ اعا زەرتتەۋشىسى، وسىمدىك پاتولوگياسىنىڭ دوكتورى، ونىڭ شينجياڭمەن بايلانىسى ”جەمىس اعاشى راگى“ دەپ اتالاتىن بۇتاقتىڭ قۋراۋ دەرتىنەن باستالعان، بۇل المۇرت، الما سياقتى راۋشانگۇل تۇقىمداس وسىمدىكتەردىڭ ءبىر ءتۇرلى جويىمپاز باكتەريا دەرتى. بۇتاقتىڭ قۋراۋ دەرتىنە شالدىققاندا، المۇرت اعاشى بەينە ورتەنگەندەي بولادى، الدىمەن جاپىراقتارى قۋراپ، بۇتاقتارى قارايادى، ونان سوڭ اعاش بۇتىندەي ولەدى. 2016 - جىلدان 2018 - جىل ارالىعىندا لوۋ بيڭگان كوپ رەت ۇسىنىس بويىنشا شينجياڭعا كەلگەندە، ول ادامدى اشىندىراتىن ءبىر كورىنىستى كورەدى: بۇتاق قۋراۋ دەرتىنەن قالاي ساقتانۋ - ەمدەۋدى بىلمەگەندىكتەن، كەيبىر جەمىس ەگەتىن ديقاندار نەشە ون جىل ەككەن جەمىس اعاشتارىن كەسىپ تاستاۋعا ءماجبۇر بولادى. بۇرىن المۇرت اعاشى قاۋلاپ وسكەن جەمىس باعى تاپ - تاقىر تىڭ جەرگە اينالادى.
2018 - جىلدىڭ سوڭىندا شينجياڭنان حاڭجوۋعا قايتقان ۇشاقتاعى جابىرقاۋ بەينەسىن لوۋ بيڭگان ماڭگى ۇمىتپايدى: كورلاداعى 100 مۋعا جۋىق جەمىس باعىنداعى المۇرت اعاشى تۇگەلدەي كەسىلدى، ءومىر بويى المۇرت اعاشىن ەككەن جەمىس ءوسىرۋشى وسمان يۇنۇس ءبىر ءۇيلى جاننىڭ تۇتاس جىلدىق ءۇمىتىنىڭ سەلگە كەتكەنىن كورىپ، 70 جاستاعى وسى قاريا ءۇنسىز وتىرىپ كوز جاسىن كولدەتتى... لوۋ بيڭگاننىڭ دا جانارىنان ىستىق جاس توگىلىپ، ىشتەي شينجياڭعا كەلۋگە بەل بايلايدى!
جىجياڭ داشۋەسىنە قايتىپ كەلگەننەن كەيىن، لوۋ بيڭگان مەكتەپ پارتكومىنىڭ ۇيىمداستىرۋ بولىمىنە بارىپ، شينجياڭعا كومەكتەسۋ ءوتىنىشىن تاپسىرىپ، تارىم داشۋەسىنە باعىتتامالى كومەكتەسۋگە بارۋدى وتىنەدى، ونىڭ ءوتىنىشى بەكىتىلەدى.
جوسپار بويىنشا لوۋ بيڭگاننىڭ 2019 - جىلى 5 - ايدا تارىم داشۋەسىنە بارىپ تىزىمدەلۋى كەرەك ەدى، ءبىراق 2 اي بۇرىن شينجياڭعا كەلىپ، جەمىس باعىنىڭ جۇمىسىنا بىردەن كىرىسىپ كەتەدى. ويتكەنى 4 - ايدا العاشقى گۇل اشۋ مەزگىلى بۇتاقتىڭ قۋراۋىنان ساقتانۋ جانە ونى ەمدەۋدىڭ شەشۋشى مەزگىلى ەدى، جەمىس اعاشتارى جونىنەن العاندا، بۇل ”ءومىر - ءولىم ءساتى“ ەسەپتەلەدى.
لوۋ بيڭگان بار كۇش - قايراتىمەن بۇتاقتىڭ قۋراۋ دەرتىمەن شايقاسادى. ول ۇقساماعان جەرلەردىڭ جەمىس باعىنا شاپقىلايدى، قاي جەردە دەرت - دەربەز بولسا، سول جەردە پايدا بولادى؛ شىجىعان ىستىقتا ول ءبىر اعاش ءبىر اعاشتان تەكسەرەدى؛ جەمىس وسىرۋشىلەردىڭ جۇيەلى بولماعان ساقتانۋ - ەمدەۋ ءادىسىن تۇزەتۋ ءۇشىن، قاشاندا جايدارى جۇرەتىن لوۋ بيڭگان باسقالارعا اشۋلانىپ تا قالدى... 3 جىل وتە شىقتى، ول ءوزىنىڭ شينجياڭعا كومەكتەسۋ ۋاقىتىن تاعى دا ۇزارتتى. ول اقىرى شەشۋ جوباسىن تاۋىپ، دەرت - دەربەزدىڭ اعاشتى زيانداۋ جاعدايىن وزگەرتتى ءارى ءبىر توپ جەرگىلىكتى مامانداردى جەتىلدىردى.
ول ”المۇرت پەريزات“ دەپ اتالدى.
حاڭجوۋدان شينجياڭعا دەيىن قىزمەت، تۇرمىس شارت - جاعدايىندا زور پارىق بار، ونىڭ ۇستىنە ونىڭ وتباسىنداعى جۇگى دە اۋىر، 80 − 90 جاستارداعى 4 قارتقا قارايلاسۋعا تۋرا كەلەدى، ءبىراق شينجياڭ وعان مۇقتاج − جەمىس وسىرۋشىلەر ەندى كوز جاسىن توكپەۋى قاجەت.
شينجياڭعا كومەككە كەلگەن كوپتەگەن كادر - دارىندىلار جونىنەن العاندا، ”شينجياڭدىق“ سالاۋاتىمەن شينجياڭدا قامال الۋى، قيىنشىلىقتاردى جەڭۋى، ناقتى ىستەۋى، قاجىرلىلىقپەن ىستەۋى قاشاندا بولماشى ۇساق ىستەر ءۇشىن ەدى. لوۋ بيڭگان جونىنەن العاندا، بۇل ۇساق ءىس جەمىس وسىرۋشىلەردىڭ جىلاۋى بولسا، بەيجيڭنەن شينجياڭعا كومەككە كەلگەن كادر ليۋ لىتيان جونىنەن العاندا، بۇل ۇساق ءىس سۋ ىشكىسى كەلمەيتىن وقۋشىلار ەدى.
2020 - جىلى بەيجيڭنەن شينجياڭعا كومەككە كەلگەن كادر ليۋ لىتيان حوتان قالالىق وقۋ - اعارتۋ مەكەمەسىنىڭ ورىنباسار باستىعىندىق مىندەتكە ىلىنەدى. نەبارى جارىم جىلدان استام ۋاقىتتا ول بۇكىل قالاداعى 200دەن استام مەكتەپتى ارالاپ شىعادى.
اقچال اۋىلدىق باستاۋىش مەكتەپ تاكلاماكان ءشولىنىڭ جيەگىنە ورنالاسقان، حوتان قالا رايونىنان 100 نەشە كيلومەتر شالعايدا. ليۋ لىتيان وقۋشىلاردىڭ سۋ ىشكىسى كەلمەيتىندىگىن بايقايدى. بۇل ءاسىلى سۋدىڭ سورتاڭدىعى جوعارى، كەرمەك بولعاندىعىنان ەكەن.
ونىڭ سايكەستىرۋىمەن، مەكتەپ سۋ تازارتقىش ورناتتى، ۇستەل - ورىندىق، وقىتۋ ءبىر تۇلعالى اپپاراتىن تولىقتادى، سونداي - اق وقىتۋ عيماراتىن سالدى. بالالار اقىرى سۋ ءىشۋدى جاقسى كورەتىن بولدى − مىنە بۇل بالداي ءتاتتى سۋ ەدى.
بالالاردىڭ كۇلىمسىرەگەنى ليۋ لىتيانعا ەڭ ۇلكەن جۇبانىش ەدى، بەيجيڭگە قايتىپ كەلگەننەن كەيىن، ول دوستارىنا ۇنەمى: ”شينجياڭعا كومەكتەسۋ ساپارى − ەسەيۋ ساپارى، تابىس ساپارى، مەيىر ساپارى بولدى“! دەيدى.
شينجياڭعا باعىتتامالى كومەكتەسۋدى تاڭداعاندا، قانداي ناتيجە كورسەتكىشىنەن پايدالانىپ، جاقسى شينجياڭدىق بولۋ كەرەك؟ بۇل شينجياڭعا باعىتتامالى كومەكتەسۋگە كەلگەن ءاربىر توپتاعى ءاربىر ادام ءوزىن - ءوزى تارازىعا سالاتىن ماسەلە.
2022 - جىلى 3 - ايدا جۇڭگو قۇرىلىس بانكەسى اۋىل - قىستاقتى گۇلدەندىرۋ فينانس ءبولىمى تۇعىرىن باسقارۋ باسقارماسىنىڭ باستىعى گو شياۋگۋاڭ شينجياڭعا كەلىپ، شينجياڭ بانكەسى باستىعىنىڭ كومەكشىسى، باس ينفورماتسيا جاۋاپتىسى بولدى. قىسقا عانا ءبىر جارىم جىلدا ول شينجياڭ بانكەسىنىڭ فينانس عىلىم - تەحنيكاسىنىڭ، سيفرلاندىرۋعا قاراي تيپ وزگەرتۋ ۇيىمدىق قۇرىلىمىنىڭ دەڭگەيىن جوعارىلاتۋدى ىلگەرىلەتىپ، شينجياڭ بانكەسىنىڭ سيفرلاندىرۋعا قاراي تيپ وزگەرتۋ باسشىلىق گرۋپپاسىن قۇرىپ، سيفرلى فينانس ءبولىمىن جاڭادان قۇرىپ، عىلىم - تەحنيكا ينفورماتسيا ءبولىمىنىڭ IT قۇرىلىم كەڭسەسىن، سۇرانىسقا تالداۋ جاساۋ جانە سىناۋ ورتالىعىن قۇرىپ، كاسىپ پەن تەحنيكا توعىسقان بەساسپاپ دارىندىلاردى جەتىلدىرۋدىڭ جاڭا ۇلگىسىن ورناتۋ جونىندە ىزدەنىس جاساپ، كەلەلى نىساندارعا مەڭزەس، جەلى اتتاعان، دارەجە اتتاعان ”عىلىم - تەحنيكا + كاسىپ“ يكەمدى ۇجىمىن قۇردى.
”بار ىنتا - پەيىلىممەن شينجياڭعا كومەكتەسۋ قىزمەتىمەن توعىسىپ، شينجياڭ بانكەسىنىڭ فينانس عىلىم - تەحنيكاسىنىڭ دامۋىنا، سيفرلاندىرۋعا قاراي تيپ وزگەرتۋىنە كۇش - قۋاتىمدى ارنايمىن، ءالى دە ۇزدىكسىز قۇلشىنامىن“. شينجياڭعا كومەككە كەلگەننەن بەرى گو شياۋگۋاڭ ءوزىن ۇنەمى وسىلاي شابىتتاندىرىپ كەلەدى.
1997 - جىلدان بەرى پارتيا ورتالىق كوميتەتىنىڭ ءبىر تۇتاس ورنالاستىرۋى بويىنشا، توپ - توبىمەن شينجياڭعا كومەكتەسۋگە كەلگەن كادر - دارىندىلار شينجياڭعا كەلىپ، سوتسياليستىك جۇڭگوعا عانا ءتان شينجياڭعا كومەكتەسۋشى كادر - دارىندىلاردىڭ تيانشان الابىندا ايبىندى داستانىن جازدى. وڭتۇستىك شينجياڭنان سولتۇستىك شينجياڭعا دەيىن، قالادان اۋىل - قىستاققا دەيىن، ۋاقىت قالامى شينجياڭعا كومەككە كەلگەن ءاربىر توپتاعى ءاربىر كادر، دارىندىعا ايقىن جىل شەڭبەرىن سىزىپ جاتقاندا، ءتىپتى دە جاڭا، ءتىپتى دە كوركەم، ءتىپتى دە جاس وتانىمىزدىڭ شينجياڭى ادامداردى شاتتىققا بولەپ، جىگەرلەندىردى. بۇل − شينجياڭعا كومەككە كەلگەن كادر - دارىندىلاردىڭ بار ىقىلاسىمەن قوسقان ۇلەسى، ولار تولاعاي تابىستارىمەن شينجياڭنىڭ شەكسىز بايتاق دالاسىندا تاماشا جاۋاپناما تاپسىردى.
ءبىر نيەتپەن ارمانعا قانات قاعىپ، شينجياڭ ىستەرىن ويداعىداي تىندىردى
الەم بويىنشا ەڭ كەڭ اۋماقتى بايىرعى توراڭعى ورمانى بار شايار اۋدانىندا 10 نەشە جىل بويى بار پەيىلىمەن توراڭعى سىزعان سۋرەتشى ءشىرالي داۋىت شينجياڭعا كومەككە كەلگەن ءاربىر كادر - دارىندىنى قاجىماس قايسار، ءۇن - ءتۇنسىز ءوزىن ارنايتىن توراڭعى دەپ ەسەپتەيدى.
5 - ايدىڭ 16 - كۇنى شايارعا كەلگەننەن كەيىن، شايار اۋداندىق 2 - حالىق شيپاحاناسىنداعى شينجياڭعا كومەككە كەلگەن شيپاگەر ليۋ جيڭ اياعى اياعىنا تيمەي زىر جۇگىردى. ول ينە شانشۋ، قارىپ ەمدەۋ، ءجىپ كومۋ، ۇساق ينە شانشۋ سياقتى جۇڭي تاسىلدەرىمەن ناۋقاس ەمدەۋدىڭ شەبەرى، ”شاراپاتتى ليۋ شيپاگەر“ دەگەن اتاعى شاياردا تارالعاننان كەيىن، ءار كۇنگى قاربالاستىقتان ۇيىندەگىلەرمەن تەلەفوندا سويلەسۋگە دە مۇرشاسى تيمەيتىن بولدى. جازدىق كانيكولدا عانا كۇيەۋى ۋ جىنحۋا ۇلىن ەرتىپ ونى ىزدەپ كەلدى.
ۋ جىنحۋانىڭ سۇيەك اۋرۋلارى ءبولىمىنىڭ تاڭداۋلى شيپاگەرى ەكەندىگىن ەستىگەن شايار اۋداندىق 2 - حالىق شيپاحاناسىنىڭ سۇيەك جاراقاتى سىرتقى اۋرۋلار ءبولىمىنىڭ شيپاگەرى ونى وقىتۋ جانە وپەراتسيا جاعىندا جەتەكشىلىك ەتۋگە ۇسىنىس ەتتى. ”جارايدى! شينجياڭعا كومەككە كەلگەندەردىڭ وتباسىنداعىلار دا شينجياڭعا كومەككە كەلگەن قوسىننىڭ ءبىر مۇشەسى“. ۋ جىنحۋا قۋانا ماقۇل بولادى. ول جياشيڭ قالاسىنىڭ شينجياڭعا كومەكتەسۋ قولباسشىلىق شتابى مەن ارتقى شەپ شيپاحاناسىنا جولداپ ەستەلىككە الدىرادى ءارى تەكسەرىپ بەكىتۋ راسمياتىن بىتىرەدى، ءسويتىپ، تۋىسشىلاي كەلگەن ول اعا وپەراتسياشىعا اينالادى.
كۇرەسپەن وتكەن ۋاقىت بوسقا كەتپەيدى، شۇعىلالى ىستەر ماڭگى جالعاسا بەرەدى.
جاڭا كەزەكتى شينجياڭعا باعىتتامالى كومەكتەسۋ قىزمەتى ورىستەتىلگەننەن بەرى ولكە، قالالاردان ”شينجياڭعا كومەكتەسۋشىلەردىڭ“ قاتارىنا قوسىلعان كادر - دارىندىلاردىڭ قاتارى بارعان سايىن مولايا ءتۇستى. توپ - توبىمەن اۋەلگى ماقساتتىڭ جەتەگىندە، ارمان ارقالاپ، بورىشتى ۇستىنە العان شينجياڭعا كومەكتەسۋشىلەر تۇرلىشە جۇمىس ورىندارىنا بالداي باتقانىمەن، بارلىعىنىڭ كوكەيىندە شينجياڭعا نە ءۇشىن كەلدىم؟ شينجياڭدا نە ىستەيمىن؟ شينجياڭنان كەتكەندە نە قالدىرامىن؟ دەگەن شينجياڭعا كومەكتەسۋدىڭ ورتاق ”3 سۇراۋى“ جاتتى.
شاڭحايدان شينجياڭعا كومەككە كەلگەن كادرلار شاڭحايدىڭ ماركا، بازار، تەحنيكا، باسقارۋ سياقتى جاقتارداعى ارتىقشىلىعىن تولىق ساۋلەلەندىرىپ ءارى قاشقار ايماعىنىڭ ءىرى ماقتا القابى سىندى بايلىق ارتىقشىلىعىن تياناق ەتىپ، شىعىس بولىك وڭىرىندەگى ساپالى توقىماشىلىق، كيىم - كەشەك كاسىپورىندارىن كۇش سالا ەنگىزىپ، كەزدەمە توقۋ كاسىپ سالاسى باقشاسى مەن توقىماشىلىق كاسىپ سالاسى باقشاسىن قۇرىپ، توقىماشىلىق، كيىم - كەشەك كاسىپ سالاسى تىزبەگىن ۇزدىكسىز كەمەلدەندىرىپ، جەرگىلىكتى توقىما، كيىم - كەشەك ءتۇيىندى كاسىپورىندارىن جەتىلدىرىپ، زورايتىپ، توقىماشىلىق، كيىم - كەشەك سىندى ەرەكشە باسىمدىققا يە كاسىپ سالاسى شوعىرىن تۇلعالاۋدى ىلگەرىلەتتى.
”مەن وتباسى ايەلىنەن كاسىپ سالاسى جۇمىسشىسىنا اينالدىم، بۇل شاڭحايدان شينجياڭعا كومەككە كەلگەن كادرلاردىڭ كومەگىنىڭ ارقاسى“. ياركەن اۋداندىق توقىماشىلىق، كيىم - كەشەك كاسىپ سالاسى باقشاسىنداعى امانگۇل ازەز ءوندىرىس كەزەكشىلىگىنىڭ بانجاڭدىعىنا سايلانىپ، ءبىر باندەگى 96 توقىما جۇمىسشىسىن باسقارىپ وتىر.
بيىل 11 - توپتا شاڭحايدان شينجياڭعا كومەككە كەلگەن كادر - دارىندىلار قاشقارعا جەتكەننەن كەيىن، شينجياڭعا كومەككە كەلگەن 169 كادر - دارىندى بارعان جەرىنە بالداي باتىپ، سۋداي ءسىڭىپ، جاڭا ورىنعا تەز ۇيلەسىپ، كوپتەگەن ”تۇڭعىش رەتكىلەر“، ”تۇڭعىش جارىققا شىعارۋلار“ ارقىلى وڭتۇستىك شينجياڭنىڭ جوعارى ساپالى دامۋداعى قيىن ماسەلەلەردى شەشىپ، شينجياڭعا 3 جىل كومەكتەسۋدىڭ العاشقى قادامىن باستى.
قازىر شاڭحايدىڭ قاشقار ايماعىنا باعىتتامالى كومەكتەسۋ جوسپارى بويىنشا 94 نىسان ورنالاستىرىلىپ، 84 نىسان جۇمىس باستادى. شاڭحايدىڭ شينجياڭعا كومەكتەسەتىن كاسىپورىندارىنا جانە قارجى قوسۋ ويى بار كاسىپورىندارعا قىزمەت وتەۋ، بايلانىس جاساۋ قىزمەتىن ويداعىداي ىستەۋ ءۇشىن، شاڭحاي شينجياڭعا كومەكتەسۋ بويىنشا تۇڭعىش رەت كاسىپ سالاسى ارقىلى شينجياڭعا كومەكتەسۋدىڭ ”باس قىزمەت وتەۋشى“ ءتۇزىمىن العا قويىپ، ”X+5“ قىزمەت مەحانيزمى ارقىلى كاسىپورىندارعا قىزمەت وتەۋدى تىڭعىلىقتى ساپالىلاندىرىپ، شاڭحاي كاسىپورىندارىنىڭ شەكارا بويىن اشۋعا جانە اۋىل - قىستاقتى گۇلدەندىرۋگە ات سالىسۋىنا، قاشقار ايماعىنىڭ ەكونوميكاسىنىڭ، قوعامىنىڭ جوعارى ساپالى دامۋىنا ويداعىداي ”داياشى“ بولدى.
”شاڭحايدان شينجياڭعا كومەككە كەلگەن كادرلار اسقاق سەزىمگە تولى، جاسامپازدىققا باي، باتىلدىقپەن جاۋاپكەرشىلىك ارقالاي بىلەدى، ءبىز ۇستا رۋحىمەن كومەكتەسىپ سالىپ بەرەتىن نىسانداردى ويداعىداي يگەرەمىز“، - دەدى شاڭحاي قالاسىنىڭ 11 - توپتاعى شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابىنىڭ باس قولباسشىسى مىڭ چيڭيۋان.
ىسكەرلىك كورسەتكەندە عانا، شىنايى جاۋاپكەرشىلىك ارقالاۋعا بولادى، جاۋاپكەرشىلىك ارقالاعاندا عانا شىنايى سۇيىسپەنشىلىك بولادى. شينجياڭعا كومەككە كەلگەن كادر - دارىندىلار ”شينجياڭنىڭ ەسىگىنەن اتتاساڭ - اق، شينجياڭدىق ەسەپتەلەسىڭ“ دەپ ساناپ، قىزمەت جاعىندا بارلىعى ايرىقشا تەبىن بايقاتتى: شينجياڭعا كومەكتەسۋدىڭ شەكتى ۋاقىتىندا، كومەككە يە بولعان جەرلەرگە اناعۇرلىم كوپ ءىس ىستەپ بەردى، اناعۇرلىم زور رول اتقاردى.
التاي ايماعىنىڭ بۋرىلتوعاي اۋدانى كولدىڭ اتىمەن اتالىپ، جابايى بالىقپەن اتى ايگىلى بولعان. شىنىن قۋعاندا، بۋرىلتوعاي اۋدانىنىڭ وسى زامانعى بالىق شارۋاشىلىعىنىڭ ىشكەرىلەي دامۋىن حيلۇڭجياڭ ولكەسىنىڭ كاسىپ سالاسى ارقىلى شينجياڭعا كومەكتەسۋىنىڭ دەم بەرۋىنەن جانە شينجياڭعا كومەكتەسۋ كاسىپتىك تەحنيكالىق دارىندىلارىنىڭ جۇرەك قانىنان بولە قاراۋعا بولمايدى.
2020 - جىلى كوكتەمنىڭ ورتا شەنى، جيڭ شىڭتيان بۋرىلتوعاي اۋدانىنىڭ اۋىل شارۋاشىلىعى، اۋىل - قىستاق مەكەمەسىنىڭ سۋ ونىمدەرى تەحنيكاسىن جالپىلاستىرۋ پۋنكتىنە كەلگەن ەكىنشى كۇنى - اق، بۋرىلتوعاي اۋدانىنداعى ايگىلى، ساپالى بالىق تۇرلەرى ۋىلدىرىعىن ءوسىرۋ بازاسىنا كەلىپ، جاساندى جولمەن بالىق تۇقىمىن جەتىلدىرۋ جاعدايىن ۇعىسادى. كوكتەمنىڭ ىزعارلى سۋىعىندا ول ءبىر اي شاپقىلاپ، بۇكىل اۋدانداعى ءبىر ميلليون 700 مىڭ مۋ سۋ ايدىنىنا بالىق جىبەرىپ ءوسىرۋ جاعدايىن العاشقى ادىمدا يگەرەدى.
بۇل 3 جىلدىق شينجياڭعا كومەكتەسۋ ساپارىنىڭ باستاماسى عانا ەدى. سودان كەيىن بۋرىلتوعاي اۋدانىنداعى ۇلكەندى - كىشىلى بالىق باعىمشىلىق الاڭىنىڭ بارىنەن جيڭ شىڭتياندى كەزىكتىرۋگە بولاتىن بولدى: باعىمشىلىق وتباسىلارىنىڭ ءوندىرىس بارىسىندا جولىققان قيىن ماسەلەلەرىن شەشىپ، ولاردىڭ ءونىم مولشەرىنىڭ جوعارى - تومەن بولۋ سەبەبىنە تالداۋ جاساپ، كەلەر جىلعى وندىرىسكە تاجىريبە توپتاۋىنا كومەكتەستى...
بيىل شينجياڭعا كومەكتەسۋ ۋاقىتى تولۋعا تاياعان سايىن، جيڭ شىڭتيان ونان ارمان ۋاقىتپەن جارىسا ءتۇستى. ول تەكسەرۋشى قىزمەتكەردى ەرتىپ تاڭ اتقاننان كەش باتقانعا دەيىن، كۇندىز بالىق الاڭىنا بارسا، تۇندە ساندى مالىمەت ەنگىزەدى، ول بۋرىلتوعايعا بالىق شارۋاشىلىعىنا ءتيىمدى تەحنيكا، بالىق شارۋاشىلىعىن دامىتۋ وي جەلىسىن، ءبىر توپ سۋ ونىمدەرى تەحنيكاسىن جالعاستىراتىن دارىندىلاردى قالدىرماقشى بولادى.
”مەن شارشامادىم، قىزمەتتەستەرىممەن تىزە قوسا شايقاس جاسايمىن“! شينجياڭعا كومەكتەسۋ ۋاقىتى تولىپ تۋعان جەرى حىبەي ولكەسى لاڭفاڭ قالاسىنا قايتىپ كەتكەن شينجياڭعا كومەككە كەلگەن شيپاگەر گاۋ چاڭشۇيدىڭ شينجياڭعا كومەكتەسۋ كەزىندە ايتقان ءبىر اۋىز ءسوزى ءالى كۇنگە دەيىن يانجي حۇيزۋ اۆتونوميالى اۋداندىق حالىق شيپاحاناسىنداعى قىزمەتتەستەرىنىڭ ەسىنەن كەتپەيدى.
گاۋ چاڭشۇي مەن ءوزى سياقتى شيپاگەر ايەلى ”شينجياڭعا كومەكتەسۋشى ەرلى - زايىپتىلار“ اتالعان، ايەلى 2017 - جىلدان 2019 - جىلعا دەيىن شينجياڭعا كومەكتەستى، ول ايەلىنىڭ ورنىنا كەلگەندە ىندەت جاعدايى اسقىنعان كەز ەدى. ىندەتكە توتەپ بەرۋدىڭ ەڭ جاپالى كەزىندە ول شيپاحانادا جاتىپ، 24 ساعات بارلىق جاعدايدا كەزەكشىلىك ورنىنان تاپجىلمادى. شينجياڭنىڭ كليماتى قۇرعاق بولعاندىقتان، ونىڭ كوزى قانتالاپ، ەرىنى جارىلىپ قان اعىپ، تاماعى ءبىتىپ قالادى. شيپاحانا باسشىلارى ونى دەم الۋعا ءناسيحاتتاعاندا، ول ەشقانداي ويلانباستان جوعارىداعى ءبىر اۋىز ءسوزدى ايتادى.
جاي كوزگە قاراپايىم كورىنگەنىمەن، بۇل ەرەك - تى، ىسكە اسىرۋ وڭاي سەزىلگەنىمەن، ماشاقاتى بولەك - تى.
تۇڭ جيانچياڭ قاتىناس - تاسىمال مينيسترلىگى جوبالاۋ اكادەمياسىنىڭ سۋ تاسىمالى بولىمشەسىنىڭ ورىنباسار باستىعى، 3 جىلدىڭ الدىندا ول شينجياڭعا كەلىپ اۆتونوميالى رايوندىق قاتىناس - تاسىمال مەڭگەرمەسى جالپىلىق جوبالاۋ باسقارماسىنىڭ ورىنباسار باستىعى مىندەتىن ارقالايدى.
جوبالاۋ − شينجياڭنىڭ تاس جول ىستەرىنىڭ جوعارى ساپالى دامۋىنداعى ماڭىزدى ءبىر بۋىن، شينجياڭنىڭ جول تورابى جاعدايىن ءبىلۋ ءۇشىن، تۇڭ جيانچياڭ ۇنەمى ءبىرىنشى شەپكە بارىپ كوپىرلەردى، تۋنەلدەردى، تاس جولداردى كورەدى، جارعاق قۇلاعى جاستىققا تيمەي اۆتونوميالى رايوننىڭ جالپىلىق ستەرەولدى قاتىناس تورابى جوباسى، تاس جول تورابى جوباسى، ولكە جولى تورابى جوباسى، ”14 - بەسجىلدىق“ دامۋ جوباسى سياقتى ءار دارەجەدەگى جوبانى زەرتتەۋ، جاساۋ قىزمەتىن ىلگەرىلەتتى.
3 جىلدىق شينجياڭعا كومەكتەسۋ كەزىندە تۇڭ جيانچياڭ شينجياڭنىڭ تاۋ - وزەندەرىن ارالاپ، جوبانى جىل سايىن ناقتى تياناقتاندىرىپ، G314 جەلىسى بۇلۇڭكولدەن حونچيراپقا دەيىنگى تاس جول سالىنىپ ىسكە قوسىلدى، شينجياڭعا كىرىپ - شىعاتىن 2 - تاس جول ۇلكەن ارناسى − G7 جەلىسى بەيجيڭ − شينجياڭ جوعارى قارقىندى تاس جولىنىڭ تۇتاس جەلىسى تۇتاستى... ”بۇدان كەيىن مەن تاعى دا شينجياڭنىڭ قاتىناس - تاسىمال قىزمەتىنە وزىندىك ۇلەسىمدى قوسامىن، ويتكەنى مەن الدەقاشان شينجياڭدى ەكىنشى اتا مەكەنىم دەپ ەسەپتەگەنمىن“.
ادال نيەتىنەن ماڭگى وزگەرمەدى.
سوڭعى جىلدارى شينجياڭعا كومەككە كەلگەن كادر - دارىندىلار يدەيانى ازات ەتۋگە، ءورىس اشا جاڭالىق جاراتۋعا تاباندى بولىپ، ىشكەرىلەي تەكسەرۋ، زەرتتەۋ جۇرگىزىپ، ويداعىداي اقىلشى، كومەكشى بولىپ، نازاريادا جاڭالىق اشۋدى، قىزمەتتە جاڭالىق اشۋدى، امالياتتا جاڭالىق اشۋدى، تۇزىمدە جاڭالىق اشۋدى بار كۇشپەن ىلگەرىلەتىپ، ءتۇرلى قىزمەتتە تىڭ ساتىعا قادام تاستاۋدى جەبەدى. سونىمەن بىرگە وزىندىك باسىمدىقتى ساۋلەلەندىرىپ، بەلسەندىلىكپەن دانەكەر، كوپىر بولىپ، شينجياڭ ىقىلاسىن ويداعىداي نىعايتتى.
كوممۋنيستىك جاستار وداعى ورتالىق كوميتەتىنەن شينجياڭعا كومەككە كەلگەن كادر، شينجياڭ ءوندىرىس - قۇرىلىس بيڭتۋانى وداق كوميتەتىنىڭ ورىنباسار شۋجيى ەركىنجان ابىلەت جوعارى مەكتەپ وقۋشىلارىنىڭ ەرىكتى قىزمەت وتەۋى باتىس بولىك جوسپارىنىڭ ساپاسىن جوعارىلاتىپ، مازمۇنىن كەڭەيتىپ، 3 جىلدا جالپى 11 مىڭ 500دەن استام جوعارى مەكتەپ وقۋشىسىن بيڭتۋانعا قىزمەت وتەۋگە ۇيىمداستىردى، 2023 - جىلى اتقارىلۋ كولەمى جوسپارداعىدان 5000 ادام ارتىپ، تاريحتاعى تىڭ دەڭگەيدى جاراتتى.
ەكولوگيالىق ورتا مينيسترلىگىنەن شينجياڭعا كومەككە كەلگەن كادر ۋىن ۋىن بار كۇشىمەن شينجياڭ حالىقارالىق ۇلكەن بازارى سياقتى كوپتەگەن ساۋدا شەڭبەرىنىڭ دارەجەسىن ءوسىرۋدى جانە كوشە اۋماعىن جاڭالاۋدى كۇش سالا ىلگەرىلەتىپ، ساياحات كاسىبىنىڭ، كوڭىل اشۋ ساۋدا كاسىبىنىڭ، مادەنيەت ساۋدا كاسىبىنىڭ، تۇنگى ەكونوميكا كاسىپ سالاسىنىڭ ءوزارا تۇتاسۋىن، ءوزارا ىقپالداستىعىن كۇشەيتىپ، ”مادەنيەت، ساياحات، ساۋدا ءبىر تۇلعالانعان“ توعىسپالى دامۋدى جەبەدى.
مادەنيەت جانە ساياحات مينيسترلىگىنەن شينجياڭعا كومەككە كەلگەن كادر، شينجياڭ ءوندىرىس - قۇرىلىس بيڭتۋانى مادەنيەت، دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى جاڭ جيننيڭ باس بولىپ بيڭتۋاننىڭ مەملەكەت مەنشىگىندەگى ادەبيەت - كوركەمونەر ۇيىرمەسى رەفورماسىن تەرەڭدەتۋدى اتقارۋ پىكىرىن جانە قاتىستى سايكەستى تۇزىمدەردى جاساپ، شابىتتاندىرۋ، قامتاماسىزداندىرۋ مەحانيزمىن كەمەلدەندىرىپ، ءارقايسى ۇيىرمەنىڭ ىشكى قوزعاۋشى كۇشىن جانداندىردى.
اعايىندىلار نيەتتەس بولسا، الىنباس قامال جوق.
شينجياڭعا كومەكتەسۋشى كۇشتەرىنىڭ نازارىندا، شينجياڭعا باعىتتامالى كومەكتەسۋ − شينجياڭنىڭ قاجەتى ءارى باسقا وڭىرلەردىڭ دە قاجەتى، شينجياڭنىڭ سالىستىرمالى باسىمدىعىن جانە كەيىن دامۋ باسىمدىعىن ساۋلەلەندىرۋگە ءتيىمدى بولىپ قانا قويماي، بۇكىل ەلدىڭ دامۋىنىڭ بازار كەڭىستىگىن جانە مۇمكىندىگىن اشۋعا دا ءتيىمدى.
ۋاڭ ۋي قوعام حاۋىپسىزدىگى مينيسترلىگى ەسىرتكىگە تيىم سالۋ مەكەمەسى حالىقارالىق سەلبەستىك باسقارماسىنىڭ حالىق ساقشىسى، 2020 - جىلى قىزىلسۋ قىرعىز اۆتونوميالى وبلىستىق قوعام حاۋىپسىزدىگى مەكەمەسىنە كەلىپ شينجياڭعا كومەكتەسۋ جولىن باستايدى.
ەسىرتكىنىڭ كەلۋ قاينارىن ىشكەرىلەي اشۋ بارىسىندا ۋاڭ ۋي ءارقانداي دەرەكتى قولدان جىبەرمەي، قىزىلسۋ وبلىسىنان ۇرىمجىگە دەيىن، ودان حيلۇڭجياڭ ولكەسىنىڭ جاۋدۇڭ قالاسىنا دەيىن وكشەلەي قۋىپ بارىپ، ۇزاق ۋاقىت ولكە اتتاپ ەسىرتكى ساۋدالاعان توپتى ءبىر جولدا تالقاندايدى.
ەسىرتكىگە تيىم سالۋدى ۇگىتتەۋ جانە الدىن الۋ قىزمەتىنىڭ ماڭىزدىلىعىن ابدەن بىلەتىن ۋاڭ ۋي 2021 - جىلى جازعى دەمالىستا قىزىلسۋ وبلىسىنىڭ ورتا - باستاۋىش مەكتەبىندەگى 20 وقۋشىنى ەرتىپ بەيجيڭگە كەلىپ، ”قىزىلسۋ وبلىسى ورەندەرىنىڭ ەسىرتكىگە تيىم سالۋ ساپارى“ قيمىلىن ورىستەتتى.
شينجياڭعا كومەكتەسكەن مەزگىلدە، عىلىم - تەحنيكا مينيسترلىگىنىڭ شينجياڭعا كومەككە كەلگەن كادرى چىن رۋبياۋ ءوزىنىڭ ارتىقشىلىعى مەن كوپىرلىك، دانەكەرلىك رولىن ساۋلەلەندىرىپ، اقسۋ ارال جوعارى، جاڭا تەحنيكالىق كاسىپ سالاسىن اشۋ رايونى سياقتىلاردىڭ ءساتتى بەكىتىلۋىن جەبەپ، مەملەكەتتىك ءتۇيىندى تاجىريبەحانانىڭ جانە وڭتۇستىك شينجياڭداعى مەملەكەتتىك جوعارى، جاڭا تەحنيكالىق رايوننىڭ اقتاڭداعىن تولتىرۋدى جۇزەگە اسىردى.
شينجياڭنىڭ 14 ايماق، وبلىس، قالاسىنداعى 50 نەشە اۋدان، قالادا ءىزى قالدى؛ 19 تەكسەرۋ - زەرتتەۋ ماتەريالىن جازىپ، مال كوڭىن، ءۇي قۇسى ساڭعىرىعىن بايلىققا اينالدىرىپ پايدالانۋ قۇرىلىسى نىسانىنان 14ىن باستاماشىلدىقپەن ورىندادى... اۋىل شارۋاشىلىعى، اۋىل - قىستاق مينيسترلىگى مال شارۋاشىلىعى، مال شيپاگەرلىگى مەكەمەسىنىڭ شينجياڭعا كومەككە كەلگەن كادرى حۋ يكۇن شينجياڭنىڭ مال شارۋاشىلىعىنىڭ جوعارى ساپالى دامۋىنا تىنباي ۇلەس قوستى.
شينجياڭعا كومەكتەسكەن 3 جىلدا، شينجياڭعا كومەككە كەلگەن كادر - دارىندىلار كومەك قابىلداعان جەردى ەكىنشى اتا مەكەنى ساناپ، بارلىعى دانەكەر بولۋعا، بارلىعى ساۋداگەر شاقىرۋشى بولۋعا ۇمتىلدى.
شينجياڭعا كومەككە كەلگەن كادر - دارىندىلار مادەنيەتتە شىنايى مويىنداۋدى كۇشەيتۋدى، ارالاسۋدى، ىشتەسۋدى، توعىسۋدى جەبەۋدى ۇلتتار ىنتىماعىن بەكەمدەۋدىڭ، جۇڭحۋا ۇلتى ورتاق تۇلعا تانىمىن بەرىك ورناتۋدىڭ ماڭىزدى ءتاسىلى ەتۋگە تاباندى بولىپ، 15 ميلليارد يۋاننان استام شينجياڭعا كومەكتەسۋ قاراجاتىن ورنالاستىرىپ، شينجياڭدى مادەنيەتپەن نارلەندىرۋ جانە ارالاسۋ، ىشتەسۋ، توعىسۋ نىسانىنان 1833ىن اتقاردى. شينجياڭنىڭ شينجياڭعا كومەكتەسەتىن ولكە، قالالارمەن بارىس - كەلىسى، اۋىس - كۇيىسى قويۋلاپ، سۇيىسپەنشىلىكتەرى بارعان سايىن جاقىنداپ، اناردىڭ دانىندەي تىعىز ۇيىستى.
شينجياڭعا كومەكتەسكەن 3 جىلدا، ءارقايسى ولكە، قالالاردىڭ شينجياڭعا كومەككە كەلگەن كادر - دارىندىلارى كومەك قابىلداعان جەرلەردىڭ بايلىق ارتىقشىلىعى مەن وڭىرلىك ورىن باسىمدىعىن تياناق ەتىپ، بايلىقتى ورنالاستىرۋدى كۇشەيتىپ، كاسىپ سالالارىن عىلمي ورنالاستىرىپ، وسى زامانعى كاسىپ سالاسى جۇيەسىن كۇشتى شوعىرلاندىرا تۇلعالاپ، وڭىردەگى كاسىپ سالالارىنىڭ سايكەستى دامۋىن جەبەدى.
”ارقالاي الساق ءوزىمىز ارقالايمىز، ءبىز قانشالىقتى قاربالاس بولساق، شينجياڭعا كومەكتەسۋ ىستەرىنىڭ دامۋى سونشالىقتى جاقسى بولادى“، - دەدى شينجياڭعا كومەكتەسكەن كەزىندە سانشي ولكەسىنىڭ 4 - توپتا شينجياڭعا باعىتتامالى كومەكتەسكەن كاسىپتىك تەحنيكالىق دارىندىسى، سانشي داشۋەسى تاريح، مادەنيەت شۋەيۋانى ساياحات باسقارۋ ماماندىعىنىڭ وقىتۋشىسى جاڭ حۇڭيان. ”سانشي − شينجياڭ سۇيىسپەنشىلىگى. سانشي − سانجى ساپارى“ شينجياڭدى مادەنيەتپەن نارلەندىرۋ سياقتى قيمىلداردى ۇيىمداستىرۋعا ات سالىسۋ بارىسىندا، قاربالاس جۇرگەن ول: ”فىنحى وزەنىنىڭ سۋىمەن تيانشاندى نارلەندىرەتىن“ سانشيدىڭ مادەنيەت - ساياحات جاعىندا شينجياڭعا كومەكتەسۋ ىستەرىن ويداعىداي ىستەسەك، قانشالىقتى قاربالاس بولساق تا، قانشالىقتى شارشاساق تا تاتيدى دەپ قارايدى.
3 جىلدىڭ الدىندا شينجياڭعا كومەككە كەلگەن كادر - دارىندى رەتىندە، جۇڭگو ەنەرگيا ۇنەمدەۋ، قورشاعان ورتانى قورعاۋ توبى شەكتى سەرىكتەستىگىنە قاراستى جۇڭگو گەولوگيالىق ينجەنەريا توبى شەكتى سەرىكتەستىگى پارتكومىنىڭ مۇشەسى، ورىنباسار باس ديرەكتور فان لياڭ شينجياڭعا كەلىپ شينجياڭ جاڭا ەنەرگيا (توبى) شەكتى جاۋاپكەرشىلىك سەرىكتەستىگىنىڭ ەنەرگيا ۇنەمدەۋ، قورشاعان ورتانى قورعاۋ باس باقىلاۋشىسى بولدى.
قورشاعان ورتانى قورعاۋ بولىگىن ۇيىمداستىرۋدان كاسىپ سالالارى قۇرىلىمىن رەتتەۋگە، ونان نازاردى اۆتونوميالى رايوننىڭ جاسىل كاسىپ سالالارىن دامىتۋ تالابىنا شوعىرلاندىرۋعا دەيىن، فان لياڭ شينجياڭداعى ءار ۇلت كادر، جۇمىسشى - قىزمەتكەرلەرىمەن كومەكتەسۋ - سۇيەمەلدەۋ جۇبىن قۇراپ، قولما - قول تەحنيكا ۇيرەتىپ، كاسىپ ۇيرەتىپ، باسقارۋدى ۇيرەتىپ، ”قان قۇيۋدى“ ”قان جاساۋعا“ اينالدىرىپ، بەلسەندى تۇردە شينجياڭ جاڭا ەنەرگيا (توبى) شەكتى جاۋاپكەرشىلىك سەرىكتەستىگىنە ساياسيدا شىڭدالعان، تەحنيكاعا جەتىك، كاسىپكە ىسىلعان كادر، جۇمىسشى - قىزمەتكەرلەر قوسىنىن قالدىرىپ، شينجياڭنىڭ ەنەرگيا ۇنەمدەۋ، قورشاعان ورتانى قورعاۋ ىستەرىنىڭ دامۋىنا بۇكىل ىنتا - پەيىلىمەن ۇلەس قوستى.
فۋجيان ولكەسىنىڭ شينجياڭعا كومەككە كەلگەن كادر - دارىندىلارى نازاردى ءتۇيىندى كاسىپ سالالارىنا كولەمدى، قۋاتتى كاسىپورىن ەنگىزۋگە جانە تىزبەكتى تولىقتاۋعا، تىزبەكتى كۇشەيتۋگە شوعىرلاندىرىپ، فۋجيان مەن سانجى كاسىپ سالالارىنىڭ ىستەستىك كەڭىستىگى مەن كومەسكى كۇشىن تەرەڭدەي كادەگە جاراتتى، سونداي - اق تۇيىندە تۇرىپ ساۋداگەر شاقىرۋ، باعىتتامالى ساۋداگەر شاقىرۋ، ساۋدا ارقىلى ساۋداگەر شاقىرۋ، بىرلەسىپ ساۋداگەر شاقىرۋ، ينتەرنەت جەلىسىندە ساۋداگەر شاقىرۋ سياقتى كوپتەگەن تاسىلدەر ارقىلى اناعۇرلىم كوپ جاقسى نىسانداردى، ءىرى نىسانداردى سانجى حۇيزۋ اۆتونوميالى وبلىسىنا تياناقتاندىرۋعا قۇلشىندى.
...
شينجياڭداعى 3 جىلدا شينجياڭعا كومەككە كەلگەن كادر - دارىندىلار ءبىر كۇندى دە بوس جىبەرگىسى كەلمەي ساياسات، كاسىپ سالاسى، نىسان، قارجى سياقتى جاقتاردان شينجياڭعا پارمەندى قولداۋ جانە كومەك كورسەتىپ، مۇمكىندىگى جوق تالايلاعان ىستەردى مۇمكىندىككە اينالدىردى. ”ماڭگى شينجياڭ ىستەرىنە قىزمەت وتەۋشى، ۇگىتشى جانە بايلانىسشىسى بولامىز“، ”شينجياڭعا كومەكتەسكەندىگىمىزگە وكىنبەيمىز، ويتكەنى ءبىز بالىق پەن سۋداي ەتەنەمىز“، ”شينجياڭعا كومەكتەسۋ ءومىر بويى ماقتان ەتەرلىك ءىس“، شينجياڭعا كومەكتەسۋ جونىندەگى ەكپىندى دە پارمەندى سوزدەر شينجياڭداعى ءار ۇلت حالقىنىڭ جۇرەگىنە جىلۋ سيلادى.
تيانشانمەن كوڭىل توعىستىرىپ، شينجياڭمەن ويداعىداي قاۋىشتى
”ماۋ شيپاگەر“ − بۇل حۋنان ولكەسىنەن شينجياڭعا كومەككە كەلگەن ەمدەۋ قىزمەتكەرلەرىنىڭ ورتاق اتاۋى.
2022 - جىلدىڭ سوڭىندا حۋنان ولكەسىنەن شينجياڭعا كومەككە كەلگەن ەمدەۋ اترەتىنىڭ شيپاگەرلەرى 94 جاستاعى ءبىر ۇيعۇر اجەيگە جۇرەككە تىرەۋ قويۋ وپەراتسياسىن جاسادى، بۇل حاۋىپ - قاتەرى وتە زور وپەراتسيا ەدى. اجەي ەسىن جيعاننان كەيىن، شينجياڭعا كومەككە كەلگەن شيپاگەرلەردى ”ماۋ شيپاگەر“ دەپ اتاۋدى قويمادى، باستابىندا شيپاگەرلەر ءوزىن تانىستىرعاندا ناۋقاس انىق ەستىمەي قالعان ەكەن دەپ، تالاي رەت تۇزەتسە دە اجەي اتاۋىن وزگەرتپەدى.
”سىزدەر ءتوراعا ماۋ زىدۇڭنىڭ اۋىلىنان كەلگەن شيپاگەرسىزدەر، سىزدەردى پارتيا بىزگە قارايلاسۋعا جىبەرگەن“، - دەدى اجەي رياسىز كوڭىلمەن. ول ساۋىققاننان كەيىن شينجياڭعا كومەككە كەلگەن شيپاگەرلەردىڭ حۋنانعا قايتىپ كەتۋىنەن الاڭداپ، ۇنەمى شيپاحاناعا كەلىپ ولاردىڭ قاشان كەتەتىندىگىن سۇراستىرىپ ءجۇردى، ول ”ماۋ شيپاگەر تۇرپاندا ماڭگى قالادى، كەتپەيدى“ دەگەن جاۋاپ الدى.
حۋناننىڭ جاڭا ءبىر توپتاعى شينجياڭعا كومەكتەسەتىن شيپاگەرلەرى شينجياڭعا كەلگەننەن كەيىن، ”ماۋ شيپاگەر“ ماركاسىن تۇلعالاۋدى ۇيعاردى. شينجياڭعا كومەكتەسەتىن شيپاگەرلەر اۋىسىپ تۇرعانىمەن ”ماۋ شيپاگەر“ تۇرا بەرەدى.
3 جىلدىق شينجياڭعا كومەكتەسۋ جولى شينجياڭعا دەگەن ومىرلىك سۇيىسپەنشىلىك!
التىن كۇزدەگى سانجى حۇيزۋ اۆتونوميالى وبلىسى شونجى اۋدانىنىڭ جانبۇلاعى، ورىلىپ بولعان ءبيداي اتىزى اسپان مەن جەر اراسىندا كەرەمەت كوركەم التىن سارى ءتۇس قالىپتاستىردى. «شينجياڭعا كومەككە كەلگەن كادرلار» اتتى كينو وسى ارادا تۇسىرىلگەن بولاتىن.
بۇل كينو فۋجيان ولكەسىنىڭ 2 - توپتا شينجياڭعا كومەككە كەلگەن كادرلارىنىڭ باس جەتەكشىسى ۋ يۇيحۇيدىڭ داڭقپەن ”بەس ءبىر ينجەنەرياسى“ سيلىعىنا يە بولعان اتتاس رومانىنان وزگەرتىلگەن، بۇل تامىرىن شينجياڭنان العان، تەرەڭ مانگە يە تاڭداۋلى تۋىندى، شينجياڭعا كومەككە كەلگەن كادرلار مول سۇيىسپەنشىلىكپەن جازعان شينجياڭعا كومەكتەسۋ حيكاياسى. حيكايا ورتالىقتىڭ شينجياڭعا باعىتتامالى كومەكتەسۋ قىزمەتى ستراتەگيالىق ورنالاستىرۋىن اتقارعاندىعىن كىرىسۋ ءتۇيىنى ەتىپ، ءبىر قىدىرۋ جاندى دا اسەرلى حيكايالار، جايساڭ دا جارقىن قۇبىلمالى وقيعا جەلىسى ارقىلى شينجياڭعا كومەكتەسۋشى ءبىر توپ كادرلاردىڭ ”ارمانعا قانات قاققاندار“ وبرازىن سومداپ، شينجياڭعا كومەككە كەلگەن كادرلاردىڭ مەملەكەتتىڭ مۇددەسىن نىسانا، ۇلەس قوسۋ رۋحىن تالپىنىس ەتىپ، كىشى وتباسىن قويا تۇرىپ، ۇلكەن شاڭىراقتى ويلاپ، ەرلىكپەن جاۋاپكەرشىلىك ارقالاپ، قالتقىسىز ۇلەس قوسقان تاڭداۋلى قاسيەتىن اسقاق سەزىممەن كەسكىندەيدى. 2013 - جىلى «شينجياڭعا كومەككە كەلگەن كادرلار» شينجياڭ حالىق باسپاسىنان باسىلىپ شىقتى، سونداي - اق حانزۋشا، ۇيعۇرشا، قازاقشا 3 ءتۇرلى جازۋدا تاراتىلىپ، قىسقا عانا جارتى جىلدا تارالىمى 100 مىڭ دانادان استى.
ۋ يۇيحۇي دا «شينجياڭعا كومەككە كەلگەن كادرلار» فيلمىن كەسكىنگە الۋدى باستاۋ سالتىنا كەلدى، كەزىندە شينجياڭعا كومەكتەسكەن كادر رەتىندە، ول سانجى وبلىسىندا 3 جىل قىزمەت ىستەدى، تۇرمىس كەشىردى. نە ءۇشىن وسىنداي حيكايا جازدىڭىز دەگەن سۇراۋ جونىندە ۋ يۇيحۇي بىلاي دەدى: ”شيجياڭعا كومەكتەسۋ اياقتاپ فۋجيانعا قايتىپ بارعاننان كەيىن، مەن شينجياڭعا كومەكتەسۋ قىزمەتىن قانداي تاسىلمەن ۇزدىكسىز جالعاستىرۋعا بولاتىندىعى جونىندە وي جۇگىرتتىم، مەن شينجياڭعا كومەكتەسكەن مەزگىلدەگى اڭگىمەلەردى جۇرەگىممەن، سۇيىسپەنشىلىگىممەن ەستەلىككە الۋدى ءجون كوردىم“.
«شينجياڭعا كومەككە كەلگەن كادرلار» كينوسىنىڭ باس جوبالاۋشىسى ۋ زىڭحۇڭ كەزىندە ورتالىقتاعى مەملەكەت ورگاندارىنان 8 -، 9 - توپتا شينجياڭعا كومەككە كەلگەن كادر، شينجياڭعا ءۇرتىس 6 جىل كومەكتەسكەن. 2020 - جىلى 9 - ايدا شينجياڭعا كومەكتەسۋدى اياقتاتىپ ورتالىق ورگانىنا قايتىپ كەلگەننەن كەيىن، شينجياڭ ءۇشىن ۇزدىكسىز از دا بولسا ناقتى ءىس ىستەۋدى ەسىنەن شىعارمادى، قويۋ سۇيىسپەنشىلىكتىڭ تۇرتكىسىندە، ول تاعى «شينجياڭعا كومەككە كەلگەن كادرلار» اتتى كينوعا «بايتاق دا كورىكتى شينجياڭ» ءانىنىڭ مۋزيكاسىن، ءسوزىن جازادى.
”تاعدىرلاسپىز، جولىمىز دا جالعاسقان، مەكەن ورتاق، ورتاق ءارى ايلى اسپان“.
ۇزاق ۋاقىت شينجياڭدا تۇرۋدى تاڭداعاندار دا بولدى.
ۋاڭ شين، جياڭسۋ ولكەلىك جوعارى حالىق سوتى مەكەمەسىنەن شينجياڭعا كومەككە كەلگەن كادر، ىلە قازاق اۆتونوميالى وبلىسى سىندى وسى ىرىستى جەرگە العاش قادام باسقاندا، ءبىر جىلدىڭ ىشىندە 800گە تاياۋ حۇجاتتى قاراپ بەكىتىپ، 100گە تارتا قىم - قۋىت، كۇردەلى دەلونى ءبىتىردى. كەيىن ونىڭ بىتىرگەن ءتۇرلى دەلوسى 400دەن استى، بىردە - ءبىر دەلو جونىندە ءادىل بولمادى دەپ شاعىم ايتۋ، اشكەرەلەۋ بولمادى، باعالاۋ - تەكسەرۋ ارقىلى قاراۋ ۋاقىت شەگىنەن اسىپ كەتتى، قاتەلىك بولدى دەپ قايتا قاراۋعا نەمەسە قايتا ۇكىم شىعارۋعا قايتارىلعان دەلو بولمادى.
ىلە وزەنى اڭعارىنداعى ءار ۇلت كادر - بۇقاراسىمەن تەرەڭ دوستىق ورناتقاندىقتان، ۋاڭ شين ەڭ سوڭىندا ىلە وبلىستىق سوت مەكەمەسىندە قالىپ قىزمەت ىستەۋدى ۇيعارادى. شينجياڭعا كومەكتەسۋدەن شينجياڭدا قالۋعا دەيىن ول، شىنىندا، وزگە اۋىلدى ءوز اۋىلىنا اينالدىردى، ”بايتاق دا كورىكتى شينجياڭدا قالىپ كۇش - قۋاتىم مەن سۇيىسپەنشىلىگىمدى ارناي العاندىعىما ەش وكىبەيمىن“!
شينجياڭدا تامىر تارتقان جۇپ - جۇپ ەرلى - زايىپتىلار دا بار.
10 جىلدىڭ الدىندا، حى تيان جاستار وداعى ورتالىق كوميتەتىنىڭ تاڭداپ جىبەرۋىمەن چيڭداۋ اۋىل شارۋاشىلىق داشۋەسىنەن قاشقار ايماعى ماكىت اۋدانىنا كەلىپ شينجياڭعا كومەكتەسۋ قىزمەتىنە قاتىناسادى. ماكىت اۋدانى ”دولان اۋىلى“، مۋزيكا، كوركەمونەر رايى قويۋ، ”دولان مۇقامى“ 2006 - جىلى مەملەكەت دارەجەلى بەيزاتتىق مادەنيەت مۇرالارى ەسكەرتكىشى تىزىمدىگىنە ەنگىزىلدى. وسىنداي قىمباتتى بەيزاتتىق مادەنيەت مۇراسىن قالاي جالعاستىرۋ جانە ساۋلەلەندىرۋ كەرەك؟ دولان مۇقامىن قورعاۋ، سونداي - اق ونىڭ شينجياڭنان شىعۋىنا، دۇنيە جۇزىنە بەت الۋىنا وراي جاراتۋ حى تياننىڭ ارمانىنا اينالدى. ول چيڭداۋ، گۋاڭجوۋ، شينجياڭ سياقتى جەرلەردە ارلى - بەرلى شاپقىلاپ، بايلىق ىزدەدى، اقىرى ونىڭ ارمانى جۇزەگە استى: 2014 - جىلى 4 - ايدا ماكىت اۋداندىق جاستار - ورەندەر مۋزيكا - كوركومونەر ورتالىعى ۋاعىندا قۇرىلىس باستاپ، جۇيەلى مۋزيكا وقىتۋ تاربيەسىن قابىلداعان ماكىتتىك جاستار مەن ورەندەردىڭ قاتارى بارعان سايىن ارتا ءتۇستى.
قاشقار ايماعىندا شينجياڭعا كومەكتەسكەن 3 جىلدا حى تيان جەرگىلىكتى ورىنداعى كادر - بۇقارامەن زەينەت پەن بەينەتتى بىرگە كورىپ، بىرگە كۇرەس جۇرگىزىپ، ۇمىتىلماس تەرەڭ سۇيىسپەنشىلىك ورناتتى. شينجياڭعا كومەكتەسۋدى اياقتاتىپ چيڭداۋعا قايتىپ بارعاننان كەيىن، ونىڭ كۇنى - ءتۇنى ويلايتىنى شينجياڭ بولدى، ”شينجياڭعا كومەكتەسۋ قىزمەتىندەگى بولماشى ىستەر، اسىرەسە، جەرگىلىكتى ورىنداعى بۇقارانىڭ اق كوڭىل، ادال نيەتى، جاستار مەن ورەندەردىڭ تۇنىق تا كىرشىكسىز جانارى، وزگەرىستى ارمانداعان تالپىنىسى، نيەتى ماعان كوز ىلدىرمەدى، سوندا قالىپ جەرگىلىكتى ورىنداعى جاستار مەن ورەندەرگە ءتىپتى دە كوپ ءىس ىستەۋىمە بولا ما، جوق پا دەپ ۇنەمى ءتۇن ورتاسىندا وزىمە سۇراۋ قويىپ كەلدىم“، - دەدى حى تيان ەسكە الىپ، ول باتىلدىقپەن شينجياڭدا قالىپ قىزمەت ىستەپ، جاستىق گۇلىن وتان مەن حالىق ەڭ قاجەت ەتكەن جەردە قۇلپىرتۋدى ۇيعاردى.
ونى ايالاعان كۇيەۋى ونىڭ ويىن ءتۇسىنىپ، ونىڭ شينجياڭعا قايتا ورالىپ جالعاستى قىزمەت ىستەۋىن باتىلدىقپەن قولدادى، كۇيەۋىنىڭ تۇسىنىستىگى مەن قولداۋىن العان ول 2017 - جىلى چيڭداۋ اۋىل شارۋاشىلىعى داشۋەسىنەن قاشقار ايماعىنا قىزمەت اۋىستىرىپ، جەرگىلىكتى ورىنداعى ءار ۇلت كادر - بۇقاراسىمەن ۇزدىكسىز تىزە قوسا كۇرەس جۇرگىزىپ، جەرگىلىكتى ورىنداعى بۇقارانىڭ كەدەيلىكتەن ارىلىپ، بەيقۇت ۇيگە كوشىپ كىرۋىنە، وتباسىلارىنا اۋىز سۋ قۇبىرى جەتكىزىلۋىنە ات سالىستى ءارى كۋا بولدى... سول كۇندەرى ونىڭ كوزىنەن جاس تا اقتى، جۇزىنە كۇلكى دە ءۇيىرىلدى، قاربالاس قىزمەت كەي كەزدەرى ونى مازاسىزداندىردى ءارى قالجىراتىپ تا كەتتى، دەسەدە سول مىندەت ارقالاي وتىرىپ، جاۋاپكەرشىلىك ارقالاي وتىرىپ جەرگىلىكتى ورىننىڭ قوعامىنا جانە بۇقاراعا ناقتى وزگەرىس الىپ كەلگەن تابىس سەزىمى، بورىش سەزىمى ونى باقىتقا جانە تەرەڭ تىرشىلىك سەزىمىنە يە ەتتى. كۇيەۋى دە ونىڭ وزگەرىسىن كورىپ، چيڭداۋدان شينجياڭعا كەلىپ ونىمەن تىزە قوسا كۇرەس جۇرگىزدى.
10 جىلدىق شينجياڭعا كومەكتەسۋ قىزمەتىن ەسكە العاندا حى تيان بىلاي دەدى: ”مەن الدەقاشان شينجياڭدى تاعى ءبىر مەكەنىمە بالاعام، مەن بۇل اراداعى ادامداردى سۇيەمىن، بۇل ارانىڭ تاۋ - سۋىن سۇيەمىن، مەن قىزمەت ورنىمدى، مىندەتىمدى تياناق ەتىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، جەرگىلىكتى ورىنداعى جاستار مەن ورەندەردىڭ اقاۋسىز ەسەيىپ - ەرجەتۋىنە قىزمەت وتەپ، قالىڭ جاستار مەن ورەندەردى جاڭا داۋىردە، جاڭا جورىقتا كورىكتى شينجياڭدى بىرگە قۇرۋعا باستايمىن“.
كورىكتى شينجياڭ ءۇشىن، ءوزىمنىڭ ايبىندى ءومىرىم ءۇشىن!
باس شۋجي شي جينپيڭنىڭ شينجياڭ قىزمەتى جونىندەگى ءبىرسىپىرا ماڭىزدى سوزدەرىنىڭ، ماڭىزدى نۇسقاۋلارىنىڭ رۋحى شينجياڭ قىزمەتىن ىشكەرىلەي ويداعىداي ورىستەتۋگە ايقىن العا باسۋ باعىتىن نۇسقادى، ءتۇبىرلى بويسۇنۋ ولشەمىن ازىرلەدى، قۋاتتى قوزعاۋشى كۇش ۇستەدى. شينجياڭعا كومەككە كەلگەن كادر - دارىندىلار پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ شينجياڭدا تياناقتانىپ تامىر تارتۋىن بۇلجىماي ىلگەرىلەتىپ، تيانشان الابىندا كوكتەم لەبى تاسقىنداپ، ومىرشەڭدىك كۇش لاۋلادى.
بيىل 7 - ايدىڭ 18 - كۇنى ورتالىق كوميتەت ۇيىمداستىرۋ ءبولىمىنىڭ، ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ قاتىستى جاۋاپتى جولداستارى قوسىن باستاپ، ورتالىق ورىندارىنىڭ 11 - توپتاعى شينجياڭعا كومەكتەسەتىن 600 نەشە كادر - دارىندىلارىن ۇرىمجىگە جەتكىزىپ، شينجياڭعا باعىتتامالى كومەكتەسۋدىڭ ”ۇتىلامالى تاياقشاسىن“ وتكىزىپ الدى. قاتىستى باعىتتامالى كومەكتەسەتىن ولكە، قالالاردىڭ تاڭداپ جىبەرگەن 11 - توپتاعى 4100دەن استام شينجياڭعا كومەكتەسەتىن كادر - دارىندىلارى بيىل 5 - ايدىڭ سوڭىنان بۇرىن شينجياڭعا كەلىپ قىزمەتكە كىرىستى.
ولار جەر - جەردەن كەلىپ، ءبىر نىسانا ءۇشىن ءبىر ارادا باس قوسىپ، بىرگە ىستەپ، وسى ىرىستى توپىراققا قان - تەرىن توكتى.
كورىكتى شينجياڭنىڭ بولاشاعى ءتپىتى دە نۇرلى!
كورىكتى شينجياڭ سىزدەرگە العىس ايتادى − شينجياڭعا كومەككە كەلگەن كادرلار، دارىندىلار!
