حاڭجوۋ ازيا سپورت جارىسىنىڭ قايراڭ ۆولەيبول جارىسى باستالدى
شينجياڭدىق ەكى سپورتشى ءساتتى باستاما باستادى
انار بۇلت \ شينجياڭ گازەتىنىڭ ءتىلشىسى حۋاڭ شيڭ 9 - ايدىڭ 20 - كۇنى ۇرىمجىدەن حابارلايدى. 9 - ايدىڭ 20 - كۇنى تۇستەن كەيىن حاڭجوۋ ازيا سپورت جارىسىنىڭ ەرلەر قايراڭ ۆولەيبولى جارىسىندا ابدۇحالىقجان مۇتالىپ پەن ۋ جياشين 1: 2 ۇپايمەن فيليپپين گرۋپپاسىن جەڭىپ، وزدەرىنىڭ وسى كەزەكتى ازيا سپورت جارىسىنداعى تۇڭعىش جەڭىسىنە قول جەتكىزدى. جۇڭگو كومانداسىنىڭ ەر - ايەل ءتورت جۇپ گرۋپپاسى تۇگەلدەي تۇڭعىش جەڭىسكە قول جەتكىزدى.
حاڭجوۋ ازيا سپورت جارىسىنىڭ قايراڭ ۆولەيبول جارىسى 9 - ايدىڭ 19 - كۇنى ساعات 9دا نيڭبو شياڭشان بانبيانشان قايراڭ ۆولەيبولى ورتالىعىندا شىمىلدىعىن اشتى، 17 مەملەكەت پەن وڭىردەن كەلگەن 48 قۇراما تىزىمدەلىپ جارىسقا قاتىناستى. جارىس 9 - ايدىڭ 19 - كۇنىنەن 28 - كۇنىنە دەيىن جالعاسادى، ايەلدەر جانە ەرلەر قايراڭ ۆولەيبولىنىڭ 2 التىن مەدالى جارىققا شىعادى.
بۇل رەتكى جارىستاعى جۇڭگو ايەلدەر قايراڭ ۆولەيبولى قۇراماسىنىڭ سپورتشىلارى شۋە چىن، شيا شين - ي، ۋاڭ فان، دۇڭ جيە؛ جۇڭگو ەرلەر قايراڭ ۆولەيبولى قۇراماسىنىڭ سپورتشىلارى ابدۇحالىقجان مۇتالىپ، ۋ جياشين، ۋاڭ يانۋي، لي جيە. مۇنىڭ ىشىندە شيا شين - ي، ابدۇحالىقجان مۇتالىپ شينجياڭنان كەلگەن.
جۇڭگو قايراڭ ۆولەيبولى ايەلدەر قۇراماسىنىڭ كۇشى مىعىم، سوڭعى 16 جىلدا ازيا سپورت جارىسىندا ءۇرتىس 5 رەت اعا جۇلدەگەر بولعان. مۇندا وسى كەزەكتى ازيا سپورت جارىسىنا قاتىناسقان شۋە چىن 2006 - جىلعى دوحا ازيا سپورت جارىسىندا، 2010 - جىلعى گۋاڭجوۋ ازيا سپورت جارىسىندا اعا جۇلدەگەر بولعان، شيا شين - ي جاكارتا ازيا سپورت جارىسىندا اعا جۇلدەگەر بولعان. قازىر شۋە چىن، شيا شين - ي گرۋپپاسى حالىقارالىق ۆولەيبول بىرلەستىگىندە 12 - ورىندا تۇرادى، ازيادا 1 - ورىندا، ولار وسى كەزەكتى ازيا سپورت جارىسىنىڭ ايەلدەر قايراڭ ۆولەيبولى التىن مەدالىنىڭ كۇشتى باسەكەلەسۋشىلەرى.
ابدۇحالىقجان يىڭسار اۋدانىنان كەلگەن، 2014 - جىلعى رىنچۋان ازيا سپورت جارىسىندا قولا مەدالعا يە بولعان، ول وسى رەت ازيا سپورت جارىسىندا مەدال الۋعا تاعى ۇمتىلدى.
9 - ايدىڭ 19 - كۇنگى جارىستا جۇڭگو ەرلەر قايراڭ ۆولەيبول قۇراماسىنداعى ۋاڭ يانۋي مەن لي جيە 0: 2 ۇپايمەن پالەستينا گرۋپپاسىن جەڭىپ، جۇڭگو ۋاكىلدەر ۇيىرمەسىنىڭ وسى كەزەكتى ازيا سپورت جارىسىنداعى تۇڭعىش جەڭىسىنە قول جەتكىزدى. وسىدان كەيىنگى قايراڭ ۆولەيبولى ايەلدەر جارىسىندا شيا شين - ي مەن شۋە چىن تەك 25 مينۋت قانا ۋاقىت جۇمساپ، 5: 21، 8: 21 ۇپايمەن شريلانكا گرۋپپاسىن وڭاي جەڭدى. تاعى ءبىر جۇڭگو گرۋپپاسىنداعى ۋاڭ فان مەن دۇڭ جيە دە ۇقساس 0: 2 ۇپايمەن تاجىكستان گرۋپپاسىن وڭاي جەڭىپ الدى.
ابدۇحالىقجان مەن ۋ جياشيننىڭ بوي بيىكتىگى تۇگەلدەي 2 مەتردەن اسادى، تيپتىك ”قوس بيىك گرۋپپا“. فيليپپين گرۋپپاسىنىڭ تەحنيكا جانە يكەمدىلىك جاعىندا ەرەكشەلىگى وزگەشە، قاعىپ الۋى قيىن بولعان تورعا جاقىن دوپتى قاعىپ ءتۇسىرۋ جانە شاعىن تەحنيكادان پايدالانىپ جۇڭگو كومانداسىنىڭ تور الدىنداعى باسىمدىعىمەن بەلدەستى. الدىڭعى 2 مايدان جارىستا ەكى جاق 1: 1 ۇپايمەن تەڭ ءتۇسىپ، 3 - مايدان جارىستا 12: 9 ۇپايمەن ارتتا قالعاندا، جۇڭگو كومانداسى ايانباي ايقاسىپ، 16: 18 ۇپايمەن فيليپپين گرۋپپاسىن ارەڭ جەڭدى.
