جۇڭچيۋ، مەملەكەت مەرەكەسى دەمالىسى تاياپ قالدى، جەلىدە قىزمەت وتەيتىن ۇلكەن ساياحات تەكشەلەرى جاريالاعان ٴىرى ساندى مالىمەتتە كورسەتىلۋىنشە، بيىلعى حالىقتىق اۆياتسيانىڭ ساپارعا شىعۋ ورلەۋى 2022 ـ جىلداعىدان زور مولشەردە جوعارىلاعان، ۇشاق بەلەتىنىڭ باعاسى وتكەن جىلداعىدان اناعۇرلىم جوعارى بولۋدان سىرت، بيىلعى ”1 ـ مامىر“ كەزىندەگىدەن دە قىمبات ەكەن. الايدا، قاۋىرت مەزگىلگە شوعىرلاندىرماي ساپارعا شىعۋ جانە الدىن الا تاپسىرىس بەرۋ ارقىلى ٴبىرشاما ارزان ۇشاق بەلەتىن ساتىپ الۋعا بولادى.
ينتەرنەتتە بەلەت ساتۋ تۇعىرىنىڭ ساندى مالىمەتىندە كورسەتىلۋىنشە، بيىل جۇڭچيۋ، مەملەكەت مەرەكەسى دەمالىسى كەزىندەگى ۇشاق بەلەتىنە الدىن الا تاپسىرىس بەرۋ ەرتەرەك باستالعان، 9 ـ ايدىڭ 15 ـ كۇنىنە دەيىن، ”1 ـ قازان“ دەمالىسىندا ەل ىشىندەگى ٴوتىمدى قالالاردىڭ ۇشاق بەلەتىنە الدىن الا تاپسىرىس بەرۋ مولشەرى 2019 ـ جىلعى سايكەس مەزگىلدەگىدەن %20 جوعارى بولعان. ۇشاق بەلەتىنىڭ باعاسى ”U“ فورماسىندا بولىپ، دەمالىستىڭ العاشقى كۇنى (9-ايدىڭ 29 -كۇنى) مەن ەڭ سوڭعى كۇنى (10-ايدىڭ 6-كۇنى) جولاۋشىلاۋ ورلەۋى بولىپ، ۇشاق بەلەتىنىڭ باعاسى ٴبىرشاما قىمبات بولعان. 9 - ايدىڭ 19 - كۇنىنە دەيىن ەل ٴىشى ۇشاق بەلەتىنىڭ ورتاشا باعاسى جەكە ـ جەكە 1243 يۋان جانە 1293 يۋان بولدى. مەرەكەدە ۇشاق بەلەتىنىڭ باعاسى ٴسال تومەندەيدى. 10 ـ ايدىڭ 1 ـ كۇنگى ەل ٴىشى ۇشاق بەلەتىنىڭ ورتاشا باعاسى 873 يۋان بولعان، قاۋىرت مەزگىلگە شوعىرلاندىرماي، 10 ـ ايدىڭ 1 ـ كۇنى ساپارعا شىعۋ ارقىلى دەمالىستىڭ العاشقى كۇنىنە قاراعاندا %30 قاراجات ۇنەمدەۋگە بولادى.
بۇدان سىرت، ساندى مالىمەتكە نەگىزدەلگەندە، بيىل جۇڭچيۋ، مەملەكەت مەرەكەسى دەمالىسىندا الدىن الا ساپارعا شىققاندا ءتىپتى دە ٴتيىمدى باعادان يگىلىكتەنۋگە بولادى، ٴبىر اپتا بۇرىنعى، ياعني 9 - ايدىڭ 21 - كۇنىنەن 28 - كۇنىنە دەيىن ۇشاق بەلەتىنىڭ دارا باعىتتاعى باجىنى قامتىعان ورتاشا باعاسى 951 يۋان بولىپ، دەمالىس كەزىندەگى باعادان %24 ارزان بولادى.
حالىقارالىق ۇشاق بەلەتى جاعىندا، تايلاند، رەسەي، گرۋزيا، قازاقستان، مالديۆ، كورەيا، اۆستراليا، فيليپپين سياقتى ەلدەردىڭ ۆيزا ساياساتىن ارت - ارتىنان جاريالاۋىنا بايلانىستى ، ”1 - قازان“ شەكارادان شىعۋ ساياحاتىنا كەڭەس سۇراۋ مولشەرى تەز جوعارىلادى. ساندى مالىمەتتە كورسەتىلۋىنشە، 9 ـ ايدان بەرى، تەكشەدە شەكارادان شىعۋ جانە توپتىق ساياحاتتاۋ جونىندە اقىل ـ كەڭەس سۇراۋ مولشەرى الدىڭعى ايداعىدان 4 ەسە ارتقان، ۆيزا جونىندە كەڭەس سۇراۋ مولشەرى 2.3 ەسە جوعارىلاعان. جۋىقتاعى ءبىر اپتادا شەتەل ۇشاق بەلەتىن نىسانالى جەردە ىزدەۋ مولشەرى الدىڭعى اپتاداعىدان ٴبىر ەسەدەن استام ارتتى.
(ورتالىق تەلەۆيزيا باس ستانسيانىڭ ٴتىلشىسى ساۋ دان)
