انار بۇلت \ شينجياڭ گازەتىنىڭ ءتىلشىسى لۋ فىڭباۋ 9 - ايدىڭ 20 - كۇنى ۇرىمجىدەن حابارلايدى. جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنەن ۇعىسۋىمىزشا، 9 - ايدىڭ 20 - كۇنى گولمۋد − كورلا تەمىر جولىنىڭ (شينجياڭ بولىگى) يقۋاتىن كەڭەيتۋ بويىنشا وزگەرتۋ ينجەنەرياسى قۇرىلىس باستاعان.
وسى رەت قۇرىلىس باستاعان گولمۋد − كورلا تەمىر جولىنىڭ (شينجياڭ بولىگى) يقۋاتىن كەڭەيتۋ بويىنشا وزگەرتۋ ينجەنەرياسى نەگىزىنەن 28 ورىندا قالدىرىلعان ءوتىس بەكەتىن كوبەيتىپ اشۋ، جاڭادان سالىنعان تۇرپان − كۇشار تەمىر جولىنان گولمۋد − كورلا تەمىر جولىنا دەيىنگى جۇك ۆاگوندارىن جالعاۋ جەلىسى، كورلا ۆوگزالىندا جانە كورلا شىعىس ۆوگزالىندا كەلىپ توقتاۋ - جولعا شىعۋ جەلىسىن كوبەيتۋ، سونداي - اق سۇيرەۋدى ەلەكترمەن قامداۋ، ەلەكتر قۋاتىن سايكەستىرۋ ينجەنەرياسىن سايكەستى اتقارۋ سياقتىلاردى قامتيدى، بۇل يقۋاتتى كەڭەيتۋ بويىنشا وزگەرتۋ ينجەنەرياسىنىڭ جوسپارداعى جۇمىس مەرزىمى ءبىر جارىم جىل.
گولمۋد − كورلا تەمىر جولىنىڭ جالپى ۇزىندىعى 1206 كيلومەتر، مۇندا شينجياڭ بولىگىنىڭ ۇزىندىعى 734 كيلومەتر، 2020 - جىلى 12 - ايدا تۇتاس لەنيادا پويەز قاتىناپ، لانجوۋ − شينجياڭ تەمىر جولىنان، لينحى − قۇمىل تەمىر جولىنان كەيىنگى شينجياڭعا كىرىپ - شىعاتىن 3 - ۇلكەن تەمىر جول ارناسىنا اينالدى ءارى جۇڭگونىڭ ەۆروپاعا، باتىس ازياعا باراتىن قۇرلىقتىق جول تاسىمال ۇلكەن ارناسىنىڭ ءبىرى بولدى. بۇل تەمىر جول وڭتۇستىك بولىكتە گولمۋدتى چيڭحاي − شيزاڭ تەمىر جولىمەن تۇتاستىرادى، ورتا بولىگى چارقىلىقتا حوتاننان چارقىلىققا دەيىنگى تەمىر جولمەن تۇتاسادى، سولتۇستىك بولىكتە كورلانى وڭتۇستىك شينجياڭ تەمىر جولىمەن ءوزارا تۇتاستىرىپ، ەلىمىزدىڭ باتىس بولىك وڭىرىندەگى، اسىرەسە، چيڭحاي مەن شينجياڭ سىندى ەكى ولكە، رايوننىڭ تەمىر جول تورى قۇرىلىمىن ونان ارى كەمەلدەندىرىپ، وڭتۇستىك شينجياڭ ءوڭىرىنىڭ شينجياڭنىڭ سىرتىمەن تىكە تۇتاسۋىنا، ەندىگارى سولتۇستىكتە ءۇرىمجى سياقتى جەرلەردى اينالىپ وتپەۋگە مۇمكىندىك جاسادى.
شينجياڭدى چيڭحاي، شيزاڭ، باتىس وڭتۇستىك، حۋانان سياقتى جەرلەرمەن تۇتاستىراتىن قولايلى دا تىرەكتى تاسىمال ارناسى رەتىندە، گولمۋد − كورلا تەمىر جولى جەلى بويىنداعى وڭىرلەردىڭ كومىر، كەن ونىمدەرى، ماقتا سياقتى ماڭىزدى زاتتىق ماتەريالدارىن تاسىمالداۋ مىندەتىن ارقالاپ، ”ءشول دالاداعى جاڭا جىبەك جولى“ دەپ اتالدى. تاياۋ جىلداردان بەرى گولمۋد − كورلا تەمىر جولى تاسىمال مولشەرىنىڭ قاۋىرت ارتۋىنا ىلەسە، جەلىنىڭ تاسىمال قۋاتى قاجەتتى قاناعاتتاندىرا الماي، يقۋاتىن كەڭەيتۋ، جاڭالاۋ شۇعىل قاجەت بولدى.
گولمۋد − كورلا تەمىر جولىنىڭ (شينجياڭ بولىگى) يقۋاتىن كەڭەيتىپ وزگەرتۋ ينجەنەرياسى اياقتاعاننان كەيىن، ەنەرگيا حاۋىپسىزدىگى مەن تاسىمالدى قامتاماسىز ەتۋ قۋاتى اناعۇرلىم جوعارىلاپ، شينجياڭعا كىرىپ - شىعاتىن كوپ ارنالى تاسىمال قۋاتىنىڭ دەڭگەيى جوعارىلاپ، ارنانىڭ تۇتاسۋىن، سەنىمدىلىگىن، يكەمدىلىگىن، ورالىمدىلىعىن پارمەندى قامتاماسىز ەتۋ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ، اۋىل - قىستاقتى گۇلدەندىرۋدى ىلگەرىلەتۋ، جىبەك جولى ەكونوميكالىق بەلدەۋى وزەكتى رايونى قۇرىلىسىنا اناعۇرلىم ويداعىداي قىزمەت ەتۋ، شينجياڭنىڭ جوعارى ساپالى دامۋىن ىلگەرىلەتۋ سياقتىلار جونىنەن ماڭىزدى مانگە يە.
