شي جينپيڭ جاڭاشا ونەركاسىپتەندىرۋدى ىلگەرىلەتۋ جونىندە ماڭىزدى نۇسقاۋ بەرىپ بىلاي دەپ باسا دارىپتەدى
جوعارى ساپالى دامۋ تالابىن جاڭاشا ونەركاسىپتەندىرۋدىڭ تۇتاس بارىسىنا ءسىڭىرىپ جۇڭگو ۇلگىسىندەگى وسىزامانداندىرۋ ءۇشىن قۋاتتى زاتتىق، تەحنيكالىق نەگىز قالاۋ كەرەك
لي چياڭ مەملەكەتتىك جاڭاشا ونەركاسىپتەندىرۋدى ىلگەرىلەتۋ جينالىسىنا قاتىناستى ءارى ءسوز سويلەدى
شينحۋا اگەنتتىگىنىڭ 9 - ايدىڭ 23 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا جاڭاشا ونەركاسىپتەندىرۋدى ىلگەرىلەتۋ جونىندە ماڭىزدى نۇسقاۋ بەرىپ، بىلاي دەپ اتاپ كورسەتتى: جاڭا داۋىردەگى جاڭا جورىقتا جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ، جاڭاشا ونەركاسىپتەندىرۋدى جۇزەگە اسىرۋ − شەشۋشى مىندەت. جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، دامۋ مەن حاۋىپسىزدىكتى ءبىر تۇتاس جوسپارلاپ، جاڭا داۋىردەگى جاڭا جورىقتا جاڭاشا ونەركاسىپتەندىرۋدى ىلگەرىلەتۋدىڭ نەگىزگى زاڭدىلىعىن تەرەڭ يگەرىپ، جاڭا كەزەكتى عىلىم - تەحنيكا توڭكەرىسى مەن كاسىپ سالاسى وزگەرىسىنە بەلسەندى، ىرىقتى تۇردە ۇيلەسىپ جانە وعان جەتەكشىلىك ەتىپ، جوعارى ساپالى دامۋ تالابىن جاڭاشا ونەركاسىپتەندىرۋدىڭ تۇتاس بارىسىنا ءسىڭىرىپ، جاساۋ كاسىبىندە قۋاتتى ەل قۇرۋدى سيفرلى ەكونوميكانى دامىتۋ، كاسىپ سالاسىن ينفورماتسيالاندىرۋ سياقتىلارمەن ورگانيكالى ۇشتاستىرىپ، جۇڭگو ۇلگىسىندەگى وسىزامانداندىرۋ ءۇشىن قۋاتتى زاتتىق، تەحنيكالىق نەگىز قالاۋ كەرەك.
شي جينپيڭ بىلاي دەپ باسا دارىپتەدى: جاڭاشا ونەركاسىپتەندىرۋدى ىلگەرىلەتۋ − جۇيەلى ينجەنەريا. پارتكوم (پارتيا باسشىلىق گرۋپپاسى) ءبىر تۇتاس باسشىلىق ەتەتىن، ۇكىمەت جاۋاپتى بولىپ تياناقتاندىراتىن، كاسىپورىندار نەگىزگى تۇلعالىق رولىن ساۋلەلەندىرەتىن، قوعامدىق كۇشتەر كەڭ كولەمدە ات سالىساتىن قىزمەت جاعدايىن كەمەلدەندىرىپ، ءار جاقتاعى ساياساتپەن جانە فاكتورلارمەن قامتاماسىز ەتۋدى، ءورىس اشا جاڭالىق اشۋدى، جاۋاپكەرشىلىك ارقالاپ ىسكەرلىك كورسەتۋدى ويداعىداي ىستەپ، جاڭاشا ونەركاسىپتەندىرۋدى ىلگەرىلەتۋدىڭ قۋاتتى كۇشىن ۇيىستىرىپ، جاپپاي سوتسياليستىك وسىزاماندانعان قۇدىرەتتى ەل قۇرۋعا تىڭ دا اناعۇرلىم زور ۇلەس قوسۋ كەرەك.
مەملەكەتتىك جاڭاشا ونەركاسىپتەندىرۋدى ىلگەرىلەتۋ جينالىسى 9 - ايدىڭ 22 - كۇنىنەن 23 - كۇنىنە دەيىن بەيجيڭدە اشىلدى. ماجىلىستە شي جينپيڭنىڭ ماڭىزدى نۇسقاۋى جەتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ ماجىلىسكە قاتىناستى ءارى ءسوز سويلەدى.
لي چياڭ سوزىندە بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى نۇسقاۋى جاڭا داۋىردەگى جاڭا جورىقتا جاڭاشا ونەركاسىپتەندىرۋدى ىلگەرىلەتۋدىڭ كەلەلى ءمانىن، ماڭىزدى پرينسيبىن، ءتۇيىندى مىندەتتەرىن تەرەڭ بايىمدادى، اسا كۇشتى ساياسي سيپاتقا، يدەيالىق سيپاتقا، جەتەكشىلىك سيپاتقا يە، قاتىستى قىزمەتتەردى ويداعىداي ىستەۋگە ايقىن باعدار كورسەتتى. ءبىز ىشكەرىلەي ۇيرەنىپ، ءتۇسىنىپ، دايەكتىلەندىرۋدى، تياناقتاندىرۋدى مۇقيات ويداعىداي يگەرۋىمىز كەرەك.
لي چياڭ بىلاي دەپ اتاپ كورسەتتى: پارتيا 18 - قۇرىلتايىنان بەرى باس شۋجي شي جينپيڭ جاڭاشا ونەركاسىپتەندىرۋدىڭ ءبىر قىدىرۋ كەلەلى نازاريالىق جانە امالياتتىق ماسەلەلەرى جونىندە ماڭىزدى بايىمداۋلار جاساپ، پارتيامىزدىڭ ونەركاسىپتەنۋدىڭ زاڭدىلىعى جونىندەگى تانىمىن بارىنشا بايىتىپ جانە دامىتىپ، ءبىزدىڭ جاڭاشا ونەركاسىپتەندىرۋدى ىلگەرىلەتۋىمىزگە ءتۇبىرلى بويسۇنۋ ولشەمىن جانە ارەكەت باعدارناماسىن ازىرلەدى. ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ ورىنداپ، باس شۋجي شي جينپيڭنىڭ جاڭاشا ونەركاسىپتەندىرۋ جونىندەگى ماڭىزدى نۇسقاۋىن، ماڭىزدى بايىمداۋلارىن ىشكەرىلەي ۇيرەنىپ، جەتە ءتۇسىنىپ، جاڭاشا ونەركاسىپتەندىرۋدى ىلگەرىلەتۋدىڭ ستراتەگيالىق ورنىن، كەزەڭدىك ەرەكشەلىگىن، سونداي - اق ءدوپ كەلگەن ورتا شارت - جاعدايىنىڭ وزگەرىسىن دۇرىس يگەرىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭاشا ونەر كاسىپتەندىرۋدىڭ جۇڭگوشا جولىمەن جۇرۋگە تاباندى بولىپ، جاساۋ كاسىبىندە قۋاتتى ەل قۇرۋدى جەدەلدەتىپ، جاڭا دامۋ ارناسىن ورناتۋعا، جوعارى ساپالى دامۋدى ىلگەرىلەتۋگە، جۇڭگو ۇلگىسىندەگى وسىزامانداندىرۋدى جۇزەگە اسىرۋعا اناعۇرلىم ويداعىداي قىزمەت وتەۋ كەرەك.
لي چياڭ بىلاي دەپ باسا دارىپتەدى: ءداۋىر تالابى مەن جاعدايدىڭ وزگەرىسىنە سايكەسىپ، ءتۇيىندى كورنەكتىلەندىرىپ، شەشۋشى ءتۇيىندى مىقتى يگەرىپ، كاسىپ سالاسى تىزبەگىنىڭ، قامداۋ تىزبەگىنىڭ سەرپىمدىلىگى مەن حاۋىپسىزدىك دەڭگەيىن كۇش سالا جوعارىلاتىپ، كاسىپ سالاسىندا جاڭالىق اشۋ قابىلەتىن جەدەل جوعارىلاتىپ، كاسىپ سالاسى قۇرىلىمىن ساپالىلاندىرۋدى، دارەجەسىن جوعارىلاتۋدى ۇزدىكسىز ىلگەرىلەتىپ، سيفرلى تەحنيكا مەن ناقتى ەكونوميكانىڭ ىشكەرىلەي توعىسۋىن كۇش سالا ىلگەرىلەتىپ، ونەركاسىپتىڭ جاسىل دامۋىن جاپپاي ىلگەرىلەتۋ كەرەك. رەفورمانى تەرەڭدەتۋگە، سىرتقا ەسىك اشۋدى كەڭەيتۋگە تاباندى بولىپ، ءتۇرلى كاسىپورىنداردىڭ ابزالدىلىقتارى ارقىلى ءبىرىن - ءبىرى تولىقتاۋىن، باسەكەلەسە دامۋىن جەبەپ، مەملەكەت بويىنشا ءبىر تۇتاس ءىرى بازاردىڭ تىرەكتىك رولىن ساۋلەلەندىرىپ، نەگىزگى تۇلعالىق فۋنكتسيالىق رايون ستراتەگياسى ارقىلى كاسىپ سالاسىنىڭ ۇيلەسىمدى ورنالاسۋىنا جەتەكشىلىك ەتىپ، ەل ءىشى جانە حالىقارا سىندى ەكى بازاردان، ەكى بايلىقتان ويداعىداي پايدالانىپ، جاڭاشا ونەركاسىپتەندىرۋدى ىلگەرىلەتۋدىڭ قوزعاۋشى كۇشى مەن ومىرشەڭدىگىن ۇزدىكسىز كۇشەيتۋ كەرەك. پارتيانىڭ جالپى بەتتىك باسشىلىعىن جاڭاشا ونەركاسىپتەندىرۋدى ىلگەرىلەتۋدىڭ تۇتاس بارىسىنا، ءار جاعىنا سىڭىرۋگە تاباندى بولىپ، ۇيىمدىق باسشىلىقتى، ساياساتتىق قولداۋدى جانە دارىندىلار قامتاماسىزدىعىن كۇشەيتىپ، جاڭاشا ونەركاسىپتەندىرۋدى جەدەل ىلگەرىلەتۋدىڭ قۋاتتى بىرىككەن كۇشىن توپتاۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى جاڭ گوچيڭ قورىتىندى سوزىندە مىنالاردى ءبىلدىردى: يدەيا مەن ارەكەتتى باس شۋجي شي جينپيڭنىڭ ماڭىزدى نۇسقاۋلارىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن اناعۇرلىم بىرلىككە كەلتىرىپ، لي چياڭ زۇڭليدىڭ سوزىندەگى تالاپتاردى تياناقتاندىرىپ، پارتيانىڭ جالپى بەتتىك باسشىلىعىن كۇشەيتىپ، ساياسي جاۋاپكەرشىلىكتى كۇشەيتىپ، جۇيە كوزقاراسىن بەرىك ورناتىپ، كۇرەسكەرلىك رۋحتى ساۋلەلەندىرىپ، عىلىم - تەحنيكادا جاڭالىق اشۋدى كۇشەيتۋ، كاسىپ سالاسىنىڭ حاۋىپسىزدىگىن قامتاماسىز ەتۋ جاعىنا ۇزدىكسىز كۇش سالىپ، كاسىپ سالاسى قۇرىلىمىن ساپالىلاندىرۋ، جۇيەنىڭ دارەجەسىن جوعارىلاتۋدى جەبەۋ جاعىنا ۇزدىكسىز كۇش سالىپ، ونەركاسىپتىڭ سيفرلانۋعا، جاسىل بولۋعا قاراي تيپ وزگەرتۋىن ىلگەرىلەتۋ جاعىنا ۇزدىكسىز كۇش سالىپ، رەفورما جاساۋدى، ەسىك اشۋدى تەرەڭدەتۋ، قوزعاۋشى كۇش، ومىرشەڭدىك كۇش ۇستەۋ جاعىنا ۇزدىكسىز كۇش سالىپ، جاڭاشا ونەركاسىپتەندىرۋدىڭ ءتۇرلى ءتۇيىندى مىندەتتەرىنىڭ تياناقتانۋىن تىڭعىلىقتى ىلگەرىلەتىپ، ءىس جۇزىندىك ارەكەت ارقىلى ”ەكىنى قورعاۋدى“ امالياتتا ايگىلەۋ كەرەك.
ۋ جىڭلۇڭ ماجىلىسكە قاتىناستى.
ءماجىلىس تەلەۆيزور - تەلەفون ءماجىلىسى فورماسىندا اشىلدى، ولكەلەردىڭ، اۆتونوميالى رايونداردىڭ، توتە قاراستى قالالاردىڭ جانە جوسپارى ايىرىم جاسالاتىن قالالاردىڭ، شينجياڭ ءوندىرىس - قۇرىلىس بيڭتۋانىنىڭ، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى، ورتالىق باسقاراتىن ءبىر ءبولىم فينانس قۇرىلىمدارىنداعى، كاسىپورىندارداعى، ارميانىڭ قاتىستى ورىندارىنداعى، ءبىر ءبولىم جاساۋ كاسىبى كاسىپورىندارىنداعى جاۋاپتى جولداستار، ت . ب ماجىلىسكە قاتىناستى.
