تيانشان تورى - شينجياڭ گازەتىنىڭ حابارى (ءتىلشى ۋاڭ نا، ەرىكتى ٴتىلشى شيە دۇڭدۇڭ حابارلايدى). جۇڭچيۋ مەرەكەسى مەن مەملەكەت مەرەكەسى سىندى ”قوس مەرەكە“ كەلۋ قارساڭىندا، بۇقارانىڭ جولاۋشىلاۋ قالاۋى جوعارى ورلەۋگە كوتەرىلدى، ساپاردىڭ ىركىلىسسىز، كەدەننەن ءوتۋدىڭ تەز ءارى قولايلى بولۋىنا كەپىلدىك ەتۋ ٴۇشىن، شينجياڭ شەكارادان كىرۋ - شىعۋ، شەكارالىق قورعانىس تەكسەرۋ باس پۋنكتى ٴۇرىمجى شەكارادان كىرۋ - شىعۋ، شەكارالىق قورعانىس تەكسەرۋ پۋنكتى جۋىقتا ەسكەرتۋ جاريالاپ، شەكارادان كىرەتىن - شىعاتىن قالىڭ جولاۋشىلارعا مۇمكىندىكتىڭ بارىنشا قاۋىرت كەزدەن تىس ۋاقىتتا جولاۋشىلاۋدى ەسكەرتتى.
سۋرەتتە: ٴۇرىمجى شەكارادان كىرۋ - شىعۋ، شەكارالىق قورعانىس تەكسەرۋ پۋنكتىنىڭ جۇمىس ءۇستى. سۋرەتتى ياڭ لين تۇسىرگەن
مەجەگە قاراعاندا، جۇڭچيۋ مەرەكەسى، مەملەكەت مەرەكەسى كەزىندە (9 ـ ايدىڭ 29 ـ كۇنىنەن 10 ـ ايدىڭ 6 ـ كۇنىنە دەيىن) ٴۇرىمجى حالىقارالىق اۋەجايى شەكارا وتكەلىنەن كۇندىك كىرەتىن ـ شىعاتىن جولاۋشى سانى 2000 ادام ـ رەتتەن اسادى دەپ مەجەلەنگەن. مۇنىڭ ىشىندە 9 ـ ايدىڭ 30 ـ كۇنى، 10 ـ ايدىڭ 1 ـ كۇنى، 10 ـ ايدىڭ 2 ـ كۇنى جولاۋشىلار اعىنى ٴبىرشاما كوپ بولىپ، مەجەمەن 2500 ادام ـ رەتتەن اسۋى مۇمكىن.ٴار كۇنى شەكارادان كىرەتىن جولاۋشىلاردىڭ قاۋىرت مەزگىلى ساعات 7:00-9:00عا، ساعات 14:30-18:30عا دەيىن بولادى؛ ٴار كۇنى شەكارادان شىعاتىن جولاۋشىلاردىڭ قاۋىرت مەزگىلى ساعات 06:30-08:30عا، 17:30-20:30عا دەيىن بولادى.
”قوس مەرەكە“ دەمالىسى كەزىندەگى جولاۋشى اعىنىنىڭ جوعارى ورلەۋىنە مەڭزەس، ٴۇرىمجى شەكارادان كىرۋ - شىعۋ، شەكارالىق قورعانىس تەكسەرۋ پۋنكتى ارنانىڭ سالىستىرماسىن يكەمدى رەتتەپ، تەكسەرۋدى كۇتۋ ءتارتىبىن جانە شەكارادان كىرەتىن - شىعاتىن جولاۋشىلاردى ءبولىپ جولعا سالۋ، جانە وعان جەتەكشىلىك ەتۋدى ساپالىلاندىرىپ، جولاۋشىلار اعىسىنىڭ قىسىمىن دەر كەزىندە جەڭىلدەتەدى. بۇدان سىرت، جۇڭگو ازاماتتارىنىڭ ارناۋلى ارناسى ورنالاستىرىلىپ، ”جۇڭگو ازاماتتارىنىڭ شەكارالىق تەكسەرۋ، شەكارادان كىرۋ - شىعۋدى كۇتۋ ۋاقىتىنىڭ 30 مينۋتتان اسپاۋىنا“ شىنايى كەپىلدىك ەتىپ، ”شەكارادان ۋاقىتشا كىرۋ رۇقساتىن ٴوتىنىش ەتۋ رايونى“ ورنالاستىرىلىپ، شەكارادان ۆيزاسىز كىرىپ - شىعۋدى تەكسەرىپ ٴبىتىرۋ ونىمدىلىگى جوعارىلاتىلادى.
ٴۇرىمجى شەكارادان كىرۋ ـ شىعۋ، شەكارالىق قورعانىس تەكسەرۋ پۋنكتى مىنالاردى ىقىلاسپەن ەسكەرتەدى، شەكارادان شىعاتىن قالىڭ جولاۋشىلار ەڭ جاقسىسى 3 ساعات بۇرىن اۋەجايعا بارىپ كەزەكشى ۇشاققا شىعۋ راسمياتىن ٴبىتىرۋ كەرەك. شەكارادان شىققاندا، كۇشكە يە شەكارادان كىرۋ - شىعۋ كۋالىگىن، ۇشاققا شىعۋ كۋالىگىن الا ٴجۇرۋ؛ شەكارادان كىرگەندە، كۇشكە يە شەكارادان كىرۋ - شىعۋ كۋالىگىن الا ٴجۇرۋ، شەتەل ازاماتتارى شەكارادان كىرۋ كارتچكاسىن ٴبىر ۋاقىتتا تولتىرۋى كەرەك. جۇڭگو ازاماتتارى (شياڭگاڭ، اۋمىن، تايۋان تۇرعىندارىن قامتيدى) جۇڭگو ازاماتتارىنا ارنايىلانعان جولمەن تەز وتۋىنە بولادى. قالىڭ جولاۋشىلار، ٴسوز جوق، باراتىن ەلدىڭ، جولشىباي باسىپ وتەتىن ەلدىڭ شەكاراسىنان كىرۋ - شىعۋ ساياساتىن الدىن الا ۇعىسىپ، ساپاردى ۇيلەسىمدى ورنالاستىرۋى كەرەك.
