قازىر شينجياڭ سانجى حۇيزۋ اۆتونوميالى وبلىسى قۇتىبي اۋدانىنداعى 183 مىڭ مۋ جەرگە ەگىلگەن تاۋار جۇگەرى ورۋ مەزگىلىن قارسى الدى، ەگىمشى وتباسىلارى اشىق اۋا رايىن مىقتى يگەرىپ، جەدەل جيناپ، جۇگەرىنىڭ ءتۇيىرى قالماي قامبالانۋىنا شىنايى كەپىلدىك ەتتى.
قۇتىبي اۋدانى يۋانحۋسۇن قالاشىعى شاڭسانگۇڭ قىستاعىنىڭ اتىزىندا جۇگەرى ورۋ ماشيناسى بار كۇشپەن ءوز تاپسىرماسىن ورىنداپ، ماساعىن الىپ، قابىعىن ارشىپ، سابان ـ توپاندى تالقانداپ، بارلىعىن ءبىر جولدا ورىنداپ، ونىمدىلىگى جوعارى، ۋاقىت ۇنەمدەي وتىرىپ جۇمىس جۇرگىزەدى. ەگىمشى وتباسى ياڭ شياۋميڭ بىلاي دەدى: ونىڭ وتباسى ەگىپ وتىرعان 139 مۋ جەرى ەگۋدەن جيىپ الۋعا دەيىن تۇتاس بارىستا ماشينالاندىرۋدى جۇزەگە اسىرعان، ماشينانىڭ جۇمىس ىستەۋ وزىندىك قۇنى تومەن، جيناۋ ساپاسى دا جاقسى، ونىڭ ۇستىنە 2 - 3 كۇندە -اق ورۋىپ بولۋعا بولادى.
سوڭعى جىلدارى قۇتىبي اۋدانى اۋىل شارۋاشىلىعىنىڭ كاسىپ قۇرىلىمىن ۇزدىكسىز رەتتەپ، ”شاعىن اۋماقتى كولەمدى ەتۋ“ سىندى دامۋ وي جەلىسى بويىنشا تاۋار جۇگەرىنى ۇلاستىرىپ ەكتى. سونىمەن بىرگە، كاسىپورىن تاپسىرىس بەرۋ، ەگىمشى وتباسىلارى ەگۋ، سەلبەستىك كووپەراتيۆتەرى جيناۋ ٴتاسىلىن قولدانىپ، كاسىپ تىزبەگىنىڭ جۇمىس ٴبولىسىن جەدەلدەتىپ، كاسىپ سالاسىنىڭ دامۋىن جەبەدى.
(اۆتورلار: ليۋ يۇيجيە، ليۋ يانحۇي، اۆتوردىڭ قىزمەت ورنى: قۇتىبي اۋداندىق توعىسپالى مەديا ورتالىعى)
