تيانشان تورى - شينجياڭ گازەتىنىڭ حابارى (ءتىلشى مايگۇل ايتقازى حابارلايدى) جۇڭچيۋ مەرەكەسىندە ايدى تاماشالاۋدان سىرت، تاعى نەلەردى تاماشالاۋعا بولادى؟ 9 ـ ايدىڭ 28 ـ كۇنى كەشتە، ٴۇرىمجى قالالىق كوركەمونەر تەاترىنىڭ سيمفونيا وركەسترى ٴۇرىمجى تەاترحاناسىندا ايدى تاماشالاپ، مۋزيكادان ءلاززاتتانۋعا شاقىرادى.
ٴۇرىمجى قالالىق كوركەمونەر تەاترى سيمفونيا وركەسترىنىڭ ساحناداعى سۋرەتى. سۋرەتتى ٴۇرىمجى قالالىق كوركەمونەر تەاترىنىڭ سيمفونيا وركەسترى بەرگەن
شينجياڭ مۋزيكانتتار قوعامى سكريپكا ءىلىمى قوعامىنىڭ باستىعى ليۋ مۋدىڭ سكريپكامەن ورىنداۋىندا ”لياڭ شانبو مەن جۋ يىڭتاي“ كۇيى، ايەل جوعارى داۋىستى ٴانشى ميڭ جۋانجۋاننىڭ ”اي تۋرالى جىر“ سىندى جەكە ٴانى، ٴۇرىمجى سيمفونيا وركەسترى حور ۇيىرمەسى ورىنداعان ”چاڭ - ىنىڭ ايعا شىعۋى“... وسى رەتكى ”قۇلپىرعان القاپ، تولعان اي“ اتتى جۇڭچيۋعا ارنالعان مۋزيكا ساۋىعىندا قويىلىمداردىڭ ءتۇرى مول بولدى. ”تىڭدارماندارعا ساحنالىق كورىنىس پەن اسەم اۋەن توعىسقان جوعارى ورەلى، جوعارى ساپالى سالتاناتتى ساۋىق كەشتى دايىنداۋ ٴۇشىن، قازىر بۇكىل ۇيىرمە جوعارىدان تومەنگە دەيىن جاتتىعۋدى مىقتى يگەردى، ٴار ۇلت كورەرمەندەرىنىڭ جۇڭچيۋ مەرەكەسىن بىزبەن بىرگە وتكىزۋىن ٴۇمىت ەتەمىن“، ـ دەدى ٴۇرىمجى قالالىق كوركەمونەر تەاترحاناسى سيمفونيا وركەسترىنىڭ باستىعى گو ۋىنشياڭ.
ٴۇرىمجى قالالىق كوركەمونەر تەاترى سيمفونيا وركەسترىنىڭ ساحناداعى كونسەرتتىك سۋرەتى. سۋرەتتى ٴۇرىمجى قالالىق كوركەمونەر تەاترىنىڭ سيمفونيا وركەسترى بەرگەن
جاقىنعى جىلداردان بەرى، ٴۇرىمجى سيمفونيا وركەسترى ىلگەرىندى ـ كەيىندى ”جياڭجيە“، ”قۇلداردىڭ ماحابباتى“سياقتى كولەمدى وپەرالاردى دايىنداپ، اۆتونوميالى رايوننىڭ جانە ٴۇرىمجى قالاسىنىڭ ٴتۇرلى كولەمدى كونسەرت قيمىلدارىن تالاي رەت ۇستىنە الدى، 1998 ـ جىلدان بەرى ٴۇرىمجى قالاسىنىڭ جاڭا جىل مۋزيكا ساۋىعىن ءۇرتىس 26 جىل وتكىزىپ، قالا مادەنيەتىنىڭ تانىستىرماسىن تۇلعالادى.
”قۇلپىرعان القاپ، تولعان اي“ اتتى جۇڭچيۋعا ارنالعان مۋزيكا ساۋىق كەشىنىڭ بەلەتى ساتىلا باستادى، جەكە ادامنىڭ بەلەت باعاسى 80 يۋاننان 260 يۋانعا دەيىن، كورەرمەندەر 91 بەلەت ساتىپ الۋ تۇعىرىنان ”قۇلپىرعان القاپ، تولعان اي“ كونسەرتىنىڭ بەلەتىن ساتىپ الۋىنا بولادى.
